少年成長

收藏本版
發帖
返回列表
跳至頁

首頁
1

尾頁
   0
ChowChowbb


複式洋房

積分: 303


1#
發表於 10-10-13 00:55 |只看該作者
自從半年前阿女俾6299揍, 我就知道會有咁O既一日, 我真係好心痛, 明明可以教好佢, 點解要縱, 而家錫佢變為害佢.

阿女而家只係十一個月大就已經係小惡霸, 要邊樣就一定要攞到, 否則就會勁喊同亂打一通, 佢兩老唔鐘意我地話阿女, 令到佢喊, 成日話佢未識性, 遲D慢慢教.

但係我地認為再唔管佢, 佢只會愈來愈嚴重, 我唔想佢成為一個乞人憎O既小朋友, 我鬧我都一樣心痛, 但係睇住佢愈來愈惡教, 我個心仲痛.

又唔肯訓練佢自己楂奶樽, 唔教佢自己瞓覺, 咁樣根本就係累左我個女, 我真係想同佢兩個開片.

佢地有時話D親戚點樣縱D孫唔好, 但佢地從來冇覺得自己有問題, 我明佢地好鍚個孫, 但愛佢變成害佢.

但現實問題, 我只可以俾佢地揍, 我覺得好痛苦, 我唔知幾時會同佢兩老炒大鑊.
私人傳訊

tingxd


禁止訪問

積分: 314


2#
發表於 10-10-13 01:50 |只看該作者
提示: 作者被禁止或刪除 內容自動屏蔽
私人傳訊

l_wingwing


伯爵府

積分: 17021

醒目開學勳章 畀面勳章


3#
發表於 10-10-13 10:15 |只看該作者
自己湊返啦!

可能辛苦d, 但個女教得唔好, 第日性格很難扭轉, 一世架! 何況你而家返工都唔會開心, 成日心掛掛啦

趁而家佢未夠1 yr old, 自己教返吧, 否則兩老寵容, 你做醜人, 第日個女實覺你係衰人!
私人傳訊

jaycee_mami


珍珠宮

積分: 45237

好媽媽勳章


4#
發表於 10-10-13 11:36 |只看該作者
係無辦法架啦, 老人家點都唔會聽你支笛, 我老爺係知識份子, 表面上明白事理, 但仍然會在家煲煙, 屢勸不聽; 又會為左自己可以安靜睇賽馬, 任由阿B上網聽歌一個鐘, 壞眼都唔理, 心痛死我.

我而家自己湊番, 無錢就惟有慳D洗. 無論6299湊或者請工人, 一樣會有問題. 請個無愛心的工人, 比縱壞小朋友的6299更麻煩.

私人傳訊

maymycheung


子爵府

積分: 13589


5#
發表於 10-10-13 16:24 |只看該作者
totally agreed!! 呢個世界係無兩全其美, 我都係為咗想BB被中壞, 所以佢一出世我就QUIT咗份工, 自己揍返佢。

原帖由 jaycee_mami 於 10-10-13 11:36 發表
係無辦法架啦, 老人家點都唔會聽你支笛, 我老爺係知識份子, 表面上明白事理, 但仍然會在家煲煙, 屢勸不聽; 又會為左自己可以安靜睇賽馬, 任由阿B上網聽歌一個鐘, 壞眼都唔理, 心痛死我.

我而家自己湊番, 無錢就惟 ...
私人傳訊

ChowChowbb


複式洋房

積分: 303


6#
發表於 10-10-13 22:59 |只看該作者
我都想自己揍返, 但係又供樓, 又要俾家用自己外家, 6299個邊又一份家用, 我地兩公婆供養三頭家真係好大負擔, 所以我只可以忍落去.

我都好明白請到一個好工人姐姐係好難, 暫時阿女太細個未識講野, 我都唔敢請.

今晚阿女唔肯由我手轉去99抱, 佢打左99面一下, 我即刻鬧, 當然又係喊啦, 99話佢唔係有心打, 只係唔想俾佢抱O者, 我話我明, 但唔可以俾佢慣左手勢架嘛, 我解釋左一輪, 唔知99聽唔聽得入耳.

有時佢兩老掛住睇電視, 阿女係網床玩到一頭汗, 甚至瀨左屎都唔知, 阿女有時叫佢地, 佢地睇到迷哂, 一D都聽唔到, 完全冇反應, 唔知阿女會唔會覺得唔開心佢地好似唔想採佢咁.

佢地另外一個孫兩歲, 久不久會來玩下, 佢地一樣唔俾大伯大嫂鬧喊個孫, 只要個孫做少少好O既野就會話"你睇, 咁樣點鬧得落".

我仲好想生多個, 但係太多問題令我卻步!!!
私人傳訊

maymycheung


子爵府

積分: 13589


7#
發表於 10-10-13 23:36 |只看該作者
絶對明白, 有時現實就係咁, 好難取捨, 亦可以話係無得選擇。阿女而家都仲細, 慢慢來囉, 返到屋企咪盡量教囉。喺老爺奶奶嗰邊, 如真係見到佢哋太中的, 咪出聲囉, 同你老公傾吓, 等佢諗辦法同佢阿爸阿媽傾囉!!!

原帖由 ChowChowbb 於 10-10-13 22:59 發表
我都想自己揍返, 但係又供樓, 又要俾家用自己外家, 6299個邊又一份家用, 我地兩公婆供養三頭家真係好大負擔, 所以我只可以忍落去.

我都好明白請到一個好工人姐姐係好難, 暫時阿女太細個未識講野, 我都唔敢請.

