其實理財要從小朋友開始，我們就討論一下，在小朋友成長過程中，怎樣令他們知道 "儲蓄的重要”，把錢 "用得其所”，父母怎樣 “賺錢辛勞”，怎樣才 “ 積少成多”！
在開始討論我教仔理財，先講一下我老父怎樣教小弟……
我家父是生意人，從少就掛在口邊 ”想要？就用自己勞力去買！”，你們會問：甘細，怎樣去賺錢，老父從少就比好多機會我賺錢，如把家油漆，同佢做暑期工，裝冷氣機............
我從小第一次用錢，到今天我從未對錢繁腦過，要學識怎麼樣去控制金錢，唔好比金錢控制！
最深刻一次是我 16,歲那年，想買架單車，同老父講，佢想一想，好！ 他對我說：”天台上有數十架報廢泠氣機 (以前老父是開泠氣維修)，你上去把它們拆開，自已搬去廢鐵鋪變賣啦！” 我記得那年是復活節假，我一個人把泠氣機，一架架把風扇，散熱器，壓縮機拆散，最辛苦是把散熱器，鋁片同銅喉拆開 (可賣高一倍價錢)，自己從天台 (雖然三樓，但下面有花園，等於5 樓，小時侯係租住洋樓，其中一間房，生活是兩餐沒問題，但不富有！)，我共做了八天，由早至傍晚，真係成手損晒，共賣左 9 百多元。
辛辛苦苦，用勞力賺返天來錢，當然拿拿林去買單車，架單車 600 多元，仲有 300多入銀行，單車玩左幾天，再斷斷續續的玩左十次八次，就放左天台後樓梯荒廢了，經過這次之後，"深刻地" 明白，辛苦賺返來的錢要好好利用，否則便會後悔！
言歸正傳。。。
阿仔今年 14.5 歲，第一次知道佢認識錢是約 三 , 四 歲，我同老婆吃晚飯時講起 : "抽中左 d 地鐵新股，唔好賣，第日留比阿 B" ，佢聽到突然從椅子跳起，在地上手舞足蹈話好野！我們都比突如其來的舉動嚇了一跳，我問他：過來！你知道股票係咩？佢答"錢囉" ！
另一次就是約 4 歲那年新年，我們回家叫佢把 D 利士我們收好，佢講了一句，我們聽不清楚，問他講什麼，原來他說：大個時比返我！
我妹成日說我們，是中產收入基層支出，我們沒車 (主要我也不喜歡揸車)，很少外出吃飯，但每年也會外出旅行......有人說為什麼甘慳家，唔享受一下，但他們一定不知道，"延遲消費" (有機會再討論) 而帶來以後巨大收益！
大約 五/六 歲時，帶他去朋友家裡玩，晚上朋友打來話一班小朋友在房間玩，整花了櫃門，我同他講姨姨投訴，我呃他要賠錢，佢問幾多呀？我話 3,000 ！(當年我們把錢買了隻金兔，現在值過萬) ，佢話甘多？係呀！下次唔好啦！當晚老婆見他零晨三點，坐左在廳中無表情，問他什麼事，他說 "個心唔舒服"， 到星期六佢放假帶埋佢去銀行取款，等他印象深 d ，事後我問他肉唔肉痛，他答 : "你話呢！"
我會繼續更新這篇文章，直至他成長！！
寶貴的一課！
smarting 發表於 11-5-1 18:14
想同小朋友講理財，但係最怕佢地覺得錢最重要，變左「唯利是途」，咩都只為錢... ...
發表於 
細佬就會轉頭同我講:做乜唔生我出來先..........
返回列表
