論盡家傭今日: 0|主題: 134010

收藏本版

發帖

返回列表

跳至頁

查看: 1323 | 回覆: 3

工人打bb [複製鏈接]

熊貓仔媽媽

複式洋房

積分: 468

1^#

發表於 09-10-27 18:05 |只看該作者 |倒序瀏覽 |打印

我個賓賓照顧左我阿囡都差不多5個月, 其實一開始我已經覺得佢對阿囡一本, 例如, 好少同BB 玩, 無咩笑容, 對住BB都黑口黑面. 我都有同工人講過黎個問題, 我叫佢俾多D 時間俾BB, 佢就話阿囡唔鍾意佢. 老實講, 我個B 係細D, 但佢都唔好當佢傻, 邊個對佢好, 邊個對佢唔好, 佢一定知道. 個工人成日黑口黑面對住BB同我地, 唔好話BB唔高興, 我叫好想叫佢離開我間屋.

上個星期5晚, 我叫個工人同BB去厠所, 點知阿囡唔跟佢, 仲用手打佢, 個工人就係到不斷講: 你打我, 你唔鍾意我呀. 個時, 我仲教阿囡唔好打人, 不過阿囡當然無理我啦. 之後, 我同老公講返, 我地都覺得個工人應該有打過阿囡, 如果唔係咁, 阿囡又點會打人.

之後個日晚上, 我69同99上左我地屋企食飯, 阿囡一見到99 就好開心, 成日要99同佢玩. 因為我地要食飯, 所以99就叫工人湊開BB, 點知阿囡好大反應, 唔肯俾個工人抱, 仲用手打佢塊面. 一打就打左十幾下, 我地個個人都唔知講咩好, 因為我
個女20個月大, 我從未見佢打過人. 所以當時我未講左一句: 阿囡, 你做咩打姐姐, 邊個教你打人呀 ? 如果你再打人, 我就叫POLICE上黎屋企捉你, 係呢間屋無人有權打人.

我一講完, 個工人即係唔再出聲, 而且個樣仲好心虛.

點知之後我99仲話我, 佢話就算知個工人衰, 最多就換左佢, 唔好咁話佢, 因為擔心佢唔知會對阿囡點. 我都好擔心阿囡, 但唔通明知佢對阿囡唔好, 都唔可以話佢咩. 我唔出聲, 佢仲以為我咩都唔知