自由講場

跳至

首頁
12

尾頁
   0


大宅

積分: 1329


發表於 10-5-9 22:38 |顯示全部帖子
自己做咗人媽媽, 好明白庾媽媽的心情, 是生是死都比佢搵出個答案吖! 唔係"弱智人"就冇價值, 唔係為已經唔見咗10年, 同賠咗錢就要迫人放棄架!!!庾媽媽: 我支持您搵答案, 欣賞您仍有這份堅持!!!
苦海十年 庾媽媽等一個答案
(明報)2010年5月9日 星期日 05:10

【明報專訊】等待,是母親的天職。由等蘇蝦食奶瞓覺,到等豆丁放學回家食飯,再等阿仔出人頭地,媽媽的大半生都在等,等我們長大的日子。但,庾文翰母親,所經歷的是十年地獄式等待。
智障兒子失蹤十年,庾母今天仍在等——不是被動地躺在沙發等待,而是主動出盡辦法邊尋邊等。十年來,她寫過幾百封信給歷任國家主席總理公安省市領導人大代表,被神棍無賴騙了幾十萬元,撐拐杖出入中聯辦入境處政府總部N次,吞下無數粒抗抑鬱藥丸,哭濕的紙巾量足可堆成山丘。
十年前轟動全城的文翰,香港人早忘記吧?只有庾媽媽,今天提起兒子仍在痛哭仍在尋找,但她的堅持近年慘變成冷血路人箭靶:「搵仔搵夠啦你,好煩。」「的確,唔少人罵我固執。」
搵仔十年,庾媽媽被駡得最痛那次,轟炸她的竟是朝見口晚見面的鄰居。那天內地電視台到她家中採訪,鄰居看見全副武裝的攝製隊即破口而出﹕「搵仔咁多年仲搵?你博咩?想出風頭?」另一次她上電台,有聽眾隔空大罵﹕「你根本就係特登整唔見個仔,然後博同情、博拎政府錢。」
人前,她當吃生菜吞下;人後,哭崩長城。
養兒15載 人生最快樂時光
58歲的庾母黎慧玲在內地出生,自小吃苦——身患小兒麻痺症3歲起行動不便,小學畢業遇文革家人被批鬥,自己因身體殘障被送到山區,婚後來港生下自閉兼過度活躍症兒子庾文翰。為應付照顧文翰的額外開支,她曾到便利店通宵打工,十年每日只瞓3句鐘,沒拎過一毫子綜援,把文翰養大到15歲,「那15年,人生最開心」。
她從沒因為誕下智障骨肉怨天怨地,「文翰好乖,佢唔識講唔識寫,但會走來用嘴錫我,錫到他走那天仍在錫」。
「文翰有病,係我生成佢咁,有錯都係我。」庾母的肩膀背負千斤責任重擔。兒子失蹤後,她全身如被十噸大石壓下差點窒息,但她叫自己一定要撐。
她因抑鬱沒有再工作,買餸煮飯洗衫以外,就坐在案頭埋首親筆書寫給中港各個部門首長的信,由國家主席到特區政府入境處長,幾十個部門、上百個職銜十年來隨國家翻了幾番的發展如車輪轉,官員的姓名她卻比任何一位媽媽都清楚,只因她經常提筆哀書﹕「千里尋兒,天南地北留腳印,十載憂思,魂牽夢繫肝腸斷。凝望寒燈思舊事,春秋黯黯難成眠。」寫錯字,她即把紙撕爛再寫,卻不能接受塗改液,貫徹固執。
「我只有一個要求:我要內地立案,繼續搵我個仔。」偏偏數百封信得來的回覆都是﹕你的兒子不屬拐帶犯罪,不立案。
每次收到內地回覆,庾母又拿著信跑到入境處,那兒有專人接待她,十年來換了好幾個官。她這樣跑來跑去,由樂富的家到灣仔那條路,她行到滾瓜爛熟。
屢遭騙財 神棍受感動自揭底牌
寫信無效,庾母有感絕路當前,什麼都試,神棍騙徒乘虛而入,「叫我買個觀音像,話好靈,收我3萬元。到今天,我每日都等觀音菩薩顯靈」。
「有個大陸人,話來我屋企作法就一定搵番文翰。結果我包佢來香港食住,還送了他很多禮物。怎知他離港前自爆:『庾太,你唔好信我啦。』」神棍敵不過她的善心而招供,庾太更覺自己命苦。
「8號風球,有人話在廣州豬場見到我個仔。我即刻冒風雨北上,坐的士期間收到電話,叫我先去某個地方交低3萬蚊,好彩司機提醒我:『你唔好去啦,佢呃你。』」
庾媽媽十年搵仔被人騙了至少幾十萬元,她卻輕描淡寫無怨無悔,「我不想錯失任何機會,我有試過、搵過,值得。」
生死未卜的愛兒恍如一條大鐵鏈,緊緊鎖著庾媽媽的心房,令她經常抽搐失控。每當重返十年前文翰離她而去的油麻地站月台,無人在旁她便會大叫:「文翰,返來媽媽身邊啦。」文翰最愛坐車到尖沙嘴,再搭船到中環,然後乘電車到鰂魚涌麥當勞,她掛念兒子,會重踏這條路,腦海盡是母子15年甜蜜回憶。
家中文翰書包課本衣物依舊原封不動,過時過節文翰生日,她定把利市放在文翰床頭,十年來又是幾百封。
3650個尋覓與等待的日子,庾媽媽受盡折磨,「我常想,文翰在生的話,會否在垃圾堆執口野食?會否無衫著無地方住?」
就當兒子已上天堂,一了百了?「我想要一個答案。他在生,我要他有得食有得住;他死了,我都要超渡他。這是我做阿媽的責任。」
「唔忍心判個仔死刑」
「好多人話我固執,叫我放低,自己就會舒服口的。但,我嘅安樂,係來自我個仔嘅平安。」
別人安慰她:「不要再搵仔了,隨緣吧。」庾媽媽會說:「我個仔同一般人唔同,唔識自己返屋企,如果文翰仍在生而我冇去搵,我對佢唔住。」
「我唔忍心判自己個仔死刑。我,只想要答案。」
撫養智障兒子15年,庾媽媽承受的是肉體疲累;文翰失蹤十年,她要捱的,是因極度固執、思念與牽掛所引發的身心折磨。她的世界,變成只有她和回憶裏的文翰,容不下他人。我們都不明白她的固執,但偏偏固執成為她搵仔的動力,也是她活著的最大意義。
香港人,讓庾媽媽繼續為文翰奔波吧。說不定,答案真的會出現。
明報記者 盧曼思


