夫婦情感

收藏本版
發帖
返回列表
跳至頁

首頁
1

尾頁
   0
【嘉嘉】


大宅

積分: 1512


1#
發表於 05-6-24 21:49 |只看該作者

我老公懶到出汁…係我奶奶一手做成架！


我老公一向都懶，但我都好遷就佢，佢斟杯水都叫我做，試過個飯煲已經係佢後面，我坐離個飯煲比佢遠，佢都叫我幫佢裝飯！

連我叔仔都懶，今日晏晝飯食完，我返入房，奶奶出左去，個多鐘之後我見到ｄ碗碟仲係飯
私人傳訊

monchan


男爵府

積分: 7751

畀面勳章


2#
發表於 05-6-24 22:27 |只看該作者

Re: 我老公懶到出汁…係我奶奶一手做成架！

【嘉嘉】,
點解咁樣仲嫁佢呀 整係得你揾$咩？佢點解唔做嘢呀 我就忍屎忍尿都忍唔倒喇
私人傳訊

【嘉嘉】


大宅

積分: 1512


3#
發表於 05-6-24 22:49 |只看該作者

Re: 我老公懶到出汁…係我奶奶一手做成架！

我諗…係緣份啦…而我嫁佢係因為我有左…

其實，佢以前拍拖時如果見我喊梗會 tum 我，但結婚之後可能已經見我喊得太多，開始唔理我，唔問我，我有時喊喊下，都唔知點解仲要喊，因為佢都唔 care 架啦…佢而家都有少少改善，因為佢知我抑鬱，我有時因為覺得好辛苦，不停喊，喊到收唔到聲，佢都會 tum 我，我同佢講話乜都係我做覺得好辛苦，佢都應承我會分擔，而家夜晚我係度，佢都會幫手同仔仔沖涼，有時會「暗」仔仔訓覺咁囉…好過以前…

不過佢而家都仍然冇開工…我返補習社，係兼職，一個月有大概＄３０００左右，而家同奶奶佢地住，租、水、電、煤氣等等都唔洗俾，唔洗俾伙食，靠佢阿爸阿媽…我同佢講過唔想攤大手問奶奶拎＄，我覺得好似小朋友問阿媽拎零用咁…佢話會「安排」（唔明佢點「安排」法…） 而家有時好唔開心，又唔知點做好…自己盡左力，但好似乜都改變唔到…
私人傳訊

你好嗎


侯爵府

積分: 20329


4#
發表於 05-6-24 23:27 |只看該作者

Re: 我老公懶到出汁…係我奶奶一手做成架！

嘉嘉
我老公懶嘅程度同你老公都好似
都係我99做成

唔好點評我
私人傳訊

monchan


男爵府

積分: 7751

畀面勳章


5#
發表於 05-6-25 07:06 |只看該作者

Re: 我老公懶到出汁…係我奶奶一手做成架！

【嘉嘉】,
咁佢肯做咁多嘢都算啦....有阿媽喺度梗係乜都只意阿媽ga la....阿媽縱慣咗冇辨法啦....你唔好縱佢咁多呀....唔係第時搬開住....整係得你做ga咋....其實你都應該同佢傾吓揾工ge問題....父母張佢養大成人....應該要自己獨立....唔洗靠父母....佢應該比個榜樣囝囝....叫佢自己諗吓....第時囝囝好似佢咁樣....佢會點吖 叫佢認真d正視吓呢個問題啦 希望佢會識諗啦
私人傳訊

calcal


男爵府

積分: 6227


6#
發表於 05-6-25 07:42 |只看該作者

Re: 我老公懶到出汁…係我奶奶一手做成架！

所以我鐘意女仔多d，好彩上天都俾我生到個女~~
我覺得教仔唔同教女o架~~對囡囡o既話，做媽咪o既會將自己畢生絕技教俾佢，教到囡囡精甩辮~~但教仔就唔同啦，我覺得會偏向有小小蒙敝個仔，令到個仔只覺得媽咪係最好o既~~
我老公都係俾佢呀媽縱慣晒~~初時唔做家務o架~~我生o左小b咪做囉，不過做得好求其，次次俾我鬧，要我執手尾~~
私人傳訊

