吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 你地會唔會比工人咁對小朋友？

論盡家傭今日: 4|主題: 133933

收藏本版

發帖

返回列表

跳至頁

查看: 2836 | 回覆: 26

你地會唔會比工人咁對小朋友？ [複製鏈接]

foggyao

珍珠宮

積分: 36545

2024年龍年勳章 2018復活節勳章熱血勳章好媽媽勳章畀面勳章 wyeth冷知識勳章環保接龍勳章大廚勳章

1^#

發表於 10-4-13 15:08 |只看該作者 |倒序瀏覽 |打印

arm arm睇cam，見到工人比左杯水阿女(就黎3歲半)飲，跟住行左去做野，轉頭，阿女玩杯水，玩玩下，倒瀉晒，阿女唔理，工人都未知。

轉頭，工人見到，好大聲好惡咁同佢講野(收音差，我聽唔到佢講乜)，就見佢叫阿女入廚房囉地布，要阿女自己抹返佢。

咁我忍唔住(因有一刻見阿女抹完僕晌凳度好似喊)，打番屋企，問阿女咩事(佢表達唔叻，而人地鬧完佢，第二日問佢，佢可以話無o個款)，佢話倒瀉水，我問auntie有無鬧你，佢話auntie無鬧。但當時，我聽到 & 見到auntie黑晒面兼大聲一輪嘴講野。

你地容唔容許工人咁？
我又諗，阿女成日都係咩都玩，食野又食到好dirty又唔介意，又唔驚我地，其實係咪等工人惡下佢，要佢負番d責任，係好事？

[ 本帖最後由 foggyao 於 10-4-13 15:11 編輯 ]

0 0 0

私人傳訊

小喵媽咪

別墅

積分: 757

好媽媽勳章

2^#

發表於 10-4-13 15:18 |只看該作者

原帖由 foggyao 於 10-4-13 15:08 發表
arm arm睇cam，見到工人比左杯水阿女(就黎3歲半)飲，跟住行左去做野，轉頭，阿女玩杯水，玩玩下，倒瀉晒，阿女唔理，工人都未知。

轉頭，工人見到，好大聲好惡咁同佢講野(收音差，我聽唔到佢講乜)，就見佢叫阿女入廚房囉地布，要阿女自己抹返 ...

其實囡囡都已經大個，如果下下都要工人姐姐做既就唔係好得，好似我個囡囡一樣三歲半，我都要佢自己執返玩具。妳可以俾工人知你俾佢既可處理既程度。如果佢太過火出手打佢就一定唔得。如果囡囡都係咁，就叫佢將事情report返俾你知，當然要妳自己引導返囡囡喇!

私人傳訊

mylulu007

伯爵府

積分: 15536

3^#

發表於 10-4-13 15:28 |只看該作者

工人要求小朋友執番手尾是好事.

不過小朋友話工人無鬧佢, 咁你又聽唔清楚, 咁就算啦.

我會再同工人私下講番, 小朋友貪玩整到地方污糟, 要佢自己執係應該, 但不用太大反應, 如果唔係小朋友會覺得好好玩, 整多幾次~~(咁講係一來要佢唔好咁惡對小朋友, 二來如果真係"整多幾次", 工人就要做多左野/用多左口水話小朋友), 在公在私佢都會聽你講.

私人傳訊

paklok

侯爵府

積分: 21203

好媽媽勳章醒目開學勳章畀面勳章環保接龍勳章

4^#

發表於 10-4-13 15:40 |只看該作者

如果佢唔係好惡鬧我會接受到,
因為我都要求新工人,
平時囡囡拎玩具收玩具等,
如果無危險性俾佢自己做,
要擒高既就佢幫忙~

私人傳訊

foggyao

珍珠宮

積分: 36545

2024年龍年勳章 2018復活節勳章熱血勳章好媽媽勳章畀面勳章 wyeth冷知識勳章環保接龍勳章大廚勳章

5^#

發表於 10-4-13 15:41 |只看該作者

咁好啦，等我搵機會又睇下點同佢講下啦! 要返工，真係麻煩 ~ 睇到又出唔到手

私人傳訊

吱仔與lo仔

珍珠宮

積分: 42723

好媽媽勳章

6^#

發表於 10-4-13 16:52 |只看該作者

我絕對唔容許工人咁對少主~~~

我以前就係覺得要放少少權比工人幫我手教小朋友~~如果小朋友唔啱可以鬧, 咁有時阿女報寸話姐姐鬧佢, 我就問佢有冇做錯d咩, 佢話有(例如唔肯沖涼), 咁我話你自己乖姐姐就唔會鬧你啦

攪到隻賤ex後來有恃無孔, 越踩越過~~成日大聲鬧我個女, 係又鬧唔係又鬧, 要我個女睇佢面色做人, 又鬧到我個女再唔敢同我講佢d賤嘢~~因為我女以為我撐隻賤ex唔信佢~~~

