母乳餵哺

收藏本版
回覆 發帖
返回列表
跳至頁

首頁
12

尾頁
   1
leungcnine


大宅

積分: 4800


1#
發表於 10-5-20 20:06 |只看該作者
BB 九日大, 唔夠人奶仲餵唔餵好? 好煩惱!!!
請幫忙教我點做好? 應否放棄?

DAY 1 (在醫院)
每隔3個鐘埋身餵 (共三次)
因為開刀後傷口太痛, 姑娘建議補奶粉
所以另補左奶粉一次

DAY 2 (在醫院)
全日奶粉

DAY 3 (在醫院)
頭三次奶粉
一次埋身餵
一次埋身餵+奶粉
一次奶粉
一次埋身餵

DAY 4 (下午出院)
一次埋身餵+奶粉
2 次埋身餵 (乳頭損晒, 勁痛, 開始想放棄)
之後四次都係奶粉

DAY 5
一次埋身餵+奶粉
2次奶粉
之後開始無再MARK低

DAY 6
因為乳頭損晒, 開始用PUMP
每次 PUMP 到 0.5 OZ+奶粉

DAY 7 ~ DAY 8
每次 PUMP 到 1 OZ
飲完人奶+奶粉

到今日DAY 9
開始埋身餵 (希望奶量增加)
但BB 唔太肯埋身飲, 勁喊.
勉強每次餵太約 30-45 MIN,
唔夠半個鐘, 勁喊, 要補奶粉
DAY 9 飲奶時間亂晒, 之前PUMP 出0黎
都平均3 HRS 或 3.5 HRS 一餐,
DAY 9 的時間唔識計,
因為埋身飲完, 隔半個鐘要補奶粉.
之後唔夠 2-3HRS, 又下一餐.
而且補奶粉有時 1 OZ, 有時 2.5 OZ,
唔知 BB 飽唔飽.

而家最大問題係, 唔知BB 埋身飲左幾多,
埋身餵飲奶時間勁亂,
BB 又唔太肯埋身飲 (可能DAY 2 開始飲得太多奶樽),
我係咪應該PUMP 出0黎, 唔再埋身餵比較好?
但我想問, 係咪埋身餵, 奶量先會多?
PUMP 奶係咪愈PUMP 愈少??

好煩惱, 身邊又無人幫到我.
又勁攰, 坐緊月都訓得好小..

請有經驗媽咪幫忙回答, 謝謝.
私人傳訊回覆 引用

yumiee


大宅

積分: 3093


2#
發表於 10-5-20 20:38 |只看該作者
係咁架! 嗰時我每日夾埋都瞓唔到2個鐘呀!

如果你有決心要餵人奶就唔好再補奶粉.不停埋身餵. 就算餵都要用SPOON餵.不可用奶咀.

差唔多24小時都係餵緊.

奶頭損就搽羊脂糕. 我都係十幾日後先多D奶.但係要堅持.

嗰時我BB勁廋左好多,又無WIWI,但我都堅持.試左一個禮拜後真係好好多. 好好多嘅意思都係一日瞓唔到2個鐘,不過係多左奶出.

係!真係好辛苦. 真係好睇你究竟想佢食人奶嘅決心.

你去左健康院未? 健康院的姑娘會教你. 我BB在醫院有補奶粉,收完水出院已院時已肥番,但回家後就瘦番又黃. 你最緊要去健康院,醫生姑娘會教你點做.

你有問題就問我,因為我真係好艱苦過左頭個月.我好想支持你,話你知,有志者事竟成. 我老公同奶奶都反對.我都不停爭扎,是否要放棄, 只要放棄全家人包括BB都開心都舒服好多.但我家姐支持我,我就在思想爭扎下成功了.

如果你有決心, 你一定得,加油呀! 我記得嗰時來這裏得到很多支持. 她們都說[會過去的]這些痛苦是會過去的.放心. 第二個月開始好轉, 三個月後就真係好好多.

不要聽失敗的人說的話,要聽成功的例子.我老公都曾勸我放棄,說他朋友怎樣爭扎,最後放棄後,成個人舒服晒.但我叫他不要說,因我一定要餵到.

