大仔大女媽媽會

收藏本版
發帖
返回列表
跳至頁

首頁
1

尾頁
   0
wongsara


複式洋房

積分: 442


1#
發表於 11-3-15 10:44 |只看該作者
8/3
晚上六點半去廁所有血絲, 但極少量, 還未開始緊張, 到七點半再去廁所, 甚麼都沒有, 以為中空寶, 到八點幾, 突然覺得有D野流出黎, 即刻去廁所, 見到只係普通既分泌, 還未意識到D咩, 但係到八點半, 再覺得有野流出黎, 而且好似賴尿咁, 我就即刻意識到係穿水, 於是即刻打電話俾老公, 好彩佢已經差唔多返到屋企. 考慮咗一兩分鐘, 最後決定都係沖涼洗頭先出發, 於是老公即刻食飯, 我就準備好D野準備走人, 臨出門口大女拖住老公唔肯放手, 佢從來都未試過會唔捨得我地出街既, 可見佢都知道即將有D事會發生, 當然, 我已經講咗俾佢知媽咪要去醫院生BB喇, 但係佢咁細個又點會完全明白呢? 我都好唔捨得佢呀!

九點幾入到QE, B4即刻收症, 真係穿咗水, 但係完全冇陣痛, 子宮頸完全未開, 姑娘即刻俾我入產房, 係單人房, 我心唸, 真係好彩! 冇幾奈老公都入埋黎陪我, 但係我又唔係痛, 咩事都冇, 佢晌度陪我都好悶呀! 後來有姑娘幫我做準備, 隻手要種豆, 準備吊藥水, 點知隻右手插咗支針入去但係搞唔到, 因為條血管好幼, 於是姑娘要抽番支針出黎, 插左手, 真係痛到入心入肺, 佢仲要D手勢唔好, 支針頂住我手背, 超級慘呀! 不過要講到慘事, 真係好戲在後頭!

10:25PM第一次陣痛, 好似M痛咁, 每十五分鐘一次, 而且可以忍受, 一痛完十零秒我就可以抖一陣, 老公見住我痛都冇野可以做, 姑娘同我講, 我有兩個選擇, 一係等痛等自然生, 如果唔係就催生, 我選擇等多幾個鐘, 因為姑娘話穿水24小時內生都冇問題, 咁我唔想用藥, 於是就作出呢個決定, 就叫老公返屋企瞓吓先, 我就落大房等痛

到半夜點幾鐘, 俾另一個準媽媽嘈醒, 我唸佢真係好痛, 係咁晌度叫, 我唸係因為佢係大陸人既關係, D姑娘對佢都好唔客氣, 係咁鬧佢叫佢收聲, 最後推咗佢落產房我先有得瞓多一陣...

9/3
一直到朝早七點, 醫生同我講不如催生, 因為陣痛都只係七八分鐘一次, 唔夠密, 子宮頸亦都只係開咗一度, 冇辦法啦, 唯有聽醫生講催生, 我就即刻打電話叫老公黎, 仲叫佢食埋早餐先好黎

八點, 入到產房, 連早餐都未食, 心唸, 慘啦, 未食野邊度有力生呀! 好彩產房又係單人房, 我都安心D! 一入去就有四五個助產士晌度氹氹轉, 問我呢樣果樣, 又開電視俾我睇, 又同我傾計, 等我唔駛咁緊張, 但係個醫生一入黎情況就唔同晒, 口黑面黑, 我都驚咗佢!

老公黎到已經十點半, 當時D陣痛其實已經開始黎料, 但係仲忍得到, 免得過都唔想聞氣, 但後來開始頂唔順, 就開始要聞, 但其實兩次生BB既經驗話俾我知, 聞氣其實係止唔到痛既, 只不過係痛住果分零鐘冇野可以做到, 咁就係咁做呢個動作, 聞住氣咁解啫! 十一點, 姑娘話D痛未夠密, 要加藥, 加咗冇幾奈都未有反應, 咁老公就話要將架車泊返公司先, 就晌佢走前一刻, D藥就黎料,痛到我成個人彈起!

十二點半, 姑娘突然要我聞氧氣, 我就問姑娘咩事, 係咪BB有事, 姑娘就同我講 : 唔係, 想你舒服D啫! 咁我梗係信姑娘啦! 點知過咗冇幾分鐘, 就有一隊人操入黎, 總共係四個醫生+五個助產士, 嚇到我死, 我見佢地個個都好緊張, 冇人講野, 九個人一粒聲都唔出望住個電腦, 果一刻我就唸就算老公黎唔切都要快D生出黎, 佢睇唔到BB出世都算啦, 最緊要BB平安冇事! 好彩,等我再痛多一次之後, D醫生就鬆咗口氣, 直情係四個一齊透大氣, 然後又粒聲唔出咁走出產房, 後來我問姑娘咩事, 佢先同我講 : BB心跳有D慢, 所以請醫生黎睇吓, 依家冇事喇! 我心唸, 有"D"慢? 冇理由緊張成咁呀? 我唸當時情況都唔係咁樂觀, 唸返轉頭都仲係好驚呀!

