論盡家傭

跳至

首頁
1

尾頁
   0


複式洋房

積分: 195


發表於 10-8-26 05:17 |顯示全部帖子
請未來的, 現有的媽媽們進來看參考一下。 雖然我寫得很亂, 但這或許也是你關注的事 --- 陪月和家傭服務
有時間的請看看, 請分幾次看, 別忘了休息啊!!
-------------------------------------------------
這是我的故事

相信很多媽媽在懷孕時已好準備, 迎接新生命。
包括添置寶寶的第一件衣服, 奶樽等。
(我也是!為新生命的來臨感到無限的緊張與興奮!)
還有----------一個有能力照顧寶寶的好家傭!


今年係我第一次請外傭。
先說第一個工人(菲藉),我係經agency那兒請回來的。 曾到中東工作, 有數個孩子, 能說英語等。

從申請、審批和等待的時間, 足足有四五個月之久。


可惜從第一個工人到達以後...我的惡夢就開始發生了!!

她來了後第一個Week, 當然係甜蜜期。 除了幫你執乾淨整間屋企外, 還主動說要幫你按摩。

一星期後, 她開始唔肯做家務, 日日在房玩躲貓貓,
又不願意工作。 除了偷野, 講大話外, 佢竟然係我懷孕時第7~8個月時鬧我。

呢件事之後agent幫我地調解左, 之後佢又回到我地家中。 今次我地發現屋企的野不斷流走。
咁我地唯有Lock門, 讓屋企的物件可以避免不必要地不翼而飛和被偷偷運出。

最後佢覺得無利可圖, 係農曆新年的喜慶日子跟我們說她Grandma死了要回家。

臨走前向我們借錢, 先遊說我地出來回機票,
再遊說我們說會回來香港幫我地手等, 請預支兩三個月糧給她。 當然, 我們最後的商議是不成功的。

之後佢工作非常懶散, 洗一塊百頁簾竟然用五個鐘。
先生回來時還高興地跟他說: 我用了5個鐘洗佢啊!!

唉, 我地只好等佢的Last Day來臨....
直至有一日佢又鬧我, 話我屈佢, 發哂脾氣咁!!
最後老公唯有趕佢走~ 講真, 已經唔係第一次,
今次仲要發埋先生脾氣, 我地唔嬲就假了!!

我地即時補機票文件等要求佢即時離開。 個陣時BB已經係我個肚內第9個月啦!!
(即係我生個時根本無工人可以陪到我幫到我!!
好彩寶寶遲出生, 老公Resign左陪我生bb)

-----------------------------------------------

基於前工人被抄/Resign的關係,
我地另外唯有再另外補錢比Agent, 請了個印藉海外Maid返黎, 又等左好一段時間,
直至BB出左世後一個月,佢終於就黎左啦!!
(around 3mths)

但係"又"好不幸地, 佢第一晚係我地屋企訓完, 第二日就話要走。
我地只好勸佢留低,告訴她可能她還未適應等等..

其實我地真係等左佢好耐先到!!
(足足有3個月!!? 因為我寶寶最後遲左半個月先出世......!!)

之後佢唯有勁唔願意咁留低啦.. 講真, 佢黎到訓完之後就話要走, 我地又點會接受到? 只係會感到佢真係非常之唔認真。 往後佢係我地屋企一直扮唔識廣東話..連先生都比佢呃左。 > <

(mention: 佢已經係香港做過十年!!)

咁我同老公唯有比時間同空間佢, 比個藉口我地自己: "佢離開香港已經一段日子, 可能佢唔適應呢?"

一段惡夢的開始就慢慢發生.. 你想像不到的事情都會實現!

