論盡家傭 今日: 4 | 主題: 134071

積分: 222

1^#

發表於 10-5-24 15:40 |只看該作者 |倒序瀏覽 |打印

我地屋企人要出國兩個月,點樣安排個工人最合適?如果我叫佢放假,兩個月人工晒唔晒比?
或者叫佢返家鄉晒唔晒比兩個月人工?定係我出機票已經得?
點樣最好又唔會犯法? 我屋企其他人無人願意來我屋企住! 我都無晒辦法!

個工人唔係太好,我都猶疑緊炒唔炒? 但我又驚換一個更差既點算?

比D意見我!thanks!

0 0 0

私人傳訊

801

子爵府

積分: 12199

2^#

發表於 10-5-24 16:18 |只看該作者

如果個工人都唔係太好, 你又諗緊炒唔炒既話, 我覺得不如直接炒左佢, 你又唔駛煩個2個月要點做!

請個新工人係無人知會點, 但係都唔一定會衰過呢個ma, 點解唔比個機會自己喎!!

私人傳訊

little_george

積分: 466

3^#

發表於 10-5-24 21:11 |只看該作者

既然妳都對她不信任，不犯法的做法就是炒了她。合約期內妳不能斷糧的，兩個月可平靜的過去，也可將妳家移為平地。

私人傳訊

積分: 222

4^#

發表於 10-5-25 01:52 |只看該作者

最新情況:
我同佢傾過,我話你stay in hong kong 兩個月唔晒做野, 我就無辦法照出糧比你, 你可以放假但係無錢, 佢話佢之前個老細, 係美國籍華人, 暑假返美國,照出糧比我, 我問佢幾耐,佢話一個月,
我話"佢時間短, 出一個月我都OK,但兩個月我就好唔fair啦! 你都無做野, 我仲要出兩個月糧比你, 咁我炒你都係補一個月糧, 你無理由叫我出兩個月糧但你乜都無做, 仲有我個小朋友對你都好多complain, 我換一個好似仲好D!"

佢就話佢可以接受出一個月糧,不過要加food allowance比佢, 佢仲問我可唔可以比佢住係度?

我話:"你唔可以住係度,因為如果你住係度, 我就要比你兩個月人工+food allowance(我問勞工處話就算無人係屋企,兜唔等於佢無幫我做野, 佢可以做打掃既工作, 所以都係要照出糧比佢), 所以我堅決唔可以比佢ㄧ個人住係度, 我叫佢揾friend屋企住" 佢話好難, 我話咁你要自己唸清楚, 我最多可以比你一個月人工+food allowance, 其他也自己搞點.

不過food allowance我要問問先,(因勞工處話如果我無提供膳食就要比佢food allowance, 咁我米要比兩個月allowance佢? 加加埋埋米又差唔多兩個月??

勞工處都有講:" 除左D假期之外,(應該返工既日子)如果佢無工作,我係可以將佢曠工既人工扣除既, 但費事有糾紛,盡量唔好扣!"

唔知我咁樣做OK嗎? 有無犯法?

需要同佢簽D咩? 內容最好點寫對我有好處?

我話我放佢兩個月假返菲律賓(無錢,但我出機票),
佢都唔肯!

私人傳訊

積分: 222

5^#

發表於 10-5-25 02:01 |只看該作者

佢仲話我地放假兩個月唔係因為佢既原因,所以我應該比佢兩個月, 我話咁我可能選擇fire you. 佢就話可以接受一個月人工+allowance,佢會唔會裝咩陷阱比我踩?到時告返我轉頭? 佢之前有六年香港經驗, 我就係第一次請人!
所以我會好小心,避免將來有問題!

請各位比D建議我! thanks!

私人傳訊

積分: 27067

好媽媽勳章親子達人勳章 BK Milk勳章

6^#

發表於 10-5-25 09:03 |只看該作者

原帖由 anny33 於 10-5-25 01:52 發表
勞工處都有講:" 除左D假期之外,(應該返工既日子)如果佢無工作,我係可以將佢曠工既人工扣除既, 但費事有糾紛,盡量唔好扣!"

