吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 家庭理財› 好鬼嬲!! 間保險公司係咪好等錢使 ??

家庭理財今日: 13|主題: 46909

收藏本版

發帖

返回列表

跳至頁

查看: 7888 | 回覆: 5

好鬼嬲!! 間保險公司係咪好等錢使 ?? [複製鏈接]

sally0106

別墅

積分: 653

1^#

發表於 10-5-14 21:05 |只看該作者 |倒序瀏覽 |打印

我2007年11月幫個係aix(友x)度做嘅朋友買左份要供15年嘅基金單,諗住月供2仟多d當儲$, 供左未夠1年我個朋友冇做, 咁佢都有通知我, 我份單會由佢同事跟, 有問題都可以揾佢. 但一路以黎, 個新sales都冇聯絡過我. 其實我老公一早都叫我cut鬼左佢, 因為買左冇幾耐個股市就唔係咁好, 跟住就金融海嘯, 話年期咁長, 供到尾都唔知有幾多$law番, 但我諗住當儲$同放長線, 利率應該唔會差過放係銀行掛, 同埋如果我真係咁早cut, 我所供嘅$係law唔番架. 后尾供到09年中, 我係保險公司寄比我d戶口報告見到我嘅退保價值愈來愈多, 咁我咪諗住再供落去, 等佢run多d咁我遲d cut咪可以law返d本. 跟住去到09年尾, 我個交保費戶口(自動過戶)改左, 但我又唔記得預先通知個sales. 但后尾間公司寄左封信比我話銀行過唔到數, 咁我咪打電話諗住揾我個sales睇下可以點安排, 但一路都係佢另外d同事聽話佢唔係office, 我講左我嘅情況比佢聽咁佢就話會寄張更改戶口自動轉賬表格比我, 同話以家改戶口過數做唔切, 我要先寫支票交多3個月嘅保費先, 咁我係今年1月7日收到佢張表格, 咁我咪寄埋張表格同張支票比佢, 跟住一個星期左右我就收到張3個月保費嘅收據. 跟住到2月尾我都重收到我戶口報告封信, 直到今個星期一我就收到保儉公司封信話我個戶口乜價值不足夠行使保單契約內的暫停繳費條款, 我份保單己失效. 咁我即刻打去客戶熱線問淸楚, 咁佢話要幫我check下個sales, 我都有同個客戶熱線個女仔講話我咁耐以黎我個新sales都未聯絡過我. 收左線我都即刻試下打比我個sales, 但佢d同事話佢唔係度, 我都有留低我個電話no. 咁跟住客戶熱線個女仔覆番我, 話跟我個sales唔係hk, 咁佢會幫我check下第日會覆我, 我個晚已經好興, 跟我個sales由份單轉左比佢咁耐佢都未contact過我, 以家咁突然話我張單終止左.
到左星期二, 個客戶熱線個女仔覆番我, 話佢check過會計部, 話我之前比佢地個戶口no. 唔啱過唔到數, 咁我咪同佢講, 咁有問題唔係應該先聯絡我, 佢話尼d係會計部通知sales, sales再通知客人, 咁我話我咁耐以黎一個電話都未收過, 咁佢話佢都要等個sales覆, 佢已經通知左個sales個秘書send sms比佢, 佢話佢會尼一, 兩日覆我喎. 咁我諗住等多幾日啦, 點知星期四我已經收到保險公司張支票, 我個戶口d基金價值本身係賺緊$, 但以家我只可以law番所供嘅75%. 真係好鬼嬲, 令我對尼間保險公司同佢d sales 冇哂信心. 我諗住去投訴, 但唔知有d咩途徑. 請問有冇人有提議??