我女屈埋屈埋好唔開心, 只敢間接向我老公反映, 到個刻我先g原來係我一直太種容隻嘢, 令我個女受到咁大傷害同埋唔敢同我講~~當時我個心超級痛(好憎自己)~~~

工人, 佢只係幫手打理家頭細務, 教仔女係我嘅事, 我唔會比權佢地, 小朋友打瀉水工人就要去抺, 如果小朋友曳~~工人可以打比我同我講, 我返到屋企會了解返件事, 亦會教返小朋友唔可以再曳, 但個工人唔可以黑面/鬧小朋友

我嘅細仔都係3歲幾, 平時工人比水佢飲, 會睇住阿仔飲完水就即收返個杯, 因為咁細小朋友飲水都好論盡~~好多時都飲瀉, 工人佢自己理都唔理就走開咗~~我覺得個工人有問題

原帖由 foggyao 於 10-4-13 15:08 發表
arm arm睇cam，見到工人比左杯水阿女(就黎3歲半)飲，跟住行左去做野，轉頭，阿女玩杯水，玩玩下，倒瀉晒，阿女唔理，工人都未知。

轉頭，工人見到，好大聲好惡咁同佢講野(收音差，我聽唔到佢講乜)，就見佢叫阿女入廚房囉地布，要阿女自己抹返 ...

[ 本帖最後由吱仔與lo仔於 10-4-13 17:35 編輯 ]

私人傳訊

Bingb

禁止訪問

積分: 8485

7^#

發表於 10-4-13 17:12 |只看該作者

提示: 作者被禁止或刪除內容自動屏蔽

私人傳訊

CYK

大宅

積分: 4240

8^#

發表於 10-4-13 17:24 |只看該作者

我就唔會俾工人咁做...3歲半咋...叫小朋友做野,點可以罵...同埋,我不在家,工人係唔可以黑面+指使我個囡做野...

我自己的做法係,小朋友有一條乾淨的布,工人就用地布抹地,留少少位俾個小朋友用那條乾淨布抹...但唔係黑住面咁罵到小朋友做,係友善地教小朋友規矩...

基本上,我個囡都係3歲半,但由佢2歲開始,我就會咁做,一齊收拾,玩完水後要佢幫手抹地,抹桌...食完飯後,會俾條紗巾佢,要佢自己抹咀,洗完澡後,要佢自己學穿褲仔(+上衣)...

有時,我個囡仲會同工人一齊摺衣服,掛洗完的紗布等家務...(我在家時,會同個囡一齊做)...

可能個個小朋友性格都唔同,家家有不同教法啦...好彩,我個囡都叫做乖同自理能力強...

私人傳訊

吱仔與lo仔

珍珠宮

積分: 42723

好媽媽勳章

9^#

發表於 10-4-13 17:41 |只看該作者

補充少少~~~樓主, 其實你裝cam都係想保護自己囡囡, 你出post都係覺得個工人有點問題你先會問大家意見~~

如果我係你, 我一定會問返個工人成件事嘅經過, 同埋b佢唔可以再咁惡嘅態度~~~要阿女抺返水係啱, 但佢態度差係佢唔啱

原帖由 foggyao 於 10-4-13 15:08 發表
arm arm睇cam，見到工人比左杯水阿女(就黎3歲半)飲，跟住行左去做野，轉頭，阿女玩杯水，玩玩下，倒瀉晒，阿女唔理，工人都未知。

轉頭，工人見到，好大聲好惡咁同佢講野(收音差，我聽唔到佢講乜)，就見佢叫阿女入廚房囉地布，要阿女自己抹返 ...

私人傳訊

shannnb

水晶宮

積分: 59166

10^#

發表於 10-4-13 17:54 |只看該作者

我覺得工人姐姐既態度要係正面囉
出發點要係為左讓小朋友學習要自己去處理呢d事… 唔可以係因為工人姐姐懶得執又用鬧既… 倒瀉水係小事有時唔小心大人都會啦小朋友最緊要學習係自己收拾呢d手尾而唔係掉係度… 唔應該用鬧既…

私人傳訊

BBTWIN

大宅

積分: 4226

11^#

發表於 10-4-13 18:30 |只看該作者

原帖由 吱仔與lo仔 於 10-4-13 16:52 發表
我絕對唔容許工人咁對少主~~~

我以前就係覺得要放少少權比工人幫我手教小朋友~~如果小朋友唔啱可以鬧, 咁有時阿女報寸話姐姐鬧佢, 我就問佢有冇做錯d咩, 佢話有(例如唔肯沖涼), 咁我話你自己乖姐姐就唔會鬧你啦

攪 ...

