親子旅遊

跳至
   0


侯爵府

積分: 21395


發表於 05-7-16 18:35 |顯示全部帖子

7日6夜日本自由行遊記

DAY 1 香港 – 日本新宿

一早4點幾起身, 梳洗後出發到A11巴士站等巴士去機場.

差不多1個鐘到達機場, CHECK IN之後入閘, 搵野食, 去左大家樂食左一個好難食的BREAKFAST之後就上機, 時間岩岩好.

上到機, 無耐起飛, 諗住食個飛機餐, 嘩, 甘大個女都未食過甘難食的早餐, 還衰過之前的大家樂, 好彩一早ORDER左兒童餐比D小朋友, BUT都係差不幾, 一樣難食.

飛機比原定時間早左到達成田機場, 1:20PM就到達, 去左入境COUNTER, 嘩, 條龍長到不得了, 等左不夠5分鐘, 有個架佬走過黎, 話我們有SMALL BABY, 有條快線------OH, 好彩.

BUT條快線都要等左15分鐘, 過左關, 拿拿臨去拿行李, 跟住即刻飛奔去換機場SHUTTLE BUS 的TICKET. 之前CHECK過有一班車係2:15分開出, 當時去左COUNTER已經2:05分, 個姐姐仔問我們係不係搭2:15分班車, 但我問佢個車站係邊樹, 佢又不答我, 雖然之前看過MAP知道大約係邊, 但穩陣D, 都係搭遲一班, 2:50分.

換完TICKET之後, 先知原來個BUS STOP就係隔離………真老套, 不過都好, 可以比D小朋友鬆一鬆, 去下TOILET, 食個包, 飲杯水.

攪得黎, 行去搭車, 時間岩岩好.

車程比我們想像中快好多, 4:30分已經到達KEIO PLAZA酒店.

之前因為BOOK不到MAIN TOWER 6晚, BOOK左一晚SOUTH TOWER, 5晚MAIN TOWER, 同個哥哥仔講, 如果MAIN TOWER有房, 我不介意DOWNGRADE一晚住晒MAIN TOWER. 呵呵! 又比我拿到著數, 佢UPGRADE晒我去SOUTH TOWER, 哈哈, 果度都成千幾銀.

上到房, 嘩, D BELL BOY好人到見我有兩個小朋友, 問我要不要小朋友拖鞋, 牙膏, 睡衣等, 我好CHEAP甘, 問駛不駛錢先? 不駛? 拿拿臨拿黎啦.

發現有水煲, 好羅, 又可以慳返, 不駛買水沖奶奶.

放低幾兩之後, 出去看下地頭先, 搵下聽日要去西武園的西武新宿站係邊樹. 再去埋大黑店買DISNEY TICKET.

跟住食DINNER, 因為又倦, 又初黎步到, 不太熟悉地頭, 求其見到和民就中左入去. OH! 不好食不得止, 原來無拉麵, 因為阿仔最鐘意食拉麵, 但食不到. 埋單還要成2,480YEN TIM, 早知行多幾步搵其他野食好過LAW.


侯爵府

積分: 21395


發表於 05-7-16 18:42 |顯示全部帖子

Re: 7日6夜日本自由行遊記

DAY 2 新宿 - 西武園 - 池袋

9時由酒店出發, 先去左麥當當(無辦法, 中毒太深, 去到邊都要去麥當當, 唉…..)食左個早餐, D包都好食過香港的麥當當.

跟住去左西武新宿站出發去西武園, 拿住張MAP, 問司機叔叔岩不岩, 佢話岩, 還好好人一直留意我們有無落車, 到達小平站之後, 佢又提我們落車, 還交帶另一架車的司機叔叔提我們係東村出落車轉去西武園.

上左車之後, 同老公講, 我們都叫順利啦, 就到LAW………..我望下車箱的路線圖……EEE, 點解西武園係在西武遊園地的車站落車, .而不係西武園的? C火, 原來畫錯路線圖, 拿拿臨落車, 搭返倒頭車去返小平, 搭返去西武遊園地的車再出發去西武遊園地……

沿途比老公係甘鬧………

終於到達西武遊園地啦, 甘岩見到兩PAIR香港人, 都係帶小朋友的, 係車站門口見到有D單張, 諗住拿返黎香港做REFERENCE, 點知去到COUNTER先知, 原來有300YEN DISCOUNT, 呵呵, 又慳左錢.