0 0 0

私人傳訊

大力大力

象牙宮

積分: 212028

2025勳章 2025勳章蛇年勳章醒目開學勳章大廚勳章

2^#

發表於 10-5-14 22:49 |只看該作者

AIA 101中招

http://finance.discuss.com.hk/viewthread.php?tid=11930590&extra=page%3D1&page=1
BY :
lskao
買左1個半月。買時說有special bonus。經紀說30年期bonus較多。就算20年後cut 單要扣錢都應該可以打和。但最近仔細睇清楚，經紀無講這個所謂扣錢，便是基金提取費用。連最初供款也要扣。延長年期的話即是說cut單的費用會大升，10年後cut單將只收得3成。如果繼續供到2.5年初始期滿，總共要比US$19K。等10年後取回3成則蝕US$13K(仲要假設無驚無險，每年回報夠cover手續費6%)。如果這一刻放棄，則蝕US$8K。欲哭無淚！
請問有無救命方法？救人一命，勝做7級浮屠。

我買在 AIA...........唔知仲供唔供好呢?
我買在AIA 3年幾, 供30年, 每月約$1,700.....有個朋友同我講話AIA間公司之後唔睇好, 收費又唔平, 又過在CIP, 叫我唔好再供,由個A/C 有BALANCE係度.......之後拎原本供既錢買股票好過.... 各位有咩意見呢???? 如果我唔再供得唔得家..... 30年之後會唔會比佢扣哂D錢家???
--------------------
你都供左七萬蚊喎.
又供滿A戶口,呢個戶口根本就係全期最低收費,
中期斷供都照扣30年費用,
俾著我都唔會再供,蝕七萬好過俾佢地長期陰干
---------------------
假設 20090202 戶口價值: 1700 x 12 x 3 = 61200.
停供之後的每月收費
1 保單管理費用: 戶口價值 x 4% / 12 = HKD204
2 每月保單費用: USD6 x 7.8 = HKD46.8
3 每月行政費用: 戶口價值x1.2% / 12= HKD61.2
則20090302 戶口價值: 61200 - 204 - 46.8 - 61.2 = 60888
您跟上面的例子做, 大約知道30年後乘下多少.
假設現在戶口價值HKD61200:
年回報 -- 30年後戶口價值
10% -- 214829.88
8% -- 120881.20
6% -- 66745.05
4% -- 35738.66
2% -- 18126.48
0% -- 8239.52
如果您用HKD61200買美國30年債券, 假設年回報5%,
27年後(30年-首三年供款期)你有235413.20
我也是受害者....
-----------------------
我都係蝕左差唔多錢
最初都十五十六, 但都決定斷供
因為我根本睇唔到我 30 年後確實有幾多得益
而家一次海嘯就已經打沉大部份行業
我也不知未來餘下的廿幾年會有幾多次海嘯
我只係知無論點, 你都係要現金俾足人地o甘多年錢
------------------
我都係AIA供30年PLAN
我每月供$4000....家陣供左兩年....仲有一年先可以停供
斷供就TOTAL LOSS....家陣真係騎虎難下
灰過大灰熊!!
-------------------
唉, 我都係...
供20年, 月月2000
而家同我蝕到d bonus 無曬, 仲要得返一半本金.
d fund 佬仲死過我自己炒股, 仲好意思收管理費
----------------
幾多年 plan? 30年係絶症, 20年以下又供咗2年, 可以再供多兩, 三年, 有機會蝕少少走, 調撥得好可以回本至 cut, 30年就............. , 喊完 cut咗算, total lost 都好過繼續蝕.
------------------
我同你一模一樣.........年供 !!!!!!!!!!!!!!!!!!!!!!!!!!!!!!!!!!! 大家交流一下
而家諗緊壯士斷臂
果兩皮野當掉左落咸水海算
用下個月賺番來安慰自己
而之後果兩年供多四萬八喎
我現在蝕兩萬四我之後兩年得番四萬八
我怕之後零存整付渣都無埋到時唔止蝕兩皮而是蝕足七皮
所以 ....................考慮緊壯士斷臂!!!!!!!!!呢兩日內行動!!!!!!!!!!!!!!!!!!!!

