懷孕前後 今日: 2 | 主題: 330583

積分: 14359

好媽媽勳章醒目開學勳章

1^#

發表於 05-6-2 19:32 |只看該作者

分享下我有左bb既日子~

你地好呀~~我係新黎架~多多指教呀各位媽咪~
我今年18歲,有左BB5個幾月喇~~
講起幾時知道自己有bb都係好突然,好完全估唔到既事黎架~
我o係今年既1月尾度尿道發炎...睇過醫生又食過藥,跟住冇乜事啦~~期間只係有好少好少既作嘔感覺~~
點知2月頭時又發過,咁梗係又第一時間去睇醫生啦~~今次都係食番上次d藥,但今次作嘔既感覺係前所未有過咁犀利既!!!而且M又冇黎喎...咁自己諗...可能係食果d藥攪到咁啦~咁就冇乜理既...因為尿道炎好多人都知道如果唔清左佢食闣d藥...好快又會番發...咁我都係頂硬上啦~~
點知有一日我番番下工,下面又痛得好緊要,感覺到類似係子宫果個位好似爛晒之後再整到咁果隻痛>.<咁我就唯有即刻同主任講早退啦~因為之前佢地都知我要食藥架喇~
我係o係間叫Q Q Rice既店度做,全部都係o靚仔o靚妹黎既,所以係冇果d office既死板板~個主任都係得21歲喳嘛~~
咁走左之後我就去左仁(際)度睇急症啦~~跟住就話比醫生知我有自己去睇私家同食緊d藥,又話比佢知我作嘔作得好犀利,係見到d藥就即刻想死咁...跟住個醫生就問我幾耐冇黎M...我話個零月度啦~~佢就話有冇可能有左...我話唔知呀...不過應該唔會係咪呀咁樣講~~佢就話...咁我幫你驗下先啦~~依家留小便比我啦~
咁我就留小便比佢驗啦~~跟住佢就叫我o係出面等啦,等緊既時候我自己就唔知點解...好驚好驚,因為第一個感覺係自己有左...我都唔知點解...之後再叫我入去時我基本上都估到...佢話：小姐,幫你驗左喇,你真係有左喎,咁因為你又食過d藥,我覺得你留院一晚我地同你檢查下好d~~
跟住我好驚啦,係咁話唔駛唔駛~之後我話比我打個電話再答你得唔得呀醫生,佢就叫我快d打啦咁~~
之後我打左比我阿媽(因為我條仔番緊工,我好驚,但第一樣野係驚影響到佢,因為佢o係寶馬做整車技工果d,夜晚重要番學,學整車果d,我驚影響到佢做錯野就麻煩,大公司嘛!!)
咁咁岩果日我阿媽幫我伶番支簽去車公度解(因為之前佢冇錢,所以未有即刻解,幫我地解開簽果個幾準但都幾貴,b'coz果時岩岩新年會貴d~)
因為我岩岩去到仁(際)就打左電話話聲比我阿媽知,佢就話去緊車公度幫我解番支簽~~咁我睇克之後第一時間打比佢...佢冇鬧我,佢話：唔係嘛...真係咁準?頭先解簽果個話你今年一定會有,點避都有,係遲與早既問題,而且唔落得架~~唔係成世都會跟住你...唉,呢d野唔到你唔信~~我重諗住一陣食完野先打比你講叫你小心d tim...
聽完佢講之後我已經忍唔住喊左出黎,因為果時我已經同條仔住埋一齊成年喇,move果陣重同我阿媽嘈到好似要脫離母女關係咁...但係我話比我阿媽知果一刻,佢完全冇鬧我,重叫我小心d呀果d...我個人又好驚...所以真係好感動同覺得對佢唔住...
之後我阿媽就叫我即刻番佢屋企先再講果d...
之後我同醫生講話唔留,仁(際)就轉介左我去瑪嘉烈度做產檢同睇bb有冇事果d,前後都去左照超聲波3次~~5月31日就係第3次,果日睇克醫生話bb冇乜野架喇~~之前食既藥唔會影響到~~所有都冇比覆診紙我~~
第1次照時醫生話得7週6日,所以唔係好照到,因為都係照佢外觀,如果d藥影響度一定睇得出咁話~
第2次我又唔記得帶果份母嬰紀錄,所以就要再照第3次~~
不過第一次照時見到bb好細粒...個感覺真係有d想喊,感動到喊

依家已經5個幾月喇...好緊張...唔知第日生果時會點...又唔知生得果時要帶d乜入醫院,又唔知生嬲時會痛到點...總之乜野都唔知,但又好期待啦~~
好喇~~唔講咁多...好似好煩咁呀~~

各位前輩可以分享下你地既經驗嘛??