係佢黎左呢四個月來,
做錯的事 實在係多不勝數。

我來這裡是要分享一下, 媽媽們如果妳們有寶寶在家要工人照顧, 一定要裝Cam啊!! 別以為信任能勝於一切, 換來好言相待的啊....!! (我們就是一廂情願地以為會有奇蹟出現)

先說我和老公都算好有耐性, 但相對她的performance, 實在是太差人意了。

因為寶寶剛出世不久, 我地好注重衛生。
由佢入門第一刻開始我們便特別mention佢, 一定係要每一樣公序前後都定必要用潔水液清潔雙手25秒。
(可能有人認為麻煩, 但我們均認為這是必需的!!)
(家裡有初生嬰孩絕不能馬虎。)

講返平時, 佢做野我同老公都唔會特別留意望實佢,
因為唔想過度比壓力佢, 讓佢自由發揮, 好讓我地發掘佢的優點。

點知直到有一天, 我發覺她做事非常有問題, 一Check Play Back後..就嚇死我了!!!!!!!!!!

-- -- -- -- -- -- -- -- -- -- -- -- -- -- -- -- --
第一:
倒完垃圾,唔洗手> 拖地, 唔洗手>bb喊, 唔洗手就抱BB>幫BB換片, 唔洗手>沖奶比BB飲.....
[[[[係由始至終都無洗過手啊!!!!!!!!!!!!!!!!!!!]]]]

第二:
抱BB係Sofa訓, 雙。手。鬆。開。!
[[[[寶寶係佢手上鬆了下來!! 當時寶寶只有個半月大.. 我幻想唔到要是佢跌左落地我會有幾咁擔心和心痛!!佢賠唔返個仔比我lorrrrrr!!!!]]]]

3. 沖奶是指示以外: 錯誤時間, 錯誤手勢, 錯誤水溫, 錯誤水量。
[[單只是教她沖奶, 我們就足足用了2個月之多...)

4. 唔見左私人物品, 如itouch等。

後來仲發現佢原來唔肯沖涼, 唔肯換底衫褲, 唔肯洗頭等...

仲要每次無論是做家務, 個人衛生, 煮食等都敷衍馬虎了事.. 還說不懂煮送.. 你知道嗎? 幾乎每晚的送菜都是我煮的啊!! 是我....是我去煮給工人食啊!!!!!!!!!!!!!!!!!!

家中有初生嬰孩竟然會如此, 我實在不敢相信自己的眼睛。 我見到寶寶比個工人咁疏忽照顧, 我真係好心痛!!
(其實我只是剛二十頭左右的媽媽, 我能懂的難道會比一個有十年湊b經驗媽媽多嗎? 我的知識全靠我努力上產前堂! 還真多謝醫院裡的姑娘!!!!)

最後又唯有向Agent再Report,
可是過了兩天後又一切如常,
甚至更差。一次如是, 兩次如是,
最可怕的就是, 她現在連Warning Letter都唔肯收唔肯簽啊!! 妳估邊個教佢???

直至上個月, 她終於係Agent度填好份resign letter,
原本the last day個欄係寫住: until the next maid arrived due to the agreement, 係寫明直到下個工人黎到先走架!! 但我地諗都諗唔到佢竟然係o係經Agent的指導下, 係"until the next maid arrived due to agreement"後, 自己加左句"before 1 September"。

我地覺得好嬲, 而且感到好不被尊重,
之後Agent仲幫佢Fax埋呢張Termination Letter 去Immigration Center。 另外, 呢間Agent公司仍都唔肯再幫我地搵新工人啦, 無論我地多次聯絡佢地都好難接通, 並好難搵到負責人。
經過一段長時間之後, 佢比我地的Reply係:"印傭放新年, 無人肯黎做"。 另外又話"既然呢個咁有經驗的都唔岩你, 我諗我地幫唔到你"等等的說話。 咁即係拒絕refe啦了!! 難道這不是故意挑釁和叫做違反合約精神嗎?? 又一段時間過去, 佢reply我地咁話:"我地同公司商量過, 我地比返$1500蚊你, 你當係賠償又好 津貼又好咩都好La!!" 我聽到真係O哂咀..!!!!