瑪瑙宮

積分: 138740


發表於 10-5-9 22:43 |顯示全部帖子
仔、錢、心力全都係庾媽付出,冇話支唔支持,我諗唔講無謂說話已表支持掛。佢有佢既執著,呢個係佢既人生。x咀(冇表情公仔)

原帖由 bryanmum 於 10-5-9 22:38 發表
自己做咗人媽媽, 好明白庾媽媽的心情, 是生是死都比佢搵出個答案吖! 唔係"弱智人"就冇價值, 唔係為已經唔見咗10年, 同賠咗錢就要迫人放棄架!!!庾媽媽: 我支持您搵答案, 欣賞您仍有這份堅持!!!
苦海十年 庾媽媽等一個 ...


琥珀宮

積分: 157928

玩具勳章 好媽媽勳章 醒目開學勳章 畀面勳章 叻叻勳章 2011精緻種植勳章 環保接龍勳章 BK猜猜猜慶中秋 BK Milk勳章


發表於 10-5-9 22:46 |顯示全部帖子
唔好意思...我一睇topic, 睇錯左...以為繼續仔....您支持嗎 ? 仲以為邊個咁夠pok....

港英餘孽生活態度~係咁牛精架喇~點吖


琥珀宮

積分: 157928

玩具勳章 好媽媽勳章 醒目開學勳章 畀面勳章 叻叻勳章 2011精緻種植勳章 環保接龍勳章 BK猜猜猜慶中秋 BK Milk勳章


發表於 10-5-9 22:49 |顯示全部帖子
原帖由 bryanmum 於 10-5-9 22:38 發表
自己做咗人媽媽, 好明白庾媽媽的心情, 是生是死都比佢搵出個答案吖! 唔係"弱智人"就冇價值, 唔係為已經唔見咗10年, 同賠咗錢就要迫人放棄架!!!庾媽媽: 我支持您搵答案, 欣賞您仍有這份堅持!!!
苦海十年 庾媽媽等一個 ...
早幾個月不是已有一個阿婆良心發現出黎講當日佢有份執佢個仔條屍嘞咩 ?

一日未見到自己個仔, 一日唔死心都係人之常情, 但佢繼續, 不單折磨佢自己, 仲有佢嘅家人....佢仲有一個仔的, 果個仔都好需要佢照顧, 太執著, 何苦


港英餘孽生活態度~係咁牛精架喇~點吖


子爵府

積分: 11304


發表於 10-5-9 22:49 |顯示全部帖子
庾媽媽這十年簡直受盡精神折磨,這件事是一個悲劇!!!
但事實上,相信文翰已經...


水晶宮

積分: 55578

好媽媽勳章 醒目開學勳章 畀面勳章


發表於 10-5-9 22:51 |顯示全部帖子
原帖由 牛精仔 於 10-5-9 22:46 發表
唔好意思...我一睇topic, 睇錯左...以為繼續溫仔....您支持嗎 ? 仲以為邊個咁夠pok....

就算係溫都係lee固.......囝啦


水晶宮

積分: 55644


發表於 10-5-9 22:58 |顯示全部帖子
失去兒子
這種痛苦
可能庾媽媽要用這種信念這種方法才可讓自己支持下去
少奶奶的身份,丫頭的命...


