吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 點先可以戒片?

大仔大女媽媽會今日: 0|主題: 177860

收藏本版

發帖

返回列表

跳至頁

查看: 2921 | 回覆: 17

[2007年] 點先可以戒片? [複製鏈接]

hihihaha168

洋房

積分: 62

1^#

發表於 09-12-25 16:12 |只看該作者 |倒序瀏覽 |打印

阿仔至今從未成功自己去一次尿尿.佢一唔用片就狂喊，試過沖涼氹佢企係到去又唔肯，都無晒符!

0 0 0

私人傳訊

yennie

男爵府

積分: 7039

好媽媽勳章畀面勳章

2^#

發表於 09-12-26 02:32 |只看該作者

我都仲未開始同亞女戒片
我老公唔主張大人做主導同佢戒，要等個小朋友有意識話畀我地知佢地要去厠所先好開始
我大女３歲前又係好似你仔仔咁，我每次試上放佢喺厠所，佢都無次去到㗎！
所以我大女都要啱啱３歲前先戒到片！
呢d野真係唔急得

細女幾日前突然同我講話要poo poo
我都畀佢嚇咗嚇
帶佢去toilet佢又真係去到喎！
我可能都就快同佢potty train啦

當然，有d父母係會耐唔耐放小朋友喺potty到，睇下佢地去唔去到啦
睇下你用咩approach 啦
我個人嚟講就會慢慢等小朋友ready先啦

私人傳訊

BBG1

公爵府

積分: 27836

親子王國15週年勳章

3^#

發表於 09-12-28 11:33 |只看該作者

多D讚下佢啦！

私人傳訊

linglingng

別墅

積分: 844

4^#

發表於 09-12-30 10:19 |只看該作者

我都冇刻意同呀囡介片. 返咗學後學校反而幫佢介咗. 依家連夜晚瞓著都冇痾. 有日佢晚7:30 瞓著到第二朝9:00起床都冇痾. 之後去廁所痾都好大篤尿. 我覺得順其自然會好 d. 我有個朋友佢個囡好細個就幫佢介片. 仲每晚叫個囡起身去痾尿. 驚佢尿床. 依家佢都後悔幫個囡咁早介片. 佢話搞到個囡身體都差咗. 依家佢個仔佢都唔敢幫佢介片,但佢個仔都返緊 N1, 但學校冇幫佢小朋友介片. 我諗都係睇學校. 淨係介片我個囡間學校 d 姐姐同老師都唔嚴麻煩. 仲叫我放心比呀囡唔著片. 賴尿濕咗佢地會幫佢換. 所以都係果句順其自然.

私人傳訊

trintrinmum2007

大宅

積分: 4585

好媽媽勳章

5^#

發表於 10-1-1 10:01 |只看該作者

唔好心急, 等小朋友ready先啦. 佢地ready, 介都介得快啲架. 我個女已介片個幾月(只係day time, 夜晚仲要著片訓), 只係用咗1日就介到.

不過我而家有另一個煩惱, 佢只肯在potty去, 係屋企唔肯坐廁所. 出街更加唔肯去toilet (我抱佢去, 佢keep saying NO, 一啲都去唔到.) 佢好急都唔肯去, 佢會忍. 一返到屋企, 即刻要坐potty. 我而家出街唔敢比佢飲太多水, 唔敢去得太耐, 好大壓力呀.

原帖由 hihihaha168 於 09-12-25 18:12 發表
阿仔至今從未成功自己去一次尿尿.佢一唔用片就狂喊，試過沖涼氹佢企係到去又唔肯，都無晒符!

私人傳訊

cmarcus

複式洋房

積分: 258

6^#

發表於 10-1-4 02:14 |只看該作者

我個女而家2歲4個月,早個幾月前佢會自己出聲痾尿尿(day time),但就唔肯喺toilet痾,果時我地以為戒到,但近排唔知點解唔出聲話痾尿尿,只喺有時痾屎屎時會出聲痾埋尿,其實我知佢有意識急尿同痾尿,只喺有時佢唔肯出聲,所以我都唔迫佢,順其自然,我覺得D小朋友自自然然會戒

私人傳訊

tungsfamily

別墅

積分: 703

7^#

發表於 10-1-4 02:21 |只看該作者

I have brought a DVD call "elmo's potty time"

after my baby see the dvd.. she have a very good concept what is wee wee

my baby 80% of daytime w/o using nappy....

