吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 人奶媽係咪會無晒私人時間

母乳餵哺今日: 0|主題: 85707

收藏本版

回覆發帖

返回列表

跳至頁

查看: 1103 | 回覆: 17

人奶媽係咪會無晒私人時間 [複製鏈接]

baby0246

大宅

積分: 1791

1^#

發表於 11-2-19 03:05 |只看該作者 |倒序瀏覽 |打印

埋身餵已經有一個半月, 因為屋企無人幫手湊B, 而阿B又只得個半月, 所以除左新年去拜年之外, 我基本上都無出過街, 而家覺得自己同出面脫晒節, 曾經試想同朋友去成日街 (真係由朝到晚), c6就話: 唔好比阿B食成日奶粉, 自己餵奶, 唔好去街啦!

突然覺得自己真係一D私人時間都無, 每日c6返左工就只得自己一個對住阿B, 成日驚自己唔夠奶比佢, 壓力好大,同個世界脫晒節, 連朋友都無埋, 好唔開心, 好灰呀! 我可以點做呀?? 係唔係個個人奶媽都係咁架??

[ 本帖最後由 baby0246 於 11-2-19 03:10 編輯 ]

0 0 0

私人傳訊回覆引用

cpui_shan

大宅

積分: 2833

好媽媽勳章 BK Milk勳章

2^#

發表於 11-2-19 03:25 |只看該作者

我成日帶亞女周圍去架!係埋身食,仲好啦!咩都唔駛帶只係要尿片同巾一條(for餵奶用)就已經ok啦...!

你希望別人怎樣待你,你也要怎樣待人(太7:12)

私人傳訊回覆引用

kay_szeto

複式洋房

積分: 347

3^#

發表於 11-2-19 03:39 |只看該作者

我初初都係咁嫁,基本上都冇咩出街,最多都係落樓下行2個圈,同食飯.你比我好呀,我B唔食奶粉嫁,我連離開佢多過4個鍾都唔得.
不過BB有2-3個月個陣就好D喇,3個鍾食一次,可以帶埋佢一齊去街,其間都只需要餵一次
食人奶係好方便嫁,咩都唔洗帶,尿片,同巾,濕巾,而家出親街都要帶粥,食具,水,口水肩,巾仔,尿片,鬼死咁重,反而而家我唔想同佢出街

私人傳訊回覆引用

cheungyimiu

別墅

積分: 915

4^#

發表於 11-2-19 04:10 |只看該作者

我以前都係咁呀，日日都好似覺得渡日如年咁，我c6都係日日返工，毎日都係我自己一個人湊，仲覺得日日好似困係屋企咁，好慘，所以開頭真係完全唔會自己一個人帶阿b出街，搞到自己好down，不過依架阿b大個咗，而且自己都習慣咗，所以唔再怕自己一個人帶阿b出街，仲好enjoy帶阿b出街，因為阿b好鍾意周圍望野，仲鬼咁開心添:)

私人傳訊回覆引用

StacySo

禁止訪問

積分: 6487

趣教勳章畀面勳章

5^#

發表於 11-2-19 08:54 |只看該作者

提示: 作者被禁止或刪除內容自動屏蔽

私人傳訊回覆引用

bosch

瑪瑙宮

積分: 128521

2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

6^#

發表於 11-2-19 10:52 |只看該作者

事在人為o者, 唔駛諗到咁灰.

我個b未滿月時, 我就同佢去旅行, 渣車去隔離個國家玩幾日, 果陣我仲係全人奶同埋身餵. 4 個月又出去玩左幾日. 如果出街夠膽埋身餵, 真係好方便.

到你個bb 大少少, 唔駛餵咁密, 你咪可以出街囉. 就算係而家佢要2-3個鐘食一次, 你都可以同bb 去公園. 唔好話怕凍, 我住呢度而家得幾度, d 人都照帶初生bb 出去買送同行公園, 最緊要係唔大風, 同埋要幫bb 同自己著好衫, 戴番頂帽, 如果bb 車冇雙向就用兩come 遮住bb 車.

你唔夠膽出街埋身餵, 又唔怕用奶樽, 可以餵泵奶. 我個大仔果陣係咁, 有時咪用奶粉, 咁我可以同朋友出一個下晝街.

做ftm 真係會冇私人時間, 你仲係適應期, 慢慢黎啦. 遲d bb 食得冇咁密, 而你又仲係埋身餵既話, 到時唔駛洗奶樽, 多左私人時間. 我而家變左9成係奶粉, 半夜至黎洗奶樽...

夠唔夠奶方面, 順其自然啦, 夠咪餵, 唔夠咪補, 好簡單, 唔駛俾壓力俾自己.

私人傳訊回覆引用

蔡小桃

別墅

積分: 849

7^#

發表於 11-2-19 11:40 |只看該作者

係呀,其實埋身餵真係方便好多.
帶條巾就可以出街!
如果要PUMP出黎餵,仲要諗方法坐暖佢.
我一坐完月就已經帶亞B去過幾次街.
唔駛擔心,只要你帶多幾次就覺得方便架啦!!不過,當然,去好旺既地方就會避免,e.g. MK,TST,CWB

私人傳訊回覆引用

duceduce

大宅

積分: 2201

8^#

發表於 11-2-19 12:19 |只看該作者

原帖由 baby0246 於 11-2-19 03:05 發表
埋身餵已經有一個半月, 因為屋企無人幫手湊B, 而阿B又只得個半月, 所以除左新年去拜年之外, 我基本上都無出過街, 而家覺得自己同出面脫晒節, 曾經試想同朋友去成日街 (真係由朝到晚), c6就話: 唔好比阿B食成日奶粉, ...

其實做得阿媽都預左無私人時間ga la... 我都無ga.. 頭一個月餵人奶個個鐘要食...我仲要住奶奶屋企坐月呀.. 朋友都唔敢黎睇我.. 我自己阿媽都無黎多過10次.. 過左個幾月先出返自己屋企.. 有恍如隔世既感覺呀..

而家兩個幾月..我唔理啦.. 執袋野就抱個仔走..去姨媽姑姐屋企坐下..有飯食又有一大推人搶住抱阿B...

不過我知我老公唔鐘意.. 但係佢返左工 .. haha

私人傳訊回覆引用

Cassidy

男爵府

積分: 6026

9^#

發表於 11-2-19 23:29 |只看該作者

我BB宜家3個星期多dd大, 我係佢第2個星期多dd時已經pump出黎餵喇, 因為真係無得訓咁滯, 又唔知佢食左幾多同埋下一餐又係幾時~ pump出黎另一個好處係老公幫下手餵下奶嘛~!!!

我諗唔只餵人奶, 係湊bb都係會好似無晒自由咁!! 所以我轉左不停msn同online shopping (已經買左好多野喇, 仲方便d 送到黎屋企wor~)

而想出街又唔想咁快返屋企...我同老公都幾衰ka~ 我地一出街就會餵佢食奶粉!! 因為一餵就隔成4個鐘先再食嘛!! 最初同老公都覺得咁樣對bb好衰, 但相隔成4個鐘先食...真係好吸引啊~

但都想人奶同奶粉可以兩樣bb都肯食就最好喇!!!

[ 本帖最後由 Cassidy 於 11-2-19 23:33 編輯 ]