基督家庭

收藏本版
發帖
返回列表
跳至頁

首頁
1

尾頁
   0
sshoi


大宅

積分: 4598


1#
發表於 10-6-5 19:49 |只看該作者
如題。想問下已婚嘅信徒﹐喺事奉方面係唔係能夠互相支持﹐有同一個心志﹖定係好似畀拉住後腳咁﹖

我就... 唉﹐呢排幾唔開心﹐因為越來越覺得係後者...
私人傳訊

明恩


複式洋房

積分: 408


2#
發表於 10-6-7 11:00 |只看該作者
我丈夫未信,令我事奉有好多攔阻..但我相信神明白的....我仍會努力事奉!
主耶穌說:"我是葡萄樹,你們是枝子;常在我裏面的,我也常在他裏面,因為離了我,你們就不能作甚麼。"
私人傳訊

sshoi


大宅

積分: 4598


3#
發表於 10-6-7 20:36 |只看該作者

回覆 2# 明恩 的文章

你丈夫未信,令你事奉有好多攔阻﹐咁都容易理解。

我太太就... 佢都係信徒﹐但就成日嫌我花太多時間喺教會侍奉。我平時返工返一至五﹐大約隔週星期六朝早返教會開會﹐每星期三晚祈禱會﹐星期四晚練歌﹐平時夜晚我就花大約半個鐘頭左右預備主日學教材。
我知我花喺侍奉嘅時間可能多過平均信徒少少﹐所以我都犧牲左自己以前嘅娛樂﹐例如打機呀睇碟呀﹐呢D已經全部戒晒。我最鐘意做運動﹐都專登一大清早五點幾去做﹐避免影響我同家人一齊嘅時間。但佢仍然成日畀面色我睇﹐畀說話我聽。
有時真係覺得好冤屈... 其他老公去嫖賭飲蕩﹐掛住自己D娛樂﹐就畀佢地老婆話啫﹐去「夫婦情感」區可以見到成板都係。我係按照神畀我嘅恩賜同呼召用D時間去侍奉神﹐家務我亦有做﹐每日買送煮飯我都做晒﹐咁都仲要成日聽D怨言... 星期日崇拜九點九開始﹐我八點九返去練歌﹐又怨我咁早整醒佢。嘗試過冷靜地同佢講道理﹐佢就即刻搵眼淚黎撻我﹐一副「咁當我錯晒囉」嘅態度。
私人傳訊

米水


伯爵府

積分: 18262


4#
發表於 10-6-7 21:45 |只看該作者
原帖由 sshoi 於 10-6-7 20:36 發表
你丈夫未信,令你事奉有好多攔阻﹐咁都容易理解。

我太太就... 佢都係信徒﹐但就成日嫌我花太多時間喺教會侍奉。我平時返工返一至五﹐大約隔週星期六朝早返教會開會﹐每星期三晚祈禱會﹐星期四晚練歌﹐平時夜晚我就花大約半個鐘 ...


如果聽你咁講,你真係做好本份囉喎~! 你有無小朋友?如果有,可能係你太太想妳多D留番俾小朋友都未定呢? 點都好,我非常欣賞你嘅努力,希望你同太太唔好因為事奉攪到大家唔開心啦~!

私人傳訊

cwaisum


大宅

積分: 2693


5#
發表於 10-6-7 21:54 |只看該作者

回覆 3# sshoi 的文章

記得你有兩個小朋友, 一個還出生不久, 在這段時間太太可能想你多陪她多一點吧。有時我也覺得自己太多事奉(加上要進修), 沒有時間陪兩個孩子, 心中也有點內疚, 老公也經常「依依哦哦」, 但他總算體諒我的處境, 惟有靠主的恩典, 繼續服事。
我深信你的勞苦並不徒然, 神必定祝福你們兩夫婦更加同心。
私人傳訊

sshoi


大宅

積分: 4598


6#
發表於 10-6-8 01:47 |只看該作者
米水/cwaisum﹐

多謝你地鼓勵。我有一個兩歲﹐一個個半月。
我都理解佢想我多D時間陪屋企。但﹐作為一個丈夫/爸爸﹐幾多先叫做夠呢﹖我D同事個個八九點返到公司﹐我就六點未到就去到公司個健身中心做運動﹐七點上到office開工﹐就係想早D放工返屋企。煮完晚飯食完﹐我梗花一個鐘頭同屋企人一齊﹐一係出去行下﹐一係同仔女玩下。當要喺神/家庭/自己之間抉擇時﹐我已經將自己D喜好都放棄晒啦... 有細路之前我仲多侍奉﹐之後我已經逐漸減少﹐減到現在差不多係以前一半喇...
私人傳訊