(我和老公都認為工人和Agent公司都違反了合約精神,
而且上一個Maid經佢地介紹的都好差, 而且個工人同我地講Agent濫收佢地費用等等, 講真我地真係好想去告佢地!!)

講返個工人, 佢cc左張Termination letter去入境處我地都好無奈, 佢返到黎仲表現出勝利的姿態咁。
其實最大收益人就係保障同保護左自己的Agent..-,-

從此工人態度更加地差, 不停再錯事,
清潔又唔做好, "筆"BB奶粉D刀刀叉叉充滿污漬,
而且污漬仲要係兩日前!! 然後又發現D毛巾有好多污垢, 甚至有像鼻垢的遺體.. 初生媽媽們, 妳們能接受嗎?
講真, 我真係忍無可忍好想嘔啊 !!




最後我唯有用最直接而認真的態度去Punish同指正佢的過錯, 但係根本都無補於事, 佢根本就食左老虎膽咁唔怕妳!! 唉, 最後連BB的Feeding Bottles同奶粉都遭殃哂......唉!!

直至上個星期, 寶寶接近五個月時開始更有力地動彈身體啦!
當寶寶企係佢大脾跳跳扎時, 佢竟然右手鬆開,
啊B成個人垂直45度咁達左落Sofa度訓係度, 後腦落Sofa。

好彩啊B無事, 唔係我都唔知點算好啊 !!

後來見啊b呆左一呆, 又無咩事咁, 就無帶佢落去睇醫生.... 其實應該係話個一刻我根本就唔知可以點做!!!!!!!!!

後來我又睇返Cam, 我又見到佢無抱實BB咁搖佢,
話因為佢扭計.. 但寶寶已經5個月大了, 非常之咁大力, 而且仲識得腳撐撐係咁甩開人。

但佢竟然完全莫視我和老公的勸告同命令, 都係我行我素不羈地行事, 情況令人可悲和氣憤!!

我真係好驚寶寶會因為佢發生意外啊!!
點解香港公司同學校無baby sister!!!!!!!


(妳地請佢地時要注意同特別問清楚佢地啊!! 當然記住要叫佢地試範兩次!!!!!!!!!!!!!!!!!!!!!!!)

另外,仲有工人的健康問題啊, 衛生問題啊, 育嬰常識啊等等真係好令人懷疑, 到底佢以往的僱主點同佢相處? 放低bb自己走左去咁樣又唔check cam!???

最後我地根據返佢份面試Application Form黎問佢,
(面試form寫佢照顧過2個家庭, 係香港做過十年, 兩次都有湊過new born bb)

你係咪係香港做過十年:係,
你係咪照顧過2個家庭: 係,
兩個家庭的BB幾歲? 第1個係2同4歲, 另一個係New born。

我原本唔明白點解同份application form係有出入,
係香港, 以提供虛假資料來換取一份employment contract是犯法的!! 而且呢份form竟然係從Agent中轉介過來的....... !???


當時當刻我真的感受到非常的難過與無助,
金錢上的損失還可以接受,
但時間和精神上的損失真係難以彌補。

其實最慘的就係寶寶, 因為佢剛剛踏入第5個月,
佢已經開始識得認人啦!!
(不要說5個月, 佢2個月時已經認得我了....)


我真係連張機票都唔想比佢啊!!!!!
點解無人Protect我地呢班媽媽僱主wor!!!!!!
其實我地都好需要人照顧同關懷!!!

下個月我就開學喇, 有一段時間都唔知點算!!
我真係覺得我地好可憐, 比Agent同工人玩到體無完膚,
前前後後駛左的錢 同換得的家傭服務是成反比的。
我寧願將D$放入兒童基金/捐左去!!

我真係覺得好無助好無奈, 我地香港立法話唔可以讓BB, 小朋友單獨留在家。 但我地一班爸爸媽媽就係要去上班, 幫助香港的各項包括經濟體系等。

為了我地唔好養成伸手向政府拎錢, 做社會負累的關係, 我地就唯有一邊係社會打工, 一邊請個工人返黎屋企照顧BB, 睇實BB。

點知最後反而根本就係害左個BB, 而且外傭組和Agent卻只會偏幫工人, 就連D工人的application form資料都係假, 我地白白浪費左好多金錢, 時間, 和精神,
又有邊個體諒我地同幫助我地!???




