母乳餵哺 今日: 0 | 主題: 85706

積分: 6171

大廚勳章

1^#

發表於 10-7-20 14:46 |只看該作者 |倒序瀏覽 |打印

我B剛出世, 現嘗試跟"從0歲開始"既方法餵人奶. 因為怕阿B黃, 體重又輕過出生體重的8% (阿B差D出唔到院)

我覺得佢地既方法係work, 只係怕自己唔識處理會搞到阿B又黃又輕.

我遇到以下問題, 可否給我一些意見?
1. 食奶時間表, 我定2.5 hr食一次, 但阿B有時3個 hr, 有時2.5 hr, 有時仲1-2個小時, 醒左就要食, 咁我點定2.5hr 食一次? 係咪要2.5hr至會俾佢食? 因佢食完1hr, 瞓左, 起左身, 可以喊1個鐘, 之後我再俾佢食, 但食完唔夠15mins又瞓左.... 到最後又係食唔足一餐, 咁就惡性X環, 做唔到2.5hrs 一次.

2. 佢地見意每邊食15mins, 但好似食阿B咁食, 頂唔到2.5hr, 因為佢唔係食足15mins, 會食下rest下, 咁其實係咪要食耐D?

0 0 0

私人傳訊回覆引用

doublei

積分: 3548

2^#

發表於 10-7-21 00:13 |只看該作者

我第一次睇本書時都覺得好似幾有道理, 但係真的跟唔到, 一來阿囡係全埋身, 我係feed on demand咁餵佢, 第二胎阿囡偏黃, 我想佢食多d奶, 所以都唔可以限時, 二來佢地喊既時候, 我覺得唔係太忍心, 所以最後決定唔理本書, 直至差唔多產假放完要返工, 兩個囡開始幾餐日間用樽餵, 又開始自動好定時咁3.5-4小時一餐, 又可以『食玩瞓』既規律, 所以當時唔駛特別train, 都ok, 另外, 要自己瞓過夜和介夜奶, 就兩個囡都係差唔多5個月大才做到, 因為我決定唔再同佢瞓, 就即刻搞掂, 幾神奇

你bb如果已經跌磅, 更加應該餵密d, 直至最少追回正常增長線, 而且佢喊完一個鐘你才餵奶, bb可能已經倦到冇力氣食了, 咁又何必呢?

私人傳訊回覆引用

積分: 6171

大廚勳章

3^#

發表於 10-7-21 09:39 |只看該作者

我都好矛盾, 因為feed on demand一定唔係我會做既野, 因為就算唔係餵人奶, 我都會定時餵佢, 唔會佢想食就俾佢食. 大仔食奶粉, 定時食, 1個月就戒左夜奶. 所以我覺得就算餵人奶都可以做到.

昨日去過健康院, 醫生話佢體重回升返, 只跌4.8%, 而黃都係低既水平, 所以我諗都會繼續試下2.5鐘餵一次, 直至我頂唔住為止.

私人傳訊回覆引用

anaBB

禁止發言

積分: 21629

醒目開學勳章畀面勳章

4^#

發表於 10-7-21 10:36 |只看該作者

提示: 作者被禁止或刪除內容自動屏蔽

私人傳訊回覆引用

irene_the_pooh

伯爵府

積分: 15328

5^#

發表於 10-7-21 13:33 |只看該作者

我冇睇過呢本書，但我覺得唔駛每樣野都跟都足！

因我小B初出世時，跟健康院姑娘教每2HR叫佢起身食奶，但佢反而重得唔理想，後來等佢自己叫 (當然自己set個limit，例如唔好過3HR)，佢反而重得好好！

私人傳訊回覆引用

mrs雨過天晴

積分: 11853

6^#

發表於 10-7-22 09:50 |只看該作者

我開頭都唔得我由2.5個鍾開始,食半個鍾架(兩邊).
到2個月開始佢就食快左而家10至20分鐘(一邊).
小b可以2.5個鍾我就再3個鍾都要用1個月時間先得.但定時左之後真係幾好起碼自己個身體有得休息,定時定後上奶唔需要擔心無奶.
我就未介夜奶下個月會試下我每天一定7:00第一餐. 其實3個鍾1次我覺得都唔算辛苦.