CarrieTo


大宅

積分: 3717


7#
發表於 10-6-8 17:27 |只看該作者
其實要知道是否同一心志，是要在婚前了解。我在婚前已知道老公同我的取向很相近，我們都好合拍，婚前婚後做甚麼都大家一齊拍住上。

我婚後事奉真的少了很多，因為照顧家庭，同埋花多了很多時間在雙方家庭的關顧。而且我丈夫工作辛苦，好容易累，我都會就佢，少d活動，也少d事奉。

作為太太，我在生了bb後都會覺得若要單獨留在家中照顧bb會好辛苦，老公間唔中加班我都ok，但若長期如此，都會好慘。我想樓主事奉是很值得欣賞，但都要顧下家中太太的感受，聖經也教導丈夫要愛妻子到捨命的地步，你試下設身處地想想如留在家中那個是你，你會怎樣，再看看可如何與太太調節事奉的時間，我想會好一點。

一起為家庭為事奉的事禱告，天父必會引領你。

中國古語有話：「修身,齊家,治國,平天下」是有他的道理。每個人的需要都不同，樓主做的比一般老公都好好多，但你娶了的太太的需要可能又比一般人大，再加上其實佢是剛剛生完，產後情緒是會差一點，你真要體諒。這個太太是你揀的，你不再是一個人，你現在處於磨合時間，如你能解決與太太之間的不同，她會成為你日事奉的助力。

見證都是好重要，也是事奉的一種，若家庭見證不好，做多多事奉都是枉然。
加油!!!

[ 本帖最後由 CarrieTo 於 10-6-8 17:34 編輯 ]
My baby girl: Samantha: 10 Oct 2009
Sammi: 15 March 2011
私人傳訊

sshoi


大宅

積分: 4598


8#
發表於 10-6-8 22:13 |只看該作者
我地拍拖時未係基督徒﹐係結婚前無幾耐先信主﹐所以無得話在婚前了解侍奉心志。

要遷就﹐要平衡﹐要調整... 難就難在﹐點樣可以讓雙方面都同心去做呢一D事。我明白佢產前產後有壓力﹐但我打工一個人擔起成頭家又何嘗無壓力呢。個平衡點放喺邊度好﹖以前我有時一個禮拜開四晚會﹐週末又開﹐現在頂多一個禮拜兩次﹐已經減左好多啦。要我做一個只係星期日返教會崇拜嘅信徒﹐我真係做唔到...
私人傳訊

米水


伯爵府

積分: 18262


9#
發表於 10-6-8 23:54 |只看該作者
原帖由 sshoi 於 10-6-8 01:47 發表
米水/cwaisum﹐

多謝你地鼓勵。我有一個兩歲﹐一個個半月。
我都理解佢想我多D時間陪屋企。但﹐作為一個丈夫/爸爸﹐幾多先叫做夠呢﹖我D同事個個八九點返到公司﹐我就六點未到就去到公司個健身中心做運動﹐七點上到office開工﹐就係 ...


原來你有對咁細嘅囝囡...當然你家庭實況我唔清楚,不過我作為一個媽媽黎講,仲要剛生完BB無耐,如果老公成日不在家,EVEN明知佢係做正經事,我估我都會唔多歡喜呀! 我諗,你依家做嘅野絕對無錯,不過,可能現階段個priority係家庭先囉~!正如我份PART TIME,我要有4晚不在家,得我老公一個睇住個4歲女兒,我都可以話係正經事,做野嗎無計~不過你估我老公好過癮咩?佢都好想我在身邊!

點都好~同太太好好溝通,加油!
私人傳訊

米水


伯爵府

積分: 18262


10#
發表於 10-6-9 00:10 |只看該作者
原帖由 sshoi 於 10-6-8 22:13 發表
我地拍拖時未係基督徒﹐係結婚前無幾耐先信主﹐所以無得話在婚前了解侍奉心志。

要遷就﹐要平衡﹐要調整... 難就難在﹐點樣可以讓雙方面都同心去做呢一D事。我明白佢產前產後有壓力﹐但我打工一個人擔起成頭家又何嘗無壓力呢。 ...


sshoi...其實,一有小孩,尤其佢地仲咁細嘅時候,做父母係要付出好多:無私人生活,無社交生活...甚至夫婦關係都會同受影響! 我覺得係好難平衡,經驗話我知取唔到平衡時就只可以"放底"(唔等於放棄);放底自己舊有生活嘅節奏同模式,EVEN事奉! 我咁講,唔係話唔做,而係事奉有好多種,唔一定下下要開會開會又開會(花好多時間)果隻,又或者可以同太太傾好,依家對囝囡咁細,你俾一年時間家庭,放下教會較煩瑣嘅事奉崗位,第2年你先重頭黎過,咁又得唔得呢?
私人傳訊

11042005


別墅

積分: 526


11#
發表於 10-6-9 07:31 |只看該作者
萬分同意米水既意見!!!!