入到去, OH, 原來兒童樂園部份的地方係好細, BUT兩個小朋友見到就好開心…..老實講, D GAME好低B, BUT以1200YEN的價錢, 任玩就好抵LAW(相比日本其他的樂園入場費, 路途又近).

基本人每個GAME, 我們起碼玩左兩至三次, 除左要比錢果D之外.

跟住去左食KITTY的兒童餐, 拿返D膠KITTY頭盒, 就走左去玩抽獎, 阿仔抽到個KITTY 碗, 家姐就抽到個LITTLE TWIN STARS的袋, HAPPY HAPPY.

玩埋個火車之後, 我們就走LAW.

出返新宿, 搭山手線去池袋的SUNSHINE CITY, 可能之前期望太多, 去到好失望, 原來之不過係商場一個, 行行下肚餓, 食左個490YEN的PANCAKE, 吾……好好味, 入邊還有舊CAKE TIM. 行行下…..OH, 阿仔訓著左, 我們繼續行, 去左TOYS R US, 發現好多香港無的EDUCATIONAL TOYS, 好想買, BUT 又想看下隔幾日去上野時邊度平D先………..

出發去順路去埋TOKYO HADS…..行左陣, 去食埋個拉麵當DINNER, 就拉到回酒店, 行過電器舖, 記起要買個轉插位的蘇頭, 嘩, 成50幾元港紙一個, C啦, 比東X遊的STAFF呃左, 佢話日本通街都係, 10元兩個, 依家要成50元一個? 一於不買住………再行下先.

今日都算LUCKY, 來回都搭到特急線, 話甘快就到.

今日係第一次自己PLAN行程的自由行的第一日, 雖然有小小阻濟, BUT都算順利, 跟住信心大左. 對聽日去八景島更加有信心. YEAH.


侯爵府

積分: 21395


發表於 05-7-16 18:43 |顯示全部帖子

Re: 7日6夜日本自由行遊記

DAY 3 – 新宿 – 八景島 – BAYSIDE OUTLET – 橫濱 YOKOHAM COSMO WORLD-新宿
一早起身, 不記得食左乜野早餐, 就出發去八景島.

之前CHECK過資料, 買左橫濱一日PASS之後就出發.

搭左湘南新宿線去到橫濱轉根岸線到新杉田, 再轉SEAIDE LINE單軌列車去到八景島.

嘩, 一出車站, 好舒服, D風景好靚, 吾, 買條腸仔食下先.

一路行去八景島, 見到有車, 嘩, 要100YEN 一個人, 都係行下先LAW.

去到買左TICKET入水族館, 首先去左看海豚, 好多魚, 有人餵海豚, 兩件細的好開心.

跟住走左入海豚館, 見到企鵝, 還有好多好多動物………

最開心係可以親手摸下D海星.

係入邊食埋LUNCH之後搭返單軌列車去左BAYSIDE OUTLET, 一出車站, 見到個類似SHOPPING MALL的物體就衝左過去, 入到去原來只係一個SHOPPING MALL, 不緊要, 坐低食下魚仔餅, 八爪魚丸先, 吾……….好好味.

之後起身出發去BAYSIDE OUTLET, 原來應該係出火車站轉左手邊上天橋, 沿海邊出發…..行左大約15分鐘就到.

去到, 嘩, 好鬼C大, 同老公分道去SHOPPING, 約左4點係返SIR滑梯度等. 行左不夠5分鐘, 真衰, 個仔又訓著覺, 同佢著返條片, 吹返漲個頸枕之後都不見左30分鐘. 即刻起行去SHOPPING, 買左對B字頭的涼鞋比阿女, 承惠4XXXYEN.

跟住自己去看衫……看不岩, 不係價錢不岩, 就係SIZE不岩, 反而老公買到衫, 吹漲…..

之後出返橫濱, 諗住去COSMO WORLD 跟手去埋紅屋仔OUTLET, 點知落下, 初時係微雨, 點知行行下大雨, 唯有SKIP左COSMO WORLD, 諗住去OUTLET, 點知都係頂不順, 原來好鬼C遠, 卒之係個SHOPPING MALL到食左個好Q難食的DINNER之後, 諗住打道回酒店……C啦, 又落大雨, 又無帶傘, 唯有買把傘, 再拿埋D係香港帶去的即用即棄雨褸, 衝返去車站走頭.

