大仔大女媽媽會 今日: 0 | 主題: 177860

積分: 195

1^#

發表於 05-4-5 15:11 |只看該作者

唔該各位俾意見

我已有兩個小朋友，一個快將６歲，一個６個月，現有一問題，我１２月就要湊多一個初生ＢＢ，係老公個細佬既，佢吔兩公婆已開口到時候要我湊，奶奶都話要我湊，仲要湊過夜，我打算開口拒絕，但我老公話冇所謂喎，自己屋企人咪幫吓手囉，但問題在我個ＢＢ到時先得１歲多少少，好易呷醋嘛，又可能會好黏身，到時都唔知湊得邊個好，仲有我個大仔又升小一，仲要誇區返學，初時諗著自己辛苦啲帶佢返學，話晒佢要面對新環境，我自己緊係跟貼啲好，如果真要湊多一個，我都唔知點算好？！我怕到時候我會冇晒時間照顧大仔，因佢現在都呷醋我成日抱著妹妹．
唔該俾意見我參考吓！

我家有兩個小寶貝,願小寶貝健康快樂

only 2months & 4 days until Long's birthday

私人傳訊

CrystalMok

積分: 1368

好媽媽勳章

2^#

發表於 05-4-5 20:03 |只看該作者

Re: 唔該各位俾意見

我想應該要開口拒絕,大仔上小一其實都仲好細個,佢要面對新的環境同朋友仔,係一個極大考驗!加上功課會開始多,又好需要你們睇住,加上他現在已呷醋如果你仲湊多個,時間更少,根本邊兼故到咁多!我有朋友就算唔係你咁都為o左小朋友上小一而做全職媽咪,其實如果經濟許可我都會!小學開始係關鍵時刻!另外阿女到時又識走路了,時時刻刻都要睇到實,一歲都仲要食粥你仲要每日搞pun粥,邊有咁多時間仲故多個初生!
人一定有私心更會給最好的給自己仔女,到時湊得唔好又好多說話聽咁辛苦又唔討好可必呢!
你同你老公講你想唔想自己對仔女得到多o的關心,令佢地開心o的,呢o的係要用時間同心機,湊多個時間同心機就分溥了!
希望幫到你啦!

私人傳訊

西米

積分: 1571

3^#

發表於 05-4-5 20:22 |只看該作者

Re: 唔該各位俾意見

坦白講, 邊度可以湊到咁多個兼顧到咁多個, 初生都唔係唔知道一定好難搞萬中無一會係食完就同你瞓囉, 到時都唔知理得邊個, 仲有喎幫人湊仔個壓力大過湊自己個bb, 萬一有咩閃失都唔知點賠, 更何況呢樣野真係無得賠架喎. 我媽咪幫我湊都成日開口講話如果有一日真係跌親你個仔你唔好怪我喎, 講真我真係唔會亦無辦法怪佢囉, 鬼叫自已要搵食無本事做全職媽咪咩.

私人傳訊

giy2000_hk

積分: 390

4^#

發表於 05-4-5 21:47 |只看該作者

Re: 唔該各位俾意見

姬絲汀：
應承人地o個d唔係全日照顧小孩們的，
要湊小孩們的你未發言，有人已經同你 say yes！
到時湊到你身心俱疲，
受苦的不只是你，仲有你的孩子們。
我支持你拒絕，

可以先同你老公講聲，由佢開口同佢地講，
佢唔肯至再由你開口。

而家請個工人都係幾 k，
叫佢地搵個返o黎仲好~

私人傳訊

小倩

王國長老

積分: 144526

2026勳章 2025中秋節勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章玩具勳章畀面勳章叻叻勳章有「營」勳章趣教勳章好媽媽勳章醒目開學勳章 2011至尊種植勳章環保接龍勳章大廚勳章 wyeth冷知識勳章睛靈勳章王國長老遊學勳章 BK猜猜猜慶中秋冬日勳章春季勳章炎夏勳章秋日勳章 hashtag影視迷勳章

5^#

發表於 05-4-5 21:53 |只看該作者

Re: 唔該各位俾意見

嘩... 你老公平時有無幫手湊仔O架?? 點解佢講到湊BB好似食生菜咁O既?? 如果屋企有工人的話, 都勉強可以同佢睇佢一陣... 湊過夜? 免問!!
其實依家好多人會同人湊BB, 又有托兒所... 點解仲要一個家有BB的人同佢湊呢??