帶小朋友真係一d都唔簡單,仲要係兩個都咁細添!男人工作辛苦可想而知,但女人0係屋企帶小朋友、做家務既辛苦,又有幾多個男人會明白呢。男人工作辛苦,起碼都有放工放假既時候;女人照顧家庭係一年365日、一日24小時,無大假、無公眾假期、無得"放工"!

一日花兩三小時同小朋友玩,同一日24小時隨身照顧小朋友0個種付出,絕對不可以相提並論,如果唔係又點會有咁多產後抑鬱既case呢。

我明白樓主既想法,我更明白樓主太太既感受。當然,樓主比起好多男人已經算係好負責任,不過始終男女大不同,多d體諒女人既需要啦。正如米水所講,和諧既家庭見證與事奉工作同樣重要,我相信神唔會想你為0左事奉而攪到家庭不和。唔係叫你放棄事奉神,只係暫時放低一0下,加上又唔係叫你完全唔返教會,我估神唔會因此而怪責你掛 。





原帖由 米水 於 10-6-9 00:10 發表


sshoi...其實,一有小孩,尤其佢地仲咁細嘅時候,做父母係要付出好多:無私人生活,無社交生活...甚至夫婦關係都會同受影響! 我覺得係好難平衡,經驗話我知取唔到平衡時就只可以"放底"(唔等於放棄);放底自己舊有生活嘅節 ...

[ 本帖最後由 11042005 於 10-6-9 07:43 編輯 ]
私人傳訊

carehumble


洋房

積分: 93


12#
發表於 10-6-9 11:22 |只看該作者
我想起摩西被上帝召往埃及拯救以色列人，過程中經歷越幫越忙被以色列人埋怨，於是他向上帝投訴：

出5:22 摩西回到耶和華那裡說、主阿、你為甚麼苦待這百姓呢、為甚麼打發我去呢、
5:23 自從我去見法老奉你的名說話、他就苦待這百姓、你一點也沒有拯救他們。
6:1 耶和華對摩西說、現在你必看見我向法老所行的事、使他因我大能的手容以色列人去、且把他們趕出他的地。

結果他們都看見了上帝的大能。
如今你被召在教會事奉，卻被妻子埋怨，不妨求上帝，然後與妻子一同看看上帝如何在你們家裏施行拯救。
私人傳訊

CarrieTo


大宅

積分: 3717


13#
發表於 10-6-9 11:51 |只看該作者
你好似只是捉住d你覺得不對、不可以的地方。我想這可能反映了你對人、對太太的態度。

你覺得自己已盡了力，你覺得問題在太太度，你唔覺得自己有問題，這才是最大問題，最影響你與太太之間的磨合。

你在事奉在家庭的付出應得到你太太的欣賞，她卻沒有欣賞，反之更說你做得不夠，比著誰都會覺得好辛苦，又會唔開心。你有沒有嘗試請你太太對你的付出表一點欣賞?而你又有沒有對太太的付出表示欣賞，互相欣賞能創造更多的動力，你能體會嗎?

我同意米水話要放低，要放低自己認為對的事，嘗試從太太的角度去了解，可以幫你找到方法。

禱告真的好重要，還要是一起的禱告。雖然你不能婚前了解事奉心志，但同心禱告是幾時開始也可以的。
原帖由 sshoi 於 10-6-8 22:13 發表
我地拍拖時未係基督徒﹐係結婚前無幾耐先信主﹐所以無得話在婚前了解侍奉心志。

要遷就﹐要平衡﹐要調整... 難就難在﹐點樣可以讓雙方面都同心去做呢一D事。我明白佢產前產後有壓力﹐但我打工一個人擔起成頭家又何嘗無壓力呢。 ...
My baby girl: Samantha: 10 Oct 2009
Sammi: 15 March 2011
私人傳訊

11042005


別墅

積分: 526


14#
發表於 10-6-9 13:58 |只看該作者
其實樓主有無嘗試0係你太太或者你既小朋友既角度去睇呢件事情呢?