阿女又扭計話好倦, 好眼訓, 唯有比架BB車佢坐, 我抱仔, 嘩, 由橫濱抱到返新宿, 係JR又無人讓坐, 條腰斷甘濟, 一出JR, 見到有ESCLAUTOR, 即刻衝出去, 諗住上到地面再搵返西口返酒店.

閉啦, 出到去……..黑MON MON, 邊樹黎架? 南口? 未黎過TIM. C啦, 湯失路呀……..

見到兩個架妹, 即刻問路, 一聽到話KEIO PLAZA HOTEL, 即刻皺晒眉, 心諗, 不係好遠呀麻? 跟住問我們有無傘, 我們話ONLY ONE, 佢即刻嚇左一跳, 跟住佢地好好人甘, 幫我們問火車站的職員, 本來話借把傘比我們, BUT我們話不駛, 跟住佢帶我們返東口, OH, 一見東口, 我們就識路LAW…..個心定晒.

行行重行行, 卒之結束DAY3的行程, 有驚無險地返到酒店, 已經11點幾12點.

沖埋涼, D小朋友訓的時侯已經12點幾1點鐘.

本來諗住聽日去多犘動物園, BUT經過今日的幸苦行程, 驚D小朋友捱不到, 卒之放棄, 改去上野食野, 買野同夾公仔.

OH…..2點先有得訓, 好倦好倦……


伯爵府

積分: 19041

2019新春慶豚圓


發表於 05-7-16 21:00 |顯示全部帖子

Re: 7日6夜日本自由行遊記

hinhinmummy,
你的遊記很詳細,很正!期待下集! :mrgreen:
我很怕新宿,車站很大,很易迷路.所以我寧願住池袋.
你兩個小朋友多大?平時要午睡嗎?


男爵府

積分: 9888

好媽媽勳章


發表於 05-7-16 23:13 |顯示全部帖子

Re: 7日6夜日本自由行遊記

hinhinmummy,

真的很詳細很精彩,好期待下集呀


侯爵府

積分: 21395


發表於 05-7-17 08:19 |顯示全部帖子

Re: 7日6夜日本自由行遊記

DAY 4 – 新宿 – 上野 – 新宿

真衰, 不駛佢地早起的時侯, 佢地就走去早起, 7:30 MORNING CALL, 撞鬼LAW.

去左FIRST KITCHEN食左個熱狗…..吾, D醬汁好好味……….

出發去上野, 去到行行下, 見到我係日本見到的第一間100YEN SHOP, 入去放低幾百YEN, 跟住行去最熱鬧果條街.

見到有個GAME CENTRE, 走左去影貼紙相, 跟住上樓上夾公仔, 見到個MINNIE, 有D機WOR, 試下啦, 用左400YEN攪掂左, 哈哈.

其間隔離有兩個香港人, 可能夾左好多YEN, 個STAFF開櫃幫佢將個公仔放係個有利位置, 卒之佢地夾到LAW……..

阿女好開心有個MINNIE…….

跟住去左食綠茶雪糕……….

行行下見到二果子, 忍不住, 入去買左兩大袋野食…….卒之決定返新宿, BUT行行下見到壽司店, 入去食埋LUNCH先, 呢餐都叫做食得幸苦LAW, 阿仔不生性, 坐不定, 倒晒人地D快子出黎………..D壽司係倒入肚, 不係食落肚.

跟住行左去YAMASHIROYA GAME CENTRE, 上到去, 老公買左第一份禮物THOMAS THE TRAIN比阿仔, 阿女就買左個會郁的狗仔(返到香港先知原來香港的狗仔都係甘上下價錢).

卒之真係要走, 因為真係好似走難甘走.

返到酒店, 放低D野, 再出發去KEIO PLAZA行下, 又走去SANRIO抽獎, 車, 呢次抽到個水壺.

行行下, 見到MIKO HOUSE, 話D鞋仔1,050YEN, 嘩, 好平呀, 係甘揀, 卒之揀到對岩阿仔, 拿去比錢的時侯, 問佢幾多錢, 佢話要4000幾YEN, 我問佢乜不係1,050YEN 咩? 佢話ABOVE WOR, 架好妹, UP先岩呀.

