吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 一定要有知已？

自由講場今日: 243|主題: 1299522

收藏本版

發帖

返回列表

跳至頁

查看: 2712 | 回覆: 28

一定要有知已？ [複製鏈接]

mylulu007

伯爵府

積分: 15536

1^#

發表於 10-11-17 17:56 |只看該作者 |倒序瀏覽 |打印

有無人好似我咁，身邊無一個固定知已架？

我覺得ｏｋ無野架，我份人無機心，粗心大意，樂天又愛幫人，就係對朋友唔會時時糖痴豆，得閒出來飲茶傾電話果種。　但係一有要事，我會盡幫。

近來發生左ｄ事，連識左十年唔夠既老公，都問我，究竟我了唔了解身邊識左十幾年既同學（朋友）。那班朋友，一年出來食幾次飯，大時大節都會聚會，不過，我份人唔會主動搵人問候近況，所以，好似朋友間我係最可有可無的一個。

反而，同我性格最相近既朋友，佢地都係唔會主動找對方，但一見面就會好快有交流。　講野，唔駛怕對方係雙面人（表面好寬容，實質唔開心），有野唔妥就出聲。

我無乜心事，無乜知心友，係好事定唔好事？

0 0 0

私人傳訊

alphabetagamma

珊瑚宮

積分: 108855

環保接龍勳章

2^#

發表於 10-11-17 17:59 |只看該作者

唔識答你. 我並唔覺得多fd就一定好, 咁知己有就最好啦. 無都無計的...

私人傳訊

mylulu007

伯爵府

積分: 15536

3^#

發表於 10-11-17 18:10 |只看該作者

原帖由 alphabetagamma 於 10-11-17 17:59 發表
唔識答你. 我並唔覺得多fd就一定好, 咁知己有就最好啦. 無都無計的...

由細到大，我好少有野會令自己好唔開心，又或有野要唸好耐。

我係朋友間既開心果，見朋友就係怕圈中其他朋友唔開心，有心病不時發生，不過次次我都置身事外，因為佢地從來都好少同我講佢地既野，佢地心病我唔清楚background，唔敢講咁多怕＂得罪＂佢地。

我既工作同佢地唔同，成日唔定時放假，所以有一段日子，佢地有好多共同回憶，都少左我果份。不過咁多年，出親黎都一齊，唔叫我又好似好咩咁～

圈中個個朋友，都知其中一個朋友有位要談婚論嫁，但又收得好密既男仔，我。。。係最後一個知（仲要唔正式通知都唔知），老公問我，我乜都唔知，點算好姊妹呀？

唉，大佬，一個二個唔講，我ｑ知咩！

私人傳訊

antique

水晶宮

積分: 61647

好媽媽勳章醒目開學勳章環保接龍勳章

4^#

發表於 10-11-17 21:58 |只看該作者

我都係咁。

我唔會主動約人, 但我心入面就成日掛住朋友, 因為我覺得一切有心就得。

但人地真係唔會知, 最尾我咪變左你所講果 d 可有可無的朋友 lor。我會唔開心架。

我覺得人點都要有個知己。佢可以係你朋友, 老公, 同事, 仔女。我朋友唔多, 但有知己, 同埋交心的朋友, 就夠了。

私人傳訊

sezsuet

伯爵府

積分: 18809

畀面勳章 BK Milk勳章

5^#

發表於 10-11-17 22:08 |只看該作者

我個人就鐘意自由自在, 我又唔主動, 說話又唔多, 同朋友食飯多數我都係坐埋一邊, 因為唔岩講, 同埋彼此都不了解......所以對我黎講, 唔重要!

朋友貴精不貴多, 一個就夠, 自己雖然係個冷漠人, 但係都有個知心好友, 同其他人感覺完全唔同, 一年共見一兩次面, 不過時時都通電話, 有咩大小事都會講.....都識咗十幾年!

真係好奇怪, 我呢啲咁冷淡都有個咁熱情的朋友, 可能呢啲真係緣份!