私人傳訊回覆引用

ccling69

積分: 1285

7^#

發表於 10-7-22 12:59 |只看該作者

本書只是比個方向你點令個b慢慢有自然的pattern, 個個bb食量不同, 食力不同, 要睇下自己個bb的style而定, 無理由差半小時由他cry 到夠鐘, 果時都累到訓左, 要自己執生架.食是人類生存本能, bb個胃大的就有pattern 啦, 咁細個都限住,大家唔好太執著, bb有獨特個性, 人奶及又早午晚唔同成份, 只有bb自己知道自己想食幾多

私人傳訊回覆引用

evapecosbb

積分: 10180

8^#

發表於 10-7-22 16:00 |只看該作者

我有用呢個方法幫佢定時間表,而家bb2個月,4個鐘食一次.其實唔使好強硬,本書亦都有講其實可以好有彈性,例如如果bb早左半個鐘想食,都可以照餵,半個鐘內都可以接受,只要唔係餐餐都係就得.
其實定時食係因為唔想bb有時隔一個鐘,有時隔3個鐘,相差既時間太遠,同埋如果餵得太密,bb就會好似食點心咁,食少少,跟住好快就肚餓,咁樣會令媽咪好辛苦,而且bb就唔可以有好既睡眠,因為bb頭40分鐘係淺眠,之後先進入深眠,如果bb一餐唔可以相隔2個鐘以上,佢就唔可以進入深眠.
我自己覺得就算唔fix個時間表,都將佢食奶既時間平衡d好d.

私人傳訊回覆引用

mrs雨過天晴

積分: 11853

9^#

發表於 10-7-22 18:52 |只看該作者

同意, 每個人都有生理時鍾定時對身體係好架, 最重要係媽媽都有得休息.

原帖由 evapecosbb 於 10-7-22 04:00 PM 發表
我有用呢個方法幫佢定時間表,而家bb2個月,4個鐘食一次.其實唔使好強硬,本書亦都有講其實可以好有彈性,例如如果bb早左半個鐘想食,都可以照餵,半個鐘內都可以接受,只要唔係餐餐都係就得.
其實定時食係因為唔想bb有時隔 ...

私人傳訊回覆引用

winkidau

民房

積分: 5

10^#

發表於 10-7-22 19:26 |只看該作者

想請問這本書係边到買得到?問過商務同大眾都冇得買........THANK YOU

私人傳訊回覆引用

積分: 6171

大廚勳章

11^#

發表於 10-7-22 19:37 |只看該作者

你要去基督教書樓買. eg. 天道/基道 (太子有)

原帖由 winkidau 於 10-7-22 19:26 發表
想請問這本書係边到買得到?問過商務同大眾都冇得買........THANK YOU

私人傳訊回覆引用

積分: 6171

大廚勳章

12^#

發表於 10-7-22 19:55 |只看該作者

我終於call 左一個朋友. 佢係唯一一個可以完全apply 到呢本書的人. 佢細女3個星期戒左夜奶, 而且佢食得好瞓得好.

我再重新睇定時間那一part, 就正如evapecosbb所講, 可以有彈性, BB 可以係2.5-3小時間進食. 目的都係等佢有足夠時間休息.

昨日阿B又係一個鐘多D就醒了, 到最後, 我決定一試, 等到2.5鐘至俾佢食, 其間, 我同抱下佢, 同佢掃下風, 傾下計, 佢喊左半個鐘之後, 掃掃下風瞓左. 之後半個鐘佢醒了, 即與上一次食奶時間剛好2.5小時. 之後即刻餵佢.

結果係佢果餐食得好好, 之後全日, 甚至夜晚佢都自動3個小時食一次, 每次都係食夠至瞓. 所以我有覺好瞓. 今天再續前日的進度. 又係三小時自動起身食一次.

