母乳餵哺 今日: 0 | 主題: 85707

積分: 2361

2021可愛聖誕B勳章

2^#

發表於 10-11-1 16:32 |只看該作者

呢個問題係令人好掙扎嘅.其實有冇諗過泵出黎比佢飲?時間可以悭d,又叫做比佢飲吓當補品.得閒至埋身餵enjoy吓,又吾會好大壓力.(我上一胎就係咁都餵到6個月架.)

私人傳訊回覆引用

wizer

積分: 1188

3^#

發表於 10-11-1 16:57 |只看該作者

我同他個情況都係差唔多，每日都好想放棄，不過我勁飲魚湯，同一日食足五餐飯，乳汁的確係多咗。

原帖由 KungBaby 於 10-11-1 14:41 發表
因為自己就快要返工, 而且我一路的奶量都唔多,
只可以俾到少少囝囝飲, 所以我同老公商量咗,
唔繼續餵人奶喇~ 囝囝要做奶粉BB喇~
其實我都真係唔想, 不過每次囝囝食奶都要好長時間先飽, 而且好快又再肚餓, 根本我自己 ...

私人傳訊回覆引用

sppchocho

積分: 9674

4^#

發表於 10-11-1 19:42 |只看該作者

初頭我個b又係食得唔好,一餐食成個鐘都未搞掂,我頂唔順轉左泵,抱住餵得幾多得幾多o既心態,又ok喎,到四個月度轉番埋身餵,可能阿b大個左食得好好多,一路餵到而家啦
盡力而為啦,真係唔得都無辦法,餵奶粉唔係罪黎o既,唔好咁自責

私人傳訊回覆引用

yumiee

積分: 3093

5^#

發表於 10-11-1 22:27 |只看該作者

一日五餐飯? 想問你邊五餐? 每餐食幾多?

我之前都食好多,每日八碗.後來肥左好多,越食越少.而家就一日食唔到兩餐飯. 究竟係咪真係會多D奶. 我應唔應該食番多D飯呢?

原帖由 wizer 於 10-11-1 16:57 發表
我同他個情況都係差唔多，每日都好想放棄，不過我勁飲魚湯，同一日食足五餐飯，乳汁的確係多咗。

私人傳訊回覆引用

yumiee

積分: 3093

6^#

發表於 10-11-1 22:31 |只看該作者

最初真係要食成個鐘,停一個鐘後又餵,係咁架.

漸漸大左就會食得快D,同耐D先食. 不過你橫掂都係要番工,不如pump出來比佢食都好. 夜晚嗰餐以前埋身食,食好耐又食得少,後來用樽食,佢就食得又快又多. 你試吓啦. 不過最緊要你自己覺得ok,食奶粉都無問題嘅.

原帖由 KungBaby 於 10-11-1 14:41 發表
因為自己就快要返工, 而且我一路的奶量都唔多,
只可以俾到少少囝囝飲, 所以我同老公商量咗,
唔繼續餵人奶喇~ 囝囝要做奶粉BB喇~
其實我都真係唔想, 不過每次囝囝食奶都要好長時間先飽, 而且好快又再肚餓, 根本我自己 ...

私人傳訊回覆引用

cheungyimiu

積分: 915

7^#

發表於 10-11-2 06:53 |只看該作者

我都想過放棄，因為開頭泵出黎唔多，又攪到損哂，有時咁辛苦都唔知為乜，都只係想阿b好。依架就轉番埋身餵，之後毎次都泵，咁就捱吓捱吓咁到依架阿b六個星期大，不過我都唔算係多奶，不過慢慢都可以儲到d奶咁，我都係抱住餵得幾耐得幾耐心態，最好可以做到半年。有時阿b啜到我痛就真係好想放棄，而且餵樽十幾分鐘搞掂，但埋身就要餵成大半個鐘，真係好掙扎。

私人傳訊回覆引用

bosch

瑪瑙宮

積分: 128523

2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

8^#

發表於 10-11-2 10:05 |只看該作者

餵早晚囉, 駛乜一刀切.

