夫婦情感

跳至

首頁

尾頁
   0


大宅

積分: 4538


發表於 05-7-4 16:17 |顯示全部帖子

老公搬走咗

我哋由冷戰到佢搬走只不過在短短十日.

事源是我發現佢電話費貴了很多,我就上網check詳細資料,發現某一個號碼每日都撥出5-6次,有時通話時間還超過60分鐘,我真的很氣憤,就致電問他覺唔覺要交成差不多$500電話費很意外,佢話唔覺,我話:你即係預咗,你有咩同我講,佢話冇,佢當晚致電給我(因他返夜班),我沒有聽.到第2日佢都冇理我,我當他透明.直到第4日,我寫了封信給他,我懷疑佢有第三者,要佢交代清楚我哋既關係,唔好再拖拖拉拉,我話佢只返呢瞓係冇意思,既然佢對我同囝囝咁唔負責,我亦唔需要d負責既老公(我當時都寫得幾決絶).第5日,佢依然冇嘢同我講,只係話冇第三者,我就問佢同人傾咁耐電話算係咩,佢冇答我,我話你一直唔講清楚,我係唔會理你.佢仍然冇反應,我都開始有d死心.直到第9日(7月1日),我放假,佢沒有打電話給我,亦沒有返來瞓,我心都淡了,第10日,我在公司,他致電給我,問我有冇嘢問佢,我問佢想點,如果唔想放假見到我,咁我放假唔會係屋企,咁佢就話佢搬,我問點解要攪成咁,佢話唔關其他人事,只係同我溝通唔到,我問佢有冇試過同我溝通,佢返夜班,每日只有半個鐘見面時間,叫佢唔好做,佢又唔得,我都預咗會有今日,聚少離多,但冇諗過佢會話同我溝通唔到,不過通常男人變心都唔會認.今日已是第12日,我冇見佢已經4日,我未同雙方家人講,相信今晚我會同奶奶講,因我要去湊囝囝回家.我最怕囝囝問我爸爸呢,因他每晚回家爸爸都在睡覺,這幾晚都有問,一問我就忍唔住喊,講佢又唔明,之後就問'爸爸返咗工',我聽到個囝問爸爸d嘢,我覺得很痛心.......


大宅

積分: 3255

2019勳章


發表於 05-7-4 16:38 |顯示全部帖子

Re: 老公搬走咗

peggy
你諗住點先??
佢就算有第三者佢都唔會認架喇!
不如好好咁坐底同佢傾,到底點樣溝通唔到,大家可唔可以有彎轉??


洋房

積分: 403


發表於 05-7-4 16:42 |顯示全部帖子

Re: 老公搬走咗

又係臭男人一個,死左唔使恨.

其實如果佢冇第三者,冇可能十日就決定搬走. 咁未發生呢件事之前, 你地關係係咪都好冷淡?

可能好多人會叫你試下挽救, 但我睇得太多, 男人去到呢個地步, 你死係佢面前都唔會再埋你. 唯有自己努力安排生活, 做個開心ma ma. 你仲後生, 將來仲有幾會.

努力!


大宅

積分: 1876


發表於 05-7-4 17:02 |顯示全部帖子

Re: 老公搬走

男人就係咁, 咩都唔講清楚, 話走就走,
我地做女人既真係唔甘心就咁玩完,
要判人死刑, 都要話佢知衰咩ga,
如果唔講清楚第日可能大家都會後悔


大宅

積分: 1907


發表於 05-7-4 17:23 |顯示全部帖子

Re: 老公搬走

咁佢搬咗去邊? 我諗你真係要同你奶奶講吓.


民房

積分: 66


發表於 05-7-4 18:46 |顯示全部帖子

Re: 老公搬走

Don't think that it's a worse thing for him to go as at times we could have temptations. Sometimes we have ups and downs in our relationship, just make use of this period for the two of you to work things out. Try not to call him too often, if you love him send him short messages that you miss him. This message will reach him one day. You have to believe in Yuan Fen, if he is meant to be for you he will come back one day ..... good luck!
Mei Mei :-P


子爵府

積分: 12365


發表於 05-7-4 19:12 |顯示全部帖子

Re: 老公搬走

妳老公都做得好絕,咁短時間可以搬走,連電話都唔願打,佢係咪有問題,妳都應該心中有數,如果而家妳想挽救段婚姻,我覺得唔好同雙方家長講住,如果男人係要變,父母都管唔到,可能會攪到大家關係更差,妳如果要傾訴,可以揾朋友傾。妳可以用軟工,千祈唔好鬧佢,氹佢同妳傾,妳同佢講,就算佢真係要分開,都應該要俾個理由妳,無理由要妳衰D乜都唔知。男人就係咁,有事都唔願出聲講,根本佢哋想逃避責任。


子爵府

積分: 10887

2019新春慶豚圓 2019勳章


發表於 05-7-4 19:46 |顯示全部帖子

Re: 老公搬走

點解你唔跟那一個電話(你話佢一日打5、6次那個)打去看看是男定女,問佢係邊位,同你老公是什麼關係 ?若確定係第三者,便將這件事告訴大家庭(即佢屋企人),因為錯不在你,到時大家都會問佢,等佢知衰,因現在佢的心已被勾了去。


子爵府

積分: 14456

2019新春慶豚圓 2019勳章


發表於 05-7-4 20:26 |顯示全部帖子

Re: 老公搬走

Agree. 點解唔打去睇o下點先??