所以我覺得本書的方法係work, 只要肯耐性地apply, 會有成功的一日... 希望我的B可以早D戒夜奶.

私人傳訊回覆引用

n___n

積分: 1744

13^#

發表於 10-7-23 14:15 |只看該作者

原帖由 SEricsson 於 22-7-2010 19:55 發表
我終於call 左一個朋友. 佢係唯一一個可以完全apply 到呢本書的人. 佢細女3個星期戒左夜奶, 而且佢食得好瞓得好.

我再重新睇定時間那一part, 就正如evapecosbb所講, 可以有彈性, BB 可以係2.5-3小時間進食. 目的 ...

做得好啊!

有時bb訓訓下提早醒,
會係"假醒" (即深淺眠交替之間)

+別人笑我太瘋癲，我笑他人看不穿+

私人傳訊回覆引用

evapecosbb

積分: 10180

14^#

發表於 10-7-23 16:37 |只看該作者

努力呀,我最初都覺得無可能,同埋覺得bb肚餓唔俾佢食好可憐,不過其實有時佢喊都未必一定係肚餓.你同佢傾下計,抱住佢行下佢就唔會喊.
而家佢唔會因為肚餓喊到拆天,佢好似知道到時到候就有得死,都唔會喊.差唔多夠鐘食就醒.有時見佢訓得好林,諗住俾佢訓多半個鐘,點知佢訓多十零分鐘就自己醒.
我覺得最近要自己舒服,bb又舒服就得,有時佢早左少少醒,我會同佢傾下計,玩下,有時佢心情好咁同我講野同笑,如果佢真係好肚餓,我就會早十零分鐘餵佢.
我覺得最大好處係可以分得出佢係因為咩而喊.之前佢一喊我就手忙腳亂,唔知佢眼訓定肚餓,又唔知俾唔俾佢食好,因為佢成日食到嘔,而家真係好好多.
我而家努力緊幫佢日頭小睡規律d.呢幾日佢終於開始識自己訓覺,真係好開心.放佢落床自己訓佢都唔會喊.如果佢未得著就會喊下,我係床邊同佢傾計,傾傾下佢就會自己訓著.
佢而家成日就想訓時就會講bb話,好得意.
而家心情輕鬆左好多,有時間同耐性同佢傾多d計.之前正係餵奶,換片,氹訓覺都已經好累,仲要做家務,都無心情同佢玩或者傾計,只係想佢快d訓,咁就可以放低佢做下其他野.

所以我覺得0歲開始裡面教既野都幾有用.

原帖由 SEricsson 於 10-7-22 19:55 發表
我終於call 左一個朋友. 佢係唯一一個可以完全apply 到呢本書的人. 佢細女3個星期戒左夜奶, 而且佢食得好瞓得好.

我再重新睇定時間那一part, 就正如evapecosbb所講, 可以有彈性, BB 可以係2.5-3小時間進食. 目的 ...

私人傳訊回覆引用

積分: 6171

大廚勳章

15^#

發表於 10-7-24 15:58 |只看該作者

我依家都大約掌握到B三個鐘食一次的time-table. 試左幾次, 發現佢食完, 格一陣又喊, 原來係因為佢眼瞓, 想搵奶咀, 所以成日"口麥麥". 今日試左一次, 食完, 換下片, 搵阿仔同佢傾一陣計, 之後BB開始好眼瞓. 我就先同佢掃下風, 放佢落床, 佢又喊, 之後就拍下佢pat pat, 之後都仲有喊, 拍左幾次, 來來回回咁, 佢無再喊, 就瞓左一個鐘.

之前若果唔係定時, 我諗佢喊, 我又再俾佢食過. 依家終於知道, 佢喊因為扭眼瞓.

依家我體會到本書個中的理論與實踐是如何! 呢本書真係值得推介!