現在我地唯有請一個本地即將完約的Maid, 從新教過,
佢無湊BB的經驗, 但希望想照顧BB。


講真, 一個有責任感同Willing to learn, action的Maid真係好難搵, 搵到的真係要珍惜。
雖然呢個係佢的本份, 但如果佢真係做得好好,
比多少少salary同愛心佢地, 令佢地融入家中其實係一件非常可慶的樂事。

現在我只好等新姐姐到達, 重新教, 慢慢教,
我真係好怕呢個姐姐又係咁, 要不然..我也不知怎算好了......... ( 但係最快都要等到九月中................................)



--------------------------------------------

另外有一件事我真係覺得非常不幸.. 抑或是工人蝦我細個..??

係預產期前我地才急急腳搵陪月工人。
最終比我地搵到個有XX經驗的陪月員。

最初我地都不敢相信自己的心理和生理上..
但真的忍無可忍, 竟瞪大眼講大話....!!


那是一個在香港聘請的陪月服務員。
因為生完bb好累, 我同老公都要休息, 晚上我地照顧bb, 早上佢黎度後我地就盡量休息。

點知佢偷我地野........又偷補品..又偷燉料....
除此之外仲呃我地的送錢.......
1個星期千幾蚊飯菜錢?
(是真的! 而且並不包括補品燉料, 純粹買"食送"!)
其實D單同收據我到而家都仲Keep住係度....以防萬一作證供!!

各位媽媽, 更加是第一次有BB的媽媽,
看到這裡後, 我想妳們眼睛很累了,
記住啊, 要小心謹慎地選擇工人啊!!
避免因為工人的事而令自己唔開心!!

這是我的一個小小心得:
生之前, 先要揀個舒服的工人~
無論是眼緣抑或是投契到也好, 最緊要舒服。
還要能合你心意, 有默契的更佳。
(因為好有可能妳生完BB之後唔肯比BB佢湊架!!)
一定要識笑~岩KEY的就最好。
千奇唔好揀D黑面神/假口面的人,
唔係辛苦的定必係妳同BB, 失錢又損神!!


(唉, 我諗起陪月連衛生常識都無真係好令新手媽媽心痛。 我記得她那時抹完寶寶的屁股仔後就徒手向凡士林罐中插入, 連棉花棒都唔肯用... 唉.. 如果唔係無家人照顧我都唔會請陪月啊......)

其實我地好信任佢, 因為我地係新手, 認為佢點都好過我地叻過我地。 事實上證明左唔係, 只要有心機, 每人也能成為super mama.

但佢就浪費左我地比佢的信任同自毀左聲譽。
陪月最緊要的係咩? 就係聲譽! 切勿相信自稱做過xx年以上的陪月, 想想當年已有陪月服務嗎? 那時只有奶媽而已!! 而且當時的陪月跟本未有牌照的!! 要小心耶!!
還要特別小心那種....會帶contract到你家來的那種陪月服務員-----妳可先keep contract和reference letter copy以作參考!! 最後我想說的無奈事就是.....我個陪月還逼我簽Reference紙啊!! 不是家人說息事寧人, 我想我和老公都。絕。不。會。簽。! )

希望未來的,現有的媽媽們,看到這裡能成為妳的有用參考吧!

[ 本帖最後由 cutiekody 於 10-8-26 05:19 編輯 ]


男爵府

積分: 6662


發表於 10-8-26 10:19 |顯示全部帖子
本港新一代的媽媽之苦,政府幾時正視問題!

俾D工人攪到家不再安全,而且偷我地D嘢,又精神瘧待,時時提心跳膽.

而家我都唔請工人,自己辛苦D,工作之餘自己照顧個仔,仲開心安落.