琥珀宮

積分: 157928

玩具勳章 好媽媽勳章 醒目開學勳章 畀面勳章 叻叻勳章 2011精緻種植勳章 環保接龍勳章 BK猜猜猜慶中秋 BK Milk勳章


發表於 10-5-9 23:01 |顯示全部帖子
原帖由 54heima 於 10-5-9 22:58 發表
失去兒子
這種痛苦
可能庾媽媽要用這種信念這種方法才可讓自己支持下去
但就hey sun 左另一個仔嘅幸福...唉

港英餘孽生活態度~係咁牛精架喇~點吖


大宅

積分: 2494

好媽媽勳章


發表於 10-5-9 23:08 |顯示全部帖子
好難話支唔支持
因為唔見左個仔 既人唔係自己
我可以好輕易話放棄/唔放棄
佢可以放棄唔搵當死左 繼續去生活照顧另一個仔
但佢個心一樣都係放唔開 一樣日日都唔開心
繼續搵 佢另一個仔會唔開心覺得媽媽偏心

無論係佢選邊一邊 一樣痛苦


男爵府

積分: 7437

2021勳章


發表於 10-5-9 23:13 |顯示全部帖子
無話支唔支持既,始終果個係人哋個仔,做阿媽唔見咗個仔,想揾返佢都好應該,雖然真係好難


子爵府

積分: 14855


發表於 10-5-9 23:23 |顯示全部帖子
同意。

就算唔支持,D鄰居都唔應該講D咁冷血嘅說話。你只可以勸佢放開點,但點可以話佢搏同情?

原帖由 esweet 於 10-5-9 23:13 發表
無話支唔支持既,始終果個係人哋個仔,做阿媽唔見咗個仔,想揾返佢都好應該,雖然真係好難
You think the only people who are people
Are the people who look and think like you
But if you walk the footsteps of a stranger
You'll learn things you never knew you never knew
-- Colors Of The Wind


大宅

積分: 3852

好媽媽勳章


發表於 10-5-9 23:27 |顯示全部帖子
比著係我,我會搵到我斷氣嗰日為止 (想喊中,唔敢想像唔見咗仔女嘅心情)


公爵府

積分: 26458


發表於 10-5-9 23:50 |顯示全部帖子
原帖由 bryanmum 於 10-5-9 22:38 發表
自己做咗人媽媽, 好明白庾媽媽的心情, 是生是死都比佢搵出個答案吖! 唔係"弱智人"就冇價值, 唔係為已經唔見咗10年, 同賠咗錢就要迫人放棄架!!!庾媽媽: 我支持您搵答案, 欣賞您仍有這份堅持!!!
苦海十年 庾媽媽等一個 ...

我都同意,做人亞媽先知果種痛,母愛真係好偉大,希望今日我地身在幸福既人,唔好再落井下石,每個人都希望自己既仔女聰明伶俐,但幸福真係唔係必然架,惜福!


公爵府

積分: 27574

好媽媽勳章 醒目開學勳章 畀面勳章


發表於 10-5-9 23:52 |顯示全部帖子
可憐的庾媽媽..


大宅

積分: 4438

醒目開學勳章 畀面勳章 親子王國15週年勳章


發表於 10-5-10 00:25 |顯示全部帖子
原帖由 洗手盆 於 10-5-9 23:27 發表
比著係我,我會搵到我斷氣嗰日為止 (想喊中,唔敢想像唔見咗仔女嘅心情)


ME TOO...


伯爵府

積分: 17523


發表於 10-5-10 01:01 |顯示全部帖子
冷血的鄰居,冷血的政府,
可憐的媽媽在這過去10個母親節怎麼過


子爵府

積分: 13884

好媽媽勳章 醒目開學勳章 畀面勳章 環保接龍勳章


發表於 10-5-10 01:09 |顯示全部帖子
比我一樣唔會放棄~~~
一家人,最緊要開心,快樂~~~老公,收入大增~~~


瑪瑙宮

積分: 130025

2021勳章 好媽媽勳章 醒目開學勳章 環保接龍勳章


發表於 10-5-10 01:21 |顯示全部帖子
唔好話唔見左...試過離開亞女兩個星期,有老爺奶奶照顧...但個心日日都好驚...驚佢爺爺會唔會大意到唔見左佢...一日打幾十次電話問亞女點.....

個仔唔見左,可以唔搵嗎?除非自己都死埋啦...


男爵府

積分: 7720

好媽媽勳章 醒目開學勳章 BK Milk勳章


發表於 10-5-10 01:22 |顯示全部帖子
我希望她可以找到兒子。


伯爵府

積分: 15365


發表於 10-5-10 01:43 |顯示全部帖子
十年前羅湖出入境職員的一次錯誤,讓文翰離境過了關,開始了這可憐媽媽的無止境惡夢,但願她終能有一天能撫平這傷痛,文翰無論你在那一方也希望你能為這偉大的母親獻上這祝福。
凡勞苦擔重擔的人,
可以到我這裡來,
我就使你們得安息。

太 11:28

首頁
12

尾頁

跳至