香港18區媽媽會今日: 0|主題: 156994

收藏本版

發帖

返回列表

跳至頁

查看: 8847 | 回覆: 4

[大埔區] 惠康賣的「好運牌」香米有極濃烈的漂白水味！！ [複製鏈接]

lunpo

複式洋房

積分: 222

1^#

發表於 11-2-14 16:56 |只看該作者 |倒序瀏覽 |打印

1月尾個陣...有一日我差不多12點先番到屋企，媽咪話比我知佢食完飯之後好唔舒服，我問佢有冇食過d咩特別既野？佢就話開左一包新買既米黎煮，其他都冇特別。我聞過煲飯，的確係有一陣怪味，但我又講唔出係咩味....我問佢點解覺得有味都照食...佢話食左咁多年都冇事，佢就以為係佢自己既味覺有問題....之後我再睇下個米缸，一打開個米缸蓋就已經有一大陣好濃既漂白水味！我開頭以為係咪屋企有d乜野有關漂白水既野漏落個擺米缸個櫃到，但睇過哂又唔係。跟住咪睇下好運牌香米個包裝袋囉，點知一打開番佢又係一陣好濃既漂白水味！我再開埋另外一包，都係一大陣漂白水味！咁即係已經出事....我即刻叫媽咪不停飲水同去廁所，睇下會唔會好d...點知到左夜晚2點左右，媽咪都話仲係好唔舒服...佢話d牙、成條喉嚨同埋個胃好似比火燒咁！我就即刻同佢去睇A&E...係醫院搞左足足一晚....到第2朝7點幾先可以走人....醫生話媽咪個喉嚨有灼傷....唔好食熱既野....飲多d水....唉~朝早番工之前拎左兩包米落惠康退貨，同佢講左兩包米一開就有好濃既漂白水味！佢竟然冇再問其他野就即刻退錢比我！到底佢地係明知d米有事都照賣定係點呢？

請各位睇下近來家中有否購買惠康的「好運牌」香米！我屋企個兩包8kg(相片)係岩岩1月23日係運x塘間惠康到買架！若各位發現有相同情況或誤服，請即飲用大量水同盡快去睇醫生！假如每一日都食相同既米，差不多等於慢性自殺！最後我call左食環署既人黎拎走d米飯去化驗，不過仲未知結果.....

最後麻煩各位幫我快手傳開去，我唔想再有任何人「中招」！謝謝！