係咁痛係咁痛, 終於痛到一兩分鐘痛一次, 開到七度, D姑娘打電話俾老公果陣竟然搵唔到, 因為佢個電話冇電! 激到我死呀! 我問姑娘可唔可以打止痛針, 佢話唔得, BB會有危險, 我估係因為BB之前心跳唔好, 咁冇計啦, 要死忍! 老公晌我生之前都入得切產房, 如果唔係我實嬲死佢! 佢入到黎之後就係咁叫我打開隻腳, 幫我拎住個呼吸器, 當我一痛佢就係咁同我講野, 但係其實真係弄巧反拙, 佢同我講野我就分心, 一分心就唔知點算好, 我係咁鬧佢叫佢收聲, 佢仲晌度笑我, 真係激到我死!

一點鐘左右, 我開始感覺到BB想出黎, D感覺同上一次生BB果陣好似, 我即刻叫老公叫姑娘入黎, 佢仲要慢慢行, 慢動作去搵個救命鐘, 我真係痛到就黎死喇! 當時已經開到八度, 姑娘話可以俾我試吓自己生喇, 初初用力簡直想死, 根本完全唔知應該點, 雖然上次都生過, 但係當你痛到冇晒理智既時候仲點會記得呢D野渦! 足足用咗二十分鐘力, 終於, 1:17PM, BB出世喇! 佢一出黎, 我仲緊張, 幾時喊呢? 我唸其實只係等咗兩三秒, 但係就好似等咗好奈咁, 一聽到佢喊, 我成個人就真係鬆晒喇!

生完BB, 就有紅十字會既姑娘入黎, 幫我抽臍帶血, 因為我同老公都想幫人, 捐臍帶血出黎可以幫到好多有需要既人架! 好搞笑, 搞完臍帶血仲有張證書添!

搞完臍帶血, 痛苦未完, 姑娘抱BB去清理, 助產士就繼續幫我推個胎盤出黎, 我仲記得上一次生果陣個胎盤好快就出咗黎, 乜事都冇, 但係今次就大鑊, 等咗成半個鐘都未出到, 仲要一直大出血, 老公唔講我都感覺到, D血係咁湧出黎, 姑娘同我講,如果再出唔到就要做手術, 我真係唔敢怠慢, 雖然佢同我講唔駛我用力, 但最後我都係幫幫手用力推出黎, 去到1:50胎盤先出到黎, 當時我真係超驚, 生得咁辛苦仲要做手術真係唔知點算囉!

胎盤出完, 都仲未完, 由於BB出世果陣冇剪, 佢出黎果陣隻手又KICK到我, 所以要聯針, 都唔知聯咗幾多針, 我估都有十幾針, 雖然已經打咗止痛針先開始, 但係都仍然係咁痛, 真係慘不忍睹呀! 老公仲一路睇住一路讚姑娘好手勢, 如果俾我睇住既話我唸我已經暈咗, 老公真係好鬼勁!

終於搞掂晒所有野, 好彩果日唔多BB出世, 我仲可以留晌產房休息吓, 姑娘幫BB清潔完就推番BB入黎, 我都未抱佢, 淨係離遠咁望我D眼淚已經忍唔住, 唔單止係開心咁簡單, 總之就係百般滋味在心頭啦, 我唸番起初初知道懷孕既心情, 再唸到條腰有幾痛, 作少產, 到生佢果陣既痛楚, 真係好多野突然間湧晒出黎, 我抱住BB, 見到佢成個粉紅色, 好健康既顏色, 心情就好番D, 開始識笑! 再睇多幾眼, 我就唸, 我真係好好彩, BB塊面好靚, 冇一躂躂, 可能真係同我生之前係咁食涼野有關! 老公幫我同BB影相, 我又幫佢兩個影, 到三點幾姑娘先推我落病房休息, 終於都完成咗成個過程喇!

各位媽媽, 努力呀!
私人傳訊

BRITTANY1


男爵府

積分: 9815


2#
發表於 11-3-15 11:15 |只看該作者
Congrats ah!!!
私人傳訊

wmeunice


別墅

積分: 578


3#
發表於 11-3-15 11:32 |只看該作者
恭喜晒, 睇到我都有D眼濕濕, 做媽媽真係偉大, 我都要加油!!
私人傳訊

anaBB


禁止發言

積分: 21629

醒目開學勳章 畀面勳章


4#
發表於 11-3-15 11:49 |只看該作者
提示: 作者被禁止或刪除 內容自動屏蔽
私人傳訊

maggy0126


複式洋房

積分: 359


5#
發表於 11-3-15 12:35 |只看該作者
你真係好偉大,睇到我眼濕濕,希望大家都生產順利,超速完成產程啦, 唔知我到時會唔會喊呢??
私人傳訊

xoxo0811


大宅

積分: 3410


6#
發表於 11-3-15 13:13 |只看該作者
恭喜晒呀~好感人啊!
私人傳訊

lyt_524011


大宅

積分: 1040


7#
發表於 11-3-15 14:30 |只看該作者
恭喜你喇，成個過程好緊張好感人。mama真系好偉大。而家我都期待緊果一刻0既到來！
私人傳訊

Dorothy4250


別墅

積分: 936


8#
發表於 11-3-15 14:35 |只看該作者
真係好偉大好感人丫，
希望各位媽咪都順順利利生個健康bb
私人傳訊

meowli


大宅

積分: 4348

好媽媽勳章 醒目開學勳章


9#
發表於 11-3-15 15:01 |只看該作者
多謝分享，紀住留返俾小b第時睇返，實好感動。
私人傳訊

jessiechen


子爵府

積分: 10328


10#
發表於 11-3-15 15:20 |只看該作者
多謝分享呀
雖然一路睇, 一路驚
但睇完又係眼濕濕...
希望到我生時一切順利
私人傳訊

wingwing_2020


複式洋房

積分: 420


11#
發表於 11-3-15 15:37 |只看該作者
我都睇到想cry~
希望到我生個時~都要順順利利~
最緊要係bb 健康~
私人傳訊

kamun


大宅

積分: 1515


12#
發表於 11-3-15 16:19 |只看該作者
好^.^ 多謝妳的分享.
睇到我都眼濕濕, 你真係好勁呀, 做媽媽真係好偉大同要好多的勇氣.

順 祝妳及家人都健康愉快.
^.^
私人傳訊

viann_655665


大宅

積分: 1511


13#
發表於 11-3-15 16:23 |只看該作者
恭喜晒你啊!~做媽媽真係好偉大!~我都睇到好緊張,仲好似自己生咁tim啊!~^^~你既分享真係對我地d未生得既媽媽黎講真係好好啊!~thx你啊!~^^~係呢我都想知你既預產期本身係幾號傢??因為我依家都成39w啦!~啊b都仲未有動靜,so我真係好擔心啊!~
私人傳訊

wongsara


複式洋房

積分: 442


14#
發表於 11-3-15 18:09 |只看該作者
我預產期十號, 八號穿水, 九號生咗

原帖由 viann_655665 於 11-3-15 16:23 發表
恭喜晒你啊!~做媽媽真係好偉大!~我都睇到好緊張,仲好似自己生咁tim啊!~^^~你既分享真係對我地d未生得既媽媽黎講真係好好啊!~thx你啊!~^^~係呢我都想知你既預產期本身係幾號傢??因為我依家都成39w啦!~啊b都仲未有動靜 ...
私人傳訊

lingobb


大宅

積分: 2132


15#
發表於 11-3-15 21:49 |只看該作者
好看TOUCHING,令我諗起生大囡嘅情形!
公喜你呀,好好休息!
私人傳訊

Mowchingching


大宅

積分: 1133


16#
發表於 11-3-15 22:01 |只看該作者
多謝你的分享，對我好有用，因為我都是在QE生，希望我都是住單人房啦，咁老公先可以陪產嘛！不過，我想問一下，順產的bb是不是可以直接抱俾媽咪餵人奶？
私人傳訊

wongsara


複式洋房

積分: 442


17#
發表於 11-3-16 10:05 |只看該作者
係呀, 順產可以晌產房開始試餵人奶架喇, 當然只係想刺激一下d乳線, 冇咁快有奶架
私人傳訊

katiec


別墅

積分: 684


18#
發表於 11-3-16 16:28 |只看該作者
恭喜哂呀！很感人，我都眼濕濕。我而家已經39wk幾，第一胎，好緊張呀！
私人傳訊

依媽媽


男爵府

積分: 5681

畀面勳章


19#
發表於 11-3-18 11:31 |只看該作者
好緊張.... 你的sharing好詳細... 我都睇到想喊啊....

我都係qe生, 你可以係獨立產房真係very good.. 我都希望我可以... 見到你形容果d痛... 我都係好驚.... ><"

我都覺得qe 的姑娘 & 助產士 都好好, 反而係d醫生就嚴肅d囉...

anyway, 好開心你都係順利生左bb出來... 祝你同bb都身體健康啊~
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見