[ 本帖最後由 yumiee 於 10-5-20 20:51 編輯 ]



私人傳訊回覆 引用

yumiee


大宅

積分: 3093


3#
發表於 10-5-20 20:46 |只看該作者
問:而家最大問題係, 唔知BB 埋身飲左幾多,
答: 唔使理佢飲幾多,總之喊就餵.

問: 埋身餵飲奶時間勁亂,
答: 唔使計時, 差唔多不停餵, 醫生話要一日十次,即差唔多二個鐘一次.

問:BB 又唔太肯埋身飲 (可能DAY 2 開始飲得太多奶樽),
我係咪應該PUMP 出0黎, 唔再埋身餵比較好?
答: 在乎你第時想點餵. 你會唔會返工. 想餵到幾多個月.


問:但我想問, 係咪埋身餵, 奶量先會多?
答:一般人都係咁講.不過我妹妹全PUMP都OK.

問UMP 奶係咪愈PUMP 愈少??
答: 我不知.

我聽過有人話搵老公啜都得可有幫忙,我無試過,如果你老公肯,你都可以試.不過我老公唔肯.覺得我係講笑. 我唔知work 唔work架.



私人傳訊回覆 引用

mrs.hamster


禁止訪問

積分: 5073


4#
發表於 10-5-20 22:00 |只看該作者
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊回覆 引用

kklmml


別墅

積分: 1000


5#
發表於 10-5-20 23:39 |只看該作者
我係比較舒服的一位, 因為我有陪月, 老公又好支持我餵人奶. 雖然係咁但頭一個月都好多問題, 自己成日都cry又好擔心bb, 今日嘅問題解決咗第二日又有新問題, 陪月都唔係完全解得哂. 我頭幾日都有補奶粉但第五日開始就全人奶, 真係兩個鐘就要餵一次. 係好攰架...如果你有人可以幫bb掃風and換patpat 就好好多, 因為bb全人奶差不多係餐食餐屙, 餵得嚟掃埋換埋又下一餐真係冇得瞓架, 所以就算唔係餐餐幫你, 有一兩餐餵完後即刻比人幫你攪, 到bb再cry至比你餵咁就好好多.
坐月心情真係好飄忽, 唔好壓自己有唔明就上嚟問, or call 母乳協會
http://www.breastfeeding.org.hk/
佢哋會幫你..
第二個月真係會好好多, 時間好快過..珍惜&加油
私人傳訊回覆 引用

andeskinki


子爵府

積分: 13898


6#
發表於 10-5-21 01:26 |只看該作者
一開始餵人奶,係差唔多唔洗放低佢噤滯,因為佢2個鐘就要食一次,噤又要換片,其實搞得黎都差唔多架喇,如果NIPPLE損左就用羊脂膏,好快冇事,埋身餵係上奶上得最快,而且唔洗煩....如果仲未覺得谷奶,最好飲下D上奶湯,如果有傷口,唔飲得魚就用豬手或豬腳,您飲完好快就會上奶架喇,噤O個陣D奶如果有多,就PUMP出黎......
私人傳訊回覆 引用

MEO~


複式洋房

積分: 120


7#
發表於 10-5-21 09:38 |只看該作者
頭2星期是最辛苦的!!
BB頭一個月係唔識飽嫁
基本2小時餵一次. 每次餵30分中到, 都OK嫁啦~ (餵完記得要飲野, 補充水份), 再來要飲谷奶湯水!!
我都成個星期先上奶, BB成日食完30MIN後好似又想食, 99+婆婆就係咁問我係咪唔夠奶, 我頭1天都有試過補奶粉, 但BB唔食....咁我之後就沒補奶粉啦.(俾BB啜, 會慢慢多奶)
之後都盡量KEEP住2小時一次, 有時1.5小時都俾, 再早D就同佢玩, 唔俾佢食, BB唔肯埋身就餓佢15-30MIN, 睇下佢仲食唔食~哈哈, 夜晚有得佢訓, 醒先俾奶~囡囡就係咁滿月重左3磅
我覺得全泵媽媽仲辛苦過人奶媽, 因佢地SET晒時間表, 夜晚要起身泵, 泵完又要洗野..
記得凌晨個餐俾BB啜呀~個轉刺激D乳線會好好多~