而且自己另外一度有基金要供, 所以負擔會好
----------------------
死啦, 我第一次睇呢條link咋
睇返d statement, 先知自己係買左友邦財庫之選 14年既plan
已經供左2年零一個月, 月供 HK$1700左右
已付保費: US$5,414.5
bonus: US$181.92
現有戶口價值: US$4,503.93
net surrender value: US$2,701.22
我14年後拿得返既錢, 七除八扣後, 係咪會少過我既本金? 如果係, 我想而家cut, 咁我而家cut既話係咪可以拎返 US$2,701.22?
我真係唔清唔楚, 好慚愧, 希望你地好心幫下我, 俾d意見
-------------------
我一年幾前有一份40000幾蚊既aia 101, 30年期基金......
一年內比佢蝕到超過60%，仲不斷咁食管理費。
D基金經理真係費到爆，而且轉基金又要花幾日時間，好易變成高買低賣。
搵個agent幫你睇?話唔定佢蝕得仲多過你.......
總知呢d有年期基金真係廢到爆!
於是我怒cut 30年plan
雖然蝕到好肉痛，但係值得。因為唔cut既話你不但要不斷蝕管理費
而且呢30年內你會成日覺得比人昆左，每個月交供費時都會覺得比人昆左
要被人昆30年.....真係人都癲喇!!會有精神病呀!!
而且，你30年內都唔可以攞呢筆錢離用，人有三衰六旺...衰起上離想攞筆錢出離應急/做生意/結婚/買樓.........全部唔得......你話到時激唔激到你嘔血丫....
我怒cut 30年plan後自已去買ETF果類指數基金跟本就係差唔多，而且隨時可買可賣，唔洗等佢幾日先至可以換馬，好過買有年期基金幾萬倍。
ETF選擇都唔小, 台灣ETF, 美國、印度、日本、金ETF，我真係覺得...有年期基金跟本毫無優勢/好處。
未買既千祈唔好買呀!!
-------------------

By : 七叔公
一句講晒
儲蓄保險買唔過
我買咗18年都要斬攬
-----------------------
"AIA財庫之選" 斷供問題
http://www.discuss.com.hk/viewthread.php?tid=8089763&extra=page%3D1&page=1
http://www.discuss.com.hk/viewthread.php?tid=8975195&extra=page%3D1

*************

私人傳訊

大力大力

象牙宮

積分: 212028

2025勳章 2025勳章蛇年勳章醒目開學勳章大廚勳章

3^#

發表於 10-5-14 22:50 |只看該作者

儲蓄保,紅利不如預期。向誰投訴好？
By : baby080808
本人供了一份人壽儲蓄保, 為期5年, 每年紅利利率5.75%, 剛剛供滿5年。
頭4年的紅利完全乎合預期,
但當交完最後一期(第5期)保費後(約3個月),
紅利利率即因一句「因應市場情況」而變成4%！
原本在第5年滿後, 預期紅利有3萬幾, 家陣竟變成得7千幾！？
原以為可靠這份人壽儲蓄保養老, 家陣第5年已搞成咁, 我仲點信得過佢？
請問大家我該向甚麼機構投訴？謝謝回覆。
----------------------------

By : gdc2005
買左 AXA 既基金 Plan 瀨左野
本人由 2006年 8 月開始供 hk$1,000, 2007年加碼到 hk$ 2,900
2008年 8 月又開左個新 plan, 每月供 hk$3200
不過因為減左人工, 第 1 個 plan 減額至月供 hk$660
2 個 plan 都係供 20 年
第 2 個 plan 要供夠 3 年先可以減額..........
2 個 plan 加埋 2 份保險 ,每個月
要 hk$4500............
唉, 依家 2 個 plan 加埋得 o個 us$7700 , 即 cut 拎番 hk$25,000 , 仲未扣 charges
好鬼燥, 又儲吾到錢結婚, 呢 2 個 plan 又吾可以提早拎 $....... 唉...........怪就怪自己當初諗住幫人
依家都吾知點...