今晚 ...
私人傳訊

派大星


別墅

積分: 565


8#
發表於 10-10-13 23:37 |只看該作者
原帖由 ChowChowbb 於 2010-10-13 22:59 發表
我都想自己揍返, 但係又供樓, 又要俾家用自己外家, 6299個邊又一份家用, 我地兩公婆供養三頭家真係好大負擔, 所以我只可以忍落去.

我都好明白請到一個好工人姐姐係好難, 暫時阿女太細個未識講野, 我都唔敢請.

今晚 ...


你仲諗住生多個?哈哈...最大問題唔係你家人問題,係你自己的問題,最基本同最重要0個樣野,就係你冇時間湊,既然冇時間湊同教,就真係唔好生了...

我之前都係同自己mami papa住,個仔比公公婆婆縱到打我,鬧我..我都忍唔倒我老豆老母何況係忍6299,,我個仔依家2歲4個月,未搬走時..佢唔識著鞋除衫去厠所,行街坐車食飯冇時停..總之一不滿意大喊扭計甚至打人掟野,我鬧佢我老豆就反面,咪形成阿仔成為一個乞人憎的小朋友囉!
出去食飯一定掃場將成枱野飛晒落地,我老豆仲嘻嘻哈哈話小朋友係咁架啦!
幾個月前我搬走了,自己搬開同阿仔住,教佢入屋要除鞋出街自己著鞋,沖涼自己塗淋浴露,自己著褲,自己訓覺,見倒老人家要叫佢地小心行呀!到今時今日佢仲戒甩晒片~

我3日-5日先比佢地見一次,見倒面時我屋企人都驚訝點解阿仔識咁多野?仲自己識食飯飲水..以前???飯來張口...2歲幾仲幫佢揸奶樽~佢地d老人家同佢講咁多道理冇用囉!佢會覺得自己食鹽多過你食米啦!佢咪又係湊大咁多個,個個依家都牛高馬大啦!你同佢講理論,sign氣啦...除左搵過另外的人湊,你別無他選!

想自己的小朋友變港童還是可愛有禮貌的兒童就真係自己揀了....
candice
私人傳訊

ChowChowbb


複式洋房

積分: 303


9#
發表於 10-10-14 00:17 |只看該作者
聽到港童兩個字真係好驚, 實在見過太多恐怖事, 有次個4/5歲o既男仔鬧阿媽"....我叫爸爸唔要你呀".

我同老公講過, 我俾兩個月時間, 如果冇改善, 我情願俾阿女去扥兒所或者搵d全日制o既幼兒院.

關於自理能力, 99話過阿女懶, 唔自己楂奶樽, 但係我冇見過佢教過, 咁懶都係佢自己一手做成, 又唔肯教佢食餅仔, 之前買左一樽星星餅, 足之開得太耐, 要掉.

99仲話冇兩歲都唔使旨意阿女識自己瞓, 但係我d朋友o既bb好多好細個已經識自己瞓, 其實最主要係99冇耐性教, 佢抱住靄就最快瞓著, 唔使煩嘛.

我知我而家o既情況係唔可能生第二個, 只係久不久又會諗下o者, 其實有時都好有衝動resign.
私人傳訊

rbaggio74


大宅

積分: 4463


10#
發表於 10-10-14 09:10 |只看該作者
原帖由 派大星 於 10-10-13 23:37 發表


你仲諗住生多個?哈哈...最大問題唔係你家人問題,係你自己的問題,最基本同最重要0個樣野,就係你冇時間湊,既然冇時間湊同教,就真係唔好生了...

我之前都係同自己mami papa住,個仔比公公婆婆縱到打我,鬧我..我都忍唔 ...


非常同意這媽媽的意見，《無時間，負擔大，養幾頭家......等等》都不是理由，如果真如此不濟，請不要連累下一代。一個小朋友在6歲前的成長，將決定他們一生的方向。

不要不負責的《生》他們下來。

我兒子，現7歲，在他兩歲以下時，父母、岳丈岳母，均視我為《冷血殺手》，現在，他們眼中，我是個一級爸爸，他們不會聽你的，但，只要你讓他們多到《成績》，他們也會感到欣慰的！

請為自已興孩子努力吧！
親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作.
私人傳訊

Big-Mouth


大宅

積分: 4085


11#
發表於 10-10-14 14:00 |只看該作者
就算請工人, 62&99都會去你家,佢一樣照顧周"都", 我小朋友4歲半, 老人家仍然幫佢著 衫、褲、鞋, 62關心孫重多過C6,我也曾經對2老說盡量教孫自理能力, 但他們完全沒有任何意識, 我會在家貼紙提示他們, 當然結果不太好, 但好過沒有!
私人傳訊

TTCC


大宅

積分: 4015


12#
發表於 10-10-15 13:38 |只看該作者
不如俾小朋友去托兒所or返全日幼兒學校啦, 等佢可以學下自理能力, 亦避免被家人寵壞.....另外, 如其他媽咪所講, 如果你自己無時間去照顧小朋友, 真係唔好諗住生第二個住喇...先解決現在眼前的問題先吧....!!!
私人傳訊

rean_chau


公爵府

積分: 28567


13#
發表於 10-10-16 03:05 |只看該作者
平衡左自己心理先, 十一個月既BB真係未識性架, 個個BB都經過一個打人既階段, 有時呢D係吸引你注意, 或者係一D認知反應, 我覺得可以慢慢教羅..至於小朋友自己瞓....哈哈, 我個仔自細都係自己訓, 但大大吓開始試得扭計, 又要讀書, 又要玩車, 多多花臣, 唔駛人縱佢都識得搞搞震!!

唔多太向負面果邊諗啦. 個個都覺得一定係按自己方法教同湊最好, 但始終老人家, 唔可以要求太高, 又唔可以好似要求工人咁, 按鐘按點編日程. 唔好諗太多, 盞自己激氣. 十一個月, 仲有好長既路.
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見