嬰兒醫護

跳至

首頁
1

尾頁
   0


民房

積分: 28


發表於 05-7-18 23:24 |顯示全部帖子

四個半月 BB 頸仔未硬, 好擔心

我個 BB 女四個半月, 頸仔未硬﹐又唔伸手拎野﹐手仔好似無乜力﹐手仔比其他 BB 郁得少﹐上星期六去健康院
做四個月 test failed 左﹐健康院要佢 book QM 兒科﹐我同老公好擔心﹐唔知佢有冇(乜)問題。

之後我地帶佢去兒科醫生度 check, 個醫生係佢出世時睇開佢O既, 醫生都唔肯定佢有冇問題﹐佢話有好多可能﹐要驗血﹐驗尿﹐可能要驗埋 DNA, 佢話好多 test 佢都係要 send 番 QM 驗, 佢 suggest 我地等下健康院﹐如排期太耐先搵佢驗 d 簡單O既﹐複習O既 check / test 都係要去 QM
BB 出世得 1.65kg (足月, 唔係早產), 出世時健康冇問題﹐只係冇乜肉, 宜家咁樣我地又唔知係咪有問題﹐真係好擔心

我地驚政府排好耐﹐私家又唔知幾錢﹐最驚俾左大筆錢都唔知乜事﹐請問又冇 d 出名﹐比較權威O既醫生﹖我地真係好擔心﹐如排期太耐我地想搵個好好好好O既私家醫生盡快 check 清楚, 如知好勁醫生請 suggest, million thanks!!


大宅

積分: 4235


發表於 05-7-19 00:27 |顯示全部帖子

Re: 四個半月 BB 頸仔未硬, 好擔心

ah_yi,

你唔洗擔心架, 我bb3個幾月大去健康院做test, 情況和你bb一模一樣, 我bb也不是早產嬰, 當時又係好似你現在咁驚. 你只要同佢玩多d, 唔好成日托住佢條頸仔抱佢, 最好就用"咩帶"咩多d佢, 等佢自己鍊下力, 好快就ok呀. 至於bb隻手仔唔肯拎野, 你最好俾d輕身d既玩具佢拎, 初初你就用你隻手捉住佢隻手一齊拎, 又或是用d bb玩具鎖匙引佢, 再唔係就用bb既牙仔餅引佢拎, 拎得好幾次, 佢就會拎的. 通常咁細個既bb對玩具係未有興趣住的, 一就你係佢面前玩多d, 成曰玩俾佢睇, 一就用食物引佢, 我bb當時都係唔鍾意玩具, 咩玩具都引唔到佢, 後來有個媽咪教我用食物引佢, 果然成功, 因為我bb好為食. 做媽媽係咁架, 少少野都會好驚, 你俾心機啦, 你bb一定會無事, 只是你太保護佢, 我當時都好似你咁, 驚整親佢條頸仔, 每次抱住佢都一定托住佢個頭仔, 完全無俾機會佢鍊力. 古語有云: 養兒一百日, 長憂九十九.
My Little Prince, Naoki Kam - 諱諾BB.


民房

積分: 28


發表於 05-7-19 20:03 |顯示全部帖子

Re: 四個半月 BB 頸仔未硬, 好擔心

真係好多謝妳o既 reply 同意見. 其實我都知佢唔一定有 d 乜病, 但有可能有問題始終都好擔心, 無錯, 做人父母真係好難, 少少野都好驚, 有乜事真係情願有事o既係自己. 我呢幾日search web, 睇埋 d 咩"重症肌無力", "腦性麻痺" 真係越睇越驚架. 今日健康院打黎話 book 左 9/9, 到時佢都 6 個月la, 如果有事我真係驚太遲. 我考慮緊 book qm 私家, 雖然好貴, 但真係想早 d check 清楚. 我會照妳方法同佢玩多 d, 睇下呢一兩星期有冇進步, 如果冇可能真係貴都要早 d check 下la
:cry:


大宅

積分: 1998

好媽媽勳章


發表於 05-7-19 20:15 |顯示全部帖子

Re: 四個半月 BB 頸仔未硬, 好擔心

唔洗擔心,我個囡三、四個月時都係噤,又係test唔合格,又係見兒科,但我個時唔係好驚喎,每一天都吩咐個保母每一日都比佢"扒"吓(健康院)啲姑娘教,兩三個星期度,已經好有力啦~~ 而家已經差不多一歲啦都無咩特別事,放心啦,比佢多啲運動就得啦~~~~?

  


大宅

積分: 4235


發表於 05-7-19 23:59 |顯示全部帖子

Re: 四個半月 BB 頸仔未硬, 好擔心

ah_yi,

你真係唔洗驚架. 俾多d運動bb就ok架. bb學野好怏, 我用了3, 4天時間揍佢, train佢, 佢已經學識. 多d同bb玩, 唔好只係擺bb係床上瞓覺同玩, 多d郁下佢d手仔, 俾d紅色既野俾bb望可以吸引佢望野, bb條頸仔慢慢就會有力, 又或是俾d有音樂既玩具俾佢望, 自自然然佢就會抬起頭仔望野. 我記得我bb當時好鍾意望熱浪薯片既袋, 我就買包細既薯片係佢面前搖及引佢. 當然成功左la. 俾d心機la, 你一定得.
My Little Prince, Naoki Kam - 諱諾BB.


