吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› Holiday"可以"想點就點 ~~

論盡家傭今日: 1|主題: 133886

收藏本版

發帖

返回列表

跳至頁

查看: 1042 | 回覆: 14

Holiday"可以"想點就點 ~~ [複製鏈接]

ivychansl

複式洋房

積分: 421

1^#

發表於 10-9-21 13:07 |只看該作者 |倒序瀏覽 |打印

我家公主(工人)出年2月尾到期,我地兩公婆都要返工,全屋只有佢同bb2個,呢一年多一直都係無皇管,但自從6月開始婆婆搬了來跟我地同住,公主就日日被婆婆睇實,做咩都有婆婆指點,完全無得偷懶及講電話,開始頂唔順,工作態度+工作質素完全平pair(其實工作態度+工作質素一直都係差的,但因佢湊bb ok, 所以一直諗住完約才轉人).
19/9 sun(是日係佢holiday) 佢竟然瞓到9點鐘都唔起身,bb喊又唔理,叫佢幫手同bb換片及開奶完全當聽唔到,往事佢7:30am起身,換片+開奶再執吓間屋,around9點鐘就出街走人.當我搞掂bb之後問佢,無啦啦發咩癲,佢一句"得"埋來講:今日係我holiday, 我想幾點起身就幾點,我可以咩都唔做,我個個fd 都係咁, 你唔可以話我....因為我holiday(之後一輪咀咁講佢果d不知所謂的holiday理論).
我同佢講: 個個boss 都有佢地規矩,你唔好用你d fd個boss規矩同我比,人地個個工人無10點11點都唔會瞓,點解你會9點鐘瞓呀? 其他工人要湊返學6點-7點已經起身做野la, 點解你平日都7:30起身呀 ? 你有好jetso 就識攞盡,其他野又唔識諗~
之後公主就好巴閉咁同我講返 : 你想我6點起身,11點瞓,係唔係, 好我以後聽曬你講law, 太太
真係比佢激到我死,原來 holiday d 工人可以想點就點~~

0 0 0

私人傳訊

ellawyc

公爵府

積分: 26643

好媽媽勳章

2^#

發表於 10-9-21 13:17 |只看該作者

你工人某程度上冇錯
佢放假係唔需要做野
以往佢做咗, 你有冇appreciate呢?
我知有好多僱主當咗老奉

掉轉頭, 你假日返工加班, 個個星期都係, 有一個星期唔加, 然後你老細問你做乜唔加班.....你會剷你老細嗎?

當然, 仍然有好多工人唔會計較, 出門前會做d, 返到黎又做d.

唔係要當佢地係上賓, 不過做僱主, 要學識處事要合情合理, 賞罰分明.

私人傳訊

cathy913

男爵府

積分: 8707

認識瑞士牛牛第二回好媽媽勳章醒目開學勳章陪月勳章

3^#

發表於 10-9-21 13:22 |只看該作者

我反而覺得係個工人態度好有問題!!

如果個工人真係想星期日乜都唔做, LIKE幾點起身就幾點, 可以用樓主傾/爭取, 唔係用發癲來表達!!!

私人傳訊

Connielai

伯爵府

積分: 18441

2023年兔年勳章畀面勳章 BK Milk勳章

4^#

發表於 10-9-21 13:28 |只看該作者

我工人放假都瞓到11點先起身,咁係佢放假吾通又要佢一早起身做野咩,就算佢吾肯幫你做都無可厚非,因為係佢假期。有次佢放完假返來我叫佢放狗佢都吾肯啦,咁咪自己放囉,但吾係放假就吾可以有藉口, 一定要佢做哂野先瞓。但9點瞓真係好早,樓主你無野比工人做咩?

私人傳訊

ivychansl

複式洋房

積分: 421

5^#

發表於 10-9-21 13:32 |只看該作者

Holiday"可以"想點就點 ~~

我絕對明白及同意你同我家工人的講法,但我接受唔到工人可以一句"今日係我holiday"就大曬law, 假如我老細問我點解唔加班,我估全香港o的打工仔唔會夠膽一句咁"得"埋個老細到,"今日係我holiday",再講我從來都無老奉叫佢做野,有時我叫佢做野要唔該前,唔該後,假若我家工人心情唔好,唔like仲會黑面對我tim,係佢太多野當老奉,佢appreciate個我地d顧主就真 ~

原帖由 ellawyc 於 10-9-21 13:17 發表
你工人某程度上冇錯
佢放假係唔需要做野
以往佢做咗, 你有冇appreciate呢?
我知有好多僱主當咗老奉

掉轉頭, 你假日返工加班, 個個星期都係, 有一個星期唔加, 然後你老細問你做乜唔加班.....你會剷你老細嗎?