即刻放低……….用左我甘多時間…….

DINNER經過下午的教訓, 好驚, 卒之買左D壽司+拉麵返酒店食.

一早訓覺, 聽朝要去DISNEY 玩. 啊啊.


侯爵府

積分: 21395


發表於 05-7-17 08:20 |顯示全部帖子

Re: 7日6夜日本自由行遊記

DAY 5 – 新宿 – DISNEY – 新宿

一早6:30起身, 食左尋日買定的麵包, 係酒店搭SHUTTLE BUS 出發去DISNEY LAND, 又係比想像中快, 7:30開車, 8:15分已經到, 行埋去門口, 都係8:30分, 坐係門口等開門, 等左30分鐘, 終於開門啦, 之前看左D MAP乜都無用啦, D人好瘋狂, 不理甘多, 見人衝去邊樹就去邊啦. 原來D人衝去巴C光年, 玩左一次不夠喉, 出黎阿女話要玩多次…..嘩開始多人, 條龍轉左個圈, 好啦, 排多次隊…15分鐘度就可以玩第二次.

阿女第二次玩得好叻, 有萬幾分.

之後去左TOONLAND, 玩左過山車, 小飛象, 咖啡杯, 木馬…….阿女樣樣都要玩兩至三次, 就係過山車都玩左4次……..

卒之行開呢個TOONLAND, 去左小小世界…….嘩, 有旅行團岩岩到達, 排左成15分鐘先到…….阿仔好開心, 返到香港之後, 看返D帶, 係度哼世界真細小.

玩完小小世界, 行去WINNINE THE POOH拿FAST PASS, 要1:55分先有得玩, 跟住食埋個LUNCH先, 去左玩激流隔離果間餐廳食左個LUNCH.

C啦, 缺水TIM…….

食完, 出去買水, 嘩, 200YEN一支水……..貴都要買, 鬼叫無水沖奶咩?

跟住去埋激流拿FAST PASS, EEE, 2:00有得玩? 甘快既?

還有小小時間, 去左鬼屋先啦………..初時諗住阿仔會驚…………

點知…..入到去, 不駛5分鐘, 訓著左, 可能黑MON MON好岩訓覺…….

C啦, 出到黎, 又拿左FAST PAST, 我未無得玩? 或者一個人玩?

比我諗到條橋, 叫阿女不好出聲, 不好比人見到佢甩牙, 扮3歲半, 不駛FAST PASS, 同我玩一次先, 跟住再拿兩張FAST PASS同DADDY玩多一次……爽呀! 阿女好開心玩兩次.

BUT玩到之後, 已經2:30, 3:00前要玩激流, 好趕, 即刻衝去玩激流…..玩完已經2:55分, 即刻去搵返老公, 叫佢衝去玩多一次………呢次真係好險, 可能係危險活動, D姐姐仔CHECK得好緊, 係甘問阿女幾多歲? 又要度高……..

之後阿女又玩多幾過不係太多人的GAME, 再去拿SPACE MOUNTAIN的FAST PASS, 我就推住阿仔去SHOPPING, 留返佢兩父女去玩LAW.

會合返佢兩父女之後, 老公話SPACE MOUNTAIN好驚, 有小朋友6歲嚇到個口得個窿, 家姐仔都不驚.

跟住差不多時間, SHOPPING買左D手信之後, 就去等SHUTTLE BUS返酒店.

返到酒店已經8點幾, 老公出去買D野食返黎, 我就同佢地沖涼先.

食完野就訓覺LAW.


侯爵府

積分: 21395


發表於 05-7-17 08:20 |顯示全部帖子

Re: 7日6夜日本自由行遊記

DAY 6 – 新宿 – 上野 – 新宿

上次去上野因為星期日, 太多LOCAL 人, 好多人, 行得不暢快, 加上初嘗甜頭, 想去多次夾公仔, 所以決定去多一次上野.

今次真無無乜人啦, 行下街, 野到對THOMAS波鞋, 1,050YEN, 又買左D衫, 不過全部都係老公既, 再買左幾把500YEN的傘做手信.