如果你太太同你講(假設經濟許可先算啦),不如請個工人睇住d細路。之後太太就一星期有4日返0左教會做事奉,朝朝一早又走0左去做運動,返到屋企仲日日花半小時做教會野。咁你又會點睇呢? 我覺得到時就算你覺得無問題,你d小朋友都會有怨言~
私人傳訊

sshoi


大宅

積分: 4598


15#
發表於 10-6-9 20:28 |只看該作者
呢個週末我地教會有退修會(類似夏令營)﹐本來我只打算去一個朝早。不過後來知道有幾個慕道嘅學生想去星期五至星期日﹐但佢地無車﹐而我有部七人車可以載晒佢地。咁我就膽粗粗問我太太﹐如果我去退修會過兩晚夜﹐佢有無問題... 按照以往經歷﹐預左佢會發脾氣話唔得喇...

但出乎意料之外﹐佢居然立刻好爽快咁話無問題喎﹗ 真係打個突呀。
我諗一定係有人為我地禱告喇

其實我過埋今個星期就教完一季主日學﹐之後只係做後備老師﹐所以侍奉方面應該會減D。同埋作為一個家庭嘅頭﹐如果家人屬靈生命同侍奉心態有問題﹐我都要負起主要嘅責任嘅。
私人傳訊

CarrieTo


大宅

積分: 3717


16#
發表於 10-6-10 10:35 |只看該作者
感謝主!

原帖由 sshoi 於 10-6-9 20:28 發表
呢個週末我地教會有退修會(類似夏令營)﹐本來我只打算去一個朝早。不過後來知道有幾個慕道嘅學生想去星期五至星期日﹐但佢地無車﹐而我有部七人車可以載晒佢地。咁我就膽粗粗問我太太﹐如果我去退修會過兩晚夜﹐佢有無問題... ...
My baby girl: Samantha: 10 Oct 2009
Sammi: 15 March 2011
私人傳訊

kelvlam


別墅

積分: 678


17#
發表於 10-6-10 12:57 |只看該作者
That's wonderful! sshoi, I think many have said enough, prayer is the key. And pray TOGETHER, as a couple. It's a tremendous way to help each other to put down our own's desire and seek His guidance.

May the Lord blesses your family abundantly!

原帖由 sshoi 於 2010-6-9 08:28 PM 發表
呢個週末我地教會有退修會(類似夏令營)﹐本來我只打算去一個朝早。不過後來知道有幾個慕道嘅學生想去星期五至星期日﹐但佢地無車﹐而我有部七人車可以載晒佢地。咁我就膽粗粗問我太太﹐如果我去退修會過兩晚夜﹐佢有無問題... ...
私人傳訊

littleoscar


複式洋房

積分: 183


18#
發表於 10-6-27 23:56 |只看該作者
作丈夫的, 要愛妻子如同基督愛教會一樣.

每天花時間用心聽聽太太的分享, 尊重她一切的感受(包括負面的), 每天花時間給孩子. 爸爸的角色, 媽媽無法取代, 也對孩子的健康成長極為重要.

我個人意見, 在你孩子這個年紀, 你參與教會的侍奉是過多了一點. 不妨與太太一同商量, 一同訂定在教會侍奉的份量. 我覺得, 婚後的侍奉, 是以家庭為單位的. 即使只是其中一方落手落腳參與, 也一定是與家人有共識的. 聽過有些很熱心侍奉, 愛主的父/母的下一代不喜歡基督教, 對教會反感, 大家要引以為鑑.

事實上, 以愛心多花時間帶領一家更虔誠愛主, 建立孩子的生命, 是一項不易別人被看見, 一項較"隱藏"的侍奉. 可是, 容我大膽說, 是比任何一項教會侍奉更重要, 亦沒有人可取代你.

與太太一同禱告, 讓神指示你們吧! 祝福你們!
私人傳訊

sshoi


大宅

積分: 4598


19#
發表於 10-6-28 06:37 |只看該作者
我以為呢個貼已經沉左底添﹗

不過都多謝你地繼續關心﹐自從上次之後﹐我太太對於我侍奉都好似有唔同嘅觀感。

好似最近我對於一個大學生查經班有負擔﹐係星期五晚﹐咁我又姑且問我太太如果我去帶呢個查經班好唔好呀。佢居然二話不說就話好(唔係發晦氣嗰種)﹐後來我仲同佢商量﹐或者我地第日可以兩個一齊帶﹐佢話好丫﹐如果時間許可嘅話。

所以﹐神真係可以改變人心﹗
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見