私人傳訊回覆引用

cazza

積分: 2303

好媽媽勳章

16^#

發表於 10-7-24 18:03 |只看該作者

原帖由 winkidau 於 10-7-22 19:26 發表
想請問這本書係边到買得到?問過商務同大眾都冇得買........THANK YOU

圖書館有得借. 我在中央圖書館借到. 好有用.

親子王國已刪除閣下簽名檔內容，煩請自行檢視頭像、頭銜、暱稱，如帶有廣告或宣傳推介成份，應立即修改或刪除，否則可被封鎖戶口，謝謝合作。

私人傳訊回覆引用

tracy37

別墅

積分: 710

17^#

發表於 10-7-24 22:04 |只看該作者

我有買... 買埋第二冊添... 不過我睇完感覺好大壓力...... 好怕自己做唔到....
本來好想跟不過最後發現... bb滿兩個月自然可以訓過夜唔洗幫都戒左夜奶...

我全人奶...
頭一個月bb兩個鐘食一次奶... 一次食一個鐘
之後可以一次食九個字
兩個月到一次食半個鐘... 有時三個鐘先食一次...
宜家佢三個月... 一次食三個字... 好多時四個鐘先食一次!

我無跟本書咁做... 我諗我都算feed on demand... 其實bb自自然然set到佢個timetable... 因為佢個胃仔會長大, 食奶又會叻左... mammy d奶會越來越濃bb就會容易飽!

信bb啦~ 我自己叫自己唔好咁大壓力... bb都唔洗太俾壓力... 大家都會開心d~^^~

私人傳訊回覆引用

積分: 6171

大廚勳章

18^#

發表於 10-7-25 21:41 |只看該作者

或者咁講, 唔係個個BB都會自然戒到夜奶. 我細仔就要食固體至可以戒到夜奶. 但係直到2.5歲, 佢至可以好stable咁瞓過夜.

一來係因為佢呼吸比較唔順暢, 成日要睇醫生. 當時我唔知佢有呢個問題, 總之喊我就俾佢食. 雖然當時已買左本書, 但係未明點樣apply. 所以都係有一半係feed on demand, 一半係跟時間表餵. 我記憶中, 個時間表唔係太好. 佢大D係可以食得多D. 但唔代表佢瞓得好D.

今次呢個B, 我希望佢可以食得好同瞓得好. 所以我至會用呢本書呢幫佢. 而且我真係見過有成功個案. 就算自己唔成功, 我覺得都唔會有咩損失.

第二冊我都睇左, 佢同我湊仔既方法好相似. 可能我都係一D鐘意定時定候, 可以預定的人, 所以我會buy呢套書.

原帖由 tracy37 於 10-7-24 22:04 發表
我有買... 買埋第二冊添... 不過我睇完感覺好大壓力...... 好怕自己做唔到....
本來好想跟不過最後發現... bb滿兩個月自然可以訓過夜唔洗幫都戒左夜奶...

我全人奶...
頭一個月bb兩個鐘食一次奶... 一次食一個鐘
之 ...

[ 本帖最後由 SEricsson 於 10-7-25 21:43 編輯 ]

私人傳訊回覆引用

積分: 6171

大廚勳章

19^#

發表於 10-7-25 21:51 |只看該作者

不過現在我遇到既問題係: 瞓覺

我習慣唔會抱BB瞓覺, 我2個仔都係放係床, 之後會拍下佢, 等佢瞓, 而佢地又好受. 但真係個個唔同, 呢個B, 呢幾餐點拍, 唱歌, 傾計, 都唔受, 但係抱住佢同佢掃風, 佢就會掃到瞓著左.

其實佢係咪真係有風, 所以瞓唔到, 定係要人抱呢?

我做唔到食-清醒-瞓呢個partner, 只可做到食 -清醒 (想瞓, 但瞓唔到, 喊到第二餐), 到第二餐就食-瞓.

有無媽咪做到食-清醒-瞓? 過程如何? BB會喊幾耐?

[ 本帖最後由 SEricsson 於 10-7-25 21:52 編輯 ]

私人傳訊回覆引用

mrs雨過天晴