我同意你既觀點, 我都唔主張放權比工人去鬧小朋友. 工人係工人, 教小朋友係我地做父母既責任. 我都覺得只要同意工人有權鬧小朋友, 工人一定會放肆.

私人傳訊

kyuen

大宅

積分: 1032

12^#

發表於 10-4-14 12:29 |只看該作者

絕對同意！唔到工人鬧我小朋友，我會自己教而佢只要跟我指示配合就足夠了！各位家長，千祈唔好搞亂！

原帖由 吱仔與lo仔 於 10-4-13 16:52 發表
我絕對唔容許工人咁對少主~~~

我以前就係覺得要放少少權比工人幫我手教小朋友~~如果小朋友唔啱可以鬧, 咁有時阿女報寸話姐姐鬧佢, 我就問佢有冇做錯d咩, 佢話有(例如唔肯沖涼), 咁我話你自己乖姐姐就唔會鬧你啦

攪 ...

私人傳訊

小黑咪

侯爵府

積分: 24223

好媽媽勳章畀面勳章

13^#

發表於 10-4-14 12:35 |只看該作者

如果係鬧我小朋友我會叫佢唔可以鬧, 但係如果叫佢自己抹返整濕既地下,我會覺得冇問題, 因為我兩個仔做錯野eg 整濕地下or 食餅食到成地碎,我都要佢地自已將地下整理乾淨.

私人傳訊

3509

男爵府

積分: 5127

14^#

發表於 10-4-14 12:52 |只看該作者

我都唔同意俾工人鬧細路. 唔係幫邊個問題, 只係長時間工人咁做,細路同工人之間關係唔好, 而且小朋友真係可能心理上受到傷害又唔敢同我講, 同埋有啲工人又真你會有持無恐, 對細路唔好. 所以我會同工人講, 只可以解釋同叫細路抹返, 工人當然要跟手尾,有乜事等我返嚟再同我講.

私人傳訊

hohoho36

伯爵府

積分: 18427

15^#

發表於 10-4-14 13:07 |只看該作者

我會睇情況, 因為我覺得工人唔可以蝦小朋友, 而小朋友亦都唔可以蝦工人, 表面黎睇樓主呢件事, 我覺得仲可以觀察下。有時, 我工人都會鬧我小朋友, 仲要响我面前, 我都會鬧埋佢一份。有時D野真係CASE BY CASE, 如果佢係為我小朋友好而鬧佢(當然唔太激啦), 我覺得ok喎!

私人傳訊

foggyao

珍珠宮

積分: 36545

2024年龍年勳章 2018復活節勳章熱血勳章好媽媽勳章畀面勳章 wyeth冷知識勳章環保接龍勳章大廚勳章

16^#

發表於 10-4-14 13:11 |只看該作者

我arm arm先睇番其他大家覆我既post。

我尋晚問工人，今日女女係咪打瀉水要佢抹。我話係阿女同我講，但其實我女同我講話係auntie打瀉水，佢幫手抹，而auntie係無鬧，無惡佢。

(我女就係咁，都唔知d野成日亂咁講!)

工人，係好serious樣，話，係呀，佢玩水倒瀉左，我要佢抹，不過，我唔識點食住上，話佢唔好黑面，大聲鬧/ 話佢/ 講得好似好大件事咁。我諗我今晚會再搵機會講，因今日我送女返學，同阿女傾偈，佢堅持自己version，咁都ok，但連阿女都話佢成日要坐high chair填色(但得兩支crayon，唔係成盒)，而auntie成日只叫佢wait，佢坐high chair時，auntie唔會同佢傾偈(呢方面同我cam見到係吻合)。

[ 本帖最後由 foggyao 於 10-4-14 13:13 編輯 ]

私人傳訊

吱仔與lo仔

珍珠宮

積分: 42723

好媽媽勳章

17^#

發表於 10-4-14 13:33 |只看該作者

咁就睇得出你個工人對小朋友無咩耐性~~

我會直接同佢講: 我幾時幾日係個cam度見到同聽到你大大聲同我女講嘢(佢唔認我都會繼續講, 叫佢只係聽), 你唔可以咁大聲同我個女講嘢, 佢有咩唔啱唔聽話, 你可以打比我同我講, 我會處理, 但你唔可以咁大聲, 因為你咁對我個女係態度唔好同無耐性, 我請你返嚟主要係睇小朋友, 所以唔該你以後對小朋友態度好d同有耐性d, ok??

原帖由 foggyao 於 10-4-14 13:11 發表
我arm arm先睇番其他大家覆我既post。

我尋晚問工人，今日女女係咪打瀉水要佢抹。我話係阿女同我講，但其實我女同我講話係auntie打瀉水，佢幫手抹，而auntie係無鬧，無惡佢。 (我女就係咁，都唔知d野成日亂咁講!)

工人 ...