By : prux
買保險投資產品要小心
奉勸世人投資英國保誠保險公司的儲蓄計劃要特別小心。
小妹有一慘痛經歷向大家哭訴。零三年五月，保誠李姓女經紀向我銷售(會聚寶)，當時她只着重講解回報收益，而把投資風險(市場價格調整)輕輕帶過，而我不知世途險惡，跌入圈套。在過去多年，世界投資環境大好ge時，每年只發四厘或四厘多年息。直至零八年十一月尾，經紀突然通知我說公司要行使(市場價格調整)，如果我即時提取,只可得回本金加利息的百份之五十幾，白白唔見十多萬。我當堂O曬咀，因為我腦海中根本就無(市場價格調整)這概念。但保誠話如果繼續存放多五年則可保本，但利息則要視乎公司盈利而定，你話係唔係揾笨？
當全世界大部份投資都有一百幾十%的回報之時，它才發四厘多年息，但當它投資失利就將全部損失轉稼投資者。即賺錢時它先發達，賠錢時就由客仔找數，它是做必賺的生意。所謂市場價格調整是沒有透明度，它說下調多小就多小，客仔就O咀接受。各位兄弟姐妹門，在簽署任何投資文件前，一定要清楚每一項細節，不要被不良經紀欺騙。而且保險公司產品的回報，大多分開保證和非保證，不要天真地以為你可得到它表面列出的回報。祝你們好運，做一個聰明的投資者。
------------------------

保險不宜買過多
我出嚟做野嗰時都以為係好野
因為淨錢淨得多
但係因為自己大咗,責任都大咗(主要因為家姐結咗婚,,而屋企人又唔生性,玩到要破產,唔係呢兩樣,都要加家用俾屋企)
攪到要 cut 哂啲單去
唔係就連開飯都冇錢
個衰 agent 仲不停叫我買
淨係買保險,我頭7年做野至少供20萬
cut個時收番5%都冇
因為agent 每年同我 review 1次, 次次都話唔夠,叫我買多份,頭兩次中哂計
不過,都已經供咗都冇辦法
如果唔係保險,我都夠俾我而家層樓啲錢啦(廿年公屋,所以廿萬有交易), 而家仲有十幾年供呀
買保險無問題，最重要是淨保險, 千萬唔好有什麼基金, 儲蓄成分, 因為管理費太高太高了！
--------------------------

之前計過的數，有網友話買了份 46 年後給回 81萬的保險，你話怎追通脹？？？現在 81 萬是普通工人 $ 6,000 , 81萬 = 135個月人工！
問題在那裡？ 46 年前香港工人 $160/ 月 x 135 = $20,250 (等於你 46 年後的價值！！
解釋明一點是，46 年前買了份蓄儲保險，以為好好洗，怎不知現在祇收回 20,250

自1971年美元同基金脫鈎後，全球通脹率唔受控制，今年美元購買力只得1971年嘅4％（即1971年100萬美元身家，今時今日相等於2500萬美元），可見貨幣貶值嘅速度真係幾驚人。
-------------------

BY: cbaabc
其實點解D人買101?
http://www11.discuss.com.hk/viewthread.php?tid=7770518&extra=page%3D1&page=2
我上左呢度兩日，主要係因為岩岩考慮緊買101，本來約好左簽野。
初初上黎睇，發現好多人講101點唔好點唔好，又話會蠶食我地d錢...
起初唔係好明，仲以為agent話俾幾多%就咪係咁多o羅，
睇左好多有關既post，先知道原來內有乾坤，原來有好多隱藏收費，原來個收費結構係好複雜。
而家，清晰晒，清醒晒。
好多謝各位大大，將d agent唔會講既實情講出黎，
令我睇真個picture，我而家最終決定唔買。
寧願擺係銀行度au，就算追唔倒通脹，都唔使俾人蠶食；
始終將錢放在銀行，我自己都有返個控製權丫。
同埋，個本都唔會冇左 (就算係冇左，都係自己用左o者，唔係雙手奉送左俾人嘛)。
-------------
買左AIA 101計劃既補救方法 ????
http://www.discuss.com.hk/viewthread.php?tid=8089763&extra=page%3D1&page=1
By :rickytse

