吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 威院又出事故, 好擔心~~.....

懷孕前後今日: 11|主題: 330198

收藏本版

發帖

返回列表

跳至頁

查看: 2534 | 回覆: 23

威院又出事故, 好擔心~~..... [複製鏈接]

r.bb

別墅

積分: 791

好媽媽勳章畀面勳章

1^#

發表於 10-5-8 12:34 |只看該作者 |倒序瀏覽 |打印

【SUN特搜小組記者陳美茵、羅慶輝報道】繼瑪嘉烈醫院爆出「滾水淥B」醜聞後，醫管局轄下的威爾斯親王醫院也發生醫護人員涉嫌疏忽導致一名孕婦子宮爆裂，及女嬰腦部缺氧的事件。一名婦人今年二月在威院分娩時，飽受十多小時劇痛，才獲醫護人員打止痛針，以無痛分娩生產，疑有人在手術中疏忽，導致婦人子宮爆裂，而出生的女嬰亦因腦部缺氧，恐變痙攣BB。婦人痛斥院方處事兒戲，誓要追究到底。負責跟進個案的立法會議員陳克勤炮轟醫管局監管不力，要求徹查。
躺在醫院BB床上、快將三個月大的女嬰詩詩，看起來肥肥白白、頭髮烏黑濃密，活像一個洋娃娃，惹人喜愛。不過，詩詩身上卻插滿喉管和連接着測量儀器，眼神呆滯，手腳硬繃繃，手指看似痙攣、難以伸直，嘴巴甚至無法吸啜郁動，只能依靠身上喉管將牛奶輸送體內。

懷胎10月均有定期檢查看着女兒甫出世就受苦，母親莫太極度心酸，淚眼盈眶。莫太育有一名八歲女兒，去年五月再懷第二胎，丈夫高興不已，沒料變成噩夢。由內地來港的她，第一胎是在內地開刀，懷有第二胎時，由於已來港定居，且對本港醫療服務有信心，於是到住所就近的威院登記待產，打算自然分娩。懷胎十月以來，她定期產前檢查，亦將在內地開刀生女的紀錄呈交醫生。胎兒在母體健康成長，毫無異樣。
今年二月十六日，即預產期前兩天，她入院等待愛女出世。當日中午十二時，醫護人員向她注射催生針後，開始痛楚難當，因子宮頸仍未「開夠度數」，過了約十個小時，羊水穿了，BB仍未能出世。醫護人員為她打止痛針和無痛分娩，經歷近十六個小時折騰後，翌日早上四時才誕下女兒。
豈料，莫太未及看一眼親生骨肉，女兒已被送往搶救，更入住深切治療部，醫護人員稱女嬰缺氧，原因不明。莫太其後發燒及肚痛，醫護人員不以為意，直至莫太抽筋，才發現她子宮撕裂。
「大陸醫院仲好過香港」最令莫太憤怒的是，兩日後醫生竟然解釋女兒出世時缺氧，日後恐有「手腳不協調、行路好論盡，以至痙攣」等問題，她哽咽說：「冇諗過會搞成咁，大陸嘅醫院仲好過香港！」詩詩至今仍要留院觀察，出院無期。
丈夫莫先生質疑院方處事疏忽，更不滿院方事發後無合理解釋，女兒何時康復或出院都一無所知，令他們一家人在母親節或要在醫院度過。
投訴近月院方敷衍了事他們三月二十六日向院方投訴，但至四月十九日，差不多一個月，院方竟然只回信草草寫着「個案仍在處理、調查中，會盡快回覆」，敷衍了事。
立法會議員陳克勤炮轟醫管局監管不力，他要求當局盡快解釋事件，長遠應成立調查醫療事故的獨立機構，避免「醫醫相衞」發生，無法保障市民的利益。
威院發言人表示，醫生在產前已向莫太講解千分之五機會會有子宮破裂風險。至於女嬰出生後患有新生兒缺氧缺血性腦病，原因未能確定，醫生估計女嬰日後身體活動能力及智能發展可能受影響，但實際有待長遠觀察。

