吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 真係好唔開心.日日都喊..

婆媳關係今日: 1|主題: 27767

收藏本版

發帖

返回列表

跳至頁

查看: 10615 | 回覆: 101

真係好唔開心.日日都喊.. [複製鏈接]

12 3 4 5...6

masiemacy

大宅

積分: 2332

1^#

發表於 11-2-18 18:09 |只看該作者 |倒序瀏覽 |打印

我同男朋友同居左一年一直都打算出年年尾結婚生仔
點之1個月前無意中發現我已經懷孕2個幾月
我同男朋友傾完都覺得想要個bb 同埋要即刻結婚

我mummy話最緊要我鐘意個男仔同埋我開心就得
佢話我就算有左都唔一定要同男朋友結婚, 如果個男仔對我唔好都一樣可以唔同佢結婚. 我覺得好岩,我又唔係冇人要,又唔係冇人對我好過佢.只不過我係一個好專一既人,而且男朋友對我唔差,我地大家都愛大家,咁咪決定結婚囉

點之我地同左未來奶奶講之後佢最緊張既係唔好俾d親戚知道我地係因為有左先結婚!我心唸地唔係因為有左先結婚!!就算冇bb都一樣會結婚!佢好希望我地快快趣趣擺酒(佢想係bb出世之前擺酒).其實佢初初仲想話酒都唔擺,就咁同親戚食餐飯就算.我mummy知道之後都係覺得想擺酒,最尾都妥協左呢2個月之內搞哂註冊結婚同擺酒

未來奶奶知道左我有bb 真係一d關心都冇一d都唔緊張屋企有2個工人都冇話叫佢地煲小小湯水黎飲連我男朋友個朋友都話"乜佢咁奇怪既?冇理由一d都唔緊張架喎"

因為我地要係呢2個月之內搞哂註冊結婚同擺酒,所以要搞埋過大禮果d野.於是2家人傾酒席&過大禮.傾到尾聲果時,未來老爺提左未來奶奶3次未講實際禮金,未來奶奶就扮聽唔到散會.我mummy之後同我講話佢好過分,就算禮金幾多佢地都會接受,但係就唔係避左個問題咁唔大方,好似驚死"sit"底咁.

尋日我地終於註冊結婚,我mummy send左d佢地過大禮果d"禮"既相俾我睇.我一睇完之後真係嘩左出黎..心唸咩黎架?好似人地送俾朋友既賀禮咁....搞到我mummy又要買呢樣果樣俾我帶,等我唔好擺酒果日咁寒酸.我話唔洗喇..我mummy已經因為呢樣野洗左好多錢.仲有酒席人情果到佢地男家又話想要哂..

總之一句講哂我覺得我好委屈點解我要嫁入個咁既家庭一d溫暖都冇個個星期同佢地食飯都勁大壓力好似俾小小關心都浪費緊佢氣力咁對我好小小會死咁樣好似我有左一定要嫁俾佢個仔咁...我又唔敢同人吐苦水,日日唸到呢d野就好想喊.佢仲要講到話到時生左個bb出黎緊係會同男家親d,返都返男家..咩意思呀..個孫我呀媽都有份架囉,講呢d野真係好過分.

有一次講開訂婚紗同買上頭野果陣,未來奶奶係咁suggest我同我mummy去金都揀,係人都知金都d野又cheap又核特.我男朋友就即刻話"聽講金都唔係幾好架喎". 點知未來奶奶話"係呀,果陣我嫁女入去行過,一樣野都揀唔到,我唔會去果到買野,入去行左一陣就覺得佢d野好唔靚,好快出返黎".咁我心唸你又係咁suggest我同我mummy去買!

0 0 0

私人傳訊

kari_mama

禁止訪問

積分: 1211

2^#

發表於 11-2-18 18:20 |只看該作者

提示: 作者被禁止或刪除內容自動屏蔽

私人傳訊

nokia6300

大宅

積分: 2888

3^#

發表於 11-2-18 18:23 |只看該作者

想問....你會同99一起住嗎?

咩都唔好理啦,有左bb,自己唔好理咁多,唔系咁多老人家睇得開,呢個事實你要接受呀,但另一方面,最重要系養好身體,你既情緒都影響bb,系真真真的!

d人好煩既,人地有左結婚,系有d說話聽.....不過.....其實好快好忘記了,我地d親戚,好多呢d新抱仔啦,我又唔覺系d咩,系又點呢?人地仔大女大啦,不知幾開心,自己接受左,就冇野喇!