乜你工人有曠工咩? 家陣係你放假, 係你個人原因, 點可以扣佢人工嫁? 我唔係幫工人講說話, 只係我覺得你咁做有d唔合理囉, 若果我老闆成日去旅行, 佢就話我無做野唔肯出糧比我, 咁我點呀? 你咁做好易比工人告番你轉頭嫁....

工人仲要係工作地址居住, 你又唔比佢番屋企瞓, 咁又犯法囉, 就算工人肯收1個月人工+food allowance, 他日佢告你, 你又係唔著數, 不如你直接炒咗佢啦, 佢又做得唔好, 炒咗佢又唔使煩, 又無後顧之憂, 唔使驚佢告你嘛....

私人傳訊

littlecarey

男爵府

積分: 8097

育兒性格勳章畀面勳章

7^#

發表於 10-5-25 09:20 |只看該作者

費時有手尾跟,最好炒咗佢

私人傳訊

mylulu007

伯爵府

積分: 15536

8^#

發表於 10-5-25 09:27 |只看該作者

我都唔係幫住個工人, 不過就算工人做成點都好, 僱主私人理由放假要扣工人人工就不合理。

工人承諾只收一個月人工，但最後要去告僱主，僱主都係要賠番人工出來。

工人不在工作地址留宿，除了不合法，更不合保險保障條件，工人有意外，僱主未必可以索償。

如留boarding house都算說得過，但僱主要負責boarding house 所有費用+ food allowance。

俾著我就唔會開口話炒工人，係炒就即日炒，事先張揚又未到last day，工人點會安心去做野？　唸定點樣告你／偷野就會。

樓主都係搵過個工人算啦～　你同工人既關係都裂左，做落去都無意思。

私人傳訊

chaklongma

男爵府

積分: 5958

9^#

發表於 10-5-25 09:32 |只看該作者

我會請個新的, then fire 佢
新就可以夾到時間
佢黎咗hk咁多年一定會玩野告你
連小朋友都咁多complain, 一定唔係好野
十足十我而家呢件~~~
黎咗我家兩個月, 淨係幫我仔換到條褲
我兩公婆日日要起身幫亞仔刷牙, 換衫, 食早餐, 夜晚"暗"亞仔瞓~~
搵到新工人, 我就送佢一程

私人傳訊

積分: 222

10^#

發表於 10-5-26 05:10 |只看該作者

sorry,係我無講清楚, 曠工係依家我比佢放星期六,佢就要放星期日, 我問勞工處可唔可以扣人工者!

另外, 我有問過勞工處,佢地都話放假期間個人工係可以同工人傾, 如果佢同意都無咩問題,

ex:我地自己打工個老闆要妳放無薪假,妳可以唔同意,
佢可以炒妳,如果你同意都簽左agreement,仲可以話個雇主唔出糧比妳咩?
佢依家話我知揾到一個broading house住, 不過我依家擔心佢發生意外or搞大肚等等.

換工人真係好煩,所以我先猶疑左好耐, 佢最大問題就係對小朋友無耐性,唔知有咩機構可以比佢學習點樣教小朋友? 其他方面都唔好,不過我唸個個工人都一樣,
如:偷懶,講電話.

另外想問吓,一定要比工人放星期日咩? 我放開星期六,佢要求星期日放假,我就放佢兩日, 佢星期日果日就算曠工啦! 係米咁? 因我地星期六都唔係屋企.

原帖由 2heiBBmama 於 10-5-25 09:03 發表

乜你工人有曠工咩? 家陣係你放假, 係你個人原因, 點可以扣佢人工嫁? 我唔係幫工人講說話, 只係我覺得你咁做有d唔合理囉, 若果我老闆成日去旅行, 佢就話我無做野唔肯出糧比我, 咁我點呀? 你咁做好易比工人告番你轉 ...