男爵府

積分: 5002


發表於 10-8-26 10:36 |顯示全部帖子
個陪月係邊度請的 ?? post 出 lai alert 吓d 媽咪都好, 唔好以為有 reference 大哂 !!


子爵府

積分: 10622

醒目開學勳章


發表於 10-8-26 11:28 |顯示全部帖子
睇完晒你的故事,只可以講哀我香港人
有得選擇,條件好些的話,我一定會自己湊,但要供樓啊,唔做唔得,唔請工人唔得!


男爵府

積分: 6964

畀面勳章 環保接龍勳章


發表於 10-8-26 11:46 |顯示全部帖子
睇完你個topic之後,真係好感慨,我地呢一班靠自己雙手掙錢的父母,真係有苦說不出


複式洋房

積分: 195


發表於 10-8-26 15:24 |顯示全部帖子

回覆 3# Joancyf 的文章

實不相瞞, 個陪月就係係baby kingdom請的!! 我諗佢會有可能見到, 但係我全部都有相有證據, 唔怕佢啊!!

其實係我老公係呢度開Offer, 佢Sent Email同留Msg係Mail Box, 之後佢就自己拎埋份Employment Contract上黎我屋企傾(我地諗住面試咋, 無諗過要即簽, 佢仲要叫我地比按金, 我地醒目比左$500佢咋!)
($1萬蚊26日)

之後我預產期遲左兩個星期,佢好似催生咁打左幾次電話黎"關心"我地。 到bb出左世我想餵人奶, 佢就黑哂面咁。
最後雖然有老公支持, 但係我比啊B哎到流哂血, 唯有放棄..

唉, 除左26日1萬蚊人工外, 我淨係比佢的送菜錢都無左起碼四、五千(Per mth)。 佢每個禮拜清一次左右。

我仲好細個咩都唔識, 加上細個時爸爸媽媽話街市唔衛生所以從小就好少落街市買送...
估唔到呢種父母比我的幸福會成為他人的餌誘。

我老公係外國住左好耐, 根本唔知香港d送菜幾錢, 我地通常都係出街食, 去Taste買送等。

其實我地每次出街食都得幾好, 買送又去Taste買靚的, 但都竟然覺得佢買送貴。
(佢只係係樓下街市買送咋!! 我樓下街市d野好平的:;pppp:)


後黎我越諗越唔對路, 忍唔住口問佢: 點解d送錢咁貴?
佢就好似呃細路咁話: 你放心啦~我XX係唔會呃人架~
(我地心諗, 我地容忍你咋! 你仲要咁醒就黎呃返我地轉頭?) 之後佢都係無收歛到, 只係越黎越貴的送錢。

我真係唔明點解一星期只有6日佢上黎, 可以成千蚊甚至千幾蚊送錢....!! (無補品藥材WOR! 街市一條魚幾蚊~十幾蚊咋!!)

另外佢會係佢屋企付近的"某一特定雞檔"買雞過黎, 成$120一隻。 佢話個隻雞佢個度先有得買, 其他地方好難搵wor..我就唔信我樓下無!! 況且而家香港都無H5N1啦, 點會咁貴! 仲要餐餐都煮咁濟(其實我地只係拎黎煲湯, 之後其他佢就拎黎比我地食, 餐餐食, 又唔好味)。

另外佢又將佢屋企食淨D雞拎過黎比我地食......
又用哂我成包瑤柱, 但同食落肚的都唔成正比。
(我地懷疑佢拎走哂返屋企, 佢拎個環保袋黎我地根本睇唔到入面係咩)

仲有一次, 佢無拿拿一次過發哂我D燉品例如花膠等等, 之後將十幾廿條花膠用密實袋放係冰格。 到佢臨走時我地先發覺, 你話會唔會咁離譜!?? 佢由頭至尾都無話比我地聽會發哂我地。成。包。花。膠。架!

我地跟本唔識煮呢D野, 而家我地雪櫃就係咁比D花膠實死哂..想買D牛扒返黎都無位擺!! 真係勁嬲!!!

