大仔大女媽媽會今日: 0|主題: 177860

收藏本版

發帖

返回列表

跳至頁

查看: 761 | 回覆: 2

[2010年] 我既寶貝出世啦! [複製鏈接]

chingchingcandy

大宅

積分: 2504

1^#

發表於 10-3-18 22:38 |只看該作者 |倒序瀏覽 |打印

三月十一号晚入院準備第二日催生, 點知係11點幾突然穿水, 醫生話要提早催生, 於是將我送咗入產房, 老公好快就入左嚟陪我, 姑娘話我當時只係開得一度, 可能要十個鐘先出世都未定, 所以建議老公返屋企瞓陣先; 好彩老公堅持要留低陪我, 如果唔係我諗老公嚟唔切睇bb出世, 因為我竟然好好彩咁只係痛咗3個鐘~我既寶貝就出世啦! 痛既過程真係好恐怖, 雖然老公喺旁边打氣, 但係我都成個人[癲]晒! 完全失控, 不過東區医院既医護人員真係好好, 6個人一边幫我接生一边教我用力, 不段為我加油; 終於体會到生仔既十級痛楚. 但係當佢出世, 姑娘將佢放喺我心口嗰一刻真係好感動, 感覺自己好叻好有滿足感, 我既寶貝就係咁嚟臨呢個世界, 而家感覺就算幾痛、由生佢開始呢幾晚無一晚瞓多過3個鐘, 但係當我一望見佢既臉容就感覺一切一切都值得...