吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 幫幫我啦~

大仔大女媽媽會今日: 0|主題: 177861

收藏本版

發帖

返回列表

跳至頁

查看: 786 | 回覆: 11

[2010年] 幫幫我啦~ [複製鏈接]

FatKM

大宅

積分: 1931

畀面勳章

1^#

發表於 10-10-26 20:07 |只看該作者 |倒序瀏覽 |打印

bb就快滿月, 一直以來都係我照顧佢.

我好緊張囡囡. 之前自己daddy mami抱bb我都還ok, 因為佢地會好快俾番我. 但近排我發覺自己愈來愈過份, daddy行埋黎望下呀b, 我已經好激動兇佢唔好搞bb. mami見我抱左咁耐怕我累叫我俾佢抱一陣, 我都好惡話唔俾...

上次同老公帶埋bb出街, 餵奶之後bb嘔奶, 我一見到又失晒控, 自己係度炆..連老公都話我做咩事對住bb既野就發晒癲咁...

唉我覺得自己好似搞壞晒同錫我既人既關係...真係好唔開心...

e幾日一抱起囡囡, 就諗起黎緊個滿月酒...

滿月酒果晚囡囡實會被人周圍舞. 有咁多長輩, 我無可能唔俾bb佢地抱去玩. 如果我爸媽果邊想抱佢周圍走or周圍傳俾人抱我都有得出聲丫...但如果係6299果邊...我就無得出聲了...

萬一佢地抱走左我個囡又行開左, 我好驚我會喊.或者發晒癲好似吊"her"鬼咁跟到實一實, 老公話到時我地跟緊d就無事, 我真係好緊張..!! 到時攬住個老公喊咁點算..

點算好, 我成個腦都係呢d野..

0 0 0

私人傳訊

蜜棗

子爵府

積分: 11426

睛靈勳章畀面勳章 BK Milk勳章

2^#

發表於 10-10-26 20:32 |只看該作者

回覆 1# FatKM 的文章

你冷靜D先.比我了解吓,你講嘅DADDY同MAMI係你父母定6299?
老人家成日都會想抱住BB.我亞媽同6299未又係咁.我自己亞媽抱緊係OK.但我6299抱,我都會唔多高興.不過佢個仔唔準佢哋成抱,所以佢見倒BB都唔敢抱.我有時覺得我6299又好似.....好慘咁(講明先,我係唔鐘意佢哋,但抱一陣我都覺得OK.係我老公唔準佢哋抱.)咁我未借D二叫佢哋抱一陣.
我嗰時生大囡時,我都喺唔準我99接觸我個囡,好似飲茶咁,未問準我就抱咗BB去睇魚,我未發哂顛咁當住我62面插我老公問佢老母做咩?
你啱啱做人媽咪或者會緊張D,我明白.不過太緊張自己會唔開心,我都係過來人,如果你老公都企喺你嗰邊,未叫你老公同佢自己家人講咯.叫佢哋體諒吓你初為人母.盡量唔好抱BB離開你視線範圍.咁或許你會放心D

爆愛車縫作

私人傳訊

ahppi

複式洋房

積分: 318

3^#

發表於 10-10-27 01:09 |只看該作者

你有冇了解過點解咁緊張?? 你怕bb會??
唔好太緊張呀...你試下relax d....

私人傳訊

crashkiki

大宅

積分: 2594

好媽媽勳章畀面勳章環保接龍勳章

4^#

發表於 10-10-27 03:18 |只看該作者

滿月個日將BB放係個籃度...只可以睇唔可以抱...如果要影相就要你或者你c6抱住影

我BB滿月個日都係咁架咋...不過係我99嘅意思...佢話驚細菌多喎~

私人傳訊

我愛Corina

瑪瑙宮

積分: 135935

2024年龍年勳章 2024勳章好媽媽勳章醒目開學勳章環保接龍勳章

5^#

發表於 10-10-27 08:20 |只看該作者

其實真係驚細菌,唔應該個個抱架...
我女同仔滿月果晚,一個坐BB車,一個用CAR SEAT(好似個籃果隻)..訓成晚.....影相都係我地傍住...男家D親友,埋唔到身tim...

私人傳訊

barracuda

大宅

積分: 1565

6^#

發表於 10-10-27 10:37 |只看該作者

我初初都緊張, 慢慢會適應架啦.

滿月時唔想俾人抱, 最好法係俾阿 B 食飽, 放佢響 BB 車都訓, D 人見阿 B 訓左就唔會夾硬抱架啦

私人傳訊

harryheli

複式洋房

積分: 377

7^#

發表於 10-10-27 18:29 |只看該作者

初初我都有呢個問題, 屋企個工人一抱, 我就會話佢唔好抱慣阿B, 寵壞佢, 其實心裏面係好唔想其他人掂阿B, 但而家心埋上已經調節左好好多，滿月時我就反而主動俾阿B人地抱, (我滿月都淨係請至親, 直系家屬咋, 所以冇閒雜人等), 見到個個抱完又讚阿B, 我就反而好開心俾多啲人理同望我個B, 而工人方面, 因為夜晚湊得太辛苦, 我BB成日夜晚連續六個鐘唔肯瞓, 自己頂唔住, 所以都要主動叫工人幫我睇半晚, (我睇到3點, 佢睇埋下半晚), 有時佢晨早醒, 我又會餵完奶就俾工人睇, 而家個工人都好好, 夜晚BB喊得太利害都會主動出黎叫我入去瞓, 佢負責湊, 所以我而家都接受左人地幫我照顧BB, 而我亦樂得輕鬆有返啲自己私人時間啦！如果自己一個死霸住阿B湊, 其實自己心理上身體上都會好辛苦, 倒不如放開啲啦！

