Re: 係咪家教問題???
我老公個朋友都係咁架, 當個仔係寶。
話說琴日我老公同個朋友飲茶, 佢帶埋佢個頑皮仔(5歲)一齊黎, 個小朋友都未坐定, 就係個酒樓走黎走去, 玩左一陣, 佢個仔走返黎, 尾面有個小朋友跟住佢, 原來個小朋友係黎投訴, 話佢個仔打人,我老公都知佢d頑皮野, 就話佢打人唔岩, 叫個朋友話下佢個仔, 佢老豆就話:阿仔, 你仲乜咁曳呀?(係笑笑口咁講), 佢個仔啋佢都晒氣, 一支箭走左出去, 冇幾耐, 個小朋友又黎投訴, 話佢個仔向佢地吐口水, 我老公當堂話左佢個仔幾句, 個頑皮仔可能從來未被人話過, 就眼濕濕, 佢老豆即刻同個仔講:阿仔, 你乖啦, 過黎, 過黎, 爸爸鍚返。我老公話佢話完個頑皮仔, 佢老豆有d不滿, 即係話我老公好話佢個仔咁。
你地話啦, 5歲已經係一個小霸王, 再大d, 會變成點?
我同我老公講, 你都係少d同佢來往啦, 費事你學埋佢d教仔方法, 棧激死我!!
所謂"養不教, 父之過", 小朋友一出世係一張白紙, 白紙上既顏色係父母加上去既, 個小朋友唔係剩係活係父母兩人之中, 佢地會出黎社會做事, 咁樣縱容法, 唔係愛佢, 係害佢咋!!
謀事在人,成事在天,個天先係最終揸"fit"人!!
你恨的人,來生不會再見,所以別在他身上浪費時間;你愛的人,來生也不會再見,所以今生要好好對他。