私人傳訊

wen1111

積分: 134

6^#

發表於 05-4-5 21:57 |只看該作者

Re: 唔該各位俾意見

我都覺得如果得你湊三個小朋友係無可能架,
有工人或奶奶做主力, 你做幫手或者係可以架,
湊一個初生既bb你都經歷過無日無夜的日子啦,
佢晚晚唔訓, 日間你都無得訓架, 要湊細又要你帶大仔返學, 無可能, 唔好現在應承左人到時幫唔到仲閉家火!
你都無體力去做好做媽咪既本份你仲點去幫人呀!
同你老公講啦!

私人傳訊

積分: 195

7^#

發表於 05-4-6 12:20 |只看該作者

Re: 唔該各位俾意見

多謝各位既意見，
其實我已同老公講過，佢話佢細佬冇經濟基礎，弟婦打工要養外家及供細妹讀書，本來佢哋諗著搵奶奶湊，但奶奶身體唔好湊唔到ＢＢ，如果搵外人湊佢哋負擔唔起，而且又唔放心，我老公已向佢哋提過，我已經要湊兩個恐怕我兼顧唔到咁多，如果佢哋真係搵唔到人湊先幫佢哋，講就係咁講咗，但佢哋仍然要我湊，仲問埋我到時可否幫佢哋買奶粉尿片及其他ＢＢ日常用品，咁樣難道仲唔確定係我湊．

我家有兩個小寶貝,願小寶貝健康快樂

only 2months & 4 days until Long's birthday

私人傳訊

lui_BB

積分: 8236

8^#

發表於 05-4-6 12:56 |只看該作者

Re: 唔該各位俾意見

姬絲汀

嘩~嘩~嘩~既然佢地冇經濟基礎o甘學咩人生bb呀~ 仲有呀, 問你可唔可以到時可否幫佢哋買奶粉尿片及其他ＢＢ日常用品, 當你工人咩, 又要你幫手湊bb, 仲要幫佢地買埋野, 會唔會有點兒過份呀~

其實你真係要好好考慮清楚wo~ 你自己已經有兩個小朋友, 點都要為佢地兩個著想先(你話我自私都係o甘講), 而且你未叫佢地去交去托兒所, 再向政府申請減免law~ 仲有, 點解佢地要係湊過夜, 連夜晚都唔自己湊, 真係想問佢地生黎仲咩呀, 佢地知唔知, 對個小朋友既心理會有影響嫁

真係越講越火呀, 真係想

私人傳訊

rabbit_chan2222

積分: 3548

9^#

發表於 05-4-6 14:16 |只看該作者

Re: 唔該各位俾意見

姬絲汀,
我都覺得你應該同佢地講與其要你同佢地湊，
你一個人兼顧吾到三個小朋友，倒不如要佢地將個小朋友交去育嬰園D專業人士湊，仲可以申請政府資助。
而且媽咪生完BB有產假架mar, 點解要你湊？
等佢地生左出黎就吾會舍得個BB向人地度過夜架,
其實你個弟媳婦都有屋企人，點解吾要佢地湊呢？
仲有，如果你老公咁闊佬要買埋BB用品比佢地，
不如請埋個工人幫手lar,仲可以照顧埋你兩個小朋友，

私人傳訊

icoico

積分: 2167

10^#

發表於 05-4-6 17:13 |只看該作者

Re: 唔該各位俾意見

姬絲汀
你叔仔2公婆都幾野蠻個喎, 明知你咩處境都要你湊, 佢地經濟差唔係一個理由law, 生得出就要有責任照顧bb, 要俾佢地知湊一個b係幾咁唔簡單, 唔係話夾硬搵人湊就乜都唔理, 方法有好多, 可以好似其他媽咪話育嬰園, 或者俾佢外家湊都得架, 只係佢地巳經認定要你湊, 所以就大安指意, 諗都唔駛諗

