吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 我隔山買牛,買咗0固有"瘋牛症"0既返香港 ...

論盡家傭今日: 10|主題: 133718

收藏本版

發帖

返回列表

跳至頁

查看: 1778 | 回覆: 13

我隔山買牛,買咗0固有"瘋牛症"0既返香港 [複製鏈接]

OMA媽咪

洋房

積分: 521

1^#

發表於 05-7-30 11:56 |只看該作者

我隔山買牛,買咗0固有"瘋牛症"0既返香港

大家好 ! 我係三個月前隔山買牛,由印尼請一個女仔到香港做嘢.一個半月0黎到我屋企.係7月25日夜晚,我放工返屋企.工人話要返印尼啦.因為係我屋企一個月,每日都唔開心.所以要即刻走.仲整理好行李.急到佢已經拎到門口.

因為事發突然,而且0固女仔做嘢好好.好企利.個人衛生好好,無体味.照顧小朋友又細心.我對佢真係好滿意.以為,呢一次,我終於請到我心目中0既女仔.

當時0固印尼妹0既反應怪怪地,我安撫佢叫佢坐低慢慢同太太講.佢話,佢一日都係做嘢.需要返印尼休息.因為佢只得0黎咗香港一個月.所以,我以為佢係思鄉病.

跟住,夜晚8點半左右,我打咗0固電話俾agent. agent話原0黎佢一個星期前打過電話俾顧佣公司.話係我屋企食唔飽.面包唔夠食,飯唔夠食.好唔開心.跟住未講完,就收線啦.就冇再打過電話俾agent.

係7月25日夜晚,我同呢個女仔傾解到朝早2點.原來,事情0既發生,就好似一場戲.

印尼工人入到學校之后,遇到一場好嚴重0既交通意外.盆骨需要固定,唔可以行路.下身流咗好多血.當時好多人望住佢,因為佢未結婚,突然之前俾咁多人望住,就嚇到暈咗啦.醒返之后,係醫院.已經俾醫生固定咗係病床.一固定就係兩個幾星期.佢已經唔想0黎香港啦.但係學校來電話,話佢visa批咗啦.要即刻返學校學廣東話同煮飯.但係當時佢仲係唔行得路.學校話唔得,一定要返去,佢就係一d準備都無0既情況之下,0黎咗香港啦.

我同佢傾解時,佢一路同我講對唔住.仲喊. 佢話,"真係對唔住你,太太,我都知你就黎生bb啦. 但係,我成日諗住交通意外0既事.係你屋企一個幾月,冇瞓覺.成日驚你會"0勞"我." 我問佢有咩打算,佢話想返印尼. 我問佢:"點解你頭先對太太咁惡呀? 搞到太太好驚." 佢話, 佢控制唔到自己.要broken. 想爬到高處,跳落黎.

當時,我見佢情緒已經穩定,就安撫咗佢,叫佢瞓覺啦.第二日朝早,見佢又正常返,前一晚0既瞪大眼,要返印尼0既樣已經冇咗.我就帶埋大仔返工. 而老公都由內地返0黎香港睇住屋企啦.

7月27日,agent休息. 7月28日,我"tum"工人去顧佣公司度等我.係顧佣公司度,佢開始語無論次. 一時話要返印尼.一時話太太好好,唔走啦. 但係一時又話我係屋企有"0勞"佢. 而agent問佢,太太點樣"0勞". 佢又話, 太太冇"0勞"佢. 佢仲話想同我做好朋友.

最尾,我買咗張機票係7/30下午2:00飛機.送佢返印尼啦. 0固間印尼學校真係好唔負責任. 一個0黎唔到香港0既女佣,都俾佢逼0黎啦. 我有呢一間印尼學校0既名. 因為我係公司. 所以,等我返屋企攞到資料之后,會係呢度貼出來, 話俾大家知. 事關香港外佣法例係保障工人, 所以,我都冇辦法追究. 唯有又係我唔好彩.

一年零八個月,我已經換咗3個工人啦. 依家,就0黎癲0既係我.呢一年幾0既時間,我冇坐過飛機,但係我買咗3張機票俾印尼妹.唉!

私人傳訊

maxims

大宅

積分: 2707

2^#

發表於 05-7-30 12:18 |只看該作者

Re: 我隔山買牛,買咗0固有"瘋牛症"0既返香港

OMA媽咪,

想問你有無證實過佢講既野呀?

MAXIMS

私人傳訊

andrewbaba

複式洋房

積分: 457

3^#

發表於 05-7-30 14:40 |只看該作者

Re: 我隔山買牛,買咗0固有"瘋牛症"0既返香港

個工人可能無發生過交通意外，而係精神有問題，e.g.妄想症 or 精神分裂。

私人傳訊

OMA媽咪

洋房

積分: 521

4^#

發表於 05-7-30 15:54 |只看該作者

Re: 我隔山買牛,買咗0固有"瘋牛症"0既返香港

你好!maxims, agent有証實過佢係印尼有出過咁嚴重0既交通意外.但係話佢,好番之后先0黎0架. 而0個工人同我講,就係,佢都未好番.媽媽都唔俾佢再出去做嘢啦. 講真,我依家信工人多d. 如果唔係星期一夜晚,我發覺得佢有精神問題,一個月零4日0既時間,又冇覺得佢有咩唔妥.

我係前晚幫佢收拾行李0既時候,揾到幾張佢係印尼影0既相.係2個月前影,佢有158厘米咁高,當時起碼130磅.我去顧佣公司接佢0固時.佢至多95磅.好苗條0架.

我都覺得佢有妄想症. 因為顧佣公司有同我同工人當面講嘢.問佢點樣食唔飽,唔夠食. 我工人又話, 佢食飽啦.

私人傳訊

maxims

大宅

積分: 2707

5^#

發表於 05-7-30 20:30 |只看該作者

Re: 我隔山買牛,買咗0固有"瘋牛症"0既返香港

OMA媽咪,

既然你信你個工人,咁先從心理輔導開始試吓慢慢教啦,佢咁純,教得好既可以幫你做多幾年.

私人傳訊

PINKAVA

男爵府

積分: 7534

6^#

發表於 05-7-30 21:57 |只看該作者

Re: 我隔山買牛,買咗0固有"瘋牛症"0既返香港

OMA媽咪

呢個工人想走, 你都無佢符, 好過佢死起你屋企仲大獲。

其實你年幾換3個工人係咩原因? 我、我好多朋友既工人都可以用2個約以上, 會唔會你無比時間自己及工人適應? or 你既agent d妹質數差?

我初初用工人都勞氣架, 但溝通多d, 唔明講到明(加埋畫公仔), 或者叫朋友工人翻譯, 會好好多架。

祝你下個工人聽教聽話。

私人傳訊

ellislui

男爵府

積分: 6071

7^#

發表於 05-7-30 22:30 |只看該作者

Re: 我隔山買牛,買咗0固有"瘋牛症"0既返香港

會唔會試

私人傳訊

psmama

別墅

積分: 817

8^#

發表於 05-7-31 00:35 |只看該作者

Re: 我隔山買牛,買咗0固有"瘋牛症"0既返香港

OMA,
my sister-in-law's maid also seems to have mental problem. Always don't know what she's doing. It's better to let her to go home otherwise if she get mental attack in your home, then it's very dangerous.

私人傳訊

MilkMilk121

別墅

積分: 922

9^#

發表於 05-7-31 13:13 |只看該作者

Re: 我隔山買牛,買咗0固有"瘋牛症"0既返香港

我都試過一年換2個印妹,其中一個仲詐傻,我初初仲意為佢鬼上身,嚇到我死,但我發現佢地專登詐傻,迫僱主炒佢.
有時係佢地d friend教佢,我足足請過4個印妹,對佢地都"知佢o寵野",經一事長一智.總之對佢地唔需太好,只是比佢應得.
一句講哂!.反轉朱肚就係糞

私人傳訊

Addfish

子爵府

積分: 10397

10^#

發表於 05-7-31 13:31 |只看該作者

Re: 我隔山買牛,買咗0固有"瘋牛症"0既返香港

OMA媽咪,
你用邊間agent 架? 等你d 資料呀

你以家再唔再請工人呀?
希望你快d 請到個好工人啦...
good luck!

私人傳訊

OMA媽咪

洋房

積分: 521

11^#

發表於 05-7-31 19:17 |只看該作者

Re: 我隔山買牛,買咗0固有"瘋牛症"0既返香港

哈囉!大家好 ! 今日我係元朗行晒兩間顧佣公司.去揾工人.講真,請工人真係講運氣.我呢一年幾就當係當黑嘍.

係呢度,我有講過我第一個印尼工人0既嘢.偷錢,睇色情雜誌.我唔係屋企唔做嘢.借財務.

第二任工人.聽話啦.偷我0固仔0既豬仔儲錢罐入面幾十蚊.仲要啱啱0黎咗我屋企一個幾月. 講真呀,當時我都冇諗住換佢.我認住,收起d錢,睇吓佢點偷.工人唔係自己屋企0既人,點樣先係老實呀?!但係,我所有朋友都講,偷錢係絶對唔可以原諒0既.

跟住,第三任工人0黎咗啦.呢個工人仲提供俾我佢新加坡顧主0既電話. 我都有打去新加坡去問. 佢前顧主對佢評價真係好好. 而第三任工人黎到我屋企,表現都好,凈係有d小問題. 我講吓就即時改啦. 真係估唔到佢黎我屋企前,受咗刺激. 而印尼學校又逼佢黎做嘢.

請菲律賓工人,我地有諗過.但係冇一間信得過0既顧佣公司.我唔敢請啦. 我驚菲律賓工人會比較難handle. 因為,我呢個小家庭. 平時得我同4歲仔仔同妹妹同一只老貓, 我老公係惠州返工.忙到飛起.如果,真係請到一個獨立,負責任0既菲佣. 我咁係願意啦.

其實,我有一間朋友介紹0既顧佣公司.因為係朋友介紹開,我驚有咩麻煩.得罪人.一路都冇幫親佢.

今日,就去咗揾工人啦.我前幾日將我0既情形話俾佢聽. 今日係視像電話見咗一個有3年新加坡經驗0既女仔. 但係佢得24歲.未結婚.未有照顧初生bb0既經驗.但係,顧佣公司有應承我會專門用香港照顧bb0既方法去train佢.

另外一間顧佣公司就係,呢度媽媽介紹過一間元朗尚亞顧佣.咁啱得咁巧.我地去到0既時候.一對同我差唔多年紀0既兩公婆帶埋女女係度炒緊第二任工人.又係一d唔聽話0既問題.

我攞咗幾個印尼妹0既資料,就返黎啦. 我已經做好準備,慢慢請.唔急啦.急,請唔到啱0既人.依家我想覺覺豬嘍. 0固腦真係好攰呀.

私人傳訊

Ma...Mi

別墅

積分: 694

12^#

發表於 05-7-31 23:25 |只看該作者

Re: 我隔山買牛,買咗0固有"瘋牛症"0既返香港

my phillipines maid is quite good!
So...I think...perhaps...you can pick some maid in early 30s, got their own kids (must over 6 to 7 years old so that she will not miss her kids too much)

私人傳訊

MilkMilk121

別墅

積分: 922

13^#

發表於 05-7-31 23:34 |只看該作者

Re: 我隔山買牛,買咗0固有"瘋牛症"0既返香港

請工人多數睇彩數，好似人夾人緣．ａｇｅｎｔ既質數都緊要，至緊要關頭搵到佢幫手，咪好似保險ａｇｅｎｔ咁．
我６年來用過４個工人，全部印印，因為我老公話賓古惑．
除了秘第一個用了４年，之後就一個用了３個月，一個用了７個月，最好就是宜家這個，人品和煮飯ｏ．ｋ．佢都差不多一年，少錯係有，但唔駁咀個下好．
第３個工人係我兩公婆的兇惡夢，簡直係貼＄買難受，唸起都怕怕，唔知大家有冇睇林燕妮單新聞，比個賓妹偷成百萬野，我都登佢唔值，冇辨法香港法律只係圍護工人，僱主始終係唔扺，送走瘟神仲要倍機票同＄＄，＄事小，心靈壓力事大，又怕佢唔知攪ｄ咩比我食．
請好工人等於中六合彩