[ 本帖最後由 MEO~ 於 10-5-21 09:39 編輯 ]
私人傳訊回覆 引用

pigpig


琥珀宮

積分: 152003

秋日勳章 炎夏勳章 遊學勳章 春季勳章 趣教勳章 冬日勳章 畀面勳章 環保接龍勳章 大廚勳章 親子達人勳章 wyeth冷知識勳章 叻叻勳章 有「營」勳章


8#
發表於 10-5-21 09:51 |只看該作者
樓主，唔好放棄呀！
頭一個月係好辛苦，長期抗戰呀
其實，我見你BB都啜到30-45鐘，應該都啜得好好，甘呢段時間，佢係咪不停啜？定係訓著左呀？
試下好補奶粉，佢喊時，你又再埋身，甘會增加你既奶量。因為BB吸啜，先可以刺激你既奶量增加呢！
乳頭損，就羊脂膏保護乳頭，我好明白，果種痛，係痛到入心入肺！因為我2胎都係損左
BB最清楚自己幾多？飽未？所以，你唔好擔心BB食左幾多ml。
我第一胎坐月時，開刀，一個人坐月，我24小時都差不多坐係度餵奶，全日原來自己都未刷牙、洗面 但後來到BB滿月後，情況就好好啦！
所以，樓主，要加油呀！支持！支持你！

[ 本帖最後由 pigpig 於 10-5-21 09:54 編輯 ]
My Two Princess
私人傳訊回覆 引用

3.33kg


複式洋房

積分: 121


9#
發表於 10-5-21 11:04 |只看該作者
係呀～～其實唔駛理會BB飲左幾多奶，最重要概係不停梗餵就得ga啦！飲多D湯水，特別係魚湯係發奶概！～
私人傳訊回覆 引用

FrankieFUNG


版主

積分: 38347

畀面勳章 叻叻勳章 有「營」勳章 版主 wyeth冷知識勳章 陪月勳章 環保接龍勳章 大廚勳章 親子達人勳章 BK猜猜猜慶中秋 BK Milk勳章 育兒性格勳章 2016畫展勳章


10#
發表於 10-5-21 17:33 |只看該作者
泵奶唔會越泵越少，但都要勤力D，同間中都要俾阿B埋身啜，等佢記得可以埋身食奶～
見我在線？
但可能我已行開了！
以為我行開了？
但可能我就係望住喎！
所以......你估我唔到！
私人傳訊回覆 引用

jenniecatcat


水晶宮

積分: 56409


11#
發表於 10-5-21 19:53 |只看該作者
唔好俾泵出來既份量嚇親，埋身係多過泵既。 我個陣都係泵得咁少架，又係以為自己冇奶，走出補奶粉，到左2個幾月先識上來，先知道原來係咁既(你依家面對緊既野)，又加埋亞b唔再肯食奶粉就索性全埋身，咁就全人奶到依家。
你損左可能係bb咀形唔啱，去健康院找人奶姑娘教你。找人幫手掃風，學瞓係度餵，有問題再上來問，唔開心又上來呻！加油加油！
我的最愛: 老公, 仔仔, 同來緊既女女, 老豆
私人傳訊回覆 引用

leungcnine


大宅

積分: 4800


12#
發表於 10-5-21 20:28 |只看該作者
我係樓主, 今天已經day 10,
bb 都係唔肯埋身食,
今天只係埋身過兩次,
一次 20 min, 一次 40 min,
唉, 好灰, pump 得又小, 得 1 安,
唔加奶粉又喊得好厲害,
每餐食完 1 安人奶, 都要加食奶粉 2-2.5 安,
仲要唔係餐餐有人奶 pump 到....

