原帖由 梓軒媽咪 於 11-3-24 00:56 發表
樓主 會唔會大提小做???
銀行係做錯!
不過問題係你62.你話佢唔識英文拆錯信.(唔理佢真係拆錯定有心)
就算一個老人家點唔識英文都會認得自己個名.
當佢真係唔識英文.正常都會問返d仔女先會拆信.
你男家對你唔會都係因 ...
原帖由 HY2007 於 11-3-23 23:39 發表
渣打銀行亂出追數信，嚇壞62，毀我清白，不肯道歉！
今月初，老爺交一封信給我，原來係渣打銀行追數信，指我欠佢地五百幾蚊卡數，如七日內不還錢，閣下將來信貸能力會受影響.....內容令人不安！
我取消每張信用卡前，必定先還清卡數既，到3月15號，我打電話去質問，職員太多，以下用英文字母代表︰
A︰你張卡欠款係年費黎既，而家張卡取消左，你冇欠我地錢...
我︰你地張卡係幾時收年費？
A︰2010年9月
我︰我習慣收年費前取消卡，你地係咪9月後至幫我取消？
A︰你係11月16日取消卡...
我︰下？冇理由！我起碼取消左年幾，肯定唔係2010年既事！
A︰咁你記唔記得點樣取消卡？黎分行？打電話？郵寄？
我︰咁耐我點記得？但我肯定唔係郵寄！
A︰一直冇收過你要求取消喎！
我︰冇收過？你地點做野架？XYZ...
A︰(推返之前所講)你過左9月仍然冇交年費，我地在11月16日同你取消卡...
我︰咁你之前又話我11月16日取消？而家好不幸被我62拆錯信，佢以為銀行追佢還錢，佢有血壓高唔激得，你知唔知你地幾乎攪出人命呀？
A︰唔好意思...
我︰一句唔好意思就得架咩？萬一我老爺有咩事，你地點賠呀？乜你地D信唔查清楚亂咁出？我要你地道歉！
A︰你等等....估計佢找高級職員接聽
根住俾左好多音樂我聽，我要湊仔唔得閒，收左佢線！
等到亞B午睡，我再打去…
B職員大概知咩事，但唔係好清楚，結果要我又講一次！
我︰點樣？剛才我等得太耐收左線，你地唔識打返電話黎咩？
B︰(講大話)我地有打來，你電話冇人聽！
我︰我冇落過街，點會冇人聽電話？
我︰(唔同佢抝)而家被你地害到我老爺差D出事，佢唔識睇英文名，將封信俾左佢個女睇，攪到男家個個都以為我欠你地錢唔還，我聲譽嚴重受損，如果我要爭你地錢，我就唔會爭五百幾咁少啦，點解唔爭你地五千幾？五萬幾才走路唔還？我要你地即刻出信道歉，我要攞你地封道歉信向佢地澄清！
B唔係咁想出信，我話要向銀行公會投訴、上網公告佢地既劣行、甚至告佢地誹謗，佢才肯出信…
B同我對地址，但我已搬左，要求佢地寄新地址
B︰寄唔到去新地址，要保護你個人資料，或你有冇FAX機？我地FAX過來…
我︰唔係下化？我呢度係住宅，有幾多住宅有FAX機？
B︰你有冇親戚朋友有FAX機？
我︰人地要返工架！唔通要人地幫我收FAX？被老細發現炒埋，我點賠返份工俾人？
B︰你樓下有冇7-11？
我︰有！要收錢，你地唔係要我貼錢下化？
B︰你而家住邊區？
我答左。
B︰我地冇分行在你住果區喎！我地將封信SEND去XX區或XX區，你再去分行攞啦！
我︰嘩！你唔係下化？你地攪到我咁麻煩(指追數信)，仲好意思要我走到咁遠攞信？第一我湊住個仔唔方便去咁遠，第二，車錢時間邊個俾？你俾返我？你地咁大間銀行，我呢度居然一間分行都冇，洗唔洗我去埋平機會投訴你地歧視我呢區居民？
B窒一窒…
我︰你地一定要寄去我新地址，你地封追數信夠有我個人資料啦！點解唔可以寄新地址？
B好似話唔到事，電話又有音樂聽…
到C接聽喇，佢又唔知咩事，我又要再講一次，佢表示可以安排寄新地址，但係要耐少少，我話冇問題，我又突然醒起追數信有中英文...
我︰你地封道歉信有冇中文架？
C︰只得英文！
我︰下？我都講明封信係俾我老爺睇，你地有乜理由用英文？佢以為係律師信咁點算？
C叫我同62解釋...
我︰佢都唔識英文，佢覺得我講乜都得啦！你唔係要我查字典化？你地蝦我讀書少？
C再答應用中文出信，時間再耐少少...
我︰咁要幾耐？
C︰(拍晒心口既語氣)封信最遲3月24日前收到！
佢仲俾埋一切搵到佢既資料，我講明如果收唔到，會去銀行公會投訴佢地，又會上網勸網友小心佢地亂出信，再入稟告埋佢地誹謗罪！
好喇！今日已經23號，封信影都冇，唯有先上網，明日一早再搵銀行公會傾下！
(多謝各位收睇，順便請小心呢間銀行，如需取消信用卡，請記低用咩方法，幾時取消等，以便被人屈)
發表於 
你好有恆心呀! "林"zzz前都要比個
你
返回列表
