自由講場

跳至

首頁
1

尾頁
   0


水晶宮

積分: 57600


1#
發表於 10-1-29 13:02 |只看該作者
的士落斜腳掣失靈 「驚同部車一齊撞」女藝員李穎芝跳車逃生受傷
【本報訊】落選港姐、無綫電視女藝員李穎芝,昨晨乘的士往大角嘴拍劇途中,的士駛至何文田佛光街落斜時,疑腳掣失靈左搖右擺,李穎芝在 15秒的生死一念間,決定不顧一切開門跳車逃生,結果倒地雙腳受傷。的士續溜前 60米始停下,李事後頻呼:「好彩後面冇車咋,家諗番起都驚!」昨晨 7時許,李穎芝在紅磡高山道截乘由 53歲姓徐司機駕駛之的士,前往大角嘴奧海城拍攝《女人最痛》劇集。的士駛出佛光街沿中線落斜期間,徐發現腳掣失靈,「踩極都冇反應」。李穎芝形容當時好似「跑馬仔咁窒吓窒吓」,整部的士左搖右擺,「我見到個司機拉手掣,仲聽到 act一聲。」惟的士仍不斷溜前,嚇得她失聲大叫:「發生咗乜嘢事呀?」徐當時拉起手掣手忙腳亂說:「我都唔知道!」
放大圖片
的士在何文田佛光街落斜失控,李穎芝跳車後,的士溜前 60米始停下。
放大圖片
肇事的士司機在現場接受酒精呼氣測試。
的士溜前 60米停下 放大圖片
救護員在現場為李穎芝包紮時,她面露痛苦表情。
徐拉起手掣仍未能煞停的士,繼續溜前,李穎芝事後說:「我驚部車有事呀,個腦諗緊跳唔跳車好,如果唔跳,驚同部車一齊撞!」就在這生死 15秒間,她決定解開安全帶,打開左後門跳車,一仆一碌跌在慢線。的士則以慢速溜前 60米,至佛光街房委會總部對開始告停下,並無損毀。司機下車走回頭查看李穎芝情況,還問她是否繼續乘車,李穎芝當時右腳膝蓋、左腳腳踝分別擦傷及扭傷,她自行報警求助。救護員到場替她包紮後送院治理,警員則召拖車將肇事的士拖走檢驗。李穎芝經治理後無礙出院。
落選港姐晉身娛圈 李穎芝事後猶有餘悸,但不會因此怕乘的士,「其實都唔關個司機事,係架車嘅問題。」無綫外事部副總監曾醒明表示,李穎芝已向劇組請假三天,由於她在新劇中佔戲不多,不會影響拍攝進度。姓徐肇事司機則指李穎芝是他昨日開工首名乘客,又謂事發時車速很慢,「佢唔係跳車,係行落車啫!」現年 23歲的李穎芝洋名 Wendy,香港出生,早年舉家移民美國, 04年在當地參加紐約華裔小姐競選,與陳法拉同進入最後五強,最後不敵落敗; 06年回流參選港姐亦鎩羽而歸。其後她參加藝員訓練班,正式成為無綫合約藝員,曾在無綫遊戲節目《一擲千金》中擔任其中一名千金小姐,亦在劇集《宮心計》中演過婢女、在《畢打自己人》演過女藝員一角。
李穎芝跳的士示意圖
放大圖片
1)李穎芝乘的士沿佛光街行駛時,的士腳掣失靈,左搖右擺,司機拉手掣惟的士仍溜前
放大圖片
2)李穎芝大驚失色打開左後車門跳車逃生,雙腳受傷
放大圖片
3)的士溜前 60米至房委會對開始煞停,司機落車回頭找李穎芝,李報警求助
「跳車傷亡機率仲大」 【本報訊】的士疑腳掣失靈無法煞車,李穎芝不顧危險跳車逃生,專家認為遇上此情況,司機及乘客應保持鎮定,司機除拉手掣減速,亦應盡快轉低波,並應響號通知其他道路使用者,而乘客則應扣緊安全帶,俯身抱頭屈膝保護頭部,將意外的受傷程度減至最低。
拉手掣小心車擺尾 香港駕駛學院車隊培訓及發展經理謝錦華表示,腳掣失靈可能與長時間使用腳掣,令煞車系統過熱失效有關,肇事司機在過程中拉手掣做法正確,但要一按一放「就住拉」,以免的士擺尾,並應盡快轉低波,同時響號警告其他道路使用者。謝直言李穎芝跳車僅受輕傷非常好彩:「跳車可大可小,跌落地撼到石頭、玻璃,可以好重傷,所以乘客應扣好安全帶,俯身雙手抱緊頭部,減低傷亡。」香港汽車工業學會會長李耀培也表示,乘客跳車非常不智,「後面有車會輾過跳車嘅人,傷亡機率仲大。」他建議司機遇事時盡快轉低波及拉手掣,如仍未能煞車,應靠左將車身挨住牆身或防撞欄以求停車,但切勿藉撞牆或欄杆煞車。他建議的士行駛約 9,000公里便須作檢查。


女藝人李穎芝跳車後雙腳受傷,憶述意外時仍心有餘悸。文兆麟攝


複式洋房

積分: 337


2#
發表於 10-1-29 13:15 |只看該作者
我覺得唔跳好過跳, 若佢跳車, 個人訓係馬路中心, 後面架車見唔到佢或收掣不及仲大獲.


公爵府

積分: 27262

hashtag影視迷勳章


3#
發表於 10-1-29 13:43 |只看該作者
佢以為自已拍緊戲?!


大宅

積分: 2756


4#
發表於 10-1-29 15:20 |只看該作者
睇完我真係笑左


伯爵府

積分: 15140


5#
發表於 10-1-29 15:29 |只看該作者
禁慢就算撞都唔會死啦,個司機重驚過你啦,話晒佢都係坐前面,禁跳車法d車睇你唔到車死你呀!mouth:


寶石宮

積分: 415537

2018父親節勳章 2018母親節勳章 2018復活節勳章 15週年勳章 親子王國15週年勳章 親子王國15週年勳章 畀面勳章 BK猜猜猜慶中秋 BK Milk勳章 hashtag影視迷勳章 最關心BB問題熱投勳章 美好大世界2017勳章 開心吸收勳章


6#
發表於 10-1-29 15:35 |只看該作者
打開左後門跳車,一仆一碌跌在慢線。


禁止訪問

積分: 299


7#
發表於 10-1-29 15:38 |只看該作者

回覆 1# Nightcat 的文章

提示: 作者被禁止或刪除 內容自動屏蔽


珍珠宮

積分: 42413

好媽媽勳章


8#
發表於 10-1-29 15:38 |只看該作者
佢係咪傻嫁


禁止訪問

積分: 299


9#
發表於 10-1-29 15:55 |只看該作者
提示: 作者被禁止或刪除 內容自動屏蔽


禁止訪問

積分: 153


10#
發表於 10-1-29 16:23 |只看該作者
提示: 作者被禁止或刪除 內容自動屏蔽


翡翠宮

積分: 92466

2025勳章 2025勳章蛇年勳章 好媽媽勳章 醒目開學勳章 畀面勳章 環保接龍勳章 大廚勳章 BK Milk勳章


11#
發表於 10-1-29 16:48 |只看該作者
原帖由 1928mickey 於 10-1-29 15:35 發表
打開左後門跳車,一仆一碌跌在慢線。


我知我唔應該笑,不過你寫得好好笑!


男爵府

積分: 5008


12#
發表於 10-1-29 18:15 |只看該作者
嘩..邊個駕駛者..無啦啦遇著佢就慘啦..一陣車到佢又被人告~~

佢係唔係傻架mouth: 係車到都叫有個榖保護住..
自己跳出去..唔毁容都
一陣比車車到...重傷啦

仲話係港姐...無腦港姐一個


男爵府

積分: 5008


13#
發表於 10-1-29 18:18 |只看該作者
我笑到收唔到聲..真係好精彩


男爵府

積分: 7450


14#
發表於 10-1-29 21:27 |只看該作者
唔跳仲安全,萬一後面有車駛近,咪c硬

首頁
1

尾頁

跳至