我係年半前買左份25年既101死亡計劃...
怪只怪初初冇諗清楚就簽, 宜家覺得比人搵笨....
4000蚊個月, 如果宜家取消, 要賠12萬幾, 23.5年既保單管理費比佢.....
如果我等多14個月, 等到最初供款期過左之後, 拎番所有錢, 剩番最低既1500美金餘額, 之後再取消合約, 咁係唔係唔須要補錢賠比佢, 只係冇1500美金?

後記 : 如果我早D睇到呢個forum就好啦…………
By : askalu
AIA 財庫之選一問
比老世扣工資冇幾耐、冇錢供、又手緊、下季4月有可能就比人抄、想拿錢出來、但才發覺裡面的cash value扣sur. charge ==> $0
根本拿唔到出來、再上來這個網才知道被騙、極灰.......
剛才打過客戶服務那邊話45days唔交今期的年供便會cut單變 $0 的cash value、冇panelty payment
唉、真係信錯朋友、聽朋友講這張單平過買基金
咁就冇左2年錢hk$70k、想回來都覺得自己"傻"、會信佢3年後唔使共、原來頭3年係手續費.....30年便扣晒
當初就算、拿這些錢去買hsbc、由$145跌至$40、都有$16k、而家係渣都冇
根本一開始買己經係錯、股票都話蝕極有渣、而家係渣都冇
真係一言難盡
------------------

By : wanthouse888
http://www.discuss.com.hk/viewthread.php?tid=8089763&extra=page%3D1&page=3

我供左三年,依加cut單損失好大,但如不cut單30年的收費又好似比依加cut單賠得更多,請各位俾下意見:

我是在０５年買了這份計劃的，你們有沒有留意到保單的費用一覽表那裏有和種各樣巧立名目的收費呢? 什麼開支彌補費用,保單管理費,每月保單費,每月行政費,轉換手續費,基金買賣差價費,基金管理費等等,這些費用隨時可以蠶食你的各種回報,太不合理,食水太深了,我很後悔買了這張單,AIA根本就是吸血鬼,我當時買單時沒多留意這方面的收費內容,但現在回過頭來一算,才發現被這家公司搵笨!

我簽的那份合約是30年,每月供834.67美元折合港幣約6525,已供了3年合共36個月,一共供了約234900港幣,現在打算申請休假期,誰知幫我買單的中原資產管理提醒我,如果不再繼續供,分分鐘這些錢不夠扣各種手續費,我於是打開保單,發現原來保單中有那麼多的各種巧立名目的收費:

其它的不計.計番基本的保單管理費:每年4%的最初供款戶口價值,每月行政費用每年1.2%,還有每月保單費用美元6元（每年72元）即合港元約560,這樣計算起來每年要234900 x (4%+1.2%) + 560 = 12775 , 30年就要收取約 383200 , 你們說有沒有理由,還不算其它費用,只算這三項費用30年就要收取38萬多,我放23萬多係戶口,30年就要收取至少38萬的各種管理費用,就算這筆投資有回報,30年最多平均也是8至10厘,即AIA便要收取至少一半你的投資收益作為各種巧立名目的管理收費,食水之深令人發指,說它是吸算鬼一點也不為過! 如果再繼續供下去,費用更是以倍來計算,所以我即算有錢也不敢再供下去了,這家公司根本是吸血鬼,到最後戶口價值根本所剩無幾!