你態度一定要強硬d, 仲要同老公分析你地而家既狀況, 等佢都支持你, 一定要推左佢細佬個要求呀

私人傳訊

維尼bb

積分: 6179

11^#

發表於 05-4-6 17:34 |只看該作者

Re: 唔該各位俾意見

我覺得叫得人揍,點都要買日用品, 佢咁樣令我覺得佢唔會俾番錢你.
二來, 如果你有咩事要出街, 唔通前後揹一個, 拖一個咩??!!!
impossible囉．

或者咁講，而家ｍａｙｂｅ都得，　如果當個個小朋友識行識走，　到時你連飯都唔使食，　剩係煲俾佢地食，　換下片，　暗下佢瞓，　餵下佢地食，你去ｔｏｉｌｅｔ都唔得呀．
如果揍唔掂，　點學人生ｂｂ呀．

私人傳訊

積分: 195

12^#

發表於 05-4-6 18:12 |只看該作者

Re: 唔該各位俾意見

多謝各位,
唉...一言難盡,叔仔兩公婆都因為有咗先奉子成婚,好閃電式,當我知道時佢哋女家已經擺咗酒,排埋期註冊,所有嘢都係由奶奶講返出黎先知, 我聽到

,點解女家擺酒唔叫埋男家親戚,唔好話姨媽姑姐嗰啲,至少阿哥家姐都要到掛,冇架,嗰日男家至得我老爺奶奶到咋,你哋話離譜嗎?所以我聽到眼都突,有冇搞錯

佢哋原本冇打算咁早結婚,意外有咗都問過奶奶要唔要好,但奶奶話要,弟婦已講明自己要做嘢養家,因為佢係單親家庭,對下仲有細佬妹要養,如只得佢媽咪份工係唔掂,叔仔份人工又唔多,所以BB咪要搵人湊,其實奶奶好恨湊孫架,但奶奶話自己身體唔好喎,(我話佢仲好精神過我,佢每朝一早就去游水歎茶),但既然佢老人家話唔得,唔通我迫佢咩

,弟婦嗰邊親戚住得遠,因我哋兩家人都住元朗,佢哋想放工可以近啲睇BB,所以咪搵我囉.
BB用品佢哋話俾錢我幫佢哋買,佢哋話唔識買喎.
我都有同老公講過,如果湊多一個既話,我哋會好容易忽略咗大仔,覺得對大仔亦唔公平(因我講過會陪佢搭車返學,等佢到三年班先搭校車),我老公都話明白,但講來講去,老公依然話"到時先算"做總結,唉,講到呢句仲有咩講.

我現在湊兩個星君一號&二號已經變咗個癲婆咁,好彩我老公都會幫吓手湊及做家務,而且唔駛我晚晚煮飯.

我家有兩個小寶貝,願小寶貝健康快樂

only 2months & 4 days until Long's birthday

私人傳訊

維尼bb

積分: 6179

13^#

發表於 05-4-6 21:19 |只看該作者

Re: 唔該各位俾意見

姬絲汀:
你叔仔兩公婆幾大年紀呀?
我唔係一個好封建0既人, 對於d 奉子成婚唔係好反感, 但係就好討厭d人貪一時之快唔做預防措施, "賴"晒野先話自己揍唔掂囉.
其實你老公無可能乜都話到時先算, 到時唔得0既時候人地唔會體諒你架, 只會覺得你唔掂點解唔一早出聲, 仲賴番你轉頭就弊家伙.
如果有一日d 小朋友大個左, 做錯野要罰, 你會唔會罰人地個仔丫? 到時咁樣, 你自己0既仔女處於識同唔識之間就會覺得點解人地做錯野唔使罰, 而佢地要.......咁樣, 真係好影響佢地0既成長架bor...
最大問題係, 佢個bb 日夜都係你揍, 第時唔知個性格會點, 如果人地爸爸媽媽唔滿意, 賴你教到佢個bb咁, 你點算呢?