祝bb健康快樂,喂,人地唔保比你,自己煮or叫媽咪保啦,x氣d呀!

happy wedding ^^

私人傳訊

masiemacy

大宅

積分: 2332

4^#

發表於 11-2-18 18:37 |只看該作者

回覆 2# kari_mama 的文章

佢就緊係聽哂佢呀媽講啦,如果唔係佢都唔會同我講希望酒席係男家要返.我mummy話我個奶奶好似驚死我地侯佢d錢咁.我真係好想講如果我要為錢結婚我一定唔會嫁俾佢.佢識我咁耐淨係送過一個袋同埋一粒30份都唔知有冇既diamond ring俾我!我個袋用左2年用到爛哂都唔捨得買,仲用左個爛袋5個月,不停有人送名牌袋俾我我都冇拎黎用,就係因為我唔會用其他男仔送俾我既野!直到我真係頂唔順買左個袋,搞左一大輛佢先話俾返錢我.如果我要為左錢同人結婚有大把好選擇,一定唔會揀d咁孤寒既人囉.我mummy話就算我嫁窮人,只要個男人對我好就ok.我都覺得係咁!

私人傳訊

bbman1128

別墅

積分: 563

5^#

發表於 11-2-18 18:39 |只看該作者

到最後你奶奶有冇比禮金你ar?

你而家有左BB, 唔好成日唔開心, 咁對你同BB都唔好GA

BB係你既, 佢唔鍚BB, 唔煲湯你飲, 你可以叫你媽/自己煲
佢想BB親邊個多D, 你可以唔洗聽, 你而家咪由得佢講LOR, 反正BB係你既, 你要BB親邊個多D都唔會有問題

唔好諗咁多喇, 安心&開心D養胎la~~~

私人傳訊

masiemacy

大宅

積分: 2332

6^#

發表於 11-2-18 18:45 |只看該作者

唔會,我同我老公自己住
我就係知我自己情緒會影響bb,我都好想自己開心d,我不停同自己講係我自己唸多左,我要對佢個仔好d,對佢地1家好d,希望奶奶會明白我係真心對佢地好.我希望我自己可以向好果方面解決呢個問題而唔係一直令到自己唔開心

點知有一次同佢地一家人食飯,講開話我男友個家姐唔係對個個都咁好.我就話我覺得佢家姐好nice.點知奶奶就問我有冇做d咩討好左"家姐",令到女"家姐"成日對我咁好又買野俾我..我心唸係咪痴線架..我完全冇特登去討好任何人為左得到任何野囉,我只係正正常常咁同"家姐"相處.

經過呢次之後我都唔知自己應該點做好仲唸住對佢更加好一陣我好驚對佢更加好佢會以為我想要佢d乜野!

原帖由 nokia6300 於 11-2-18 18:23 發表
想問....你會同99一起住嗎?

咩都唔好理啦,有左bb,自己唔好理咁多,唔系咁多老人家睇得開,呢個事實你要接受呀,但另一方面,最重要系養好身體,你既情緒都影響bb,系真真真的!

d人好煩既,人地有左結婚,系有d說話聽..... ...

私人傳訊

kari_mama

禁止訪問

積分: 1211

7^#

發表於 11-2-18 20:24 |只看該作者

提示: 作者被禁止或刪除內容自動屏蔽

私人傳訊

nokia6300

大宅

積分: 2888

8^#

發表於 11-2-18 20:25 |只看該作者

唉!

唔洗唸太多喇,我experience過你呢個階段了,你真系當99系一個老人家便了,唔洗唸咁多要同老公一起對佢好,入屋叫下人,客氣一點,尊敬一點便是喇!你地岩岩先結婚,佢未咁快同你有感情仲的,仲可能怪你咁早搶左佢個仔呢!

好似,真系唔系太like你,你仲多說話同動作呢,會仲討佢厭的,真ka,就當以前拍拖時"auntie"咁lor,來日方長,仲有好多時間對佢好既

反而擔心系你老公,你99開始覺得冇左個仔,慢慢好多野煩啦,你同老公多一點商量,會好好多!

私人傳訊

nokia6300

大宅

積分: 2888

9^#

發表於 11-2-18 20:26 |只看該作者

做個開心靚媽啦,其他野,人大再多d經驗會知點做了!

私人傳訊

bb漢堡包

別墅

積分: 762

10^#

發表於 11-2-18 20:55 |只看該作者

其實你唔需要對d老人家做嘅事同講d乜敢上心,最重要係自己同bb同老公一家人開開心心生活就夠,有咗bb就最好當自己白痴,咩都唔好理,大肚大哂,唔好影響自己心情,會影響bb嘅心情,你條路有排行.