私人傳訊

bkfans

禁止訪問

積分: 67524

6^#

發表於 10-11-17 22:35 |只看該作者

提示: 作者被禁止或刪除內容自動屏蔽

私人傳訊

DoReMi媽媽

象牙宮

積分: 223828

2018復活節勳章醒目開學勳章 15週年勳章親子王國15週年勳章

7^#

發表於 10-11-17 22:36 |只看該作者

知心友? 我都冇個喎! 是但啦! 來時一個人, 走時都係一個人, 我對哩樣冇乜感受.

私人傳訊

FOURSEASONS

複式洋房

積分: 395

8^#

發表於 10-11-17 22:42 |只看該作者

如果知己都日日搵日日傾心事至可以維繫既就唔係真正知己

真正知己係大家好耐無搵好耐無見,但一搵番一見面就會好熟絡甘有傾有笑果隻

我自己都算係人地眼中可有可無既朋友,但只要用心對人,人地有咩就算唔第一時間搵你,都係預埋你一份

私人傳訊

FOURSEASONS

複式洋房

積分: 395

9^#

發表於 10-11-17 22:43 |只看該作者

原帖由 mylulu007 於 10-11-17 17:56 發表
有無人好似我咁，身邊無一個固定知已架？

我覺得ｏｋ無野架，我份人無機心，粗心大意，樂天又愛幫人，就係對朋友唔會時時糖痴豆，得閒出來飲茶傾電話果種。　但係一有要事，我會盡幫。

近來發生左ｄ事，連識左十年唔夠既老公，都問我，究竟我了 ...

唔洗理人地點睇你有無知己,知心友,只要你自己覺得甘樣係OK既係舒服既就無問題~
如果你D fd介意你唔主動搵佢既,甘係咪真正朋友自己知

私人傳訊

莎莎莉莉

伯爵府

積分: 17389

好媽媽勳章

10^#

發表於 10-11-17 22:50 |只看該作者

無話一定有先係好.
老公都唔係一定要有啦.
自己過得生活愉快就OK啦.

私人傳訊

mother904

翡翠宮

積分: 77960

畀面勳章

11^#

發表於 10-11-17 23:07 |只看該作者

其實我好怕果種人地懶係明白你，成日估我會點既人。

根據我自己既定義，我冇朋友，只有舊同事，舊同學、呀女同學家長等等，我覺得朋友唔一定要經常見，亦唔一定要好明白對方，只係對方有需要，肯付出時間聆聽同關心，已經好足夠。平日佢既生活如何，我無需要詳細知道。

私人傳訊

toffeetong

珍珠宮

積分: 33749

熱血金章

12^#

發表於 10-11-17 23:54 |只看該作者

原帖由 FOURSEASONS 於 10-11-17 22:42 發表
如果知己都日日搵日日傾心事至可以維繫既就唔係真正知己

真正知己係大家好耐無搵好耐無見,但一搵番一見面就會好熟絡甘有傾有笑果隻

我自己都算係人地眼中可有可無既朋友,但只要用心對人,人地有咩就算唔第一時間搵 ...

agreed!!!
日日搵日日傾至可以維繫的人, 只係是非精, 想嚟攞料.
不要也罷. 冇都唔洗可惜.

我的格言: 冇記性, 唔緊要. 可以唔記得的, 即係--唔係好緊要既野.
唔係好緊要既野, 咁! 唔記得都唔緊要!!!

私人傳訊

seaheart88

瑪瑙宮

積分: 126369

大廚勳章

13^#

發表於 10-11-18 00:03 |只看該作者

原帖由 mylulu007 於 10-11-17 17:56 發表
有無人好似我咁，身邊無一個固定知已架？

我覺得ｏｋ無野架，我份人無機心，粗心大意，樂天又愛幫人，就係對朋友唔會時時糖痴豆，得閒出來飲茶傾電話果種。　但係一有要事，我會盡幫。

近來發生左ｄ事，連識左十年唔夠既老公，都問我，究竟我了 ...

我都同你差不多.....

又係生活上無咩特別 close 既知己....
但在 facebook or msn 又會成日同朋友 share 近況 , 大家又會好親切咁答下咀 , 吹下水 ... 只係好少見面....

我都係好少專登去找d朋友.... 近年聚會少了 , 我又無call 佢地囉 .... 可能我係比較悶的人掛....

喇麼撻沙啪卡挖多
阿喇克多沈瑪沈潑躂沙