民房

積分: 58


發表於 05-7-4 20:34 |顯示全部帖子

Re: 老公搬走

慢慢來, 給大家時間冷靜下哪!
時時眼向好處望 日日心裡有陽光 :-D


大宅

積分: 1200


發表於 05-7-4 20:58 |顯示全部帖子

Re: 老公搬走

男人最鍾意就係逃避,唔鍾意面對現實又怕比人鬧,又怕比人審犯咁審; 如果可以的話,最好先盡量按住自己情緒,試吓好聲好氣同佢傾啦,知清楚d先至再決定下一步啦!! 好多人支持妳架,Good luck!


子爵府

積分: 11510


發表於 05-7-4 21:42 |顯示全部帖子

Re: 老公搬走

DEL.


子爵府

積分: 11510


發表於 05-7-4 21:43 |顯示全部帖子

Re: 老公搬走

我都係咁話,...因為我地都唔知道你同你老公以往係點樣相處同溝通...聽你咁講,我反而覺得係咪你太敏感又成日唔可以大家屏心靜氣好好傾偈去聽吓對方意見,而唔係真係有第三者呢???剩係呢十日裡面,我剩係睇到你猛咁迫佢供,佢話無,你仲迫得佢越緊,咁佢決定搬走,係咪就係想抽離一陣,等大家都可以冷靜吓同放鬆吓呢?依家個局面就係大家將個問題不斷放大,好似一條橡根咁扯得好緊,如果是但一方都唔嘗試信任對方,願意退讓,俾個位大家好下台既話,我相信你同佢呢段關係真係好難維持...有時唔理男定係女嗰方,真係唔可以企到咁硬...希望你明啦.
JESSIES 寫道:
慢慢來, 給大家時間冷靜下哪!


複式洋房

積分: 290


發表於 05-7-4 22:44 |顯示全部帖子

Re: 老公搬走

佢之前d行為都好古怪,密密傾電話,已經好好証明尼個電話中人對你老公的重要性(唔好去理對方係男定女喇),男人做左d令女人唔安心的事,佢一定死都唔會認ga!既然佢都主動搬走左,而你又有小朋友,佢一定有一樣野去支持佢做得咁決絕。
既然佢都走左,尼段時間都係唔好找你老公住喇!就算你找佢,佢回應你的語氣都唔會令你arm聽架喇!咪棧大家關係更惡劣。
佢講得大家溝通唔到,咁就算以後住埋一齊,咪好似陌生人咁,咁大家都係唔開心架啦!而家見步行步啦!而家佢可能會覺得好自由,而你就覺得好心傷,但日子耐左,生活的改變都適應左,咁大家的睇法都有所改變都唔出奇呢!

至緊要小心身體,唔好諗埋尼d野傷身,好好照顧小朋友,現階段佢有冇交待你同小朋友的生活費?


大宅

積分: 4538


發表於 05-7-4 23:07 |顯示全部帖子

Re: 老公搬走

好多謝各位關心,其實佢唔係第一次有第三者,在我有bb之前都試過,都係由電話費引起,那次的事他全家都知,我亦想話搬走,他留我並搬新屋從新開始,因那女人住在我隔鄰,我亦原諒了他,之後我亦有了bb,已為佢會生性,初時大家都很好,直到最近一年他要返夜班,大家相處時間越來越少,家中大小事務都是我一力成擔,他一星期只有兩天假,但都用來睡覺,已經冇咗家庭日,我覺得好苦悶.大家時間上唔夾,如果只有我單方面維繫,再努力都冇用,所以促成今次事件發生.


大宅

積分: 4538


發表於 05-7-4 23:18 |顯示全部帖子

Re: 老公搬走

我今晚都同奶奶講咗,佢話我老公兩次都係咁叫我唔好理老公先,最緊要照顧囝囝,佢話佢在生一日都會幫我湊囝,還叫我賣咗間屋搬去和她住(因她一人住,負責幫我湊bb,晚上我在她家吃飯後回家)


洋房

積分: 403


發表於 05-7-4 23:25 |顯示全部帖子

Re: 老公搬走

你99好好人呀. 如果真係有野要佢幫, 就等佢幫, 咁你唔使同一時間面對咁大壓力同轉變.


男爵府

積分: 8331


發表於 05-7-4 23:37 |顯示全部帖子

Re: 老公搬走

peggyhoho,

你要撐下去, 好好takecare bb & 你自己, 無左佢(c佬)你都一樣可以快樂咁生活, 好多bk mami 都支持你架 !!!! 如果你99 handle 到, 你比佢幫下你, 咪自己一個人撐哂.


子爵府

積分: 12365


發表於 05-7-4 23:38 |顯示全部帖子

Re: 老公搬走

妳奶奶真係好好喎!妳老公妳就咪鬼理佢喇,錯完一次又一次,呢種人不知悔改,再留住佢咪盞自己再傷心多一次。


複式洋房

積分: 290


發表於 05-7-4 23:38 |顯示全部帖子

Re: 老公搬走

peggyhoho:

你應該引以為榮,有一個咁好ge奶奶,你都已經好好釆架喇!堅強d!
仲要叫個死佬玩還玩,唔好攪大人地個肚找人揍bb呀!

首頁

尾頁

跳至
熱門主題
del ... 2 3 4 5