意見反饋
義工

自由講場 今日: 4089|主題: 1000174

查看: 865 | 回覆: 12
點先可以令小朋友自動自覺去做功課呀 ??


大宅

國民生產總值:3218


發表於 10-9-14 11:00 |顯示全部帖子
我個女好被動, 依家讀小一, 放學返黎唔會自己先行做功課, 要等我放工返去篤住佢做, 唉, 好浪費時間呀........

請問有咩方法令佢可以自動自覺呀.........mouth:


侯爵府

國民生產總值:23540


發表於 10-9-14 11:06 |顯示全部帖子
呢個問題我都好煩.
我個仔連家課冊代號都未係好識睇, 課本/習作/課堂練習幾本書都仲亂晒龍, 我日日四五點就打返去搖控佢, 放工返去都係仲要跟, 黎緊要默書喇.
希望佢 (同埋我) 都可以慢慢適應啦.

[ 本帖最後由 kikiboy 於 10-9-14 11:08 編輯 ]
希望一家人每日開開心心返工(返學)去, 平平安安放工(放學)來!
全世界可以睇小佢,但佢亞媽我一定唔可以!
以平常心對待無常事~~~試問有多少人能做到呢!?


子爵府

國民生產總值:14285


發表於 10-9-14 11:38 |顯示全部帖子
我都想知, 日日又打又鬧都無改善, 用獎勵計劃又唔WORK, 你急佢唔急.


珊瑚宮

國民生產總值:123201

好媽媽勳章 醒目開學勳章 畀面勳章 環保接龍勳章 BK猜猜猜慶中秋


發表於 10-9-14 11:39 |顯示全部帖子
x2
原帖由 hui_bb 於 10-9-14 11:38 發表
我都想知, 日日又打又鬧都無改善, 用獎勵計劃又唔WORK, 你急佢唔急.


侯爵府

國民生產總值:23906

2018復活節勳章 2018勳章 熱血勳章 好媽媽勳章 醒目開學勳章 畀面勳章 環保接龍勳章 BK Milk勳章 hashtag影視迷勳章 親子王國15週年勳章


發表於 10-9-14 11:43 |顯示全部帖子
我個仔都係..唔知點解而家d小朋友好難自己主動去做功課,小一,小二我阿仔都係甘,要等我回來先做,小三開始,初初都係,不過佢自己開始發覺等我回來先做係做唔晒,所以小三開始無耐佢自己就做d,等我回來又做d,不過情況好差..成日欠功課...
最後,我都要搵補習社去幫我睇佢d功課,甘樣做大家都好.而家佢做完功課先回家,情況好好多啦.


侯爵府

國民生產總值:23540


發表於 10-9-14 11:45 |顯示全部帖子
呢個問題我都覺得好困擾, 你哋會唔會考慮去補習社或功課輔導班呀? 但我又想訓練佢自己養成一個好習慣, 唔好下下要依賴人, 或許呢條路會好辛苦, 行成點仲係未知之數.
希望一家人每日開開心心返工(返學)去, 平平安安放工(放學)來!
全世界可以睇小佢,但佢亞媽我一定唔可以!
以平常心對待無常事~~~試問有多少人能做到呢!?


大宅

國民生產總值:1264

好媽媽勳章


發表於 10-9-14 11:50 |顯示全部帖子
原來都係好多同道中人. 我阿仔都係咁架. 而家K3我train緊佢要自己做D功課先, 唔可以等我放工返黎先做.
我阿仔係唔鍾意做功課的, 特別係中文寫字. 初初開頭真係日日鬧交, 鬧極都係唔做功課. 我整左個time table比佢, 下午3點至4點係做功課時間, 初初都采我都傻, 我叫姐姐3點鐘打開d功課比佢做, 佢都唔肯做, 要等我返黎監工. 後尾如果佢下午冇做, 夜晚食完飯我就要佢即刻做功課, 做完立刻刷牙訓覺, 冇左夜晚玩, 食零食同講故事. 我同佢講因為佢下午果1個鐘功課時間用左黎玩, 所以夜晚既活動要用換黎做功課. 咩都冇哂. 而家好d喇, 佢下午會先做英文同數學既功課, 只剩番中文留係夜晚做, 有進步架喇. 希望慢慢可以下午自己全部做哂喇.


男爵府

國民生產總值:6588


發表於 10-9-14 11:51 |顯示全部帖子
我囡囡小一都唔係幾主動做功課架, 升小二後好左好多, 可能係大個左, 加上轉左個班主任超惡,呢排佢都係我放工前做完功課。大家慢慢來啦, 小一生真係好難要佢地主動架。


男爵府

國民生產總值:8158


發表於 10-9-14 11:56 |顯示全部帖子
我諗呢個係小一/二既通病, 囝囝雖然話做哂功課, 但有時都未做完因冇final check; 所以p2時去左補習社, 功課要佢做完才去, 就是不想他在補習社浪費時, 但每星期只去3天, 其餘2天就要靠佢自己, 這安排就是希望他要會全依賴補習社.


珍珠宮

國民生產總值:42820


發表於 10-9-14 12:17 |顯示全部帖子
我的建議係要從有功課做時(幼稚園)就要定立一個時間表等佢習慣定時做功課同溫習,如果小朋友頭3生都係輕鬆度過,到小一時多功課先立時間表會無咁容易去改。而家為有強硬/比甜頭佢去調節返個時間。
我大仔而家P.4,由p.1開始每日放學返黎,食小食,沖涼,輕鬆完就做功課加溫書,6點前完成可以睇卡通及上網(各半個鐘),6點前完成唔到就逐樣cut,跟住7點半咁上下就晚飯,練琴,可以玩/電視到9點半去刷牙訓覺。


伯爵府

國民生產總值:19543

2018勳章 好媽媽勳章


發表於 10-9-14 12:27 |顯示全部帖子
我咁諗, 兩個字放手

如果試過好多方法都唔得, 我諗我會暫時放手, 等小朋友承擔返個後果, 例放學留堂,罰抄or寫手冊, 我會解釋反佢知, 係你自己做成,
我亦會俾佢知無功課交響其他小朋友面前會好醜, 等佢知道自己責任係mud


子爵府

國民生產總值:11774

醒目開學勳章 畀面勳章 BK Milk勳章


發表於 10-9-14 12:32 |顯示全部帖子
舊年仔仔初升 p.1時都好勞氣,每日都要剩一半等我返黎陪佢做,每日放學佢就返黎食野、沖涼、瞓覺,果時日日返去都要同佢開波,好彩到下學期時佢忽然"叮"一聲,將成個時間表自我重新編配,跟住佢改左係放學、沖涼、做功課、睇電視/去公園玩、溫書,今年佢升P.2暫時都可以keep得住。


珍珠宮

國民生產總值:41115

好媽媽勳章


發表於 10-9-14 12:33 |顯示全部帖子
小一係要慢慢適應,
我果個都係今年小一,開頭咩都唔理,我拎住本手冊叫佢望住第一行寫住咩功課,叫佢執出黎,佢又唔知係邊本,又要我解比佢聽(學校用簡寫),樣樣都要我提住,功課拎曬出黎,佢識做果d都會自己做,但有d都要我教,
而家習慣教左d咩英文就要佢串左d生字佢(老師要求咁做),頭幾日都溫到喊曬咁嫁,呢兩日就好番d,可能習慣左啦~
書包又要陪佢執,問佢今日有咩堂呀,咁聽日又有咩堂多左/少左呀,佢先識去執....


© Baby-Kingdom.com Limited. All rights reserved.