吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 唉，已成事實，以後唔知點好啦

單親天地今日: 1|主題: 18335

收藏本版

發帖

返回列表

跳至頁

查看: 1178 | 回覆: 10

唉，已成事實，以後唔知點好啦 [複製鏈接]

babemillie

民房

積分: 12

1^#

發表於 10-9-30 23:15 |只看該作者 |倒序瀏覽 |打印

我同個男朋友拍咗1年半到，
佢花心就已經係全村人都知（當然一齊既時候我唔知啦），
呢半年黎佢同另一個女仔都有 D 野（三個都係同公司），
我同佢講左分手，之後佢話佢唔會再係咁，
對我極好，亦都無再同個女仔有聯絡。
咁我就以為佢真係改左啦。
之後我同返佢一齊，
有個同事同我講佢認佢同個女仔一齊左！
佢仲比晒 PW 比個女仔，（EMAIL ，FACEBOOK）
我就已經心灰意冷，一心諗住驗到無 BB就分手走人。
點知我竟然有左！
跟住佢同我講佢唔想要，我話我都唔想要！
但係我唔忍心落左去，所以我決定一定生。
佢同我講佢個心仲有我，個個女仔好似佢前女友，
仲話同佢一齊只係工作上既需要，個女仔唔夠我好。
我同佢唔會同成世，但係佢好驚當左佢係前女友，
驚返唔到轉頭。（我預左喇！！）
跟住我話點解你對佢仲好過對我，
佢竟然同我講係做戲做全套！
我對住佢真係好鬼心寒，點解我會識個咁既人？！
而家仲話好想要個 BB，但係有唔太想要，
一黎我地屋企人同同事仲未知道成件事係點，
佢驚唔知道點去面對，跟住我話你做得出預左架喇。
二黎佢話驚養唔起，我都知佢分糧得個7～8千蚊，
佢每個月比二千我睇醫生，本來我想叫佢比多D，
佢分人大洗係去玩個方面，
我只係想儲 D 錢做之後既生活，但係佢係咁話無錢，
其實佢又唔洗搭車，食野又唔係洗好多。
唉，我就黎三個月啦，身邊既人都睇得出我身型既變化。
我真係好驚個條女會搵我麻煩，（條女係惡女一名）
個男仔既家人都唔知我同個男仔感情上既事，
佢仲扮到同我仲係好好咁。
我預左將來係自己一個孤身作戰架啦，
我其實有左之後我都唔想同佢結婚（雖然佢無講過）
我仲有小小愛佢，但諗起佢既不負責任，
將來個細路學埋佢D野咪死，何況佢而家仲同緊個女人一齊！
有日佢同我講：個細路一出世我首先一定要教佢打機！
我成個人呆左，我真係想知道佢係咪要唔成熟到咁！
我都搵緊工諗住轉工離開個個鬼地方，
但係我自己唔挨得幾耐，之後既生活都唔知點算好啦。
我家人要供我細佬同細妹，同埋都就到退休年齡啦。
唔通經濟上仲要靠他們，真係好麻煩。
點解會遇到個咁既男人架:-( 。

0 0 0

私人傳訊

vane

侯爵府

積分: 22841

環保接龍勳章

2^#

發表於 10-10-1 00:34 |只看該作者

樓主，
見議你要同屋Ｋ人講啦。。。

喊係無用架！

大個女，要面自己做過的事。
過左去再講係無意思，講邊個啱邊個錯亦無意思。
路係要一直走的，只是你要考慮清楚要走咩路。
生仔容易養仔難。。。。教比養仲更難

真係心血少Ｄ都吾得。。。。

原帖由 babemillie 於 10-9-30 23:15 發表
我同個男朋友拍咗1年半到，
佢花心就已經係全村人都知（當然一齊既時候我唔知啦），
呢半年黎佢同另一個女仔都有 D 野（三個都係同公司），
我同佢講左分手，之後佢話佢唔會再係咁，
對我極好，亦都無再同個女仔有聯絡。
咁我就以為佢真 ...

我係亞四...越忙越開心!上山下海樣樣佳能....

私人傳訊

sasa0516

侯爵府

積分: 24874

瞓得好勳章

3^#

發表於 10-10-1 10:56 |只看該作者

樓主～～

生真係好容易~轉下眼就生得~

但養真係好辛苦~呢條路好難行嫁~
如果得唔到家人既支持~你喊既日子一定比開心既多~
我同你既以前差唔多啦~不過自己傻~覺得初戀大過天~真係無諗太多~而發生又真係太突然~結果揀左生左~結果係點??我咪行左單親路就快7年~呢條路好長~好長~

你要好好諗清楚~將來係唔係承受到任何一個難關??唔會放棄?會為左自己既bb而努力~排除萬難??

亦都要諗下~如果得唔到家人支持~你孤身作戰~你又支持得到嗎???

好好諗清楚~唔好將來後悔啊~

私人傳訊

charmaine_1

公爵府

積分: 25701

醒目開學勳章畀面勳章

4^#

發表於 10-10-1 12:20 |只看該作者

http://programme.rthk.org.hk/rthk/tv/programme.php?name=tv/moment&d=2010-09-29&p=4915&e=116222&m=episode

比條LINK 你睇,問下自己想唔想咁樣,可能你會更差

順順利利大吉大利

私人傳訊

小靜小青

民房

積分: 99

5^#

發表於 10-10-1 15:43 |只看該作者

看完這條片了....看完真心寒...
之後我重眼濕濕..

