吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 冷靜到分左手都唔知?

夫婦情感今日: 22|主題: 42594

收藏本版

發帖

返回列表

跳至頁

查看: 8126 | 回覆: 23

冷靜到分左手都唔知? [複製鏈接]

raccoon0001

民房

積分: 25

1^#

發表於 09-11-30 17:26 |只看該作者 |倒序瀏覽 |打印

和男友拍了5年半, 同居
因為他本身都係一個大脾氣的人, 而我係好怕嗌交的人, 通常佢發癲 (如果唔關我事的), 通常選擇唔理佢.
如果關我事的, 會等佢冷靜一晚, 之後同佢講返
平常生活都係我照顧佢多, 當然佢都有負下責任啦

大約10 月的時候他的脾氣越來越大, 經常借意發我脾氣. 小則唔小心有碰撞, 佢都會整晚背住我
對我十分冷淡. 講親野都窒住. 當然手都少拖了. 係條街到唔識咁. 經常黑口黑面. 搞到我唔想返屋企
同時間, 我發現佢用電腦同電話都好鬼祟
因為一年前試過撞破網上識左個女仔見埋面, 所以人變得好敏感
當時都分開了一個月. 但事後我地無討論返成件事

曾經對於佢的脾氣傾過一次, 佢話可能係工作同佢自己家庭的壓力
但事情過去後, 情況並無改善, 更變本加厲

直到11 月頭, 佢同朋友去完街返來, 塊面又係灰不黑咁樣.
我忍唔住問佢發生左咩事, 係咪我好難相處
佢話唔係. 佢話一齊好耐時間, 好困, 好似係個焗爐咁
然後又話自覺d脾氣越來越大, 怕我頂唔順
又話感覺唔同左, 當我係親人咁, 好多野都係老奉
覺得呢一年個人唔同左
雖然我覺得係大約 10 月出問題, 但係佢話其實都有好幾個月
我真係唔細心

所以佢要求要有 3 個月的冷靜期去處理自己的問題

我有問係咪有第三者. 佢話無. 佢解釋如果有, 根本可以直接叫分手
但我直覺系有, 如果
而我有表示我擔心段關係會隨住呢3 個月自然死亡
佢就話我太負面, 強調係放大假, 如有變卦 / 需要, 可以再調整個時間

事情就係咁啦. 講完之後, 佢個樣好解脫
到我離開屋企時, 佢重主動擁抱我, 好似好唔捨得咁

而佢無搬走任何野返去佢自己屋企

到而家, 過左一個月. 我只係係好凍個一日 sms 佢叫佢返工唔好冷親. 而佢當時都有即時覆我.
而我同佢都無再有任何聯絡

我都好矛盾, 因為如果我搵佢, 佢覺煩就好累事. 除非我立下心腸同佢分開.
但係如果真係唔理佢, 我又怕佢以為我唔著緊段關係.
不過, 好明顯, 佢真係唔著緊. 或者佢 '放大假' 玩到天昏地暗.

我相信好多 mami 都覺得我應該趁未同佢結婚就好走了, 因為睇來都唔係好值得, 而反正看來我都好似被甩咁. 但係, 我真係覺得佢好老土, 如果你真係想分開, 唔該執埋d 野走啦.

我亦有懷疑過自己究竟係唔甘心, 唔習慣, 定係真係咁愛佢. 其實都真係愛佢的.

而家, 我都無野可以做. 盡量投入下生活. 無論佢返唔返來, 都係對自己最好的做法

0 0 0

私人傳訊

ume

公爵府

積分: 29804

2^#

發表於 09-11-30 17:58 |只看該作者

樓主，男人既愛同女人既愛係好唔同，男人既愛係好簡單，而且係比女人主動的，佢愛你或者對你仲有感覺係唔會捨得成個月都唔見你的，佢愛你會忍唔住找你的，就好似你SMS比佢一樣。我唔敢評論佢有無第三者，不過你這段感情巳經淡到可以唔見的，我相信你心裡都作了最壞打算。
如果我係樓主，我會放手，搬去一個沒有你和他回憶的地方重新開始，因為越早放手就能讓自己越早從失戀中recover過來，為另一段真正幸褔的愛/關係預備，總比為一段巳失去色彩既關係浪費青春，我覺得女人既青春比任何嘢都重要，青春用在懂得愛的人的身上才值得的。
雖然我完全明白知易行難，但你要相信傷心總會過的，到了這一天就絶對是你幸褔的開始。加油！

[ 本帖最後由 ume 於 09-11-30 18:02 編輯 ]

私人傳訊

小manman

翡翠宮

積分: 82961

3^#

發表於 09-11-30 18:18 |只看該作者

樓主:

我講野比較直接,希望你唔好介意~~~

我諗你同你bf呢段關係都凍過水,男人通常都唔會直接講分手,因為佢地唔想做衰人,但佢地會做一d令我地女人頂唔順的野,等我地主動講分手,到時佢地就唔使比人話~~~

你bf提出冷靜期成3個月實在太長時間,如果佢愛你點會可以3個月唔見,就算要冷靜最多唔一齊住,但都可以係weekend去街重拾初初拍拖時的感覺,即使唔見面都可以打個電話問候下對方,又唔見面連電話都無個,佢根本就完全唔在乎你~~~

聽你咁講,佢可能已經有第3者,就算唔係都已經有左目標,佢明顯想疏遠你,佢都話同你一齊好似困住咁,都已經暗示左唔想再同你一齊~~~

我好明你依架的感覺,有邊個未失戀過,呢個階段真係好痛苦,到你真係死左心就會有種解脫的感覺~~~

佢要同你分手,係佢唔識貨,係佢唔珍惜你,你要記住大把好男人等緊你,唔使灰心~~~

私人傳訊

chanbbheihei

大宅

積分: 1014

4^#

發表於 09-11-30 18:52 |只看該作者

其實我都覺得樓主做返d野, 比你bf知道你唔係白等佢, 唔係佢想同你一齊就一齊, 唔想一齊就唔搵你, 男人做左d野女人唔出聲, 佢地就會覺得個女人都唔覺得有問題就會繼續落去....男人有時真係好抵死, 你同佢分開時, 佢地就會諗返同女朋友既回憶, 如果佢愛你會搵返你....2年前我都同拍拖5年半既bf分開, 我迫問佢都係話冇第三者, 結果比我朋友係街見到佢拖住第二個女仔, 我當時都喊到死去活來, 3個月後佢有比較時就覺得我係最好, 想同我一齊返....佢話自己有心去改, 唔會迫我即刻選擇, 會用時間去證明....結果我地用左大半年既時間再一齊返....經過這件事, 我覺得男人係愛你既就唔會捨得你傷心, 更何況咁多個月唔見, 佢好似都唔諗你愛佢就會傷心咁, 佢地做得絕既話, 好大可能已經有第二個或者有目標....但做女人既唔可以比佢地覺得我地可以呼之則來, 揮之則去....

私人傳訊

raccoon0001

民房

積分: 25

5^#

發表於 09-11-30 20:21 |只看該作者

即係大家覺得我應該開口話分手?
我無力到直頭唔想面對佢
好想搵個人問佢, 但畢竟係兩個人的事

不斷在逃避 ...

[ 本帖最後由 raccoon0001 於 09-11-30 20:23 編輯 ]

私人傳訊

mother904

翡翠宮

積分: 79336

畀面勳章

6^#

發表於 09-11-30 21:44 |只看該作者

都係勸你唔好抱好大希望。

唔想親口講，或者你都唔好主動搵佢，三個月後就知佢仲會唔會搵你，大家都唔搵，就當結束重新開始新生活。

私人傳訊

wingcrown

珍珠宮

積分: 42525

叻叻勳章好媽媽勳章畀面勳章環保接龍勳章大廚勳章 BK Milk勳章

7^#

發表於 09-11-30 23:07 |只看該作者

香港咁多男人，冇話邊個冇左邊個唔得
佢搵返你，你都唔好ＳＯ佢tim ar...
上網會識到好多人，　你可以試下。

私人傳訊

wayso

瑪瑙宮

積分: 141689

環保接龍勳章

8^#

發表於 09-11-30 23:18 |只看該作者

原帖由 raccoon0001 於 09-11-30 20:21 發表
即係大家覺得我應該開口話分手?
我無力到直頭唔想面對佢
好想搵個人問佢, 但畢竟係兩個人的事

不斷在逃避 ...

問黎做乜丫,知亦無為,如果你想知,咪等多2個月,到時就知啦,或者你放鬆心情,到時係你唔要佢呢
講真,你都覺佢無咩好,向一齊你又唔係真係咁開心,唔好為d有咩唔可以清清楚楚講,鍾意拖拖拉拉嘅人浪費時間
或者你講得啱架,你未必真係仲愛佢,只係唔捨得(付出過嘅感情)/唔甘心/想得個知字都未定架
如我,我會走得有尊嚴,要比佢覺我無佢仲開心,亦信時間可療傷,每個結束,就係另一個開始嘅來臨

私人傳訊

moonforest

民房

積分: 78

9^#

發表於 09-12-1 09:21 |只看該作者

我覺得男人唔想同你一齊
就咩藉口都想得出
男人如果真係掛住你想同你一齊
你唔找佢佢都會找你
甘既然佢說三個月咪三個月囉
三個月之後無消息無任何動靜 or 再叫你比多d時間佢 (甘講一定係想拖得就拖):;pppp:
我覺得佢唁執好佢自己d野
咪你同同佢打包捐比救世軍再換鎖
狠心d 心腸一軟就唔知要等幾多年架啦
女人的青春就是本錢無得浪費架

私人傳訊

acheng

複式洋房

積分: 324

10^#

發表於 09-12-2 02:28 |只看該作者

如果樓主真係好愛佢 bf，寧願做後備，等bf 同第三者/目標散咗，先同返佢一齊，都唔同 bf 分手o既話，咁惟有祝樓主好運啦!

