夫婦情感

收藏本版
發帖
返回列表
跳至頁

首頁
1

尾頁
   0
Lamui


大宅

積分: 1150


1#
發表於 10-8-3 04:23 |只看該作者
前晚我終於證實他喺出面有女人，討論後，他無叫我俾機會佢，只是交待離婚同兩個女嘅撫養權同埋層樓！我好心痛係他無求過情！係因為他真的很想離開我？還是他覺得自己無資格要求我原諒？還是他很愛出面嗰位？我覺得好似成件事自己好被動！今早我再問他怎辦？他叫我出售物業及找律師辦離婚！既然他過了一晚後嘅決定都咁肯定，咁我已有晒心理準備去辦離婚。但他放工回家後又可以扮到無事發生過，我覺得佢真的很過份！我是否都扮無事發生過，讓兩個女女有爸爸陪他成長？但真的很難，我是否太自私呢？是否離婚就等如害了兩個女女嘅一生？但他一向都情緒很波動，好似yesterday咁我問多幾次嗰個女人嘅嘢，佢可以由一個表面冷靜到面容扭曲都不用一分鐘，跟住就立刻換衫狂哭跟住就走話要尋死，叫我好好睇住兩個女！攪到我好担心他出事！我朋友話我每一天就好似同個計時炸彈一齊生活，唔知幾時激怒他，click到佢個火頭，佢就立刻失控而我就會上頭條！我應該為兩個女女要留住他還是離開他呢？好無奈！
私人傳訊

tired


珍珠宮

積分: 30410


2#
發表於 10-8-3 08:59 |只看該作者
點解一問個女人Ｄ野，　佢就要喊要死？？
佢地一齊左幾耐，　點識架？
私人傳訊

Lamui


大宅

積分: 1150


3#
發表於 10-8-3 09:52 |只看該作者
佢話佢唔想講，唔想講就唔講，無必要同我交待亦唔關我事！佢cry係因為當時佢失控，佢已經答咗話唔講但我仲三番四次問佢！



原帖由 tired 於 10-8-3 08:59 發表
點解一問個女人Ｄ野，　佢就要喊要死？？
佢地一齊左幾耐，　點識架？
私人傳訊

cy101


象牙宮

積分: 208225

2025勳章 2025勳章蛇年勳章 2024年龍年勳章 牛年勳章 2018復活節勳章 育兒性格勳章 好媽媽勳章 醒目開學勳章 畀面勳章 環保接龍勳章 大廚勳章 BK Milk勳章 15週年勳章 親子王國15週年勳章 親子王國15週年勳章


4#
發表於 10-8-3 10:34 |只看該作者
佢都話離, 係咩原因都唔重要la, 何必再為他找借口!!!

小朋友面前扮無野, 好正常呀!! 妳可必再多想!!!

私人傳訊

little_george


複式洋房

積分: 466


5#
發表於 10-8-3 10:35 |只看該作者
害了兩個女的人是他，不是妳。妳也可選擇分開而不搞離婚手續，那麼他亦沒有這麼簡單就可與那女人很快再結婚，到時由他自己出面搞，這樣的人不要也罷！
私人傳訊

shadowrainbow


男爵府

積分: 8800


6#
發表於 10-8-3 11:56 |只看該作者
原帖由 Lamui 於 10-8-3 04:23 發表
前晚我終於證實他喺出面有女人，討論後，他無叫我俾機會佢，只是交待離婚同兩個女嘅撫養權同埋層樓！我好心痛係他無求過情！係因為他真的很想離開我？還是他覺得自己無資格要求我原諒？還是他很愛出面嗰位？我覺得好似成件事自己好被 ...


如 果 決 定留 下 來 , 就 不 用 再問 第 三 者的 事, 因 為人 是無 得 比 較架. 要 算你 同 個 第 三者 所 有 野 都 一 樣 , 咁 又 點 呢 ?

反 而 係 你 有 小朋 友 , 要 好 好 想 , 是 否 要 分 開,
離 婚 很 痛 苦, 這個 過程我 本 人 試 過 了 , 我 帶 住 2 個 兒 女 , 但 到 今 日 , 比 我 再 做 ,我 依 然會 走 . 因 為 我前 夫 好 惡 頂. 佢 係 連 自 己 兄 弟 子妹 都 唔 喜 歡佢 , 可 想 而 知.....

你 個 case, 我 地 都 係局 外人 , 未必 可 以 比 到 好好 的 意 見 比 你 , 因 為 留 or divorce 都 係你 自 己 面 對 . 但 你 要 傾 計 , 可 以 找 網 友 support.
無 論 妳 決 定係 點 , 請記 住 , 妳 並不 alone.
私人傳訊

mywong


男爵府

積分: 9963

好媽媽勳章


7#
發表於 10-8-3 12:19 |只看該作者
其實他去意已決, 亦交代了離婚同撫養權, 你都唔好誌諗咁多啦. 好好為自己同女兒安排日後生活吧.

私人傳訊

littlesister


琥珀宮

積分: 158843

畀面勳章


8#
發表於 10-8-3 12:23 |只看該作者
樓主,

唔好因為小朋友委屈自己, 個爸爸成日出左去, 都名全實亡架啦.