佢仲問我地有無d貴的藥材咁,
講真, 梗係有都話無啦!!!仲比佢偷咩!!



大家以後請陪月要小心啊....唔好以為Baby Kingdom就無壞人, 其實佢地睇中Baby Kingdom有"商機"就真..


而受害人如我就好似變左無知婦孺咁...講真四五千蚊我可以日日係屋企煮牛肝菌, 或許日日食D無咁高級的黑松露了!!

[ 本帖最後由 cutiekody 於 10-8-26 15:40 編輯 ]


複式洋房

積分: 195


發表於 10-8-26 15:45 |顯示全部帖子
回覆 2# minamina 的文章
我都諗住係咁, 而且我仲讀緊大學,
可以係屋企做D Online小買賣咁,
仲可以係屋企睇實工人.....但兩年之後就唔得啦

回覆 4# winnie_sh 的文章
係啊, 唔出去搵工又唔得, 唔請工人又唔得,
仲要比人蝦比人虐待。

一係你就惡過佢, 但佢就會乘機去告你。
真係想搬去其他地方住虐待返佢地轉頭......


公爵府

積分: 27953

2021勳章


發表於 10-8-26 16:30 |顯示全部帖子
養兒育女始終係自己既責任... 我細佬係澳洲, BB無人要湊去CHILDCARE, 扣左政府資助每個星期都要AUD400, 仲要收左工之後趕喉趕命接佢放學, 遇到BB有事, 又要求呢個求果個幫手睇住. 所以我覺得香港某個程度都算好, 起碼有得撰擇:請工人. 雖然話好多人話外傭唔好,但全港仍有以十萬計既外傭, 咁都說明係一個可行選擇.

你遇到個個工人都咁差, 真係唔好彩..其實真係唔放心, 可以自己揍, 然後請本地EE 每日上來幫手煮飯打掃. 讀書既野, 今年唔讀可以出年讀, 有咩緊要得過BB..


複式洋房

積分: 195


發表於 10-8-26 16:58 |顯示全部帖子
原帖由 rean_chau 於 10-8-26 16:30 發表
養兒育女始終係自己既責任... 我細佬係澳洲, BB無人要湊去CHILDCARE, 扣左政府資助每個星期都要AUD400, 仲要收左工之後趕喉趕命接佢放學, 遇到BB有事, 又要求呢個求果個幫手睇住. 所以我覺得香港某個程度都算好, 起 ...


唉, 其實我一路讀緊Bachelor degree。
我已經放棄左半個學期, 早一點畢業, 可以早一點搵多D錢比BB。 所以我而家唯有留守係屋企睇住工人同BB..
講真香港生活指數係好難照顧一個BB架! 我仲要未出黎做野.....老公真係好辛苦!!


別墅

積分: 885

好媽媽勳章 醒目開學勳章


發表於 10-8-26 17:02 |顯示全部帖子
介唔介意PM 資料話我知邊間 AGENT ?


男爵府

積分: 6964

畀面勳章 環保接龍勳章


發表於 10-8-26 17:30 |顯示全部帖子
原帖由 cutiekody 於 10-8-26 15:24 發表
實不相瞞, 個陪月就係係baby kingdom請的!! 我諗佢會有可能見到, 但係我全部都有相有證據, 唔怕佢啊!!

其實係我老公係呢度開Offer, 佢Sent Email同留Msg係Mail Box, 之後佢就自己拎埋份Employment Contract上黎我屋 ...


傻啦,網上世界無限制,咩嘢人都有啦.......其實有得幾多個人係面寫住自己係好人....仲有,麻煩你開個陪月名,當然唔係全名.我都想知埋間A準公司名,TKX.

[ 本帖最後由 cfbb 於 10-8-26 17:31 編輯 ]


大宅

積分: 3788


發表於 10-8-26 17:40 |顯示全部帖子
會唔會考慮將bb交去托兒所?我有同事都係咁,三個月開始送去托兒所,放工先去接返屋企...