私人傳訊

Nancy20090615

瑪瑙宮

積分: 131799

11^#

發表於 09-12-2 23:00 |只看該作者

每一段開始左o既感情就預左有結朿o既一日, 您地未婚處理都較容易.

如果重有愛的成份, 唔會揀離開的, 佢有把握您呢三個月無第二個男人埋身嗎? 好明顯昆您啦. 佢唔會返來的. 等佢係傻女, 不過邊個未做過傻女/傻仔. 男人重鐘意條女便願意做熱狗中間的腸, 死都唔會走.

如果重鐘意您, 一個月無聯絡點得, 唔使關心下您有無患病之類? 佢咁若即若離, 返黎您盞辛苦. 一間又話放大假, 您無幾多時間等架.

私人傳訊

Oh!Baby

男爵府

積分: 9172

12^#

發表於 09-12-3 13:50 |只看該作者

樓主, 你情況正正同我以前一樣, 都好多年既事lu, 你唔洗等佢主動開口架啦, 佢都逃避緊你, 你自己執好佢d野, 知會佢一聲再call 佢d fd嚟攞, 唔攞hold多一個月就算數啦, 拖拖拉拉你永遠比佢拖住, 從新安排你自己既新生活, e d人自私又粫弱, 佢離開左, 佢自己以為已經解決架啦, 唔好比e d 人再誤你青春啦

若不是耶和華建造房屋，建造的人就枉然勞力；若不是耶和華看守城池，看守的人就枉然警醒。詩篇127:1

私人傳訊

666wing

男爵府

積分: 9031

畀面勳章

13^#

發表於 09-12-4 12:11 |只看該作者

3個月呢個期不禁令我聯想到他跟第三者有試用期

而他又唔知成唔成功...

於是佢而家拖住你....

私人傳訊

claudialuk

等待驗證會員

積分: 1845

14^#

發表於 09-12-6 16:03 |只看該作者

一個BF 可以一個月唔見你....你地'S 感情真係凍過水....亦証明佢玩得好開心.....

我自己好怕這些拖拖拉拉的關係...不愛就不愛,唔好玩我徙我時間....

樓主唔好徙時間了....搵定屋搬吧....這間屋有太多你們的回憶,你會好辛苦, 去一個新'S 地區, 搵間新屋,重新開始~ PACK 好佢既野, 通知佢,你要搬....叫佢黎拎, 亦乾脆話佢知,你唔再等佢了, 就咁結束算啦~

感情是相方的。佢選擇放棄你,自己出去玩, 去「抖氣」...你亦可選擇了結這段關係... 發球權不一定是他, 你也可以話事的~

私人傳訊

rose-mag

王國長老

積分: 172706

2024年龍年勳章 2024勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

15^#

發表於 09-12-6 17:04 |只看該作者

係仲愛你一個月唔見都難啦,何況三個月?如果可以成個月都唔搵你唔打俾你,好可能佢仲享受緊冇你嘅日子,何苦令到自己好似冇佢唔得咁~分開吓冷靜吓都係籍口嚟,如果佢分開後冷靜過後發現冇你仲開心,咁又點會返轉頭,除非佢發現個新歡冇咁好又或者發現始終你最好啦~

好多年前我都有個bf同我講話大壓力,想分開吓,我果個仲衰,係唔覺唔覺唔出嚟,大大話話甩底幾次,個個星期都話要同d朋友去打波,到出到嚟又當住我d朋友面前發脾氣,連我d朋友都覺佢唔妥,最後要我逼問佢先提出話要分開吓冷靜吓~到我已經習慣咗冇佢開始適應番,佢又成日打嚟仲約我去街,唔知點解我完全冇反應,佢食咗幾次檸檬之後就唔見人啦~

事隔幾年佢又打email俾我,仲話約出嚟傾吓,果時係聖誕,我踩佢都傻,後來先知佢之後果個月結婚,都唔知佢博咩~總之,男人愛你係唔會令係傷心架,一個只顧自己嘅男人再紏纏都係浪費時間,女人青春有限,要對自己好d先係!

