Baby Kingdom - 親子王國 香港 討論區 › 首頁 › 母乳餵哺› 唔知點好 (泵定埋身好)

母乳餵哺

收藏本版
回覆 發帖
返回列表
跳至頁

首頁
1

尾頁
   0
9bb


別墅

積分: 930


1#
發表於 11-1-10 23:32 |只看該作者
BB得果十日人仔，好抗拒埋身餵，之前一直都係泵出黎餵，因為好煩所以但由前兩日開始無論佢扭幾耐(佢真係可以扭足個半鐘)先肯啜都比要佢埋身餵！

同埋佢好懶訓，可以四個鐘先食一次！仲要有時扭多一個鐘先開始啜

但我係全職媽媽，唔想全職都要泵出黎，真係好煩！
有冇人試過BB係咁架？佢會唔會慢慢接受唔再扭？

仲有，佢得十日人仔，但每次埋身只食十幾分鐘！但每日有7條濕片同6-7次大便！係咪代表佢夠呢？

我有泵出黎，唔駛十分鐘就已經泵到三至四安，咁BB食到十幾分鐘係咪都食=食到三安左右呢？佢都啜得幾快幾大力架！

我應詃堅持埋身餵定泵出黎比佢食好呢？佢仲未追到出世時的重量！

私人傳訊回覆 引用

yeemao


複式洋房

積分: 452


2#
發表於 11-1-11 00:08 |只看該作者
same here! 我都好煩, bb 啜到我勁痛, 又扭到七彩, 而且片唔係好濕.... 點算好
私人傳訊回覆 引用

giannapoon


複式洋房

積分: 189


3#
發表於 11-1-11 10:12 |只看該作者
9bb：BB一開始就用奶樽餵人奶，所以佢已經習慣咗奶咀，之後又埋身餵返，BB覺得唔啱咀形所以扭計！不過試多幾日BB應該會習慣！埋身餵人奶唔洗計BB食咗幾安，因為你根本無法得計，你泵出嚟嘅速度同奶量與BB埋身啜差好遠！況且你根本唔洗擔心BB唔夠飽，肚飽佢自然會唔啜，肚餓自然會喊要你餵！佢食得夠咪遲啲先肚餓，可以瞓耐啲囉！BB每日有7條濕片同有大便，證明BB食得好夠而且吸收得好好！餵人奶嘅BB係會多啲大便同大便較稀，呢啲係正常嘅！BB出世後會收水，體重會下降，不過只要keep住餵bb就OK！至於BB扭計唔肯埋身食，好可能係餵奶時嘅姿勢唔正確，要有技巧架，唔係你塞比BB佢就會食！如你有去健康院檢查，可以參加餵奶班，學下點正確埋身餵BB，我第一胎時都係要學下先識！

我今次已經係第二胎，第一胎全人奶餵到2歲，囡囡由細到大生長線都好好無問題，而且少病痛，就算有病都係小病且康復速度快，我相信同食人奶有好大關係！

我覺得如果係全職媽媽就可以盡量埋身餵多啲，但不防係BB埋身啜嘅同時，用泵泵另一邊乳房，咁可以增加奶量之餘又可以儲起啲人奶出街時用！不過我出街都會埋身餵，只要買齊出街餵人奶用品就可以去到邊餵到邊，好方便！
私人傳訊回覆 引用

小Sin子


男爵府

積分: 6581


4#
發表於 11-1-11 10:56 |只看該作者
9bb ,

梗係埋身餵好啦 ~! 泵奶好哂時間架 , 我呢 D 在職媽咪就話迫住要泵啫 , 但我一係屋企就會埋身架啦 .

埋身o既好處 , 除左係慳時間之外 , 最重要係唔駛擔心唔夠奶 . 因為埋身啜係長啜長有的 , 一定夠食 . 但泵出黎 , 始終泵得唔多 . 可能會泵唔夠食架 .

bb 唔會唔識埋身啜 , 只係會唔肯埋身啜 . 呢個就一定解決到 , 只要你堅持. 講真 , bb 肚餓就焗住屈服架啦 , 睇你肯唔肯同佢對抗到底架啫 . 一定可以成功 train 到全埋身架 . 加油 ~!

不過初生 bb 又擔心佢退黃慢同體重唔夠 . 咁你要有個 balance 囉 . 需要時泵出黎餵或者補下奶粉 , 都可以加快解決以上問題架. 不失為一個好o既應急方法 .

我初頭都有俾 BB 夜奶果餐食奶粉架 . 一黎我自己可以休息下 , 二黎等 BB 快 d 退黃 . 冇問題架 , 之後一樣可以轉番全人奶 .

私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見