[ 本帖最後由 anny33 於 10-5-26 05:12 編輯 ]

私人傳訊

積分: 222

11^#

發表於 10-5-26 05:43 |只看該作者

更新,
我有個friend,識左好短時間,都唔係非常熟果隻!

佢知道我咁既情況都叫我炒左個工人, 佢話佢同人partner 一間雇傭公司, 可以收順D, $1000,不過我要自己比簽證費,同埋菲傭來港後佢私人幫我training,
收我$100/日. 同埋其他顧傭公司training係免費,佢仲另外收錢, 仲要係佢屋企做, 佢話train 七日, 咁我好唔好比佢train?

佢話佢個partner岩岩係菲律賓睇緊工人,佢叫我請未來過香港果D, 話來左先教, 咁會純D.

我都覺得佢地岩岩來都係純, 但放幾次假, 就會有人教佢地學壞啦, 唔通唔比放假咩! 又唔可以以薪代假!所以純都係一時! 同埋我自己都唔係好識煮野食,點train佢煮野?

佢叫我星期六過去睇VIDEO,話睇岩就可以簽約, 我又驚佢會唔會揾我笨?? 定真心想幫我?? 因佢都話左比我知,佢有佣金收! 同埋佢知我無乜請工人經驗!

好唔好去個朋友度請工人咧??

私人傳訊

積分: 27067

好媽媽勳章親子達人勳章 BK Milk勳章

12^#

發表於 10-5-26 08:32 |只看該作者

原帖由 anny33 於 10-5-26 05:10 發表
另外想問吓,一定要比工人放星期日咩? 我放開星期六,佢要求星期日放假,我就放佢兩日, 佢星期日果日就算曠工啦! 係米咁? 因我地星期六都唔係屋企. ...

工人唔一定係放星期日既, 佢要求你可以唔比, 你應該同佢講叫佢只可以放星期六, 星期日係放唔到既, 而唔係叫佢放晒2日, 你叫佢放就唔係叫曠工啦, 係你豪比佢啫...

私人傳訊

積分: 222

13^#

發表於 10-5-26 11:10 |只看該作者

係佢要求我調去星期日, 我無同意,我話妳放星期日但星期六屋企無人,如果你要放星期日就要放晒兩日, 佢就選擇放兩日! 我唔會豪比佢, 勞工處話如果佢有簽紙果日系放左假, 照道理係可以扣佢人工(要睇我地有無其他agreement), 因勞工處規定一定要放一日比佢.我覺得依照我地自己做野,同樣既情形老闆會點對我地, 一樣既道理.老闆會唔會豪比我地? 定係當我地事假?事假扣唔扣人工?

我覺得香港請工人D僱主太怕比佢地告, 就會成日唸自己賒底D就算, 如果今日佢唔係外傭,係本地工人, 佢自己要求要放假,妳唔比,佢又自己放左,老闆會唔會照出糧比佢啊? 我就唔會囉! 就算佢告我, 我最多賠返一日錢比佢,但唔可以奉旨我要賒比佢!

原帖由 2heiBBmama 於 10-5-26 08:32 發表

工人唔一定係放星期日既, 佢要求你可以唔比, 你應該同佢講叫佢只可以放星期六, 星期日係放唔到既, 而唔係叫佢放晒2日, 你叫佢放就唔係叫曠工啦, 係你豪比佢啫... ...

私人傳訊

mylulu007

伯爵府

積分: 15536

14^#

發表於 10-5-26 12:07 |只看該作者

原帖由 anny33 於 10-5-26 11:10 發表
係佢要求我調去星期日, 我無同意,我話妳放星期日但星期六屋企無人,如果你要放星期日就要放晒兩日, 佢就選擇放兩日! 我唔會豪比佢, 勞工處話如果佢有簽紙果日系放左假, 照道理係可以扣佢人工(要睇我地有無其他agreeme ...