當然, ...

私人傳訊

jadechant

男爵府

積分: 5575

6^#

發表於 10-9-21 13:34 |只看該作者

其實妳工人想早些走, 因不習慣給阿婆管. 阿婆係到, 連電話都講不到, 完全走去自由, 好似坐監一樣, 由天堂跌落地獄.

如直接向提出, 妳一定會炳她, 要她聽阿婆講,無得反對

立即去搵人, 搵到人, 就一個月通知她. 現在樣樣事都要"看開"些, 免老人家辛苦. 此刻, 一定不可以與她反面, 要保持良好關係.

將來新工人都會有此情形的 - 不想每事受阿婆管. 不如, 將現任工人視為訓練對象, 看一看工作應怎分配, 和教育下老人家應怎樣與工人相處?????

[ 本帖最後由 jadechant 於 10-9-21 13:44 編輯 ]

私人傳訊

ivychansl

複式洋房

積分: 421

7^#

發表於 10-9-21 13:36 |只看該作者

Holiday"可以"想點就點 ~~

cathy913 好多謝你呀, 你明白我想講"態度好有問題""用發癲來表達" lee 2個就係main point

原帖由 cathy913 於 10-9-21 13:22 發表
我反而覺得係個工人態度好有問題!!

如果個工人真係想星期日乜都唔做, LIKE幾點起身就幾點, 可以用樓主傾/爭取, 唔係用發癲來表達!!!

私人傳訊

mamibb

男爵府

積分: 5084

好媽媽勳章

8^#

發表於 10-9-21 13:47 |只看該作者

其實你工人既理論係無錯架bor..
不過佢對你講野既態度及說話係唔岩,
咁佢holiday確實係比佢休息架嘛..
唔可以因為佢係你屋企休息..
你就可以叫佢幫你做野..
換轉如果你boss係你放假既時候..
一早打電話比你叫你幫佢手做野,
你都會有微言啦..係唔係?
如果你覺得工人好似唔多做野咁..
你可以比個time sheet佢..
要佢跟你指示去做..
再加埋婆婆係度幫手睇住..
佢想蛇都唔得啦...

私人傳訊

twins214wy

男爵府

積分: 5678

好媽媽勳章醒目開學勳章環保接龍勳章

9^#

發表於 10-9-21 13:55 |只看該作者

樓主, 你要明白, 佢地 d 人真系吾同我地 gar. 我地打工, 吾敢頂撞老闆, 怕比人炒; 老闆可以比一個月通知期炒我地, 我地只有逆來順受. 如果你炒佢, 就會即炒, 免佢搞搞震, 仲要補埋機票; 而且我地即時無人幫手做野. 就算佢地系斷約工人, 都會易搵工, 因為市場求過於供, 加上 agent 講兩講就 " sell " 左個段約工人, 佢地真系吾憂做, 所以咪串串貢 lor :;pppp: 難為我地 lee d 僱主遮

毫無保障, 貼錢買難受

原帖由 ivychansl 於 10-9-21 13:36 發表
cathy913 好多謝你呀, 你明白我想講"態度好有問題""用發癲來表達" lee 2個就係main point

私人傳訊

Connielai

伯爵府

積分: 18441

2023年兔年勳章畀面勳章 BK Milk勳章

10^#

發表於 10-9-21 13:59 |只看該作者

Ivychansl,

其實我好明白你感受,因為你既情況我都試過。我從DAY ONE開始已經同佢講放假出去前要拖地+返來要洗碗,而佢一直都有做。但有一次佢好早出去, 大約6點,佢話要送機,咁佢出去前無拖地,返來時又吾洗碗,只係用水浸住D碗,就去左瞓覺。到第2日我問番佢點解吾拖地又吾洗碗,佢答我因為好早出去,所以很累很眼瞓。我就話呢D野你就算眼瞓都要做埋先,吾可以因為咁而不做,如果咁眼瞓點解吾早D返?佢又係好似你工人咁答: 昨天係我放假,我可以吾幫你做, 平時我都有做啦…….。跟住幾日佢就玩野: 開住冷氣熨衫,問佢點解, 吾答你。蒸魚出來,條魚係無刮”麟”,吾知點食。西蘭花舊舊都有蟲,跟本無洗過,我2個仔11 &13歲,沒有人質在佢手,老公都叫我吾好鬧, 最多吾用佢,因為吾知日後佢仲會點。工人真係吾話得,吾受得氣,佢地有好多陰濕野你係防吾到嫁。