不過咁, 睇番好多分享, 被踼爆後發癲仲話離婚係正常, 暫時俾d時間大家, 唔好提唔好理佢先啦, 可以睇定d先決定, 你可以睇番舊post, 首先要處理好自己既情緒先.
私人傳訊

WING1004


大宅

積分: 2893


9#
發表於 10-8-3 14:34 |只看該作者
如果佢吟決絕相信佢對妳都無留戀, 何必再讓自己痛苦落去呢? 佢要走由佢得走啦.....
私人傳訊

alice44


男爵府

積分: 7623


10#
發表於 10-8-3 15:19 |只看該作者
原帖由 WING1004 於 10-8-3 14:34 發表
如果佢吟決絕相信佢對妳都無留戀, 何必再讓自己痛苦落去呢? 佢要走由佢得走啦.....


完全同意.
私人傳訊

Nancy20090615


瑪瑙宮

積分: 137274


11#
發表於 10-8-3 21:43 |只看該作者
您好單方面認為有得挽留, 到左呢個時候, 同佢講錢最實際. 我的上一輩都有呢 D 例子, 包括我母親, 話離就離(可能都考慮左好耐卦, 我唔知), 我老豆講 MUD 都無用, 佢癌症死o係醫院, 我母親都無睇過佢. 可能有一日我都係反臉無情o個個. 我大個之後都贊成佢地O既選擇-離婚, 唔需要將痛苦延長, 延長又點, 無意思.

要做個精明 (醒水) O既女人.

原帖由 Lamui 於 10-8-3 04:23 發表
我應該為兩個女女要留住他還是離開他呢？好無奈！ ...
私人傳訊

Lamui


大宅

積分: 1150


12#
發表於 10-8-4 01:23 |只看該作者
多謝各位嘅意見！我倆今晚討論完結，最後他都係選擇離婚！他話他面對唔到我（其實我覺得他面對唔到自己多啲），他怕日後我會重提舊事，更加怕我會check他！他話如果我唔係迫到他咁絕，大家都可能還可以！其實我只是問他點解多咗部手提電腦，可否比我睇吓入面有乜嘢嚟？點知就有佢同外遇啲相！乜我真係咁絕？係咪明知他有外遇都要扮唔知，咁就叫唔絕？我已經為了兩個女留過他，但他都話離婚！他放棄兩個女嘅撫養權，每個月將會比一萬元膳養費，頓時間自己很驚，因為我係喺屋企做freelance及照顧兩個女女，究竟一萬元夠租樓住還是夠比個大女學費？對兩位小朋友來說太殘忍及心痛，因為我比唔到一個健康嘅家庭比佢哋！唔知女女九月將會入表報名考K1，會否因為爸爸媽媽婚姻狀況而影響到她呢？突然間好多問題，覺得前路茫茫，請問有無單親媽咪可以指點我應該點做呢？

原帖由 Nancy20090615 於 10-8-3 21:43 發表
您好單方面認為有得挽留, 到左呢個時候, 同佢講錢最實際. 我的上一輩都有呢 D 例子, 包括我母親, 話離就離(可能都考慮左好耐卦, 我唔知), 我老豆講 MUD 都無用, 佢癌症死o係醫院, 我母親都無睇過佢. 可能有一日我 ...
私人傳訊

APPLEFUFG714


複式洋房

積分: 246


13#
發表於 10-8-4 15:03 |只看該作者
其實你問出面個女人啲嘢做咩?
對件事一啲幫助都冇!
你一起步就做錯咗,攪到你老公唔知點面對你哋?
男人係咁架,當佢唔知點處理嘅時候,佢唯有揀逃避,離婚對佢唻講係一種解脫,不過我覺得係你逼到佢行呢一步。
件事俾你知道之後佢仲返唻食同瞓,即証明佢由頭到尾都諗過要放棄呢頭家…
我俾個意見俾你…個人經驗:
同C6講:
為咗兩個女你唔想離婚,而且梗加唔想俾兩個女知道係爸爸做錯事,令兩個女對佢反感,感情嘅事係大人嘅,因為大人嘅事而令小朋友心靈受傷,就實在唔公平!唔離婚唔係你唔捨得佢!
你唔好咁易放佢走,從今開始唔好再提個女人啲嘢,只要你個家一日仲喺度,我睇出面個女人忍得幾耐?當佢逼你老公選擇嘅時候,你老公就會選擇邊個冇俾壓力佢!
而家你老公係你逼佢同你離婚,你明白我講咩嘛?如果唔明就PM我
私人傳訊

Nancy20090615


瑪瑙宮

積分: 137274


14#
發表於 10-8-4 21:12 |只看該作者
點解佢話一萬, 您就接受呢? 一萬够邊個使呀, 您三母女, 湊住佢地您又唔可以去打工, 叫佢唔好咁過份啦, 您有無仔細 D 計下條數再同佢講架? 如果佢唔比够, 唔好離婚住.

原帖由 Lamui 於 10-8-4 01:23 發表
多謝各位嘅意見！我倆今晚討論完結，最後他都係選擇離婚！他話他面對唔到我（其實我覺得他面對唔到自己多啲），他怕日後我會重提舊事，更加怕我會check他！他話如果我唔係迫到他咁絕，大家都可能還可以！其實我只是問他點解多咗部手提電 ...
私人傳訊

littlesister


琥珀宮

積分: 158843

畀面勳章


15#
發表於 10-8-4 23:46 |只看該作者
你老公講嘅野唔好太上心, 你睇番好多過來人嘅故事就知佢地咁講係正常反應, 你俾大家冷靜下先唔好再提先啦, 等佢都冷靜下.

即使離婚都唔駛驚, 層樓唔好賣, 生活費都唔你佢話點就點, 佢要俾足夠錢先得, 唔俾就法庭見, 佢駛怕佢, 你處理好自己情緒先, 搵番d舊post睇下啦, pm d 過來人傾下, 唔好亂晒, 你仲有囡囡支持你架.
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy