自由講場

收藏本版
發帖
返回列表
跳至頁

首頁
1

尾頁
   0
CAROL_CHEUNG


大宅

積分: 1512


1#
發表於 09-12-18 11:38 |只看該作者
12/17，早上看見阿蚊非常平靜，像什麼問題都沒有似的，而早上醫生巡房都問係唔係打咗針(鎮定劑)俾阿蚊，而實情係乜都冇做。今天多個報告出了，阿蚊情況開始向好方向走，肺片開始好轉，白血球上升(抗生素開始有效)，痰少了好多，氣促問題減弱，阿蚊雖然未過危險期，但按目前情況一直落去，好結果機會非常大，可以講阿蚊條命再一次由何醫生同A10一班醫護人員齊心救回，為了阿蚊，睇到大家都盡心努力地付出，無論護理清潔，定觀察分析，"好轉"唔係必然！我亦非常相信大家的禱告力量，正因為只有我一個一定唔能夠成事，有你地一直支持與禱告，好轉了！
我想同你地分享我一個做法，一個大家都覺得有問題的方法，但妥善處理，效果其實係好好；好多人會叫我同阿蚊講多d好說話，唔好係佢面前講佢問題，而我一直都持相反意見，同阿蚊講實情先真係幫佢，唔好當阿蚊傻，同佢講冇事架，好快好番，明天會更好，一定會好番，佢係大病中的主角，有幾痛有幾辛苦，可以扼到佢嗎？我以身同感受咁講，這些說話只會令聽者更感到你唔明白佢感受。我唔係話剩係同佢講佢病情幾差，咁只會嚇壞佢，我信念係要阿蚊知道實情，亦要俾佢知我地點幫佢，同埋要佢點幫自己！今早我見阿蚊醒了，我同阿蚊講；你因為有肺炎，所以你先咁辛苦，我地幫你插喉係想幫你呼吸好d，醫生一直都好盡力咁為你找出治療方法，護士亦為你打針餵藥，而我一直會係你身邊同你一齊努力跨過這個難關，我地會幫你，醫好你，但一定要你一齊努力，你都要幫手，你要好好自己控制呼吸，有痰時就用力將佢吐出，然後慢慢呼吸(之前阿蚊有痰時會呼吸非常急促，心跳加快，滿臉通紅)，我地幫唔到你呼吸，只有你自己先做到，現在情況的確好危險，所以為咗同我地個女一齊，你一定要俾心機，努力做好只有你才能做到的那部分，好好控制呼吸！
從早上開始，好明顯見到阿蚊每當有痰時，佢自然會將呼吸盡量減慢，最初時有d困難，而我一直陪佢，同佢一齊數呼吸，到了中午，阿蚊己可以有效控制，到了晚上阿蚊直情可以唔使我出聲自己立即處理好有痰情況！今天阿蚊表現，就像告訴我，我都會努力，我都想為自己做d野。給病人參與抗爭，俾病人知道實情要佢一齊努力，俾佢地知道我地冇離棄佢，有時仲好過扼佢，俾d虛空的信念同說話。更重要係，阿蚊俾咗一個相當重要信息我；我要活下去，我唔放棄！
***********************************************************************
阿蚊爸爸的說話；
多謝大家一直為我女兒禱告，你們的禱告力量令我女兒仍能撐到今天，我有一個請求，我想相約大家同一時間為我女兒禱告，同一時間祝福佢，集合眾人一同的禱告力量。可以的話請於12月19日星期六晚7pm，無論你在何方，請一起為我女兒禱告，謝謝你。

http://hk.myblog.yahoo.com/carmen-anthony
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見