0 0 0

私人傳訊

j947

男爵府

積分: 7239

2^#

發表於 10-5-8 13:16 |只看該作者

好相信，如果事主係大陸生BB,事件都會一樣會發生。

私人傳訊

iceicedog

公爵府

積分: 28352

3^#

發表於 10-5-8 13:18 |只看該作者

其實每間醫院都會有醫療事故,就算私家都會有,只係會唔會係自己甘唔好彩......

私人傳訊

ddaa

男爵府

積分: 8621

4^#

發表於 10-5-8 13:19 |只看該作者

聽講第一次係開刀, 第2次順產既話, 子宮傷口係有機會爆嫁wor....

希望bb平安無事啦, 生bb始終都有風險!

私人傳訊

bb0606

禁止發言

積分: 4009

好媽媽勳章

5^#

發表於 10-5-8 15:14 |只看該作者

提示: 作者被禁止或刪除內容自動屏蔽

私人傳訊

siuyubb

複式洋房

積分: 409

6^#

發表於 10-5-8 15:37 |只看該作者

有時真係覺得~人......係好兒戲"我自從上次bb 20w驗出有事冇左次後~而家都唔係好強求話要生個bb好叻好聰明~但求冇病冇痛就安樂晒!!!佢今次件事真係唔排除有人疏忽..........但係都係果句啦~各安天命~意外意外~意料之外~冇人想個bb搞成咁~唔好彩囉

私人傳訊

wintermama

男爵府

積分: 5268

好媽媽勳章親子達人勳章

7^#

發表於 10-5-8 16:45 |只看該作者

我都希望BB快無事,

私人傳訊

seaman1982

水晶宮

積分: 51853

牛年勳章好媽媽勳章醒目開學勳章畀面勳章環保接龍勳章大廚勳章

8^#

發表於 10-5-8 17:53 |只看該作者

而家都未知咩事~未敢妄下定論~

私人傳訊

yiuyiumother

別墅

積分: 999

9^#

發表於 10-5-8 18:02 |只看該作者

2010年4月30日,係威院預約咗即時開刀生第二胎男BB,我覺得醫護人員,都幾好呀!!醫療事故,我相信每間醫院都會有, 不論私家和政府,大陸一定有呢種事.

私人傳訊

vvcc

大宅

積分: 1952

10^#

發表於 10-5-8 18:02 |只看該作者

唉, 如果個BB 咁就一世, 就真係好慘好慘......希望佢大個啲會好番.....

私人傳訊

喜洋洋

男爵府

積分: 6473

畀面勳章

11^#

發表於 10-5-8 19:21 |只看該作者

希望個bb 無事, 快d 好番啦...

私人傳訊

babe2010

男爵府

積分: 8396

BK Milk勳章

12^#

發表於 10-5-9 01:10 |只看該作者

妳係醫生定係上帝？

原帖由 j947 於 10-5-8 13:16 發表
好相信，如果事主係大陸生BB,事件都會一樣會發生。

私人傳訊

kwhyfung

男爵府

積分: 5185

13^#

發表於 10-5-9 03:10 |只看該作者

原帖由 babe2010 於 10-5-9 01:10 發表
妳係醫生定係上帝？

佢第一胎開刀第二胎順產，就點都有risk架啦
o係邊度生會影響個子宮爆唔爆？

何況點解預產期前兩日就要催生？
正常個催生期唔係預產期之後一星期左右咩？
係咪有咩野篇報導冇提及／隱瞞左？

痛左十幾個鐘先打無痛都唔出奇喎
個個都開到三四度先落產房再等架啦
麻醉科醫生唔一定always available，相信亦唔會有一間政府醫院可以保證每個要求既產婦都做到無痛