原帖由 許咪咪 於 10-8-26 17:02 發表
介唔介意PM 資料話我知邊間 AGENT ?
我家有三個妹...


大宅

積分: 1152


發表於 10-8-27 12:30 |顯示全部帖子
作為香港的在職媽咪, 很辛苦 !!
如果家庭經濟許可, 我寧願全職照顧我的孩子. 但香港的社會k型得很 ! 從不重視家庭價值 ! 要知道一個母親在家庭裡是十分重要的. 孩子如何懂得去愛, 去成為正直的人, 價值觀是要父母去教的. 難道我們就可靠工人嗎? 我們不願意, 但我們也沒辦法. 香港的工作時間和壓力, 父母還能有多少時間去照顧自己至親的孩子.

我只希望政府能為下一代做一點實質的, 還孩子一個全職媽咪, 可以嗎?

希望近期發生的事, 讓社會"重視家庭".


公爵府

積分: 27953

2021勳章


發表於 10-8-27 12:57 |顯示全部帖子
其實點樣既政策先叫做可以'還孩子一個全職媽媽'. 每個全職媽媽發放$3580/月? 有幾多職業女性肯制. 唔係做香港媽咪難, 而係做父母根本就係一件唔易既事.

我識得有D媽媽, 先生揾萬鬆D都選擇全職揍仔, 但有D老公揾四五萬都話唔夠一定要出來工作..因為有樓要供,交學費補習費活動費, 有好多教育基金要供. 其實呢D係個人選擇, 有得必有失.

我唔係批評任何一樣愛自己仔女既媽媽, 只係有感而發.


大宅

積分: 3414

畀面勳章


發表於 10-8-29 14:25 |顯示全部帖子
其實一個月三餐$4000元至$5000元可以接受,如果買新鮮雞要90元至1001隻,買嘉美雞就120元至140元1隻,你係唔係好少去街市買餸
原帖由 cutiekody 於 10-8-26 15:24 發表
實不相瞞, 個陪月就係係baby kingdom請的!! 我諗佢會有可能見到, 但係我全部都有相有證據, 唔怕佢啊!!

其實係我老公係呢度開Offer, 佢Sent Email同留Msg係Mail Box, 之後佢就自己拎埋份Employment Contract上黎我屋 ...


民房

積分: 18


發表於 10-8-30 23:56 |顯示全部帖子

回覆 15# fionsiu 的文章

我參考過以下資料:
http://hk.knowledge.yahoo.com/question/question?qid=7008021501939

2008年:
香港東區/ 中西區 每週七日 HK$ 98 ( 1 隻)
香港南區 每週七日 HK$196 ( 2 隻)
九龍區 東 一、三、五 HK$196 ( 2 隻)
九龍區 西 二、四、六 HK$196 ( 2 隻)
新界區 沙田 一、三、五、六 HK$196 ( 2 隻)
其他地區 (不包括離島或偏遠地區) HK$490 ( 5 隻)

雖然係2008年的資料, 又可能因為雞檔佬Mark-up得高啦,
但人地只係$98隻連送貨喎!~ 呢個價錢不如去sogo買?
Inflation都唔會咁多掛?

4-5千蚊一個月如果我可以日日食東昇, 花蟹, 游水蝦我就覺得係Bargain~ 但如果係街市買送, 唔係日日食海鮮, 又唔係日日食雞........咁會唔會太誇張呢!?

煮得好唔好味就好因人而異, 始終每人口味唔同,
但係我地就真係覺得唔好食~!!
嘉美雞應該好食, 但我地覺得佢煮的真係麻麻。

講真, 佢除左有煲過雞湯外,
我地只係日日食菜同肉餅咋wor (最多有麵豉排骨)!
有時佢話會買D豬展煲湯, 但我地從來都無發現過豬展的蹤影, 唔知佢係唔係拎左返屋企食呢??
(remember!! 佢真係拎屋企食唔哂D送黎比我地食wor!! 佢仲對我地話: 屋企d雞食唔哂啊!!所以拎左D雞黎比你地食, 但另外又幫我地買雞, 一星期買左3,4次雞啊!! 但其實我開刀唔補得架lor.... 我話想餵人奶佢就面露不悅, 真討厭...咁就叫有愛心同有負任心?)