私人傳訊

rabbit_chan2222

積分: 3548

14^#

發表於 05-4-7 11:09 |只看該作者

Re: 唔該各位俾意見

姬絲汀，
你叔仔兩公婆咁大個人知吾知咩叫責任？

意外有左BB仲要問奶奶要吾要？
奶奶梗係會話要架lar,
佢地吾會自己諗下有無能力要架咩？
點解要將責任交比你？
邊個一生出黎會識得買BB野架？
如果佢地有心的就吾係要你同佢地買，
而係要你教佢地買lar......
而家既然決定左要個BB,
係咪應該用個心黎諗下點辦呢？

私人傳訊

icoico

積分: 2167

15^#

發表於 05-4-7 16:37 |只看該作者

Re: 唔該各位俾意見

姬絲汀
你叔仔2公婆唔好理佢地喇, 佢地跟本唔知湊bb係幾咁辛苦, 見你有2個以為好易湊, 而家大前提係要說服你老公, 改變佢"到時先算"呢個觀念, 然後由佢出面拒絕要求, 最緊要係要俾佢細佬2公婆知道, 湊bb係咩一回事, 如果佢地再以經濟為理由, 你地咪間唔中接濟下law, 點都好過大隻bb放係屋企丫

我覺得首先要同佢傾以下既問題, 要俾一個畫面佢自己去想像, 你地屋企既規律會亂成點, 要佢而家就知道無辦法解決, 唔係到時再諗, 要記住呢個係人地既問題, 你地無能力幫唔好夾硬黎, 真係會累慘自己細路架.
1. 你地個no.1讀小學係一個好大轉變, 要好小心處理佢既情緒

2. no.2開始學行, 要用十二分精神去睇實佢之外, 1歲小b有好多野要學, 放係佢身上既時間都唔少架, 如果幫人湊bb, 邊個仲有時間去關心佢呀, 你老公都無咁多時間啦

3. 初生b要飲夜奶, 一晚又醒幾十次, 醒既時侯你估no.1同no.2會唔會俾佢嘈醒丫, 然後再一個個"暗"佢地訓呀?

4. 需然你老公會幫手做家務, 但佢都要返工, 放工返黎佢都累家麻, 同埋返到黎要睇自己d細路先? 定幫手睇bb先?

5. 最後係, 你老公唔顧自己身心疲累, 都要顧下你架

私人傳訊

積分: 195

16^#

發表於 05-4-8 12:47 |只看該作者

Re: 唔該各位俾意見

多謝晒各位,
好感動,你哋咁有心俾意見我,大家都明白我既處境,反而同我最親近既老公都仲好似塊石頭咁,點極都唔醒,越來越覺得佢愚孝,奶奶話佢自己以前一年一個都係咁湊大佢哋四個,現在老公就用佢阿媽呢句說話擺喺我身上應用,

,我答老公呢啲係奶奶既本事啫,我哋唔可以相提並論....講咗一論後,佢咪又話我唔通屋企人都唔幫咩

我家有兩個小寶貝,願小寶貝健康快樂

only 2months & 4 days until Long's birthday

私人傳訊

rabbit_chan2222

積分: 3548

17^#

發表於 05-4-8 12:54 |只看該作者

Re: 唔該各位俾意見

姬絲汀,
你同佢講，吾係吾幫，但係幫人都要睇自己的能力架mar, 佢知吾知咩叫愛莫能助ar?
要say no係吾容易，尤其係自己人，
但係無辦法mar!!
幫佢地都有好多其他方法，
我諗只要你拎個心出黎幫人，
吾係一定要咁吾理自己的狀況lor :tongue:

私人傳訊

維尼bb

積分: 6179

18^#

發表於 05-4-8 12:59 |只看該作者

Re: 唔該各位俾意見

姬絲汀,
我同意自己人幫得就幫, 但係要量力而為, 你個bb都細, 又要睇住一個剛0岩又係活躍期0既小朋友, 係咪自己人緊要過自己0既仔女同老婆?!

私人傳訊

icoico