私人傳訊回覆引用

yanlongma

積分: 5016

9^#

發表於 10-11-2 11:37 |只看該作者

係呀！好多返工媽咪都係早晚埋身餵架！
如果可以keep住早晚埋身餵，咁假日都可以全日埋身，就唔洗帶住d泵出街咁麻煩！

私人傳訊回覆引用

peggie718

積分: 861

10^#

發表於 10-11-2 12:02 |只看該作者

係啦! 我都係抱住餵得幾多得幾多...唔好俾咁大壓力自己呀!
其實我睇見其他媽媽可以埋身餵飽bb真係好羨慕架...我依家都每日pump出黎, 但因為奶量唔多, pump兩次先夠俾一餐bb食, 一日都有兩餐要補奶粉架...
我都知埋身餵一定會好過pump出黎, 但每次埋完身bb都唔夠飽咁, 所以放假都幾難可以全埋身, 因為可能啜到無奶bb就唔肯再啜, 咁都唔知點算 ? 啜得5分鐘就停...真係好難會升返d奶量...各位媽媽, 有無咩好既意見俾到我呢 ?

私人傳訊回覆引用

mic.mic

積分: 2199

畀面勳章

11^#

發表於 10-11-2 12:09 |只看該作者

我第一個時都係有餵人奶o架 , 不過個陪月員成日都話要 bb 肥o的(我當時都覺得好o岩) , 話要補奶粉 , 整整吓自己就懶o左 , 我只係餵o左兩個月就停o左啦 , 不過我當時係又谷奶 & 一餐可以 pump 到 4-6 安o架 ,
我家陣第二胎啦 , 仲有冇機會餵到人奶呢 ? 有咩方法唔令自己懶呢 ? 係唔係個個陪月員都係要 bb 肥呢 ? (我今次都有請陪月員) , 請指教一吓啦 ~

私人傳訊回覆引用

tarot_elle

積分: 5575

12^#

發表於 10-11-2 15:16 |只看該作者

講真，以前未生bb o既時候我都有d唔明點解有d人死都唔肯餵人奶....但生完之後我就覺得我真係怪錯佢地喇....

我都好想放棄，生完未到1個月就乳腺炎仲塞左2次....乳頭又痛，泵奶又麻煩，埋身餵又冇得訓......

但見住自己奶量總算唔錯，希望餵得幾耐就幾耐.....

如果你奶量真係得小小，我建議都唔好浪費左佢喇，食得1餐得1餐呀嘛...我老公都成日叫我放棄架....但我成日都唔聽佢講搞到佢好唔開心架....

私人傳訊回覆引用

bosch

瑪瑙宮

積分: 128523

2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

13^#

發表於 10-11-2 23:28 |只看該作者

原帖由 mic.mic 於 10-11-2 12:09 發表
我第一個時都係有餵人奶o架 , 不過個陪月員成日都話要 bb 肥o的(我當時都覺得好o岩) , 話要補奶粉 , 整整吓自己就懶o左 , 我只係餵o左兩個月就停o左啦 , 不過我當時係又谷奶 & 一餐可以 pump 到 4-6 安o架 ,
我家陣 ...

呢d 主要係靠自己堅持, 如果連你自己都冇晒主意咁, 人地講幾講就好易動搖. 陪月員當然可以俾意見, 但你係僱主同埋係bb 既媽媽, d 野應該由你去決定, 佢應該係尊重同跟隨你既意見, 必要時幫你解決問題, 唔係要說服你做佢自己想做既野.

陪月員話要bb 肥d, 唔係絕對錯, 只係捉正d 媽媽心理, bb 肥d 重d 就係好, 佢攪到bb 肥d, 你家中既老人家就冇投訴, 你又放心又有得休息, 咁咪覺得個陪月員好. 仲有佢幫手餵奶粉方便好多又慳唔少功夫, 一家便宜兩家著, 何樂而不為?

私人傳訊回覆引用

KungBaby

複式洋房

積分: 340

14^#

發表於 10-11-3 10:26 |只看該作者

好多謝大家的支持同鼓勵呀~
其實我諗我唔夠奶有幾個原因, 一.係唔夠休息, 二.係食唔夠, 三.係遺傳(我媽媽同阿姨都係得好少奶)
不過我會試下再泵奶, 不過可能只係得1-2oz

私人傳訊回覆引用

ferferfer

積分: 8777

15^#

發表於 10-11-5 16:03 |只看該作者

我覺得你個陪月員太武斷，邊個話食人奶就會瘦先？咁我都認同bb太奀係無咁好，老爺奶奶又可能會詐型......我個b係全人奶b，除左出院果2日半夜飲過奶粉，三個月黎都係我全程埋身餵，佢三個月時磅重有18磅幾，你話夠唔夠肥？唔好俾人誤導你呀！加油！

原帖由 mic.mic 於 10-11-2 12:09 發表
我第一個時都係有餵人奶o架 , 不過個陪月員成日都話要 bb 肥o的(我當時都覺得好o岩) , 話要補奶粉 , 整整吓自己就懶o左 , 我只係餵o左兩個月就停o左啦 , 不過我當時係又谷奶 & 一餐可以 pump 到 4-6 安o架 ,
我家陣 ...

