大仔大女媽媽會

收藏本版
發帖
返回列表
跳至頁

首頁
12

尾頁
   0
姬絲汀


複式洋房

積分: 195


1#
發表於 05-4-15 12:52 |只看該作者

BB身高超碼,要見醫生

囡囡打6個月嗰支針,度高磅重,72cm長,重7.36kg,護士話bb身高超晒碼,要安排預見醫生,好擔心.
我家有兩個小寶貝,願小寶貝健康快樂 only 2months & 4 days until Long's birthday
私人傳訊

企鵝仔


大宅

積分: 1939


2#
發表於 05-4-15 13:01 |只看該作者

Re: BB身高超碼,要見醫生

吓,乜身高都有超碼? ?-( ?-( ?-(
]MY Baby is Kelsey...^_^. She is 2 months and 14 Day 媽咪1號生日 + Daddy17號生日=18 (10月8日Kelsey BB出世啦) :-P 快D入黎參觀下我個小天地啦 :-D [img align=left]http://bb4.babyhome.com.tw/UPLOAD4/70137/70965.4518324.gif[/img] [img align=left]http://bb5.babyhome.com.tw/UPLOAD4/70137/s180/70965.5717339.18690.jpg[/img] [img align=left]http://bb5.babyhome.com.tw/UPLOAD4/70137/s180/70965.5853425.14930.jpg[/img] [img align=left]http://bb5.babyhome.com.tw/UPLOAD4/70137/s180/70965.5853424.61806.jpg[/img]
私人傳訊

豬比比媽媽


大宅

積分: 1615


3#
發表於 05-4-15 13:16 |只看該作者

Re: BB身高超碼,要見醫生

下~~~ 唔係下馬, 咁都要見醫生~~

唔洗擔心, 可能問下你個bb食邊隻奶粉架姐
私人傳訊

維尼bb


男爵府

積分: 6179


4#
發表於 05-4-15 13:23 |只看該作者

Re: BB身高超碼,要見醫生

高左都要見?

私人傳訊

tunghei1025


大宅

積分: 4676


5#
發表於 05-4-15 13:58 |只看該作者

Re: BB身高超碼,要見醫生

真係第一次聽見........

超高要見醫生喎~~~~~
私人傳訊

toobykan


別墅

積分: 908


6#
發表於 05-4-15 14:00 |只看該作者

Re: BB身高超碼,要見醫生

我都唔係好明 ?-( ?-( ?-(
:-D :-D :-D
私人傳訊

candyPo


大宅

積分: 3535

好媽媽勳章


7#
發表於 05-4-15 15:32 |只看該作者

Re: BB身高超碼,要見醫生

如果你同你老公都係高人一族, 應該唔駛担心!

我成日都覺得o的政府醫生過份憂慮, 冇事都話有事, 捉阿b去驗呢樣驗果樣, 幫佢o地手做research.

我咁講係因為我阿個仔佢o係3個幾月時發高燒, 同佢食咗一次退燒水即入急症室, 一個醫生話阿b都退咗燒又好精神, 都冇咩事, 可以返屋企, 另一個醫生話唔知佢咩事發高燒, 要佢留院觀察, 阿b係醫院度好慘, 又要係肚臍對下幾吋直接打枝針去抽尿, 又要係隻手度抽血, 阿仔喊到死, 我見到佢咁, 我又跟住佢喊!

後來o的醫生話佢好大機會係尿道炎, 要係留院打7日抗生素針, 跟住又話阿仔咁細個有尿道炎, 有1/3機會係泌尿系統有問題, 阿b佢打完果7日抗生素針之後, 出院後要食1個月抗生素去防止返發, 仲要做3個test去find out阿仔嘅泌尿系統有冇問題.