私人傳訊

SEricsson

男爵府

積分: 6171

大廚勳章

8^#

發表於 10-1-5 11:25 |只看該作者

我從來唔主張既所謂"順其自然". 自然既意思係, 當小朋友係身體上準備好, 18個月大開始, 有些會遲D, 因應個人不同, 而且言語/行為可以表達到, 咁叫做自然ready, 而唔係父母費事煩, 就"順其自然".

小朋友戒片時間最好係在18個月至3歲, 一般黎講, 正常小朋友(有病除外)係呢個時間內train佢, 佢係習慣得最快. 若錯過左呢段黃金時間, 在3-4歲後才做potty training, 效果事倍功半.

我2個仔都係2歲就唔使著片, 去街都唔使著, 細佬依家大部份時間夜晚都唔會整濕條片, 天氣暖D, 我就唔會俾佢著片瞓覺.

小朋友戒左片, 對佢黎講係一個大進步, 大成長, 好有滿足感, 所以學校都注重呢樣野, 嘗試俾佢地定時上厠所. 因佢地不壓其煩, 大多數小朋友就係學校戒左片. 有時係父母唔想煩, 又怕做野, 因為真係好dirty, 好多功夫, 加上唔知點做, 就"順其自然"啦, 這就令小朋友失去左一個學習失敗/嘗試成功的機會.

對我黎講, 小朋友戒左片, 係一大快事, 起碼在夏天唔使整條厚厚既片, 講真, 夏天咁熱, 你用衛生巾都覺熱啦, 仲話佢佢著住條片. 對大人黎講, 可以慳返不少金錢買尿片. 對環境黎講, 可以減少資源既浪費, 減少癈物既製告.

我自己都失敗過好多次, 至可以有成功既一日, 想成功, 係要付出.

[ 本帖最後由 SEricsson 於 10-1-9 09:30 編輯 ]

私人傳訊

SEricsson

男爵府

積分: 6171

大廚勳章

9^#

發表於 10-1-5 11:31 |只看該作者

我諗你個friend用錯左方法戒夜片, 我從來唔會叫醒小朋友起身疴夜尿. 因為會打斷佢休息. 戒夜片, 只要睡前唔好俾咁多水佢飲, 戒睡前支奶, 慢慢就會好轉, 半路中途叫佢起身, 我都唔老like!

原帖由 linglingng 於 09-12-30 10:19 發表
我都冇刻意同呀囡介片. 返咗學後學校反而幫佢介咗. 依家連夜晚瞓著都冇痾. 有日佢晚7:30 瞓著到第二朝9:00起床都冇痾. 之後去廁所痾都好大篤尿. 我覺得順其自然會好 d. 我有個朋友佢個囡好細個就幫佢介片. 仲每晚叫 ...

私人傳訊

Raymondeva

大宅

積分: 1376

好媽媽勳章

10^#

發表於 10-1-26 16:30 |只看該作者

我都讚成小朋友係要教 & 要訓練的. 唔教邊識, 唔訓練邊成功.

我個囡 8個月左右已經俾佢嘗試坐 potty, 佢起初係有抗拒, 但試咗2 ~ 3 次就無事, 約1歲前佢已經無係尿片痾便便, 記得約 13個月大帶佢去旅行時, 佢都係夜晚返酒店, 除咗條片先肯痾便便.

尿尿就大概 2歲前戒, 連夜片都戒埋, 依架佢係會好清楚咁講, 要痾尿 or 痾屎.

原帖由 SEricsson 於 10-1-5 11:25 發表
我從來唔主張既所謂"順其自然". 自然既意思係, 當小朋友係身體上準備好, 18個月大開始, 有些會遲D, 因應個人不同, 而且言語/行為可以表達到, 咁叫做自然ready, 而唔係父母費事煩, 就"順其自然".

小朋友戒片時間最 ...

私人傳訊

Raymondeva

大宅

積分: 1376

好媽媽勳章

11^#

發表於 10-1-26 16:51 |只看該作者

樓主唔好放棄, 每個小朋友的時間表都唔同, 有d 會好快戒片, 有d會遲d, 但只要俾 d 耐性去指引佢, 佢一定可以做到的.

如果小朋友偶然成功, 要大力d鼓掌.

俾多d鼓勵佢去嘗試. 會得架!! 加油 ~~~ 努力啊!

原帖由 hihihaha168 於 09-12-25 16:12 發表
阿仔至今從未成功自己去一次尿尿.佢一唔用片就狂喊，試過沖涼氹佢企係到去又唔肯，都無晒符!