今次事件係好不幸
但生仔一向有危險，對媽媽同BB都係，醫學昌明唔代表保證冇事
個先生質疑點解答唔到BB幾時好得返出得院，咁事實上BB既發育同發展有待觀察就係有待觀察，點答到你一個確實既期呢？
問點解有事唔開刀只係馬後炮，開刀都有機會羊水栓塞令媽媽死亡

醫院有回信陳議員就話人冇交代
調查需要時間，調查中就叫無交代，調查得快你係咪又會質疑佢草草了事？
未調查好時封信當然咩都講唔出，咁就叫「草草」？
未查好就回信亂UP就真係「草草」啦

陳議員又問人手係咪真係咁唔夠？
直頭廢話啦
成立獨立醫療事故調查機構可以避免醫醫相衞？
冇相關專業知識同經驗點去調查？點去判斷D事故到底係現時醫學無法控制／治療定真係人為出錯？最終個機構又咪係請返醫護人員去查，最多唔係香港執業既醫生好未？點解一個議員講野好似唔用腦咁？

呢件事係好不幸
但真相未明就唔好亂炮轟醫護人員住
無論如何希望個BB同媽媽早日康復

私人傳訊

kwhyfung

男爵府

積分: 5185

14^#

發表於 10-5-9 03:18 |只看該作者

原帖由 iceicedog 於 10-5-8 13:18 發表
其實每間醫院都會有醫療事故,就算私家都會有,只係會唔會係自己甘唔好彩......

私家醫院既醫療事故，除非影響公眾或病人／家人自己搵傳媒，否則可以唔公開。

私人傳訊

mayling924

大宅

積分: 1188

15^#

發表於 10-5-9 10:22 |只看該作者

我剛做人媽媽, 事件最令我心痛係BB女可能咁就一世.
希望佢早日康復!

私人傳訊

Na.Na

大宅

積分: 3726

16^#

發表於 10-5-9 11:46 |只看該作者

點都好,希望bb可以健健康康~

私人傳訊

j947

男爵府

積分: 7239

17^#

發表於 10-5-9 12:18 |只看該作者

原帖由 babe2010 於 10-5-9 01:10 發表
妳係醫生定係上帝？

敢問一下，babe2010你又係醫生定上帝呢?
是否你也是大陸媽媽?

你又覺得醫護人員出錯?

你可看你樓下的post
她的看法和我一樣子

私人傳訊

j947

男爵府

積分: 7239

18^#

發表於 10-5-9 12:36 |只看該作者

原帖由 kwhyfung 於 10-5-9 03:10 發表
佢第一胎開刀第二胎順產，就點都有risk架啦
o係邊度生會影響個子宮爆唔爆？

何況點解預產期前兩日就要催生？
正常個催生期唔係預產期之後一星期左右咩？
係咪有咩野篇報導冇提及／隱瞞左？

痛左十幾個鐘先打無痛都唔出奇喎
個 ...

我好認同kwhyfung的見解,
就報紙報導(事實是否,大家都是看字面解)
公立醫院係要自己試生的,
而看報導事主媽媽生產程序上又唔見得有錯,
好多時都係開得3,4度落產房,
打無痛都講到明要麻醉師得閒先有得打,
我唔相信助產士冇去留意BB的情況,

事主老公話點解唔開刀,
係咪開刀就會冇事?
浸會大陸媽媽事件又會發生,

陳克勤議員問係咪唔夠人手,
收多左大陸媽媽依批人,(有D大陸媽媽又好老馮咁)
咁就一定會唔夠人手,
不過,唔代表香港醫護人員會求其,
我相信,好多時睇你好唔好彩,
因為如果當你生時,係產房得你一個或是同一時間十幾個人生 ,
咁又叫人手唔夠呢?

睇左近期的報導,唔知點解好多時都係大陸媽媽有事,
究竟點解呢?

[ 本帖最後由 j947 於 10-5-9 12:42 編輯 ]