好攰, 有時諗, 係咪唔再餵人奶,
大家都舒服些呢,
但我唔想過多幾個星期後悔,
我而家已經後悔,
0利幾日比得 bb 太多奶樽,
搞到佢唔肯埋身食,
但 bb 喊到咁, 我唔知點好...
私人傳訊回覆 引用

doublei


大宅

積分: 3548


13#
發表於 10-5-21 21:51 |只看該作者
樓主,

明白你感到辛苦, 希望你能夠堅持加油, 呢幾日儘量繼續埋身餵, 唔好俾個泵嚇親你, 同埋一定要bb食奶咀型正確, 含住乳暈, 唔係乳頭, 盡可能一喊就餵, 補少d奶粉, 如果真係要補, 試下用杯仔或者針筒, 呢幾日係假期, 星期一試下去一次最就近既母嬰健康院等母乳輔助姑娘教, 對你的幫助會很大的, 今晚可以試下打電話到母乳育嬰協會25403282, 錄音留言後有義工媽咪會24小時內回覆你, 或者你聯絡我, 我pm我的電話給你, 看可否講d意見及個人經驗俾你

原帖由 leungcnine 於 10-5-21 20:28 發表
我係樓主, 今天已經day 10,
bb 都係唔肯埋身食,
今天只係埋身過兩次,
一次 20 min, 一次 40 min,
唉, 好灰, pump 得又小, 得 1 安,
唔加奶粉又喊得好厲害,
每餐食完 1 安人奶, 都要加食奶粉 2-2.5 安,
仲要唔係餐 ...
私人傳訊回覆 引用

megalith


別墅

積分: 531


14#
發表於 10-5-21 23:01 |只看該作者
請問在哪裡可以買到羊脂膏? 多少天，乳頭先癒合?
私人傳訊回覆 引用

aquarius721


大宅

積分: 4004


15#
發表於 10-5-21 23:23 |只看該作者
開頭餵真係好辛苦,果時BB有時個零鐘已經要食奶,之前仲要餵左成粒鐘都試過,放低唔夠幾個字又喊,真係好FRUSTRATED.又驚佢冇食到奶,或者自己餵唔飽佢.好在屋企人SUPPORT先可以餵到而家.

我都建議你儘快去健康院比姑娘睇下你餵奶姿勢,岩既話應該會餵得唔痛.

儘量堅持,呢道大排人支持你.如果盡晒力都唔得,終算問心無愧嘛.加油加油..
私人傳訊回覆 引用

sppchocho


男爵府

積分: 9674


16#
發表於 10-5-22 00:32 |只看該作者
我個b係成日食食下訓左,拍極都無乜反應,但係放低佢又喪喊要食,如是者我比佢折磨左兩星期,又覺得佢好似成日都唔飽咁,就變左埋身餵+泵+補奶粉
其實都係好辛苦,因為隨時餵一餐奶係做齊三樣嘢,搞搞下差唔多變全泵(一日頂籠埋身一兩次)+補奶粉,最近先開始追到奶量轉全人奶
我而家都有啲後悔當初唔撐落去迫阿b埋身食,初頭又唔識除左餵奶,其他嘢掟晒比老公同工人做;而家番左工更加少機會埋身餵
你個b仲咁細,唔好咁快放棄呀
私人傳訊回覆 引用

旖旎


大宅

積分: 1996


17#
發表於 10-5-22 07:19 |只看該作者
原帖由 pigpig 於 10-5-21 09:51 發表
樓主，唔好放棄呀！
頭一個月係好辛苦，長期抗戰呀
其實，我見你BB都啜到30-45鐘，應該都啜得好好，甘呢段時間，佢係咪不停啜？定係訓著左呀？
試下好補奶粉，佢喊時，你又再埋身，甘會增加你既奶量。因為BB吸啜，先可以刺激你既奶量增 ...