因為..我經歷過...(不是前女友這些..)而是..經歷過...無錢的生活(指2夫妻一齊生活)

2個係到成日為錢嘈....好可怕...想起都恐怖

前丈夫都係成日打機打機打機....

私人傳訊

celery

男爵府

積分: 7257

醒目開學勳章

6^#

發表於 10-10-1 21:37 |只看該作者

唉....你知男友每月得七,八千收入,
就算唔需要比父母家用,
返工,生活費,同你拍拖都用得七七八八,
當儲埋錢每月最多係二千.
呢d情況,
佢唔避孕,你都應該避,
因為最辛苦係女方多d.
而家加上男友花心,仍有第二個,
你變得兩頭唔到岸,
就算佢回心轉意,由現在增加左開支嘅生話點打算......?
外家早知幫唔到,唯有自己苦,
貧賤夫妻百事哀,男友好同唔好,你都辛苦,
不過若好的話,都叫有人一齊捱,
若單親,仲難過呀......

sasa516講得好清楚,
樓主你要好好諗清楚~

將來係唔係承受到任何一個難關??唔會放棄?會為左自己既bb而努力~排除萬難??

亦都要諗下~如果得唔到家人支持~你孤身作戰~你又支持得到嗎???

好好諗清楚~唔好將來後悔啊~

原帖由 babemillie 於 10-9-30 23:15 發表
我同個男朋友拍咗1年半到，
佢花心就已經係全村人都知（當然一齊既時候我唔知啦），
呢半年黎佢同另一個女仔都有 D 野（三個都係同公司），
我同佢講左分手，之後佢話佢唔會再係咁，
對我極好，亦都無再同個女仔有聯絡。
咁我就以為佢真 ...

私人傳訊

babemillie

民房

積分: 12

7^#

發表於 10-10-2 12:46 |只看該作者

今晚諗住同我家姐講，
我就係唔想我將來會後悔，
所以我想生出黎。

我有決心去挨落去，
我相信我挨得過，縱使係好辛苦！
我知道落左去真係好容易，
而且咩麻煩煩惱都會無晒，
會好似以前咁生活落去。
但係我做唔到，我覺得太自私啦！
我會背負到我所做既野，
為自己個 BB 負責。

多謝你地既意見呀，
我會一直走落去。

私人傳訊

wensi

伯爵府

積分: 17559

8^#

發表於 10-10-2 12:54 |只看該作者

原帖由 babemillie 於 10-10-2 12:46 發表
今晚諗住同我家姐講，
我就係唔想我將來會後悔，
所以我想生出黎。

我有決心去挨落去，
我相信我挨得過，縱使係好辛苦！
我知道落左去真係好容易，
而且咩麻煩煩惱都會無晒，
會好似以前咁生活落去。
但係我做唔到，我覺得太自私啦！
...

你不如入去搵人幫你, 佢地有經驗.

http://www.motherschoice.com/pages/index.asp?pg=home〈=tw

私人傳訊

派大星

別墅

積分: 565

9^#

發表於 10-10-2 14:41 |只看該作者

我覺得你真係好傻,諗野都幾天真...但唔係罪來0既...希望你捱得住,因為唔係你想像中難行,係比想像中難行更多....我屋企有d錢,自己有份工,有人幫我湊小朋友,我都覺得孤軍作戰辛苦,不過bb未出世你唔會知,你只會覺得人地辛苦可能自己冇咁辛苦呢?我又何嘗冇咁諗過?

單親路唔易行...可以番轉頭就番喇!唔可以的話盡量想辦法令自己以後過得舒服一點^0^

candice

私人傳訊

yan511229

子爵府

積分: 13195

畀面勳章

10^#

發表於 10-10-5 11:39 |只看該作者

原帖由 派大星 於 10-10-2 14:41 發表
我覺得你真係好傻,諗野都幾天真...但唔係罪來0既...希望你捱得住,因為唔係你想像中難行,係比想像中難行更多....我屋企有d錢,自己有份工,有人幫我湊小朋友,我都覺得孤軍作戰辛苦,不過bb未出世你唔會知,你只會覺得人地 ...

樓主我都覺得你好天真好傻,你明知男友花心明知佢不負責任都堅持生個b出黎同你捱世界...
係~你而家可能諗只要堅持只要努力就一定可以行到呢條單親路,但我可以好肯定講你今日o既雄心壯志在bb出世後一段日子你會後侮自己的決定,我唔係鍾意叫人落仔o既人,但我自己親身經歷...雖然同你有d唔同,我c6一齊十年多有bb之後佢提出結婚,結婚4年...而家分開左,雖然我去工作有我家人幫到我湊女生活亦不會有問題,但只要獨處時都會感到前路茫茫,就算有幾多人陪你幫你都好果種無助真係得自己知架!你只你同你男友一年,但你就要為呢個男人留比你o既b捱一世...你的家人也要為你及你b頻撲憂心,值得嗎?