私人傳訊

worrytohavebaby

大宅

積分: 4245

畀面勳章

11^#

發表於 11-2-18 22:59 |只看該作者

其實我都有朋友係有左先結婚既...當然會有人係背後指指點點...但時間真係可以令人忘記, 甚致看到你個bb, 人地會替你開心!!真的! 唔好亂諗呀!!
致於你6299, 起碼見到你62都對你好呀! 只係佢地擺個款者, 6299係咁....不過好彩你地唔同住, 已經可以少左好多麻煩...
你當佢耳邊風啦!!!! 0的人好抵死, 你對佢好, 忍佢, 只會坐大佢, 佢越會蝦你....所以做番自己, 唔駛理佢係最好, 你家下有左, 其實係最大, 真的!!!!!! 你可以成日話唔舒服...佢冇你符!!! 仲有.....你有不滿應該講出來, 唔好擺係心, 擺得耐左, 個人會好down, 反而有咩趁早講, 個心又舒服, 佢地又知..仲好!!! 0的人係咁, 有錢就越姑寒, 我6299都係咁!! 最重要係你老公鍚你, 對你好...果個始終係佢地個孫.....你唔駛理咁多架....自己身體最重要!!

ಇღ We LOVE U, My Rabbit Baby ღಇ

私人傳訊

wcpcelia

雲母殿

積分: 1367084

虎到金來勳章 2018父親節勳章 2018母親節勳章 2018復活節勳章開心吸收勳章最關心BB問題熱投勳章認識瑞士牛牛第二回認識瑞士牛牛第一回育兒性格勳章我的育兒心得勳章想生BB熱投 DHA勳章好媽媽勳章醒目開學勳章畀面勳章 wyeth冷知識勳章貢獻勳章環保接龍勳章親子達人勳章 hashtag影視迷勳章 15週年勳章親子王國15週年勳章

12^#

發表於 11-2-19 06:46 |只看該作者

我同意...
你依家的情緒,會影响埋BB...有D野,真係唔好咁介意...一切等BB出世再算...
至於去邊度買衫之類的問題,個人真係覺得: 只要人靚,著咩都好睇...
所以我根本唔會介意(我唔係靚女,但真係唔想為呢D事而唔開心,唯一方法就係盡量看開一點)

原帖由 kari_mama 於 11-2-18 20:24 發表
睇你張相,應該仲好細個bor~
我諗你第一步係要令自己唔好咁介意,take care好自己同bb先,安胎都好緊要架。我之前就係唔太小心,小產左。
之後要做既野就係唔好因為99而影響二弓5兩公婆的感情。無論點都好,都要好好同老 ...

私人傳訊

sandy1425

珍珠宮

積分: 41032

好媽媽勳章大廚勳章

13^#

發表於 11-2-19 09:53 |只看該作者

原帖由 masiemacy 於 11-2-18 18:37 發表
不停有人送名牌袋俾我我都冇拎黎用,就係因為我唔會用其他男仔送俾我既野

甘你又收???

私人傳訊

dbbp

男爵府

積分: 8888

14^#

發表於 11-2-19 13:16 |只看該作者

1. 男家屋企有2個工人唔代表一定要煲湯俾你
2. 奶奶想個孫親自己多啲好正常，正如你都想BB親婆婆多啲，大家都係“想”。
3. 真啲老人家真係未必鍾意新抱大住肚入門，呢樣只好怪你同男友唔做足安全措施。
4. 擺酒錢邊個出？你兩個俾定奶奶俾？如果前者你就無需要理佢，女家禮自己收，後者的話，佢企硬唔俾你都無Say，唯有自己拎出黎等媽咪開心。
5. 名牌袋有咩咁重要？我老公拍拖時從無送過貴過一千蚊禮物俾我，食飯更無超過五百蚊，但婚後佢俾左層樓我，負責晒所有開支，附屬卡俾我用，呢啲先係好男人。
6. 奶奶驚你吼住男家的錢，你就更加唔好受男家的恩惠，反而付出多啲，令佢哋尊重自己。
7. 乜都唔好諗，專心安胎！

私人傳訊

奀b豬媽咪

男爵府

積分: 6086

好媽媽勳章

15^#

發表於 11-2-19 14:48 |只看該作者

樓主,有D老人家真係唔鍾意D仔女大住肚先結婚,可能佢一時間未接受得到,所以先係咁~
其實你奶奶關唔關心你,緊唔緊張你都唔重要,最重要係你老公關心緊張你就可以,你奶奶有兩工人都唔等於佢要煲湯水比你~
你比錢你媽咪攪過大禮d野,佢咪唔會洗咁多錢(其實我唔係好明,點解會係你媽咪洗左好多錢,唔係你地兩公婆)
如果你覺得金都d野又cheap又核特,你地可以去tst睇下(我都覺得tst會靚d,但係一份錢一份貨,我個時租一件婚紗都要5千幾,乜都唔包),但係上頭d野我個人覺得係金都買又冇問題~
專心養胎,生左肥肥白白既bb,一家開開心心好過你日日係度喊,你日日喊會影響bb,對bb唔好~
提外話:你話有男仔不停送名牌袋比你,但係你話你對你老公好專一,者係唔會同個d男仔一齊,點解你都會收?

[ 本帖最後由奀b豬媽咪於 11-2-19 14:49 編輯 ]

奀b仔9月16日出世啦~