點解我地經歷咁似既,坐月時為左餵BB,我有時都唔記得梳洗架;)因為個時每日的生活就係:餵奶+換片(老公,工人代勞)+狂吃+瞓,由出院返到屋企開始就每日記錄BB吃奶+大小2便的情況,後來健康院比份表格仲正. 原來BB開頭吃8~10餐,睇返RECORD,我都覺得難以相信,自己可以捱得到,各位奶媽,加油啊!
私人傳訊回覆 引用

bosch


瑪瑙宮

積分: 128496

2024年龍年勳章 2024勳章 2023年兔年勳章 虎到金來勳章 開心吸收勳章


18#
發表於 10-5-22 07:28 |只看該作者
你開刀生, 飲唔飲得魚湯? 唔得就食多d 飯, 食得飽, 加埋多d 埋身餵, 咁會易d 上奶. 全日埋身餵係最好. 但你精神真係支時唔住既話, 或者bb 唔夠濕尿片時, 補奶粉可以揀一餐黎補, 佢訓耐d, 你就要爭取時間休息. 我之前順產生完, 初初都未上奶, 人又攰, 姑娘叫我補奶粉, 只係補左一晚, 我休息多左, 之後第二日就多左奶啦, 雖然仲要補奶粉, 但點都叫上左奶.

損左可以用人奶搽下傷口, 或者餵完即刻著番bra, 唔好抺走d 奶, 可以幫助傷口復原. 不過最終你要check 下餵既姿勢係咪o岩.

埋身餵時, 唔駛理佢食左幾多. 所謂食得多痾得多, 最緊要每日夠6塊濕片. 有資料話夜晚埋身餵好d, 可以易d 刺激身體造奶. 不過你老公要返工, 你又未必方便晚晚起身, 咁你咪夜晚至補一餐.

如果冇人幫到你做家務, 最好都係埋身餵, 對你上奶會好d, 咁唔駛去洗樽烚樽, 做少好多野.
私人傳訊回覆 引用

yoyoslam


男爵府

積分: 5081


19#
發表於 10-5-23 19:55 |只看該作者
原帖由 leungcnine 於 10-5-21 20:28 發表
我係樓主, 今天已經day 10,
bb 都係唔肯埋身食,
今天只係埋身過兩次,
一次 20 min, 一次 40 min,
唉, 好灰, pump 得又小, 得 1 安,
唔加奶粉又喊得好厲害,
每餐食完 1 安人奶, 都要加食奶粉 2-2.5 安,
仲要唔係餐 ...


唔餵人奶, 呢刻你係會舒服啲, 但過後如知道當中道理和明白母乳的好處, 恐怕會後侮當初的決定, 我當時都係咁, 周圍冇人支持我, 又唔識. 好彩死堅持和上來求救, 才叫餵到有咗才停. 餵夜奶的辛苦只有自已才明白. 日間返工, 啲同事覺得我傻. 揾來搞. 比啲時間不一斷重覆綀習. 媽咪要學餵, 寶寶都要學食的. 最辛苦可能都只係兩個月的事如每餐都努力的話. 之後就好輰順的. 信我啊!得十天, 泵乜, 努力埋身好過. 我哋要帶住個細, 唔係比佢帶番你. 祝好運. 唔好泵, 留番啲時間用來休息. 瞓唔着瞓係度都得. 睡完一覺奶量都差啲.
親子王國已刪除閣下簽名檔內容，煩請自行檢視頭像、頭銜、暱稱，如帶有廣告或宣傳推介成份，應立即修改或刪除，否則可被封鎖戶口，謝謝合作。
私人傳訊回覆 引用

popomeow


男爵府

積分: 6674

好媽媽勳章 BK Milk勳章


20#
發表於 10-5-23 22:58 |只看該作者
樓主, 如果你唔埋身餵而改用泵出再餵或者餵奶粉, 你可以瞓gei 時間會仲少過依家, 我自問係個懶人, 懶到連泵清都唔願泵, 有時一谷就塞bb 埋身, 坐月時未補過奶粉, 日子好快過, 你捱得過呢個月, 日子就易過好多~

你依家最緊要做gei 野, 係掉開個奶樽同奶粉, bb 唔係好肯食啫, 都唔好俾奶樽佢, 因為奶樽太易啜出奶, 唔同埋身食要用力同埋口部肌肉運動, bb 懶慣左好自然唔肯食啦, 仲有每次每邊餵15-30 分鐘係正常, 有時一餐奶食成個鐘都試過, 隔半個鐘又話要食亦試過, 遇到猛長期冇覺好瞓都試過, 但你餵到佢飽就會咩都唔記得, 加油呀!
私人傳訊回覆 引用


首頁
12

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見