我認為這樣的收費絕對不合理,即使我們簽了合約,強積金的管理費用都可以減,為什麼這種不合理的收費就不可以減呢? 我打算向立法會議員,蘋果日報社會投訴部投訴這件事,向AIA施加壓力,讓他們把各種收費合理化,如果你也有買這個計劃,請留下你的資料pm我 ,多一個人多一份力量,單靠幾個人去吵是沒用的,積累了一定人數後，我們便可以正式行動向報社或立法會議員投訴,爭取改回合理的收費!
----------------------
By : wcyyy
http://www.discuss.com.hk/viewthread.php?tid=8880725&extra=page%3D1
唔知係咪俾人呃緊..
請問如果我89年開始供一份人壽保險..個經紀同我講12年後就唔使再供
12年後個經紀又話未得..要再供多幾年..幾年又幾年..到而家仲供緊..
問佢而家斷供..佢話扲唔番本..仲要蝕幾萬俾佢..
-----------------------
AIA 6年基金變左25年..點算好呀?救命呀??
By : henry186983
我3年前找AIA經紀做份基金..當時我說明不可太長的,,我一定要在第6年全部錢取回..因我個仔讀書之用..經記說無問題的,,就做左一份6年期每月供$3000,但再少要供3年..果時我ok啦,,,,,,,但好景不常3年後今日就發各份基金有問題,,打比跟我個經紀問清楚,,,,原來佢以經無在AIA做了,,我就打去AIA客戶熱線問...她說我份基金係25年期的,,,己付保費13994美金,,賞金862美金,,淨退保價值5562美金,,當是我一聽見原來係25年單我先知比個經紀扁左,,,請問大家我可以點做???我真的無可能等25年後先取回d錢,,因我個仔讀書之用,,,用什麼途經環我一個公道呢??請大家幫幫手,,thx

--------------------------------

私人傳訊

大力大力

象牙宮

積分: 212028

2025勳章 2025勳章蛇年勳章醒目開學勳章大廚勳章

4^#

發表於 10-5-14 22:51 |只看該作者

By : takayshi
點解仲有甘多人信保險
http://www11.discuss.com.hk/viewthread.php?tid=7722303&extra=page%3D1&page=3

我阿媽就係買左你地公司有紅利成份既人壽至搞成咁
10年得o個4xxx幾蚊港幣息
真係多謝哂
同當初講到10年後有幾多幾多息差咁遠
我都係因為你地呢d咁既plan至令到我只會買term呀
只想提一提你, TERM係你年青時係可以以好少錢得到你想要既保障, 但因為係TERM, 保費會因為你年紀增長而增加, 到左你超過35以後, 若果你繼續需要INSURANCE既保障, 保費係會增加幾成以上
我以前同你一樣咁諗, 都係買TERMS, 但今年CRITICAL CRISIS既保費突然增加左50%, 每五年個保費係會繼續向上調, 你自己計一計條數, 就算有儲蓄成份既保險, 個個保費係會係你買個刻FIX左, 但若果同樣地你十幾二十年無事唔使CLAIM, 你用TERM係會比多左更多保費同羅唔番D錢
不過我同意你講, 有SAVING 既保險既回報係不堪入目, 若果你對自己既健康好有信心, 同埋自己既投資眼光好, 不如羅D錢去投資, 唔好去買一份無咩回報既保障
-------------------
By : foon1
http://www4.discuss.com.hk/viewthread.php?tid=7111785&extra=page%3D1&page=3
响呢度分享小小自己既經驗同睇法
我十幾年前開始投資係買基金, 所以當時好多基金投資講座都有去聽, 有响匯豐做每月供基金。同埋後來聽一個講座時佢地推介一個PACKAGE, 係响首十三個月內, 你每月投資幾多佢送幾多相同價值既金額俾你投入你個ACC, 即係你定期投資三千, 佢送三仟俾你投資, 我諗落有著數, 個AGENT又落咀頭, 話佢, 佢教我話到十三個月後 (即著數攞完後) 停供,佢幫我睇住個ACC 五年內賺返DOUBLE 於是參加喇, 點知後來得閒睇返D文件, 原來我個PLAN係唔可以隨時攞返錢, 要我六十歲或死左先可以攞, 如在此之前取消的ACC 會收取高額既費用, 越早消收費越高, 遲攞就收少D, 如你停供(仲KEEP住個ACC), 咁每季都收你管理費, 一年供收百份之七 (我個PLAN係九七joint 即已收左70%, 即我只得返30%, 假設D基金價格不變 ) 加上九七年個市响高位, 我計過十三個月每月供三千, 即出左約四萬, 加埋佢話送既四萬即共八萬, 但依家我個ACC 只有值千幾蚊美金(萬零蚊港幣度). 睇下到我六十歲可以攞返幾多攞. 所以奉勸作投資前真係要睇清楚同問清楚
不過都好, 經過呢次教訓後, 以後對投資既野真係事前做好功課同問多D, 依家D銀行或投資公司打電話來SALES我買基金, 俾我問多兩問佢地口啞啞, 自己投降.
有次去恒生辦野, 個職員過來SALES我買基金, 我同佢講, 你得贏就同你買, 我佢講, 認購基金要收5%首次認購費, 每年管理費當1%, 贖回又收2.5%, 我長渣十年, 當基金價格冇變, 我要硬食17.5%費用 (5 % + 1% X 10 +2.5%), 如果將呢筆錢去買股票, 買你地銀行你唔會唔同意呀, 同樣股價冇變, 我長渣十年, 每年有四厘幾利息, 零頭當股票行收我既費用, 以四厘計, 十年即有 40%回報, 我問你, 如果你係我, 你會點做? 佢冇野講
-----------------