私人傳訊回覆引用

ivana0622

複式洋房

積分: 174

16^#

發表於 10-11-5 16:15 |只看該作者

好叻呀!BB三個月有18磅幾!我都係相信人奶係BB最好嘅食物, BB肥廋都冇問題, 最緊要健康, 大家要相信人奶係好嘢, 奶粉係代替品, 大家加油!!!

私人傳訊回覆引用

Melobi

積分: 897

17^#

發表於 10-11-5 23:10 |只看該作者

其實我都係得好少奶量, 仲餵到心灰意冷了, 每次都整唔包佢, 佢又大喊晒好淒涼咁, 我乳頭係粒 and 平, 我要用乳頭副助器先可以餵到, 而 pump 就每次都係得 20ml, 所以我都放棄左 pump 了, 日頭 2-3 次埋身餵 30mins 都仲要補奶粉 3-4oz

我又好似聽過話人奶 + 奶粉對 bb 腸胃又唔好, 搞到我都想放棄了

我個囡囡 40日大

私人傳訊回覆引用

PatJoybb

侯爵府

積分: 20163

18^#

發表於 10-11-6 00:41 |只看該作者

不如我係到同各位媽咪分享下我既餵奶過程啦~~~我個仔係早產bb, 36週出世, 其實自從我知道自己有左之後已經下定決心要餵人奶.
由於阿仔未足月出世, 唔識埋身啜, 加上又唔夠力啜, 所以我就開始左全泵媽咪既路!
我第4 日上奶, 係醫院谷奶果種痛, 我到e+都仲記得呀.
當時只係怕唔揸出黎會回奶, 所以我就當對乳房係仇人咁, 出晒力去揸, 返到屋企就keep住3個鐘泵一次奶, 初時由20ml開始, 慢慢月泵月多, e+全日有1500ml, 多到食唔晒, 冰到冰櫃冇晒位放, 要拎d奶去沖涼, 買奶樽買到窮, 我估計我應該有起碼100個樽.
仔仔只係食左半罐奶粉就全人奶到e+, 佢已經6 個月大啦~~~
由佢出世開始, 我朝朝6點起身泵奶, 3個鐘一次, 夜晚11點泵埋最後一次先上床訓覺.
就算e+返左工咁耐我都一直keep住呢個schedule.
可能你地會問我, 你到底攰唔攰, 講真, 我真係好攰, 早牌感冒, 我居然可以病足一個月呀 =.=
不過當你睇到bb因為飲左媽媽奶, 肥肥白白, 你就會有一種莫名既興奮, 果種滿足感係你未試過餵人奶唔會感受到架, 我相信只要有恆心, 唔偷懶, 每個媽咪都一定可以做到架!
我下個目標就係希望可以餵人奶餵到自然離乳.
各位新手人奶媽, 你地要努力, 堅持, 加油!!!!

私人傳訊回覆引用

cheungyimiu

積分: 915

19^#

發表於 10-11-6 11:24 |只看該作者

你真係好有恆心，好佩服你，我依架都係毎日埋身餵，之後再泵出黎，我本身奶量唔多，所以有時阿b食完好似唔夠咁，真係好想加奶粉，尤其當我好累，但阿b又唔肯瞓，所以有時忍唔住都加奶粉俾阿b，等佢飽哂就可以瞓好d，而我又可以瞓耐d，我有時都覺得自己好自私。我都唔知自己可以埋身餵加泵做唔耐，原本想做足一年，之後想做半年，依架諗諗吓可唔可以只係做三個月呢﹖

原帖由 PatJoybb 於 10-11-6 00:41 發表
不如我係到同各位媽咪分享下我既餵奶過程啦~~~我個仔係早產bb, 36週出世, 其實自從我知道自己有左之後已經下定決心要餵人奶.
由於阿仔未足月出世, 唔識埋身啜, 加上又唔夠力啜, 所以我就開始左全泵媽咪既路!
我第4 ...

私人傳訊回覆引用

sakesakee