私人傳訊

FatKM

大宅

積分: 1931

畀面勳章

8^#

發表於 10-10-27 19:07 |只看該作者

原帖由 crashkiki 於 10-10-27 03:18 發表
滿月個日將BB放係個籃度...只可以睇唔可以抱...如果要影相就要你或者你c6抱住影

我BB滿月個日都係咁架咋...不過係我99嘅意思...佢話驚細菌多喎~

你就好啦~99出聲點同我出聲...
我話細菌多, 怕d人d衫唔乾淨, 實有人話: "怕咩丫, 抱一陣姐~"

唔知呀, 我依家都努力叫自己放鬆d, 我有同自己講, bb受人歡迎, 個個都鍾意佢先會來飲滿月酒...嗚v_v 不過我好驚佢會被人舞完一輪番到屋企扭計喊...

私人傳訊

kapopooh

男爵府

積分: 5213

9^#

發表於 10-10-28 11:17 |只看該作者

儘量放鬆d,太過緊張會有產後抑鬱.可能我係第二胎所以覺得比人抱吓無咩所謂,只要佢地唔好一路抱一路拍patpat或'un'腳就無問題,因為我怕拍慣咗就大鑊,餐餐抱都要拍咪搵我黎搞. 或者你咁諗會開心d,因為阿b實在太可愛所以d人先想抱吓佢.咁諗會無咁緊張.

私人傳訊

FatKM

大宅

積分: 1931

畀面勳章

10^#

發表於 10-10-30 14:06 |只看該作者

我係咪好誇張...

滿月完了...
一早同左媽咪講唔想咁多人抱呀b, 佢叫我放bb落車仔咁就唔使俾人抱,佢自己成晚都無咩點抱.

反而99就...都無咩點理我呢個做媽媽的心情.一來到就要嘈醒bb...(bb岩岩飲左奶訓).次次佢都係嗌bb起身, 叫佢唔好嘈醒bb, 佢就實答你:邊有嘈醒佢姐, 佢自己醒既.(但明明bb係被佢嘈醒)....

好在今次佢嘈唔醒bb! 不過bb係架車仔度扭下扭下, 佢就話bb醒左, 就話要佢見下人, 又抱走呀B。

我話唔餓, 佢就話幫我抱住先等我食野先...

mouth:

到影相環節, 佢影相當然佢會一下就插隻手來叫我俾佢抱啦(雖然唔係幾想). 跟住到我既親戚同我地同BB影喇, 佢就行來講句"俾我抱" (我都未來得切應佢) 就拎左呀B來抱. 算啦..諗住俾佢抱一陣, 到我D親戚行埋來影相就俾番我, 點知佢理都無理問都無問就抱走左, 已經令我覺得佢好無禮貌好唔尊重我架喇....佢仲行左去人地打麻雀果度, 佢抱完仲傳俾勁多人抱...

後來老公見到了, 行左過去, 不過無抱番BB番來...佢應承過我唔會俾人抱走BB再傳俾人抱, 佢話一定成晚俾BB跟住我地架..

唔知點解果刻好無助....我入左房仔哭了...做咩姐, 個B係我架, 唔問我就周圍抱又周圍俾人抱..好似佢先係BB既媽咪咁...點解我係人地面前要俾面子你但你又唔諗下我既?

之後BB扭計, 老公陪我帶佢入番房仔餵人奶, 99入左來, 老公叫佢唔好入來佢邊行邊問點解唔入得. 老公都未講完"餵緊人奶"4個字, 佢已經入左來...望住....老公同佢講完佢仲要話 "你咪繼續餵囉, 我入黎攞野".......我真係.....連我媽咪都知餵人奶唔想俾人望住, 唔會衝入來望住我餵人奶囉...

我都唔知係我小器定佢無禮貌.

我真係好唔想再見到佢...不過呢句我真係唔敢同老公講. 唉. 同老公講我唔鍾意人地入來睇住我餵人奶, 佢好似唔明咁...

私人傳訊

harryheli

複式洋房

積分: 377

11^#

發表於 10-10-30 14:41 |只看該作者

我諗你老公唔係唔明, 只係佢同天下既老公都有同一個問題, 就係同時佢都係佢阿媽個仔，佢地唔想又唔夠膽為左自己老婆而話自己阿媽, o係佢地心目中會覺得我地啲女人仔成日為啲小問題而唔開心, 但佢地都唔明白即使係小問題都會令我地呢啲生產冇耐既媽媽變得好抑鬱~~~我知佢地的確有佢地為難之處, 我都唔係唔明白佢地為難既地方, 只係有時候都真係會令我好唔開心, 會好易抑鬱，不過冇辦法啦, 我地又冇得揀，唯有盡量溝通溝通, 希望你老公識做會事後氹返你啦, 再唔係黎呢度呻下, 有最明白你既眾姊妹o係呢度~~~