去到夾公仔, 今次看中左個WINNIE THE POOH, 因為阿仔鍾意, C啦, 夾左1,000YEN, 個POOH郁都不郁……..

阿女係度喊, 個靚女姐姐見到, 自動開櫃, 幫我SET個靚位……再用多1,000YEN, 都係郁左小小, 阿女心急, 自己去叫靚手上黎幫手……呢次個位正啦, 再夾不到就對不住個靚女啦.

用多400YEN, 卒之夾到啦, 阿仔係甘攬住個POOH.

前後用左2,800YEN 夾左一個MINNIE, 一個POOH, 係DISNEY, 一個細細隻的MINNIE都要3,000幾YEN, 呢舖好抵.

行下行下, 見到間好梅的玩具舖, 入邊D玩具又幾爽WOR, 價錢平過香港TIM, BUT不岩我兩個小朋友, 所以無買.

又去返二果子, 買埋D餅乾, 手信又返新宿LAW.

TIPS, 如果小朋友細, 記得去上野果間玩具舖, 買D EDUCATIONAL TOYS, 好多係香港都無得賣, 尤其COMBI, 我見到好多都係100零元港紙, 最重要係香港無得賣…………如果我早幾年黎就好LAW.

返到新宿, 去搵SHABU-SHABU, 去到三越, 不知邊條橫街係, 問人…..原來就係我們隔離………OH, 入到去, 5歲以下不駛錢, 問STAFF, 個STAFF問家姐幾多歲, 為左慳錢, 又講大話, 阿女4歲, 阿仔3歲, 哈哈, 又過骨.

食左7-8 碟牛肉…….正呀, 飽飽.

出到黎, 本來諗住行下夜街……E, 真衰, 又落雨, 最後都係返酒店.
返到酒店已經9點, 同D小朋友沖埋涼, 執行李聽日返香港.

看下D戰利品, 閉啦, 無買野比自己TIM, 買得最多野的係阿女, 跟住阿仔, 跟住老公…………

執到成12點先執得完, 因為不夠位, 再在塞右塞先塞得入.


侯爵府

積分: 21395


發表於 05-7-17 08:21 |顯示全部帖子

Re: 7日6夜日本自由行遊記

DAY 7 – 新宿 – 香港

起身, 去食多次好好味的熱狗, 跟住返酒店CHECK OUT, 放低行李, 去左小田急行左陣….OH, 甘就12點, 食D野, OH, 甘就1點幾.

打埋個電話通知工人我們今晚返叫佢等我們之後, 就要上車.

去到機場, 行左陣…..卒之比我臨走買左個手袋…………

我們搭6:30機, 未到4:30諗住去CHECK IN先啦, 嘩條龍長到…..C啦呢次, 排下排下, E, 又有個靚女話我有個SMALL BABY, 比BUSSINESS CLASS條隊我們排…..不駛5分鐘攪掂……….CHECK行李CHECK得好嚴.

CHECK IN之後, 諗住多人, 都係入閘啦……真係, 排隊上機都排左成半個鐘.

卒之上左機, 阿仔又扭計, 心諗不好卦, 呢次閉啦……

點知扭扭下未起飛已經訓著覺, 訓到連飛機餐都不食TIM.

呢次飛機餐正過黎的時侯.

9:20(香港時間), 到達LAW………..

返到屋企12點幾, 好倦……..

後記 : 去日本, 記得買小林退熱貼……..30幾元, 一大盒, 香港30幾元得6貼……….幾乎一個TRIPLE.

我隻手有皮膚敏感, 係香港搵藥劑師配藥膏看極都不好, 去到日本藥房, 問佢地D STAFF, 比左支藥膚我, 60幾元(港紙), 搽左幾次已經好左好多……….


侯爵府

積分: 21395


發表於 05-7-17 08:24 |顯示全部帖子

Re: 7日6夜日本自由行遊記

HEILOK

我揀新宿, 因為本來我要去我地方, 好多都係要係新宿轉車, 好似西武園的西武新宿車站, 同埋去多犘動物園的京王線都係.

我個女7歲, 個仔3歲半, 訓晏覺? 緊係要啦, 所以我帶左個吹氣的頸枕同bb車, 佢訓的時侯條頸不駛甘幸苦law.

個女就成日扭坐車, 我就要抱仔law.