我同我老公都覺得如果阿仔根本上冇問題而要食1個月抗生素好無謂, 仲會令身體冇抵抗力差哂, 如果阿仔係有問題佢會返發, 無需做果3個test去find out阿仔嘅泌尿系統有冇問題. 因為其中2個test係會令阿仔佢好唔舒服, 會喊!

當o的醫生知道我2公婆唔打算俾阿仔佢出院後食抗生素同做果3個test, 佢o地d反應好大, 話咁樣阿仔好可能會返發, 我o地話唔覺得阿仔係果1/3, 跟住個高級醫生話1/3你可以話多又可以話唔多, 睇你點睇, 跟住我同佢講我阿仔如果真係有事, 我o地會同佢睇私家, 佢跟住我同佢講你睇咩醫生? 係咪兒科? 私家好貴嫁!

我同老公都好後悔同阿仔入院, 要佢俾人當實驗品左驗右驗,
我o地都覺得o的醫生唔pro, 個高級醫生話我個仔包皮過長, 個實習醫生話睇過唔覺長, 跟住個高級醫生話我都唔覺長, 不過阿主診醫生話長, 於是最後同我講唔長, 咁都得!

其實佢o地話果1/3係根據有去做test嘅bb而得出, 但實際上有幾多媽咪真係俾個bb去做test? 我個b住咗5日醫院, 我都見到有一個媽咪好似我咁唔俾阿b食食抗生素同做果3個test

so far, 我個b都好healthy, 除咗果次之外都冇病過!

所以唔駛咁worry, 政府醫生係會講最worst嘅case俾你聽! 聽唔聽係你自己決定.
私人傳訊

bb1027


男爵府

積分: 6353

育兒性格勳章


8#
發表於 05-4-15 18:03 |只看該作者

Re: BB身高超碼,要見醫生

有時都係既，d 醫生要保障自己家嘛，如果佢俾你bb出院，之後有咩事，佢地可能要"孭鑊"架。

謙謙出世時胎水入肺，又照x ray又抽血去驗，明明報告話冇事，佢地都要謙謙留到5日，過晒追報告既時間先俾佢走呀。
私人傳訊

carolliu


大宅

積分: 1705


9#
發表於 05-4-15 18:11 |只看該作者

Re: BB身高超碼,要見醫生

tunghei1025 寫道:
真係第一次聽見........

超高要見醫生喎~~~~~


mug咁奇怪....高d都唔得咩???超矮就話啫 ?-( ?-(

私人傳訊

小倩


王國長老

積分: 144526

2026勳章 2025中秋節勳章 父親節2025勳章 母親節2025勳章 2025勳章蛇年勳章 2024年龍年勳章 2023年兔年勳章 虎到金來勳章 牛年勳章 玩具勳章 畀面勳章 叻叻勳章 有「營」勳章 趣教勳章 好媽媽勳章 醒目開學勳章 2011至尊種植勳章 環保接龍勳章 大廚勳章 wyeth冷知識勳章 睛靈勳章 王國長老 遊學勳章 BK猜猜猜慶中秋 冬日勳章 春季勳章 炎夏勳章 秋日勳章 hashtag影視迷勳章


10#
發表於 05-4-15 20:07 |只看該作者

Re: BB身高超碼,要見醫生

我諗醫生驚小B係巨人O卦... 不過我個小B上次度都有70喎... 差2cm唔係咁緊要呀 ?-(
            
私人傳訊

nicking


別墅

積分: 648


11#
發表於 05-4-15 21:19 |只看該作者

Re: BB身高超碼,要見醫生

我的b女上星期都系去左健康院打針, 但姑娘無幫b女度身長喎, 不過我同老公見有尺咪自己度, b女都有70cm喎, 體重就約7.5kg. 我地兩公婆都系高人, 所以預左bb會高d.

姬絲汀, 你bb見完醫生, 記得報料喎, 睇人醫生點講先...

姬絲汀 寫道:
囡囡打6個月嗰支針,度高磅重,72cm長,重7.36kg,護士話bb身高超晒碼,要安排預見醫生,好擔心.
私人傳訊

姬絲汀


複式洋房

積分: 195


12#
發表於 05-4-15 23:01 |只看該作者

Re: BB身高超碼,要見醫生

已經預約咗下星期三(20/4)下午見醫生,希望只是循例見一見,因為我與老公都算高,應該係遺傳,到時再報料.
唉,唔擔心就難, 一日未見醫生未知有問題否,都好難放心,成日都心掛掛
我家有兩個小寶貝,願小寶貝健康快樂 only 2months & 4 days until Long's birthday
私人傳訊

jackielau


洋房

積分: 138


13#
發表於 05-4-16 00:20 |只看該作者

Re: BB身高超碼,要見醫生

我個B仔又係上星期六去健康院打針順便度高量體重,佢73cm & 8.6kg ,個姑娘又無話要見醫生喎！
曳曳既傑仔在10月3日登陸地星喇！
私人傳訊

BoBMa


大宅

積分: 2302


14#
發表於 05-4-16 00:43 |只看該作者

Re: BB身高超碼,要見醫生

?-( ?-( ?-(

姬絲汀,nicking,
我個b女現在70cm高,約8kg,星期一約左打針,睇下到時護士話佢d乜,再返嚟講你知...
私人傳訊

yoyobb


子爵府

積分: 10537


15#
發表於 05-4-16 01:18 |只看該作者

Re: BB身高超碼,要見醫生


姬絲汀:

唔駛擔心! 早係兩個月前, 我個囡番健康院做唔知咩測試, 順便比姑娘檢查時, 姑娘話小諾瑤佢 "超重! 超高! 頭亦大左!" 預約左時間叫我見健康院醫生.... 但當日我...放左飛機!

放飛機原因係, 我帶阿囡去打5合1針時順便問左醫生, 個醫生話無問題喎! 唔駛擔心呀! 就係咁... 我就又佢啦
私人傳訊

盈b媽


大宅

積分: 2697


16#
發表於 05-4-16 09:10 |只看該作者

Re: BB身高超碼,要見醫生

candyPo
其實我都好唔like政府醫院, 不過我話比你知丫, 其實d醫生真係為左你囝囝好, 你唔好諗埋一邊 ->"我成日都覺得o的政府醫生過份憂慮, 冇事都話有事, 捉阿b去驗呢樣驗果樣, 幫佢o地手做research."

bb發燒其實係一個警號, bb病佢唔識同你講, 只有發燒呢個signal比你知, 所以bb發燒係要同佢去睇醫生rather than食左退燒水先~

我盈盈豬13日大時發燒, 我同佢去急症室, 醫生話要留醫, 之後抽尿驗到bb係尿道炎, d菌重要入埋血, 醫生話好在發現得早, 如果唔係d菌入血係會有生命危險既.

bb之後o向醫院打左10日抗生素, 醫生都係話bb咁細有尿道炎, 可能係先天泌尿系統有問題, 所以bb出院後都要長期晚晚食抗生素同埋要做你講個3個檢查 (ultrasound, 膀胱造影同埋腎臟靜態掃瞄). 我初時都有d抗拒bb要做咁多檢查, 因為o向醫院時, bb受左好多苦, 日日打針, 抽血, 又要拮針去取尿做化驗, 連脊髓都抽埋, 大家都為人父母, 你一定明白我當時心情. 但係抗拒又如何, 為左bb好, 檢查點都要做. 而唔係話 "如果阿仔係有問題佢會返發". 如果bb有問題, 再返發時就唔知嚴唔嚴重啦.

我bb之後係照ultrasound先, 發現bb天生左腎大左, 同埋多左一條輸尿管 (異常), 之後做埋膀胱造影, found out左bb係有尿液倒流2級. bb要食抗生素, 係因為要keep住佢d 小便乾淨, 等佢d尿倒流時唔會令到個腎受細菌感染.

bb都做埋腎臟靜態掃瞄, 不過要等5月先知result, 同埋排左10月見外科醫生, 因為可能要做手術.

