| 元朗德記寵物用品(無良商戶,大家要睇清楚德記的惡行),害我殺死兩條小生命 本人有兩隻異短貓貓(TIGER及LION),3個月大本應是最可愛的年紀,由出生至牠們到彩虹橋的每一日,我都對十分愛錫,每天給牠們梳洗遊戲,定時帶牠們到診所打針杜虫,而牠們的日用品如糧食,貓砂,保健藥品....我一直於無良德記購買 前天,貓咪有些少鼻水,我於無良德記購物時,詢問該店男店員意見(中年,瘦削,皮膚黝黑,長髮,應該是店東兒子) 他向我推介一種藥更:[說這種藥是主要維他命C保健,無藥性,一定唔會有害],隨後於一個大膠樽取出5粒,入於小膠袋,收了我$15元 我再問清楚他:[係咪一般維他命丸,貓咪只有三個月係咪得?] 他肯定的回答:[係!] 由於我一直相信是維他命丸,回家後便依店員講解,餵了TIGER及LION各一粒,牠們吃藥後便開始靜下來,沒有精神(我從來沒有見過牠們那麼安靜),用逗貓棒跟牠們玩都冇反應!數小時候,LION先口吐白沬,隨後更....... 我100%肯定是無良德記的所謂維他命丸,只有LION及TIGER吃了[維他命丸]才一命嗚呼!其他的貓咪(沒有吃的)都依然健康,我真的十分傷心,因為我誤信那些維他命丸,是我謀殺了兩條小生命! 翌日早上,我拎回藥丸到無良德記,要求取回發票(因為我打算追究),我沒有表明來意,因為我如果表明來意,他們一定會留難,我便走向收銀機位置,問店東伯伯取回發票, 伯伯回答:[所有藥品都不發發票] 我問他原因,他不願回答,更扮傻話唔知係D咩 我向他表明來意,問他們賣左D咩俾客,伯伯一直避而不答,而琴日賣藥給我的店員走出來更回答我:[我地冇呢D野賣,你冇單冇據,講咩都得架啦!] 我真的為他們的無良感到十分憤怒,我當面指住那店員:[係你賣俾我,O係面個膠仔拎左5粒出黎,仲話我知係維他命,三個月以上貓仔食一定冇問題!] 店員被我踢爆後,便一走了之,扮哂傻咁執貨 我聲言會報警及搵消委會,再搵獸醫化驗,驗到有問題一定誓死追究便準備離開 店東拉著我:[大姐,唔好玩野啦,我賠返$15俾你] 我答:[而家唔係錢既問題,係你地害死我兩條生命!] 店東:[你鍾意我咪捉返兩隻俾你囉!你D雜種貓值幾錢!最多我10倍$150俾返你] 我打開寵物袋給他看:[你而家同我去附近D寵物店,睇下我兩隻異短品種幾錢隻,何況唔係品種及價錢問題,我懷疑你地無牌買藥,呃我係維他命丸!] 而那名賣藥給我的店員在旁說:[咪由佢囉,睇下佢報警又點,冇單冇據!咩都唔賠唔好理佢].......聽到後我更是氣憤,點解D人可以咁無良?咁賤格? 對於無良德記的惡行,我無話可說,我很心痛,因為我誤信那些奸商,令我親手謀殺兩條生命,回程車途上我依然聽到死去貓咪的叫聲...到晚上我訓唔著,還會想起我餵TIGER及LION吃藥時的畫面,很心痛,很難受.... 在此,我謹向各位呼籲,不要不要到[元朗裕景坊14B1-B2 德記寵物用品]購物 他們無良,不負責任,欺騙顧客不實銷售,害我殺死兩條小生命! 以上內容全部屬實,歡迎轉載,好讓更多人知道德記的惡行以免受害 歡迎報章及雜誌絡聯絡,把事實公諸大眾! 希望TIGER及LION不會責怪我,是我害了牠們,牠們幸福快樂的時間太短暫,令我很內疚 |
發表於 
返回列表