By : waynerooney
計我話，o個d 乜鬼financial planner 財務策劃真係多9餘..
http://www4.discuss.com.hk/viewthread.php?tid=7645753&extra=page%3D1&page=1
想當年我個仔剛好1歲，一個好親的親戚不停說我幫佢買份單俾我個仔，一來可幫佢交數，二來又可俾我仔大個有一個保障，咁就儍儍地幫佢買多份單(之前我自己都幫佢買咗份)，後來先發現原來要供64年才mature，佢當年成日話只需供10年，份單就可以自已對減保費，但事實之後不停減息，就話要供多幾年就可對減保費，好啦，終於供到可對減保費，不過發現過幾年後又要再供，除非加番息。
----------------
http://www.discuss.com.hk/viewthread.php?tid=7998801&extra=page%3D1
冤魂不息仲屈我話我借佢地公司錢
事源我18歲果陣幫個朋友買左份保險
個朋友同我講我供到25歲就唔洗比錢再供~
只要我冇拎過錢出尼~
可以用D紅利繼續供落去~一直保到我65歲~
供果段時間~佢公司年年冇經我同意就自動加幾次價~
加幾廿蚊我都算數~之後有段時間我胃出血入院又冇得賠~
到我25歲~佢依然繼續每個月扣我錢~
我問佢~佢就話係果個同事解釋得唔清楚~
但果個同事e+已經冇做~
咁我話算啦~有事又冇得賠~cut左佢~(前後共供了4-5萬)
佢又話叫我唔好cut~
叫我唔洗再比錢供但仲有少少紅利響度唔好"晒"左佢~
不過受保範圍細D~
我又信佢~
點知e+隔左幾年又寄封信尼~
話佢公司自動借錢比我幫我續供~
我從來冇簽過任何野話向佢地公司借錢~
好煩~點先可以同呢間公司正式一刀兩斷?
-----------------

By : 東南風
PK!!! MaxxMutxxxx 101保單, 發現手續費要扣晒全期30年, 一個仙都冇得退!!
原本真係唔知! 而家先知咁能樣計, 可以向邊到投訴?
證監會? 金管局? 保險監埋?
財智之選多元投資計劃
05年買, 供左成3萬啦
頂佢個肺, 點可以話供左2, 3 年, 就收30年行政費?
邊個政府部門批准D咁既產品?

有冇人投訴過? 結果如何?
我供左年半, cash value 已夠扣每月usd33 蚊行政費,
已經從a/c消失左(扣左) 超過hkd7000既手續費
但最近唔夠扣, 佢話要失效!
正正就係" 計劃書" 並非等同"保單"
計劃書內是沒有實際將會扣除幾多手續費的銀碼,
如計劃書可以比我知道,
即使我月供只是USD200 (HK$1560) 就等於會每月最少扣USD33(HK$250)的不會退回的手續費, 而且維持30年!! 而且會隨著保單內含值賺左或新供款, 手續費就更多.
我一定唔會JOIN 啦

MPF的手續費是最平是每年1.5% (即每10萬, 收1500元), 但101是每月高達1.25% (即每年15%)是MPF的10倍 (約數)
所有呢D野, 是你簽晒野, 出左保單 (1個月?
但可能KEEP左係AGENT到, 而果時你仍然信任佢)
最後你收到份單, 以為如計劃書一樣!!!!
AGENT只FOUCS在撰基金和付款上,
1星期後就過能左冷靜期, 乜牽涉30年既野, 只有1星期你唸!!!!! 就算有足一個月, 你又唔係做呢行, 點會研究出佢會收咁多錢?
D PK保險公司, 搞出D咁既PLAN
當然是想有人落疊,
一般人點會研究出個PLAN會收咁多錢?
連佢公司D 客戶服務都只是識答你, 你自己睇條款既.
我發現上當後, 已停供了, 但最近cash value 不夠扣手續費, 份單就話失效,
但其實份單仲有4千幾美元
(即3萬幾港元在保單價值, 3萬幾既餘額, 已是扣了7-8000元既手續費的balance!!!)
雖然數目唔多, 亦不影響我既生活,
但確實是感到被"昆"了, 而且條款極不合理, 我不會再供!
------------------------------------

私人傳訊

HO1103

洋房

積分: 43

5^#

發表於 10-5-15 00:04 |只看該作者

原帖由 sally0106 於 10-5-14 21:05 發表
我2007年11月幫個係aix(友x)度做嘅朋友買左份要供15年嘅基金單,諗住月供2仟多d當儲$, 供左未夠1年我個朋友冇做, 咁佢都有通知我, 我份單會由佢同事跟, 有問題都可以揾佢. 但一路以黎, 個新sales都冇聯絡過我. 其實我 ...

http://www.oci.gov.hk/chi/about/index08.html
保監

不過你個CASE既主因&令你冇信心係因為個AGENT,而非公司。

同埋,你冇話暫停繳費應唔會冇啦啦暫停,應該事有蹊蹺。

順帶一提,如果張單係自然終止,你可要度復效,甘就唔駛"局"CUT,賺左既錢又攞唔到。

[ 本帖最後由 HO1103 於 10-5-15 00:11 編輯 ]

私人傳訊

sally0106

別墅

積分: 653

6^#

發表於 10-5-15 01:44 |只看該作者

回覆 1# HO1103 的文章

真係唔該哂你比我條投訴嘅link, 我以家就係等緊佢地比個答覆我, 我好想肯定真係個sales嘅問題同我起碼巳經單左比間公司知, 唔知佢地會唔會查完之后會對個sales作出任何行動. 跟住我就會去投訴.

其實我之前同個客戶熱線個女仔講, 以家唔係我個問題, 係你地個sales問題, 點可以冇通知我嘅情況下就咁樣停左我份單同賣哂我d基金, 同我根本就唔想係以家連本都未law番就cut. 但佢話以家都冇辦法, 做左嘅嘢巳經hold唔到喎, 但叫我等等個sales覆, 但佢話其實sales可以同公司傾番幫我買番d基金做番份單, 但可能買賣基金d差價同其他費用要我比, 我真係火都黎, 根本接受唔到. 唔係我問題點解要我負責? 總之我就比尼間公司同尼個隱形sales激到死.

我供左兩年幾, 本金係US$7,230, 未停之前戶口總值有US$8,970, 但我只可以law番US$5,415. 咁佢地咪即係食左我成3仟幾. 咁你話佢地唔係等$使重係乜??

我以家諗, even間公司同個sales唔收我全部費用幫我reinstate番張單, 我都唔可以當冇事發生再比$佢地賺law.