男爵府

積分: 9197


發表於 05-7-20 00:08 |顯示全部帖子

Re: 四個半月 BB 頸仔未硬, 好擔心

我個女下個星期到健康院做3個月test, 好驚佢唔合格啊! 其實個test 考什麼ga??


大宅

積分: 4607


發表於 05-7-22 12:01 |顯示全部帖子

Re: 四個半月 BB 頸仔未硬, 好擔心

唔駛太擔心, 個個 bb 生長速度都唔同, 有 d 快 d, 有 d 慢 d...
我囡囡細細個開始, 我成日同佢做手腳運動, 幫佢郁吓手郁吓腳, 佢好 like, 到而 + 八個月一同佢做運動佢就笑, 不過唔知係咪因為咁, 佢手仔腳仔好有力, 六個月未夠已經可以好似青蛙咁彈....你都可以試試...
如果你心急, 擔心佢 neck 唔夠力, 你可以反轉佢, 等佢自己練習抬頭, 不過果時有朋友叫我唔好咁心急, 順其自然, 唔好特登要 bb 咁做, 咁我先冇做到, 等佢順其自然....


寶石宮

積分: 303894

2019新春慶豚圓 2019勳章 HiPP勳章(2) HiPP勳章(1) 2018父親節勳章 2018復活節勳章 15週年勳章 親子王國15週年勳章 親子王國15週年勳章 畀面勳章 醒目開學勳章 hashtag影視迷勳章 貓狗褓姆 認識瑞士牛牛第一回 美好大世界2017勳章 開心吸收勳章


發表於 05-7-22 12:10 |顯示全部帖子

Re: 四個半月 BB 頸仔未硬, 好擔心

唔駛太擔心, 個個 bb 生長速度都唔同
我鐘意你同我講 I Love U, I Love U Too!
You are the sunshine of my life. That's why I'll always stay around. You are the apple of my eye. Forever you'll stay in my heart.


珍珠宮

積分: 34861


發表於 05-7-22 12:30 |顯示全部帖子

Re: 四個半月 BB 頸仔未硬, 好擔心

ah_yi,
唔使太擔心喎, 有d小朋友早d, 有d真係會遲d架.


民房

積分: 28


發表於 05-7-23 21:33 |顯示全部帖子

Re: 四個半月 BB 頸仔未硬, 好擔心

真係多謝妳地 REPLY﹐我宜家冇咁擔心LA﹐同佢做左幾日運動 (扒佢響度﹐擺佢手仔埋 D﹐等佢用到力﹐醫生教) 佢進步左D喇﹐宜家頭仔起到一陣﹐拍下手讚下佢仲會笑TIM

不過都係唔伸手仔拎野LAW﹐我會繼續努力喇﹐再日日俾佢扒下﹐同做下手仔運動﹐希望佢快 D 有力拎野啦


男爵府

積分: 7361


發表於 05-7-25 18:05 |顯示全部帖子

Re: 四個半月 BB 頸仔未硬, 好擔心

cpcog 寫道:
我個女下個星期到健康院做3個月test, 好驚佢唔合格啊! 其實個test 考什麼ga??

cpcog: My daughter just had the test last SAT. The nurse shaked a rattle to check if my daughter can grab it on her own. Then wave a red yarn ball in the air from left to right to see if the baby's eye and head follows it and turn. Then asked us some questions whether she is smiling at us, giggles when playing, recognizes us and strangers, took her weight, height and crown size.


複式洋房

積分: 372


發表於 05-7-26 21:02 |顯示全部帖子

Re: 四個半月 BB 頸仔未硬, 好擔心

我個女四個幾月個陣條頸都好弱, 我就比佢趴多d o係床, 然後用搖鈴引佢, 要佢抬高頭, 搞左一排都麻麻地, 轉身又唔係好得.....但到左五個幾月佢忽然進步神速, 佢而家六個月大, 閒閒地可以連轉三四次身! 真係估佢唔到! bb o既發展真係有快有慢, 所以唔洗太擔心!
I love my little yanyan..... :-D 這是她的肥豬腳.......好好味呀...... :-o


民房

積分: 28


發表於 05-7-26 22:29 |顯示全部帖子

Re: 四個半月 BB 頸仔未硬, 好擔心

loveyanpig 多謝妳O既分享﹐其實我地 train 左佢一個星期﹐佢條頸仔好似好 D LA﹐但係佢手仔都仲係懶洋洋無乜力咁﹐俾乜野佢引佢拎都唔多理﹐有時望都唔望 D 玩具﹐有時
望一望就望第二度﹐好似完全冇興趣咁﹐有咩遊戲/運動可以訓練下佢手仔呢﹖

首頁
1

尾頁

跳至