樓主放兩日俾工人, 而打算扣工人人工的話, 要先知會工人喎。　唔聲唔聲扣人工，佢又會覺得係你有問題（佢地唸野唔同我地ｈｋ人架），話番俾佢知點計日薪，佢唸清楚再覆你想唔想放（要俾deadline佢啊)。

私人傳訊

mylulu007

伯爵府

積分: 15536

15^#

發表於 10-5-26 12:21 |只看該作者

原帖由 anny33 於 10-5-26 05:43 發表
更新,
我有個friend,識左好短時間,都唔係非常熟果隻!

佢知道我咁既情況都叫我炒左個工人, 佢話佢同人partner 一間雇傭公司, 可以收順D, $1000,不過我要自己比簽證費,同埋菲傭來港後佢私人幫我training,
收我$100/ ...

唔熟既friend就唔會幫襯, 寧可自己再找agent好過.

1k都唔係平丫, 除非佢包機票&到港驗身.

人地都係做生意, 當然唔會義務幫你啦, 無佣收我估無邊個會做囉.

私人training, 即係在philippine無training? 你要留意, 工人到港便是你負責佢既保險及開始計人工, 工人會肯成個月出得3星期人工嗎? 如果佢在你朋友家發生意外/引致他人受傷死亡, 保險唔會claim得到, 你要自己全付.

你個friend又有7日免費工人用仲有錢收($100 x 7), 幾好啊, keep住係咁, 佢都唔駛請工人啦. 一來你家就day off 了(做了7天)～

另外，想問你請個工人是否主力湊小朋友，如果工人最大問題是在照顧小朋友，我就一定唔會留佢。　就係因為send sms至會對小朋友無耐性, 俾著你, 睇緊tv都唔想有人disturb你啦.

私人傳訊

積分: 27067

好媽媽勳章親子達人勳章 BK Milk勳章

16^#

發表於 10-5-26 12:26 |只看該作者

原帖由 anny33 於 10-5-26 11:10 發表
係佢要求我調去星期日, 我無同意,我話妳放星期日但星期六屋企無人,如果你要放星期日就要放晒兩日, 佢就選擇放兩日! 我唔會豪比佢, 勞工處話如果佢有簽紙果日系放左假, 照道理係可以扣佢人工(要睇我地有無其他agreeme ...

咁你有無同工人講過, 佢選擇放2日, 其中1日會扣錢嫁?

私人傳訊

積分: 27067

好媽媽勳章親子達人勳章 BK Milk勳章

17^#

發表於 10-5-26 12:32 |只看該作者

原帖由 anny33 於 10-5-26 05:43 發表
更新,
我有個friend,識左好短時間,都唔係非常熟果隻!

佢知道我咁既情況都叫我炒左個工人, 佢話佢同人partner 一間雇傭公司, 可以收順D, $1000,不過我要自己比簽證費,同埋菲傭來港後佢私人幫我training,
收我$100/ ...

我唔講你friend好唔好啦, 但你要知道工人嚟hk只可以係你屋企住, 佢去咗你friend到住已經犯法啦, 再講training7日, 即係收你$700, 但工人一落機你就要出糧比佢喎, 佢無去你屋企都要照出嫁, 睇嚟咁樣你已經要比2邊錢, 仲要無工人用添, 好似唔多著數喎....

私人傳訊

積分: 222

18^#

發表於 10-5-26 12:48 |只看該作者

我check左一D勞工法例:

http://www.labour.gov.hk/tc/public/pdf/wcp/FDHguide.pdf

問4.13 當傭主前往海外時，僱主可否強逼傭工放取無薪假期？
答無薪假期的安排必須獲得僱傭雙方同意。僱主不得單方面強逼傭工放取無薪假期。

所以如果我地去agent果度簽agreement,佢有同意應該無咩問題瓜?? 影埋VIDEO係米無問題?

私人傳訊