私人傳訊

becky2914

別墅

積分: 606

12^#

發表於 10-4-8 03:10 |只看該作者

就快讀K1 ar!我個仔仲未戒到片，最近仲退步連便便都賴得，又唔肯出聲，返學惦算！

私人傳訊

CarmenK

大宅

積分: 2020

13^#

發表於 10-4-12 23:40 |只看該作者

我阿女係突然之間識叫 ve ve / boo boo
由上年夏天開始(around20個月), 我已經開始train佢坐potty/坐toilet/唔用片, 但整個夏天都失敗..
冬天, 當然同佢著番片, 我亦有個個鐘問下佢, 要唔要ve ve呀.. 之類... 擺佢上potty, 都係無得出, 點知一放落地, 條片就濕..

今年2月有一日, 阿女2歲半, 佢突然同我講, 要去ve ve...
我莫名其妙, 抱佢上toilet, 點知真係有ve ve出...
果日之後, 阿女就拒絕喺片上面ve ve/boo boo..
仲要求坐toilet ...

所以, 我諗, 係要train, 但train還train, 你教完佢都未必做到, 點都係要等到小朋友ready果一刻, 件事先叫成功.

私人傳訊

moon~

男爵府

積分: 9703

14^#

發表於 10-5-25 22:58 |只看該作者

我仔仔又係, 一除片就死都唔呵, 又發脾氣+喊.....都唔知點好.....

私人傳訊

MamaQueen

大宅

積分: 4016

15^#

發表於 10-5-26 12:32 |只看該作者

原帖由 moon~ 於 10-5-25 22:58 發表
我仔仔又係, 一除片就死都唔呵, 又發脾氣+喊.....都唔知點好.....

I have the same problem.

私人傳訊

djlee

大宅

積分: 1510

16^#

發表於 10-5-26 12:35 |只看該作者

同意. 要好有耐性train完又train. 係屋企唔使用片, 無論佢有或無, 可以每隔15分鐘同佢去厠所, 等佢慢慢習慣及意識到要咁樣.

私人傳訊

yukto

大宅

積分: 1289

17^#

發表於 10-5-26 14:26 |只看該作者

我都用了個多月同阿仔做鋪墊,例如佢好憧憬返學會好開心,我就同佢講「如果仲用片片,老師或嬸嬸未必有時間替佢換片!因為她們有好多嘢要做,到時佢就好污糟(佢最怕污糟)」又不時同佢留意身邊好多同佢年紀差不多嘅已經唔再用片片的小朋友;話俾佢知冇片片嘅好處,例如:佢好恨去街,我又乘勢同佢一齊執拾要出街的用品,會話個訊息俾佢知,每次出街,啲尿片佔了好大的空間,會影響到佢買的東西會冇位擺,媽咪拿很多東西,好重,如果片片數量唔夠,唔可以去好遠,同唔可以去好耐.....

令佢知道其實可以牽連好多嘢,終於在過年去旅行時(9天),佢見個篋有成一半都放了片片,玩到最後兩天又要去當地超市買尿片,佢自知帶了很多麻煩俾我哋!

到旅行返來第二日,在家日頭時間就唔俾佢用片,再每半小時至一小時提佢,直至三四次就習慣了亦成功就戒了,話都冇咁快!

當時佢仲好鬼神氣,話自己大個仔,要送哂啲片片俾表妹喎...

反而我自己對他冇信心,在夜晚時要佢用返片(其實佢嗰陣已經好一段日子係每早起床時條片根本冇濕過,我就知佢係有意識嘅)現在諗返我要佢夜晚用嗰陣,佢係都唔肯再掂/接觸啲尿片,好似再用尿片會好冇面咁嗰個樣,超搞笑....

「後遺症」:
而家佢感覺到冇片嘅自在,可以去耐啲街,買多啲佢想要嘅東西,同埋去親食肆同商場都心思思要去"探"吓個洗手間囉!又係另一種體驗囉.....

[ 本帖最後由 yukto 於 10-5-26 14:27 編輯 ]

私人傳訊

elbb

大宅

積分: 1130

18^#

發表於 10-6-9 11:16 |只看該作者

Hi SEricsson,

Totally agree with you, my son will be very angry when I wake him up to vv at night time. He did not need to wear diaper daytime but I don't know how to 戒埋夜片?? Please give me some advice.

elbb