晚晚返到酒店, 就要密密煲水, 再待涼入水樽, 留返第二日比d小朋友, 大人就無所謂, 可以買, 但小朋友我就驚d law, 因為不知係不係磺泉水, 驚佢地肚瀉......................


大宅

積分: 2804


發表於 05-7-17 23:21 |顯示全部帖子

Re: 7日6夜日本自由行遊記

hinhinmummy,
多謝分享!
嘩!淨係上野你都行左兩日!仲要係無去甚麼公園,動物園!
你個disney之旅都好順利,玩了很多遊戲,排隊時間又短!
想問下toonland&小小世界,未夠兩歲可以玩嗎?
你好似無睇巡遊&煙花,是嗎?為甚麼?


別墅

積分: 817


發表於 05-7-18 01:47 |顯示全部帖子

Re: 7日6夜日本自由行遊記

hello hinhinmummy,
I will go to Tokyo in August with my 2 yrs and 3 yrs old sons. Apartment from Disneyland, any recommendation for young children ? Is it far to walk to Keio plaza hotel from JR station ? I will bring my 2 baby strolley to go but I'm afraid it's a long way to walk ( especially at night, very tired...) I also consider to book Century Southern Tower which is located upon JR station, no need to walk but the price different for 2 rooms for 7 nights is 5000 HKD !!
Please advise.
Thank you for your nice sharing


侯爵府

積分: 21395


發表於 05-7-18 10:24 |顯示全部帖子

Re: 7日6夜日本自由行遊記

MAGGIE

因為第一次去上野係星期日, 淨係d local人都多到不得了, 又心急買左一堆野, 又夾左個minnie, 根本無手再拿野...........看野.........

所以咪搵左另外一日再去拿............

小小世界係坐船仔架..................toonland兩歲可不可以玩我就不肯定, 但我個仔3歲就可以law.

連過山車都有玩度tim, 還要玩左兩次

我們無看煙花巡遊, 因為我們搭keio plaza安排的shuttle bus, 佢一係7:20, 一係就9:20分, 我們覺得9:20太夜, 所以揀左7:20分走law.

其實公園-------去八景島的時侯, 經過一個好靚的beach同埋公園仔架...............

你去到就知架啦, 根本話就話7日, 但根本就不夠時間, 尤其帶住兩件細的, 一陣話要飲水, 一陣又話要all 尿尿...........最抵c就係, 排排下隊話要去all 尿尿wor...........


侯爵府

積分: 21395


發表於 05-7-18 10:30 |顯示全部帖子

Re: 7日6夜日本自由行遊記

psmama

keio plaza離jr站不是太遠(我認為), 係jr西口出, 經keio plaza (shopping mall, 我不敢行地下街, 驚湯失路, 路面有建築物可以認到), 跟住行5-10分鐘就到架啦.

我覺得住keio plaza真係幾好..........d人態度又好, 我check out果日, 我老公拿住一抽二x, 個staff見到即刻問我老公有乜野可以幫到佢.......之後我們放低行李出去玩, 返到黎等shuttle bus去機場, d行李已經係巴士站等我們law.

d小朋友又有slipper, 牙膏牙擦.............

5000元, 我寧願去買多d toys 比佢地好過law.

如果甘細的小朋友, 我都係suggest去西武園, 因為路程短, 又得意.

至於八景島.............真係太遠啦, 但可以比d小朋友近距離見到好多魚.....摸到海星.

動物園, 要去的話去上野算吧啦, 湊住兩個細, 我諗第三日已經好倦................


大宅

積分: 3007


發表於 05-7-18 10:35 |顯示全部帖子

Re: 7日6夜日本自由行遊記

Hinhinmummy,
May I have some questions?

1. 去八景島,where & how much 買橫濱一日PASS? 去水族館ticket how much?

2. From 新宿去Disney, 係咪shuttle bus 平過JR? and faster?

3. Narite 機場 d shuttle bus 去新宿, any discount buy in Hong Kong?

Thank you


侯爵府

積分: 21395


發表於 05-7-18 10:38 |顯示全部帖子

Re: 7日6夜日本自由行遊記

不記得講, 我係日本發現到有d educational toys係香港無得賣架, 如果你們行開, 可以去看下岩不岩洗.