私人傳訊

nikitaki

歡迎光臨~ＮｉＫｉ變靚店~大量美容纖體嬰兒家居產品~

積分: 2464

2^#

發表於 05-6-2 19:52 |只看該作者

Re: 分享下我有左bb既日子~

咁您男朋友知道左,有咩反應呀~???

我就22yrs ,有左6個月囉~都係同我男朋友住埋左2年,跟住有左結婚~~您而家有冇返工呀咁?

我都好期待阿b出世呀~~~

私人傳訊

黑魔鯉

積分: 2497

3^#

發表於 05-6-2 21:54 |只看該作者

Re: 分享下我有左bb既日子~

係囉~咁你男朋友有咩反應呀~我依家20歲,依家8個幾月喇~我同我依家個老公都住左四年有左先結婚,都唔係好耐喳~咁你依家身體點呀!!!!

我都就快生lu~希望生個肥肥白白健健康康既bb出來~

私人傳訊

積分: 14359

好媽媽勳章醒目開學勳章

4^#

發表於 05-6-3 03:06 |只看該作者

Re: 分享下我有左bb既日子~

由 nikitaki 於 2005-06-02 19:52:01

咁您男朋友知道左,有咩反應呀~??? 我就22yrs ,有左6個月囉~都係同我男朋友住埋左2年,跟住有左結婚~~您而家有冇返工呀咁? 我都好期待阿b出世呀~~~

佢果時...冇乜反應囉...到番左我地自己屋企之後佢就鬧我做乜唔第一時間同佢講...我話驚影響佢...諗住等佢放學先同佢講...佢就係咁話：〔咁你都要同我講架啦~你點都要同我講個喎!!〕我話冇唔同你講,係驚影響到你既心情嘛...佢講到好似我唔同佢講然後懋自己走去落左佢咁/.\
岩岩有左個2,3個月佢都好似唔係好開心咁...好似唔鐘意bb咁...我果排係最煩既...驚佢其實唔係懋要bb既~~
因為我地有時講開笑都會講下呢d...佢都講過...係睇我要唔要既姐~~
但佢果排完全係好似唔鐘訛個bb喧....我自己就覺得好煩...因為其實佢係同個阿哥一齊住架,重有個阿嫂同佢地個仔...佢地好x麻煩架!!!我老公o係屋企果陣佢地冇咁野講...佢唔o係度呢...就會講好多說話~~我move左去佢度一年...除左之前有番工之外....其餘時間都係o係房入面...唔想聽佢地講既"說話"...佢地最鐘意我行緊入房時講d單打說話...我最憎...小人到乜咁樣!!!

不過我又冇出過聲,因為我知我老公已經好辛苦...佢係最細,dad同mom又早過身...所以個哥當左間屋係完全全部係佢既..同埋我知...只要我地move左出去...因為我地申請緊公屋...咁我地就唔旲對住佢地...總之依家我就比人地恰得好緊要囉~不過我阿媽教唔駛理佢地~~因為佢地係冇用既~~我愈唔開心佢地就會愈開心...因為奸計得逞~~
不過如果唔係因為左我老公同阿b...我諗我都可能會忍唔住~~因為始終細...年少氣盛嘛~~哈哈~~
我依家冇番工嚕~~阿b唔多想我番呀~~哈哈~~
我12月開始番之前份工...之後2月度就有左喇...開頭諗住如果自可以頂得住既話會繼續做落去架...但都係唔得...o係3月31日就同佢地講話唔做喇...本來要7日通知...但係個主任知我頂唔到,我又等錢駛,因為佢地都驚我冇錢用...我3月果時早退得好犀利,因為成日作嘔作到死咁滯~~得個3,4千喳...所以佢都o係開會時同老闆娘講話不如唔好扣,因為我係特別情況,而且...個老闆娘...佢都唔係好想我做...驚我o係公司有乜事佢要賠錢嘛...哈哈~~大家都知d老闆果d知道員工有左會點架啦!~~ :tongue:
不過我冇做之後就冇乜事嚕~~可能係要企足10個鐘既問題掛~
我4個月度就感覺到阿b"胎動"喇~~好似好早咁呀呵???哈哈~~依家佢都成日o係度周身"yook"~~好得意架~~

