國家地區媽媽會 今日: 1 | 主題: 20260

積分: 284

1^#

發表於 11-3-5 13:23 |只看該作者 |倒序瀏覽 |打印

各位NZ媽媽，你們好！
我是一個準備帶未滿一歲的兒子去NZ的媽媽，由於在那裡無親無故，並且對NZ瞭解甚少，所以特來請教各位媽咪一下關於居住的問題，作為參考。請問：
你們當時或者現在計劃移民時都是選擇紐西蘭那個城市居住的？
你們都是選擇什麽類型的房屋居住呢，例如UNIT,HOUSE,APARTMENT等？
在你們瞭解當中，哪個城市或者哪個地區比較適合小朋友生活呢？
多謝各位MAMA閱讀及留言。

0 0 0

私人傳訊

積分: 10897

好媽媽勳章醒目開學勳章

2^#

發表於 11-3-7 10:12 |只看該作者

原帖由卓施於 11-3-5 13:23 發表
各位NZ媽媽，你們好！
我是一個準備帶未滿一歲的兒子去NZ的媽媽，由於在那裡無親無故，並且對NZ瞭解甚少，所以特來請教各位媽咪一下關於居住的問題，作為參考。請問：
你們當時或者現在計劃移民時都是選擇紐西蘭那個城市居住的？
你 ...

卓施,
無論你住紐西蘭邊度, 都適合小朋友生活.
至於選住邊個城市或者邊區, 好睇你地要去邊度番工.
好多人首先都會住在奧克蘭, 之後找到工作後再決定住邊.
房屋的類型, APARTMENT就似HK的住宅, HOUSE就自己一塊地一間屋, UNIT就同其他人share一塊地.
如果你係打算買的, 最好緊係house. 如果你係租, 就睇你想唔想要花園.

私人傳訊

積分: 284

3^#

發表於 11-3-7 20:18 |只看該作者

Qbear，多謝你的建議。其實我打算去NZ奧克蘭住，應該會選擇UNIT，因為HOUSE對我兩個人可能大了點，加上我也不太會管理自己的花園。
只是我聽說，奧克蘭也有些治安好點的地區和一些環境不夠完善的社區，由於只有我一個女人帶著孩子在異鄉，所以就想瞭解下。
再次謝謝你。

私人傳訊

積分: 10897

好媽媽勳章醒目開學勳章

4^#

發表於 11-3-8 07:49 |只看該作者

原帖由卓施於 11-3-7 20:18 發表
Qbear，多謝你的建議。其實我打算去NZ奧克蘭住，應該會選擇UNIT，因為HOUSE對我兩個人可能大了點，加上我也不太會管理自己的花園。
只是我聽說，奧克蘭也有些治安好點的地區和一些環境不夠完善的社區，由於只有我一個女人帶著孩 ...

唔知你有冇車牌呢? 如果要出入方便, 住city會比較好.
如果你想住番D華人較多的地方, 可選東區或者北區.

中區- Epsom係名校區, D屋比較舊.
北區- Albany 比較多華人住.
東區- Botany, Howick 買野/食野方便, Bucklands Beach 出入都要揸車, 不過有間出名高中.

其實小朋友咁細, 未必需要住名校區, 你可以睇吓自己多數在邊度出入先, 住耐咗再選校區, 因為每區都有好學校.
我初來時是住在南區, 交通方便, 但係學校唔好. 阿囡出年要上小學, 所以就搬去東區. 好多早期移民嚟的香港人都會在東區落腳, 所以依度食野買野都好方便, 出街成日都聽到人講廣東話, 睇醫生/去銀行都唔洗講英文. 不過出city好耐, 揸車起碼要45分鐘.

btw, 你係點申請移民架? 是否thu agent? 點解只得你同阿囝? 咁你打算幾時來? 打算找工作or full time mammy?
唔好介意我咁多問題.

[ 本帖最後由 Qbear 於 11-3-8 08:19 編輯 ]

私人傳訊

積分: 284

5^#

發表於 11-3-8 18:42 |只看該作者

你好，QBEAR，我現在沒有車牌，打算去到紐西蘭再考車牌。
我系通過家屬類移民去紐西蘭，因為我沒有通過中介搞，一直都是自己弄，因為英語一般，所以之前沒有弄清楚具體需要的資料，所以延遲了許多，如無意外，下一年年中去應該沒有問題。
其實我先生有NZ身份，不過他長期系香港工作也不太熟悉NZ，而我爲了兒子的教育，才決定移民去NZ。
目前估計，初去到應該都系自己全職湊仔，如果可以搵間全日的幼稚園，咁我就可以出來做份PARTTIME或者繼續讀書。
關於選擇居住地區，我們都會選擇奧克蘭，至於東南西北哪裡好，還待去到看看具體先可以決定，由於移民都系爲了兒子的成長及教育，所以都會選擇有足夠英語環境的地方，不一定要住系多華人的地方。
這個都是理想情況下的計劃而已，實際如何做都要等VISA批了先。
我的朋友都話我太急太憂心了，但系因為英語不夠好，現在還在努力補習英語，所以要參考多點人的意見，慢慢計劃，以備不時之需。多謝你的回覆：D

私人傳訊

積分: 10897

好媽媽勳章醒目開學勳章

6^#

發表於 11-3-9 06:03 |只看該作者

其實你都唔算心急, 我過嚟之前兩年就已經開始準備, 話晒都人生路不熟.
我來定居之前來過兩次旅行, 都一樣攪唔清楚東南西北, 係過到嚟再周圍去睇屋先開始熟.

我之前都好似你咁諗, 最好住D華人較少的地方, 可以等小朋友學好英文. 但係住耐咗就唔係咁諗.
小朋友好得意架, 我發覺佢地只會同自己差不多樣的小朋友玩. 之前住嗰度冇乜華人, 阿囡在學校冇朋友, 轉咗新學校就有多咗人同佢玩.
另外就係我地一家人的飲食習慣未改到, 每次想煮/食番D香港食慣的野, 都會專登揸半小時車去東區, 所以最後決定搬去東區住.
至於小朋友學英文, 佢地番咗學就自然會識, 我個囡而家識英文多過中文.

你未有車牌, 你有冇諗過考咗先過嚟呢?
在這裡出入冇車真係好唔方便, 尤其你自己一個帶小朋友.

私人傳訊

積分: 284

7^#

發表於 11-3-9 11:57 |只看該作者

哈哈，原來小朋友都會搞小圈子。你說得對，有時好多事情都不是自己怎麼想就可以那樣地去發展的。
車牌的問題，我都一直都好頭痕。請問系咪即使原先有車牌，去到NZ要揸車的話，都要重新考多一次？？

私人傳訊