Dickyma


大宅

積分: 4504


7#
發表於 05-6-25 08:27 |只看該作者

Re: 我老公懶到出汁…係我奶奶一手做成架！

你地在結婚前,無經濟基楚,
將來一定出事,唯有積極些
搵份長工,所為長貧難顧.
私人傳訊

肥嘟媽


侯爵府

積分: 20921

牛年勳章 好媽媽勳章


8#
發表於 05-6-25 08:47 |只看該作者

Re: 我老公懶到出汁…係我奶奶一手做成架！

唔做野，日日係屋企打機，只會越來越頹癈，不是件好事
但你都要保重，別給自己太多壓力，看開點，輕鬆點

我就剛跟你相反，老公常說我給媽媽縱壞，因為我都係懶到出汁，常常依賴老公幫我，但家務都會做，始終老公做野辛苦過我，但稍一偷懶老公就話我懶啦 :tongue:
私人傳訊

謙仔媽咪


子爵府

積分: 10158


9#
發表於 05-6-25 09:02 |只看該作者

Re: 我老公懶到出汁…係我奶奶一手做成架！

我99又係縱壞晒d仔女, 個個都懶. 我老公喺屋企都會幫手做下野, 佢阿媽係度就旨意晒阿媽. 99又神奇, 黎我屋企食飯, 次次都爭住洗碗, 叫我坐下.
我媽成日同我講唔好比佢縱壞我wo.
私人傳訊

麟媽媽


王國長老

積分: 89554

好媽媽勳章 王國長老


10#
發表於 05-6-25 10:45 |只看該作者

Re: 我老公懶到出汁…係我奶奶一手做成架！

我老公都係懶到出汁。
以前剛結婚都有嘈過，但嘈得黎都做鬼左！
有次我嬲佢竟然話以前未結婚佢都唔使做家務！哈！嬲得我吖！咁我即刻回敬佢我由細夠有工人唔使我做喇！
整整吓變左我就佢...但有左亞仔請左工人就唔使再嘈了。
私人傳訊

哈哈笑


大宅

積分: 3773


11#
發表於 05-6-25 11:12 |只看該作者

Re: 我老公懶到出汁…係我奶奶一手做成架！

乜個個既老公都咁鬼懶ka(當然係包括我老公啦!! )但係呢我依家成日聽到我表姐, 佢講到佢老公好好喎, 乜都肯做, 奶奶又好, 放工晚晚返去奶奶度食又唔駛洗ka......... 點解有d人咁好命既???? :-( :-( :-(
私人傳訊

yammyma


大宅

積分: 4605


12#
發表於 05-6-25 12:31 |只看該作者

Re: 我老公懶到出汁…係我奶奶一手做成架！

【嘉嘉】,

而家你有病,唔好再諗咁多野,免再加重個病,等好番先同老公慢慢傾,其實好多男人都係咁懶,好彩你有個好奶奶,你既壓力先無咁大.或者試下叫老爺勸下老公,成世人唔通就咁過.
我奶奶都係好錫d仔,老公都係唔做家務成個大爺咁,幸好我地而家有能力可以請工人先無咁多拗撬.

yammyma
[img align=left]http://www.dchome.net/emote/icon/548.gif[/img]
私人傳訊

【嘉嘉】


大宅

積分: 1512


13#
發表於 05-6-25 15:02 |只看該作者

Re: 我老公懶到出汁…係我奶奶一手做成架！


感謝各位回應∼

其實我老公佢幾識諗，不過只限於「諗」囉…佢諗到所有野都好完美，但就唔會做…所以係佢身邊，其實都幾辛苦架…

至於佢阿爸…我老公唔做野好大原因都因為佢，有時佢ｄ粗口滿天飛，已經形成一個習慣，我老公聽落實有ｄ唔順…而且最初我地結婚時，我老公有幫手，話就話有＄３００一日（老爺話佢係學師仔，冇咁高人工喎），但其實出糧只有＄２００…老爺話佢成日蛇王，開工唔足，所以冇咁多＄…我老公係懶，不過佢開工都有做野…我覺得唔可以抹煞左老公有做過野囉…有時舖頭ｄ工人（有個係我老公既阿叔）做錯左野，又會鬧我老公，佢話因為ｄ仔唔幫得手，所以要請人…老公個阿叔勁衰，但老爺都幫住佢…明明係ｄ工人、佢個細佬做錯，點解要賴我老公？！

我奶奶…我承認佢係一個好奶奶，不過有時同佢諗法上會有ｄ唔同囉…唉…想話我奶奶唔好縱佢地又費事出聲…而家只有我老爺奶奶、大伯＆我有做工，我老公、佢家姐＆佢細佬（不過佢整親隻腳，而家要做物理治療）都冇做野架…！！！
私人傳訊

christylai


大宅

積分: 4323


14#
發表於 05-6-25 16:10 |只看該作者

Re: 我老公懶到出汁…係我奶奶一手做成架！

你奶奶是個好媽媽, 100%愛疼自己的兒女, 可惜, 你奶奶有點像電視劇的好奶奶一樣, 有點"慈母多敗兒"的作風. 那只會讓兒子覺得, 什麼都有老媽子做, 自己跟本不用做.