1. 係池袋shunshine city的tru, 入邊見到有盒玩具, 入邊有塊布, 有d特制筆, 同埋d有海棉的車仔, d特制筆裝水之後, 可以係塊布度畫畫, 畫完d水乾左就會不見晒.

我係香港sogo買左350元, 係日本見到好似3000幾yen, 計起都係200幾元.

呢塊布係香港就有得賣, 但我見到, 有塊畫板係同一道理, 係for bath時侯畫的, 同埋d軟膠, 即係好似d abc甘舖係地下果d呢, 係香港就無得賣(暫時).

2. 係上野yamashiroya(3/f), 見到好多combi玩具, 最令到印象深刻的係有一盒, 入邊有三本不同類型的書仔(板???)(有聲的), 第一塊.........拉不同的野會有不同的交通工具聲, 好似船, 飛機, 火車.

第二塊 ------- 生果

第三塊 ------------- 狗仔, 可以拉佢耳仔, 對眼會郁............等

2000幾yen, 即係140元港紙多d, 真係好鬼c抵...........

還有好多好多..........thomas the train都平過香港.


侯爵府

積分: 21395


發表於 05-7-18 10:44 |顯示全部帖子

Re: 7日6夜日本自由行遊記

1. 去八景島,where & how much 買橫濱一日PASS? 去水族館ticket how much? ---------jr站 counter詳情你看http://siumui.net

水族館好似大人2,450yen, 4歲以上700yen, 7歲以上1,400yen, 4歲以下不駛錢

2. From 新宿去Disney, 係咪shuttle bus 平過JR? and faster? ------我無搭過jr, 不知時間, 搭shuttle bus就不駛一個鐘, 我搭佢係因為湊住兩個細的, 加上朝早起身佢地實未訓醒, 可以係車訓下, 返黎都係...........不駛同人迫, 一定有位坐, 日本d人不會讓坐, 我試過由橫濱抱住個仔到新宿, 都無人讓位比我坐.

3. Narite 機場 d shuttle bus 去新宿, any discount buy in Hong Kong?---------我係東x遊買, 好似平小小
我買果時就192元大人, 96小朋友, 佢計當日的匯價.


別墅

積分: 943


發表於 05-7-18 14:05 |顯示全部帖子

Re: 7日6夜日本自由行遊記

hinhinmummy,

多謝你既分享, 詳盡, 緊湊, 生動, 有趣....總之好精彩啦.
我想8下, 你個package機票+酒店幾多$呢? 大女是否只買機票不佔床位呢 ?

kikimon



侯爵府

積分: 21395


發表於 05-7-18 14:30 |顯示全部帖子

Re: 7日6夜日本自由行遊記

kikimon

我無買package, 因為package果d 得5日, 如果加多2日, 果兩晚酒店佢收我好貴, 1300幾元, 有一晚星期六要1600幾元tim, 所以最後我係相熟的agency買air ticket, nwa, 大人2600, 小朋友2030.

keio plaza幫東x遊訂, 初時佢話頭一晚main tower無房, 要住south tower, 果晚就1360, 之後5晚就main tower1120. twin bed

但最後去到, 我同check-in的靚仔講可不可以全部甘多晚一間房, 不駛我住住下轉房.........之後全部upgrade晒去south tower

我計過條數, 應該甘樣會抵d..............but我不知有無計錯數. 同埋買package, 小朋友酒店都要收錢..........不過好似貴幾百元, but都不係好抵.

本來後尾都諗住幫東x遊一次過訂晒酒店+ air-ticket, but因為個agency幫左我好多, 又幫我出行程表比我去拿特區護照快証, 不幫襯佢好似不好意思(識得的), 所以................


大宅

積分: 2804


發表於 05-7-18 23:00 |顯示全部帖子

Re: 7日6夜日本自由行遊記

hinhinmummy,
c啦!我仲打算去晒disneyland, sea, mother farm,八景島.(我去7日8夜)會否令兩個b太謝呢?我不打算去新宿,池袋了,帶住bb根本shopping唔到.我原先打算上面四個地方每日去一個.八景島那天加上行outlet就算.其他時間就去行上野的動物園,公園,再行其他博物館/科學館.但現在會考慮去西武園,而且開始擔心兩個bb可否頂得順那四個需要玩整天的地方


跳至