[ 本帖最後由 rose-mag 於 09-12-6 17:06 編輯 ]

私人傳訊

reego

伯爵府

積分: 18035

2024勳章育兒性格勳章好媽媽勳章醒目開學勳章畀面勳章

16^#

發表於 09-12-7 08:25 |只看該作者

可能呢段期間，佢係同人試同居，你只係後備，冷靜期咪似分手期，無謂等一個只向自己發脾氣不懂愛惜自己的男友，決絕d快斬纜，2009快完，踏入2010係一個新開始！

大帽山下某條村落黃色的小屋，住有羊爸爸ammy、羊媽媽sandy、羊哥哥reego、羊細佬ricky！

私人傳訊

sleepyjo

民房

積分: 19

17^#

發表於 09-12-7 11:35 |只看該作者

raccoon0001 ,

我的情況同你一模一樣！
首先，唔好唔開心，亦千祈唔好諗自己有乜野做得唔好，　自己有乜唔０岩，唔好中佢計！！

我個case，同前度拍了六年，佢都唔係對我好０個隻，不過我做足哂本份，佢所有親友都覺得係佢好彩識到我。　六年後我對佢無計劃結婚or同居又對我冷淡好不滿，想分手，佢就後悔，然後就決定同居。
同居頭幾個星期都幾好架，我重以為自己好幸福。點知d幸福走得咁快，都未趕得切享受，佢就黎料。好似你０個個咁，　又發脾氣，又唔同我講野，　去街去到天光先返。發覺佢有古怪，check佢sms，　佢己經同人goodnight　kisskiss。
我重比機會佢，佢重話係做野問題心情唔好。我重成日諗，係咪自己唔夠好，同佢拍咁耐拖，因為佢成日發我脾氣，令我自尊都無哂，成日以為係自己差，唔夠其他女仔好，咁佢梗係出去玩啦。
用哂一切方法去挽救，佢都係對我好似仇人咁，可以成晚唔同我講一句野，‘呢‘係書房打機打到兩三點先訓。我唔開心，走出廳自己訓，佢都唔知，就算知，佢都唔理。

不過我好好彩，比我發覺到一d佢對我唔住的証据。我就決定分手嘞。根本無得選擇。佢重死口唔認架，　重話要我當佢出去抖下氣，話我迫佢迫到乜都無哂。

我傻女，我真係信佢。過咗一個星期，重返去求佢原諒我。佢仲睬我都傻咁。我搬走第一晚佢己經send　sms黎問我幾持搬埋其他野走。

好好彩，我走得甩。而家有一個好好好好既男朋友。佢教識我真正既愛係點既。

兩年後，我先係人地口中知道呢個衰人，曾經背住我做好多傷害我既事。

唔好信哂d男人講既野，　佢要對你負責任，佢同得你一齊，唔可以話當你係家私，放一邊就算。呢d男人比人縱壞，以為個世界要繞住佢轉。自私到咁。你要同佢講，你都有亞媽生，唔係佢件玩具，鐘意就囉黎玩，唔鐘意就覺得你阻住哂。

如果你仲愛佢，鬧醒佢啦！

[ 本帖最後由 sleepyjo 於 09-12-7 11:39 編輯 ]

私人傳訊

raccoon0001

民房

積分: 25

18^#

發表於 09-12-7 14:35 |只看該作者

各位. 其實, 我都無咩野期望. 就算佢返來, 我都要諗清楚. 因為有得一次就有第二次. 係可以好多好多次. 有問題, 點解唔大家解決要自己扮晒愁咁匿埋呢.

佢坦白講都還好, 而家簡直係想陰乾我咁.

我已經將佢d 野 pack 好, 但係我唔會叫佢搬走或者送返過去畀佢. 無理由到而家重要幫佢張羅任何野, 佢自己的事自己負責返. 因為個地方係我的, 唔係租人家的, 所以並唔係話搬就可以搬. 多左地方用, 我可以買多d 新衫 loo.

生活上都無咩問題. 係臨近節日就頭痛d. 都係返屋企過節啦. 工作都好忙, 都可以佔據好多時間. 加上我報左興趣班, 1 月上堂, 時間可以過得輕鬆點.

私人傳訊

wayso

瑪瑙宮

積分: 141689

環保接龍勳章

19^#

發表於 09-12-7 15:35 |只看該作者

原帖由 raccoon0001 於 09-12-7 14:35 發表
各位. 其實, 我都無咩野期望. 就算佢返來, 我都要諗清楚. 因為有得一次就有第二次. 係可以好多好多次. 有問題, 點解唔大家解決要自己扮晒愁咁匿埋呢.

佢坦白講都還好, 而家簡直係想陰乾我咁.

我已經將佢d 野 pac ...

好開心見你諗通過