另外, 佢都無理由發哂我D花膠掛?
又另外, 點解佢又要將我包全新未開的海味開左取其一二呢? (佢只係用我雪櫃冰格D平平螺片黎煲所謂的嘉美雞, 但就偷左我地D海味, 會唔會啊?? )

我個時真係好唔開心好嬲, 而且我仲坐緊月!!
我未坐完月佢就走啦, 我好後悔無報警啊!
呢d人應該拉佢坐監嘛!! 乘人之危真係過份............
蝦一個女人最脆弱的時候!!

[ 本帖最後由 colachups 於 10-8-31 00:00 編輯 ]


大宅

積分: 3349

畀面勳章


發表於 10-8-31 02:35 |顯示全部帖子
所以話其實我覺得外傭都要好似我地香港人咁供強積金,但呢份就可以o係佢地離開香港既時候可以拎番錢,好處係可以証明到個工人至少做到3個月先有僱主幫佢地供一半,唔使等佢地做幾日/月就跳來跳去搵僱主著數(有d工人係呃錢搏炒)。二來又可以比到個working reference我地d僱主,唔使下下只有agent提供假cv,就算真係做假都冇人咁得閒個個月入錢供強積金啦。
我覺得咁樣好公平呀,佢地要同我地香港人既人工睇齊,已經唔使交稅架喇,供番強積金都好正常姐。


珍珠宮

積分: 35700

好媽媽勳章


發表於 10-8-31 10:29 |顯示全部帖子
真慘,好彩我果時睇雜誌請了個好陪月!不過好貴,後來聽到好多朋友的陪月都不好,我就慶幸,洗了多$都是值得的.


複式洋房

積分: 195


發表於 10-9-1 00:21 |顯示全部帖子
原帖由 avyyue 於 10-8-31 02:35 發表
所以話其實我覺得外傭都要好似我地香港人咁供強積金,但呢份就可以o係佢地離開香港既時候可以拎番錢,好處係可以証明到個工人至少做到3個月先有僱主幫佢地供一半,唔使等佢地做幾日/月就跳來跳去搵僱主著數(有d工人係呃錢 ...


同意!! 既然佢地有香港的福利, 都應該有返香港責任!


複式洋房

積分: 195


發表於 10-9-1 02:18 |顯示全部帖子
各位媽媽~我搵到一個好資料::

如果有媽媽想訂嘉美雞墩湯補身,
想訂新鮮有機蔬果調理身子、餵bb進食的話..

我介紹大家請到康和訂購!
電話: 2479 1900
(嘉美雞約$100一隻、羅馬生菜約$18/斤)
不要再讓陪月/工人欺騙了~~~~~!!
(佢地無網站的, 打去佢地電話就有得訂購, 佢地就會話比你聽有D咩新鮮蔬果架啦~!)

無論係生完bb坐月, 定係勞碌工作的一天
都需要要獎勵下自己~獎勵下自己的身體同健康~!!
食有機蔬果啦~~~~!!

如果工人想食的話, 咪叫佢落街市買囉~

其次就係可以唔比錢佢過手tim啊!!:;pppp:

安樂哂~~


請到下列網站參考:http://hk.myblog.yahoo.com/jw!._ ... ?mid=7934


PS~~~~~~~~~
我看過菜統處網業, 訂滿$100就有得送貨啦!!

另外, 佢有寫時令蔬菜批發價格, 咁大家就都唔駛比街市佬呃啦!!
http://www.vmo.org/tc/index/page_seasonalprice/

[ 本帖最後由 cutiekody 於 10-9-1 02:23 編輯 ]

首頁
1

尾頁

跳至