私人傳訊

積分: 14359

好媽媽勳章醒目開學勳章

5^#

發表於 05-6-3 03:12 |只看該作者

Re: 分享下我有左bb既日子~

由黑魔鯉於 2005-06-02 21:54:13
係囉~咁你男朋友有咩反應呀~我依家20歲,依家8個幾月喇~我同我依家個老公都住左四年有左先結婚,都唔係好耐喳~咁你依家身體點呀!!!!

我都就快生lu~希望生個肥肥白白健健康康既bb出來~

嘩~~你同你老公都住左4年先有啦~~我地1年度就有左喇~~ :-(
不過之前一直都冇話避果d架~~都冇事...但係車公就犀利喇...佢話我今年一定會有...我年頭就已經有左啦...唉...所以有時好多野唔到我唔信呀覺得~~

依家身體都ok既...不過3個月之前我都食唔到野囉...所以31號5.30果日去北葵涌覆診...我都冇重過...

食呢排先食到野喳~~

私人傳訊

m4maggie

積分: 3057

6^#

發表於 05-6-3 04:21 |只看該作者

Re: 分享下我有左bb既日子~

恭喜晒呀~~

咁你預產期係幾時呀？

私人傳訊

積分: 14359

好媽媽勳章醒目開學勳章

7^#

發表於 05-6-3 13:57 |只看該作者

Re: 分享下我有左bb既日子~

由 m4maggie 於 2005-06-03 04:21:04
恭喜晒呀~~
咁你預產期係幾時呀？

係10月19號呀~~

私人傳訊

m4maggie

積分: 3057

8^#

發表於 05-6-3 15:06 |只看該作者

Re: 分享下我有左bb既日子~

kawai928
咁你係咪會喺瑪嘉烈生呀？

私人傳訊

onon1022

積分: 12600

好媽媽勳章

9^#

發表於 05-6-4 01:46 |只看該作者

Re: 分享下我有左bb既日子~

係囉...人地講咩咪又得人地講囉...而家千其唔好嬲...如果唔係生個炆薑就慘啦...

[url=http://lilypie.com][img]

私人傳訊

積分: 14359

好媽媽勳章醒目開學勳章

10^#

發表於 05-6-4 21:39 |只看該作者

Re: 分享下我有左bb既日子~

由 m4maggie 於 2005-06-03 15:06:13

kawai928
咁你係咪會喺瑪嘉烈生呀？

係呀~~不過我都唔知果日會唔會o你開呢頭...但係人地話產檢係邊間做就會o係番邊間生丫嘛...係咪架??
咁如果我去左我娘家(o係9龍)...咁突然生得...咁點算呀??
都係去番瑪嘉烈架??

私人傳訊

kathychoi

積分: 11559

11^#

發表於 05-6-4 22:29 |只看該作者

Re: 分享下我有左bb既日子~

我老公住美孚..但由於屋企無人照顧..所以我返左自己屋企住(藍田)..但我唔係聯合or 瑪嘉烈生..而係o係廣華..因為我奶奶話廣華好!!~~ 其實如果你趕唔切去九龍既醫院生..可以係瑪嘉烈..不過如果你係政府醫院檢查開..就應該係果度生!!~~
今次我有左都純粹係意外..我大你兩年..不過我就仲讀緊書..o岩o岩預科畢業..bb 預產期係九月廿五號..我一邊陀住bb一邊考a-level ..我本來唔係咁鐘意細路仔..但唔知點解..自從有左bb 之後..就覺得d 細路仔好可愛..好想bb 快d 出世!! 唔開心時..我會同自己講唔可以唔開心..因為bb 又會唔開心..為左bb ..我會想盡辦法令自己開心返..所以你有d 乜唔開心既野唔駛理..盡量令自己處於開心既環境..咁個bb 第時生出黎就會成日笑架啦!!

世家才俊凌宵揚，然諾有禮人敬仰。 多謝Joycelyn 贈予的詩

私人傳訊