同埋我想講, 有一個媽媽既bb同我個囡情況一樣, 不過佢bb係尿液倒流4級, 晚晚食住抗生素都返發尿道炎, 要入醫院打抗生素針, 發燒唔退要浸水添.

我本身都唔鐘意政府醫院d醫生, 但係今次, 我覺得如果唔係佢地, 我都唔知bb天生有事. 為人父母, 梗係想bb健健康康, 無人會諗自己生個bb出黎會天生有異常既情況, 我同老公都後生, 無病無痛, 無想過bb會咁.

我唔知自己語氣會唔會重左d, 會的話請見諒, 因為我想比你知道, 政府醫院d醫生唔係你想像中咁差, 其實佢地真係想你bb好先叫你做test, bb healthy固然係好事, 但係bb有少少problem, 搵出原因去比適當既治療係為左bb好.

我同老公初時都唔想bb做test, 原本想quit個appointment. 不過之後我細心咁諗, 如果bb真係有事, 就係因為我自私唔比佢做檢查既後果.

祝bb快高長大.
私人傳訊

姬絲汀


複式洋房

積分: 195


17#
發表於 05-4-16 13:07 |只看該作者

Re: BB身高超碼,要見醫生

jackielau,

我諗應該b仔和b女的生長圖表會唔同,等我得閒摷返阿仔嗰本藍書仔出來對吓就知.
我家有兩個小寶貝,願小寶貝健康快樂 only 2months & 4 days until Long's birthday
私人傳訊

kae


男爵府

積分: 9658


18#
發表於 05-4-16 13:22 |只看該作者

Re: BB身高超碼,要見醫生

姬絲汀

我唔係你地0既媽咪會成員，不過咁口岩見到呢個topic我又有同你一樣的情況出現，所以入黎chat下。

唔駛擔心，如果父母都係高人咁阿b超高都係正常0既，同埋佢如果淨係超高而頭仔比例正常就得架啦。佢地只係驚bb有巨人症姐。

因我阿女出世時都係超高直至而家2歲幾，一路去健康院檢查個高度都係超出左書仔個target，都係要見醫生，所以佢比同齡小朋友係高d，不過佢爸爸係高人而我都唔係婑個隻，所以醫生都話係正常的，其實我由陀住佢開始個婦科醫生巳話比我知bb在肚裏生長全身的週數比例都正常，唯獨是對腳比週數比例多左2星期，即時話佢對腳好長。

而家佢2歲幾，因為對腳長所以著好多衫都好好睇架。hehe

kae
私人傳訊

nicking


別墅

積分: 648


19#
發表於 05-4-16 14:41 |只看該作者

Re: BB身高超碼,要見醫生

我bb都系呀, 陀住佢果時已經度到佢好長, 個頭又大, 結果出世時成八磅幾, 因為個頭大, 醫生叫我開刀生.
根據健康院果本書的圖, 佢個頭同身長都系在最高果條curve.
家陣抱佢出街, 見到其他bb大過佢幾個月, 都系同佢差唔多高.
因為我自己都有成5'8'', 我老公成6', 我d朋友話通常d仔女實高過媽咪, 所以我都驚我個女會勁高. 唯有同自己講家陣d細路個個都好營養, 個個都生得高大.
私人傳訊

bb1027


男爵府

積分: 6353

育兒性格勳章


20#
發表於 05-4-18 17:41 |只看該作者

Re: BB身高超碼,要見醫生

同意呀，營養呢家野，真係越黎越好，所以以出牙為例，我識既朋友，有兩個都係bb四個月就出牙仔喇，以前講既六個月先開始出，係快左好多呀。

而家出街，好多bb都係大頭bb呀，唔係話佢地有問題，只係腦部發育得好過以前o者。
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy