論盡家傭今日: 0|主題: 133933

收藏本版

發帖

返回列表

跳至頁

查看: 820 | 回覆: 1

我的故事 [複製鏈接]

hehamom

大宅

積分: 2660

1^#

發表於 10-1-31 01:43 |只看該作者 |倒序瀏覽 |打印

好耐無上黎, 因為自以為終於請左個好工人, 唔洗上黎偷師同報料呻下.
點知三個月後嘅今日我又要上黎….

故事係: 四個衰工人後, 我唔想再試啦, 因為已/未結婚; 完/斷約; 本地/海外都請過, 但最後個個都比我炒左.
於是我搵番第一個工人, 佢三年前比我炒係因為愈做愈懶, 我地去左旅行一個月佢自己係屋企, 照顧兩隻狗, dum懶哂…但總括黎講都算鍚我個當時一歲多嘅女. 咁於是我同老公就寫信比佢(佢份合約我仲保存)問佢想唔想返黎幫我, 仲留左電話叫佢收到信後打電話比我.

等啊等, 兩個星期後我收到佢電話, 佢好興奮話想返黎幫我, 話好掛住我個女同我(但其實三年前我係憎佢憎到無同佢講byebye). 咁我話而家唔止阿女, 仲有細佬一歲多, 而其他野就無變.佢好開心咁答應, 仲叫我等佢…

咁所有野都好順利, 除了佢passport 到期要再搞. 我日日打去入境處追, 終於三個月左右佢到咗. 佢day-1入屋, 我地好似朋友咁久別重逢, 我就話比佢知等佢熟識咗家事, 搞點阿仔, 我就搵工, 而阿仔其實9月都會返全日班, 8am-6pm (會家姐而家都係). 所以係呢6個月辛苦, 但之後就好好做, 因為只得佢一個…佢答我唔怕太太日日係到, 而細佬都好乖, 好易湊.佢話自己今次會比心機, 唔會好似三年前咁懶, 會珍惜份工. 想同我打4年工, 想儲錢起屋同比個女讀書.

如是者我地相處得好好, 頭兩個月我同老公好似置身於天堂咁…有一日工人個家姐黎探我工人,我好大方咁比佢地兩姐妹相聚, 惡夢就開始!!!!!!

佢家姐話我工人好辛苦, 要湊兩個小朋友, 太太唔返工, 有兩隻狗(但唔洗佢理任何野, 我同老公自己洗澡同散步)…咁之後我個工人就開始變喇! 唔知醒, 唔拖地(話無時間, 但其實遲起身, 但又慢慢食早餐, 慢慢去梳洗…), 總之又變返三年前, 仲要更懶更多花樣.

第三個月, 佢話我成日批評佢, 要唔做. 咁我話佢無做錯我就唔批評佢啦! 但佢堅持走.
我叫佢留到我新工人黎, 佢唔制.
我叫佢留到二月底, 佢唔制. 我個agent話我知, 佢想搵個份工係太太唔係屋企, 無bb, 小朋友要返全日學, 唔湊老人家….仲強調佢自己唔怕辛苦.

最嬲係, 比佢搵到另一份工, 雖然無佢要求咁, 但真係好嬲咁都比佢搵到!!!!!!!! 兩次黎香港, 兩次都斷約, 咁都有人請!!!!!