[ 本帖最後由 Connielai 於 10-9-21 16:10 編輯 ]

私人傳訊

siusum

伯爵府

積分: 15132

好媽媽勳章醒目開學勳章

11^#

發表於 10-9-21 14:08 |只看該作者

原帖由 ivychansl 於 10-9-21 13:32 發表
我絕對明白及同意你同我家工人的講法,但我接受唔到工人可以一句"今日係我holiday"就大曬law, 假如我老細問我點解唔加班,我估全香港o的打工仔唔會夠膽一句咁"得"埋個老細到,"今日係我holiday",再講我從來都無老奉叫佢 ...

咁你又唔可以用我地同工人比...
事實甘工人都冇錯, 的而且確係"今日係我holiday就可以乜都唔q做" 佢咁講可能已經覺得比你屈左年幾, 屈埋屈埋一次爆出黎
佢平時唔出聲咪好似我地咁, 明明不報成日要ot/私人時間做公司野, 但又唔可以做咁啫, 只係我地啞忍...冇guts講, 呢d係我私人時間, 我唔會接公司電話啫
對工人黎講, 份份都係3580, 佢梗係會比啦....邊個打工唔想人工高福利好又唔洗點做喎

私人傳訊

hellomag

侯爵府

積分: 20620

12^#

發表於 10-9-21 14:08 |只看該作者

是日係佢放假，佢有權乜嘢都吾理吾做，但係佢吾識做時，咁你以後都吾洗比咁多著數佢喇，要佢做足功夫，做好晒屋企嘢先好瞓。
我日日都係屋企睇住工人，不過工人假期，我從來無order佢做嘢架，佢係自發去做。

[ 本帖最後由 hellomag 於 10-9-21 14:13 編輯 ]

私人傳訊

wcpcelia

雲母殿

積分: 1367084

虎到金來勳章 2018父親節勳章 2018母親節勳章 2018復活節勳章開心吸收勳章最關心BB問題熱投勳章認識瑞士牛牛第二回認識瑞士牛牛第一回育兒性格勳章我的育兒心得勳章想生BB熱投 DHA勳章好媽媽勳章醒目開學勳章畀面勳章 wyeth冷知識勳章貢獻勳章環保接龍勳章親子達人勳章 hashtag影視迷勳章 15週年勳章親子王國15週年勳章

13^#

發表於 10-9-21 15:47 |只看該作者

我都跟你們一樣,覺得最不滿的,是樓主工人對僱主說話的態度...

原帖由 ivychansl 於 10-9-21 13:07 發表
我家公主(工人)出年2月尾到期,我地兩公婆都要返工,全屋只有佢同bb2個,呢一年多一直都係無皇管,但自從6月開始婆婆搬了來跟我地同住,公主就日日被婆婆睇實,做咩都有婆婆指點,完全無得偷懶及講電話,開始頂唔順,工作態度 ...

私人傳訊

Edsie

男爵府

積分: 6869

14^#

發表於 10-9-21 16:07 |只看該作者

I think the maid has the choice not to work if it's her holiday! some maids will even tell you that my holiday is 24 hrs, so don't bother me!!!

So far my maid is ok, at least she wakes up the same time as everyday and cooks us breakfast, feeds my son, wash up, do laundry before she goes out. At night she comes back to wash dishes, iron clothes and help me to put my son to bed!!! sometimes when I cut some fruits and she will come and help me and say 'i will do it for u'....so I appreciate that very much!

I appreciate that very much!!!

If you have holiday yourself and you boss asks you to go back to office at 9am for 2 hours to do some work for him, will you be happy?

My husband said if our maid doesn't cook breakfast for us on her holiday, he will do it himself!!!! so either way I am fine....haha...either my maid or my husband can cook!!!

[ 本帖最後由 Edsie 於 10-9-21 16:09 編輯 ]

私人傳訊

mylulu007

伯爵府

積分: 15536

15^#

發表於 10-9-21 16:12 |只看該作者

樓主你工人可以咁晏至起身又咁早去瞓既？

你一於出過張time table俾佢, 朝早6:30起身抹地做house work, 夜晚10點至去瞓啦.

你個工人有離心架喇, 不過bb日日長大, 佢keep住早起身點都好過遲d至要求.

放假日真係唔好要求佢做野, 因為你工人開始同你計, 佢可以已經錄定你音玩野. 唯有辛苦d自己做埋佢啦, 自己早d瞓囉.