還有, 你夫家上上下下, 都係大男人, 習慣洗女人做野. 而他們唯一的女人, 就是你奶奶. 加上, 你奶奶是傳統型的好媽媽, 為家庭付出, 愛夫疼兒.

那就做成有依賴心強的兒子了. 他們只知道, 可以跟老豆揾食, 在家可以吃媽媽煮的, 用媽媽的零錢. 看來他們是離不開好媽媽, 誰怪他們是那麼好福, 有一個傳統型的好媽媽.

其實, 你奶奶沒有錯! 錯就錯在, 他對兒子的愛太多了. 我好難說叫一個母親, 不疼愛他們的兒子, 因為在他們眼裡, 即是長大了, 結婚了, 他們還是母親最愛的兒子.

現階段, 你公有代吸取更多人生經驗, 多學習做一個好丈夫, 好爸爸. 你們該還年幼吧. 二人要走的路還很長呢, 如果還能夠互相愛護, 包容, 和忍讓, 那麼, 就給他一點點時間學習長大吧. 不境, 他這樣子是環境迫成的. 誰叫他有一個偉大的好媽媽 ^^~

男人, 其實也只要通過好老公的訓練, 慢慢地,他就會變成好老公了. 我正慢慢地調教我的愛人, 要他做一個, 愛家, 痴家和管家的好男人, 當然也要愛妻, 護妻及從妻啦.
私人傳訊

【嘉嘉】


大宅

積分: 1512


15#
發表於 05-6-26 15:37 |只看該作者

Re: 我老公懶到出汁…係我奶奶一手做成架！


其實做左人媽媽，都知道做媽咪梗係關心、擔心自己既仔女…正如我而家都會好擔心仔仔既發展，覺得仔仔發展慢左少少…我地其實都係好細個，我而家２２歲，老公就黎２４歲…但係，既然已經做左爸爸媽媽，就一定要負返自己既責任，只有我自己頂，好難頂架喎！奶奶係慈母，但其實只係害左佢地…大伯就黎３０歲，都未拍過拖，奶奶好心急，成日搵埋ｄ「豬扒」介紹俾大伯識…我有個女性朋友，大佢７年，我奶奶都話好…因為佢話個大仔好似個大細路咁，搵個大過佢既可以照顧佢喎…

而家都唔知點先可以令我老公明白，做左人爸爸就要負返做爸爸既責任…有邊個人唔想日日唔洗做呀…不過我知道唔做唔得咋…！我唔知自己仲可以頂幾耐架…！
私人傳訊

kingawa


伯爵府

積分: 18408


16#
發表於 05-6-26 23:44 |只看該作者

Re: 我老公懶到出汁…係我奶奶一手做成架！

我個都ok啦,

不過我奶奶什麼都搶來做,成70幾啦 :-|
我是4歲的澤銘,我最愛跑來跑去,破壞看得到的一切東西,和最愛車車 ようこそ！ご覧で下さい !
私人傳訊

魚子


大宅

積分: 3821


17#
發表於 05-6-27 16:57 |只看該作者

Re: 我老公懶到出汁…係我奶奶一手做成架！

我同你有d唔同...
[size=large]我老公惡到痴肺…係我奶奶一手做成架！
私人傳訊

wongnysw


洋房

積分: 601


18#
發表於 05-7-12 16:17 |只看該作者

Re: 我老公懶到出汁…係我奶奶一手做成架！

嘉嘉,
你老公幾多歲呀? 有無能力在外面找工作而不做裝修? 既然你講到個老爺同亞叔咁衰, 咪叫你老公唔好靠佢地自食其力囉.
你地雖然同老爺奶奶一齊住, 無咩自由度, 但水電煤唔需要你地比錢, 已經慳好多, 如果你老公肯"的"起心肝搵錢, 儲下錢, 搬出去住會開心d.
同你老公傾下啦, 成日打機浪費時間, 即使搵唔到第二份工, 有時間不如去進修仲好.
私人傳訊

kittho1068


大宅

積分: 1148


19#
發表於 05-7-12 17:59 |只看該作者

Re: 我老公懶到出汁…係我奶奶一手做成架！

而家你有病,唔好再諗咁多野,免再加重個病,等好番先同老公慢慢傾,其實好多男人都係咁懶,好彩你有個好奶奶,你既壓力先無咁大,自己樣樣小心, Take Care!
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy