Baby Kingdom - 親子王國 香港 討論區 › 首頁 › 單親天地› 仲未死倒心...

單親天地

收藏本版
發帖
返回列表
跳至頁
仲未死倒心... [複製鏈接]

首頁
1

尾頁
   0
SHB999


別墅

積分: 501


1#
發表於 11-5-3 11:08 |只看該作者
同老公發生問題有6個月了, bb就8個月大...
佢話唔想再一齊...
但自己仲好愛佢... 同埋成日唔想bb 冇左爸爸, 所以一直死纏住佢...
明白咁做會令人討厭... 因為自己都開始覺得自己討厭...
但係... 其實自己仲好想堅持.....

尋日... 佢終於話.. 如果我都冇問題, 就去律師樓辦離婚了...
好顛ar... 有冇方法可以令自己對佢死倒心....
因為... 仲未想離婚=.=...
私人傳訊

wayso


瑪瑙宮

積分: 141689

環保接龍勳章


2#
發表於 11-5-3 11:15 |只看該作者
SHB999 發表於 11-5-3 11:08
同老公發生問題有6個月了, bb就8個月大...
佢話唔想再一齊...
但自己仲好愛佢... 同埋成日唔想bb 冇左爸 ...

已不復再,可必勉強呢....
閒事少理,只談風月,不談正事{{我要......絕對領域}}
私人傳訊

littlecar


翡翠宮

積分: 92189

2024年龍年勳章 2018復活節勳章 畀面勳章


3#
發表於 11-5-3 11:29 |只看該作者
SHB999 發表於 11-5-3 11:08
同老公發生問題有6個月了, bb就8個月大...
佢話唔想再一齊...
但自己仲好愛佢... 同埋成日唔想bb 冇左爸 ...

老土D講
"愛一個人係要俾佢自由"
甘佢同你一齊唔開心
你做咩都無用
用D時間同心機愛自己同BB
私人傳訊

酸棗仁


伯爵府

積分: 15770


4#
發表於 11-5-3 12:39 |只看該作者
SHB999 發表於 11-5-3 11:08
同老公發生問題有6個月了, bb就8個月大...
佢話唔想再一齊...
但自己仲好愛佢... 同埋成日唔想bb 冇左爸 ...

個人觀察所得....

好多婚姻問題, 都係出現喺生咗小朋友嘅半年至一年內嘅.

如果冇咩特別問題, 引至離婚,
你老公又肯嘅話, 齊齊見下婚姻輔導, 冇壞吖....

去意已決? 就冇計喇....

緊急求助熱線 / 中西醫藥網址 / 單親或情緒支援網址 請按我的頭像進入!
老朽若偶有行善, 只為受人恩惠太多, 嘻嘻 !
恕本人設定為不接受任何ＰＭ
私人傳訊

Vivian2010


洋房

積分: 82


5#
發表於 11-5-3 13:39 |只看該作者
介唔介意講多少少點解佢想離婚!



私人傳訊

SHB999


別墅

積分: 501


6#
發表於 11-5-3 14:29 |只看該作者
其實導火線係我同奶奶相處有問題...
0個陣有左... 奶奶仲成日叫我飲涼茶... 又因為交通唔方便返工問題..
所以我地搬左出去, 初初都幾好...
但每次, 返到奶奶屋企, 佢都係0係到嘈...
然後... 我又將bb 比左自己媽咪湊...
佢家姐又比好多說話佢聽la...
然後自己都衰... 因為頂唔住, 對佢媽咪態度都差左...

佢就覺得我同佢媽咪都唔會相處倒lor..
然後就係咁搵返0的好濕碎0既野出黎講..
就話自己唔想再讓我, 再就我... 同埋一齊得唔開心~~
私人傳訊

moon_moon


子爵府

積分: 10924

醒目開學勳章 畀面勳章 貢獻勳章 環保接龍勳章 親子達人勳章


7#
發表於 11-5-3 15:12 |只看該作者
本帖最後由 moon_moon 於 11-5-3 15:17 編輯

樓主，希望你唔好介意我講既野...為左呢d事賠上婚姻確實有點可惜，睇你所講..其實你係婚姻問題上都好似有責任....我諗你試下再同先生傾下，檢討下大家跟家人相處既問題 (例如佢認為你做得唔好既地方是否真呢，你係咪都應該改變下呢..等等..)，試下同佢講一齊見婚姻輔導....睇下可唔可以搵到改善相處既方法先啦，唔好咁易放棄婚姻呀...我個人覺得你應該先再試下尋求解決方法既...希望你唔好介意我既意見...
私人傳訊

SHB999


別墅

積分: 501


8#
發表於 11-5-3 15:24 |只看該作者
唔會介意ar... 多謝你地入黎比意見我...
其實我都想同佢見婚姻輔導... 但係..佢係0個0的連朋友都唔肯講野0既人.. 同埋佢覺得自己諗得好清析.. 唔駛人地幫佢解決問題...

我其實改左好多... 佢自己都話我改左... 但而家係唔想一齊...

我唔開心0既時候, 佢都冇安慰我一句... 佢媽咪0的說話真係好難受..
eg.. 我bb 早產一個月, 佢黎到醫院唔係安慰我, 而係話如果遲多2個
星期出世, bb 咪唔駛訓氧氣箱... 又係咁問我食錯左0的咩..

eg2, bb 出世第一日.. 佢話bb 個口好乾, 要比涼茶佢飲...

其實我只係0係佢媽咪面前反駁過一次.. 然後平時就冇咩同佢講野..
有時聽倒說話難受, 我想同我老公講.. 唔係想佢鬧返佢媽咪...
只係想佢安慰返我2句.. 但我老公話.. 你咪由得佢講lor, 點解要唔開心0者...

到左而家... 我為住我地0既婚姻.. 幾多唔開心0既都吞晒落肚...
冇同佢講過半句... 冇再對佢媽咪態度差...

但佢話.. 唔想再一齊返....
私人傳訊

caringmum


男爵府

積分: 7708


9#
發表於 11-5-3 21:03 |只看該作者
婆媳問題處理得不好，令你老公想離婚是否唯一理由？可否叫你老公和你分開一下（數星期）讓大家冷靜一下。你以往是否做得很錯或是脾氣太大令你老公頂唔順？查一下有沒有第三者。照道理，BB才8個月大，冇理由會搞到冇彎轉。而你老公（加99）更冇理由會唔要個BB。如只是大家相處問題，你必須重新學習怎樣去做一個好妻子、好新抱。事事包容，處處為他人著想。除非你的脾氣／態度很過份，你老公不應這麼決絕。先改變自己的態度，不要常哭哭啼啼，令人討厭，希望你有好消息！
私人傳訊

小雄維尼


水晶宮

積分: 57033

醒目開學勳章 畀面勳章 環保接龍勳章 親子達人勳章


10#
發表於 11-5-3 21:08 |只看該作者
如果對方去意已決, 你勉強用bb做籌碼都無用
心存正念，接觸的人都會是貴人;
心術不正，接觸的人都會是小人。
私人傳訊

Vivian2010


洋房

積分: 82


11#
發表於 11-5-5 13:36 |只看該作者
但我覺得可以再傾下,始終BB細...係咪佢仲未習慣做人爸爸呀?同奶奶又唔係日日見...有咩可能為咗你同奶奶相處唔到而唔再係一齊,唔再理自己個BB架?但我同意要先改變自己的態度!希望你有好消息!X2



私人傳訊

SHB999


別墅

積分: 501


12#
發表於 11-5-5 14:39 |只看該作者
因為奶奶成日哦... 要我地搬返去...
而我老公覺得搬左出去好對佢媽唔住...
所以出面租左一年, 之前月滿約之後就搬左返去...
正因為... 佢要搬返去... 要又知道我同佢媽要日對夜對..
所以... 佢覺得依個問題解決唔倒..
因為佢都知道佢媽咪好有問題.. 但佢唔會出聲講.... 所以.......

不過... 朋友都話佢可能未適應做左爸爸ar..

其實... 我只係對佢媽態度差過一次... 就係講左一句...
然後比佢家姐0係到嘈咋...

其餘時間... 我唔開心... 都係自己硬食...
我同老公講... 老公明知佢媽講野問題, 都問我點解要唔開心=.=

佢話佢唔係唔理自己個b.. 佢話如果我覺得累, 可以比返佢湊..
私人傳訊

BB女樂樂


大宅

積分: 2054


13#
發表於 11-5-7 02:45 |只看該作者
SHB999 發表於 11-5-3 11:08
同老公發生問題有6個月了, bb就8個月大...
佢話唔想再一齊...
但自己仲好愛佢... 同埋成日唔想bb 冇左爸 ...

我同你都係差唔多..不過個女已經係2歲...
你C6咪好囉...講到明話唔想再一齊...
我果個...有第三者
我問佢係咪唔想一齊...如果唔想咪離婚..
大家好黎好去...佢到宜家都冇表過態..但行為又做左出黎.....
唉...
私人傳訊

SHB999


別墅

積分: 501


14#
發表於 11-5-11 09:56 |只看該作者
回覆 BB女樂樂 的帖子

咦... 咁你自己又諗住點ar??
佢有第3者... 你會接受倒or.. 原諒佢ar??
私人傳訊

na_minna


複式洋房

積分: 362


15#
發表於 11-5-17 23:48 |只看該作者
我同你情況很似，BB也是八個月，但 BB 2個月時他走了，之前他死口不認有第三者，最後被我証實，你有否想過為何他急於與你劃清介線？ 不是嚇你，做得出咁絕，一定係有一野問題！ 分居就是要大家想清楚，所以我認為你先選擇分居，大家想清楚！如果無轉機， 咪兩年後先離婚 ..... 半年了，我也是接受不了事實，一直比很多借口他，也怪責自已做得不好，最近才接受一個人變起心上來，真係可以好絕情 ～ 記著：不愛我的人， 我不愛！好好珍惜愛你的家人，朋友， 你一定要好好照顧BB！珍惜現在和BB的一分一秒！
私人傳訊

ada0707


瑪瑙宮

積分: 137343

2023年兔年勳章 虎到金來勳章 2018父親節勳章 2018母親節勳章 2018復活節勳章 畀面勳章 環保接龍勳章


16#
發表於 11-5-18 13:27 |只看該作者
因為樓主仲對佢有情
私人傳訊

SHB999


別墅

積分: 501


17#
發表於 11-5-18 16:51 |只看該作者
回覆 na_minna 的帖子

咦.. 咁我地2個BB 可以做好朋友WOR HA...
我而家學梗堅強0的架喇...
其實都懷疑佢有識左第2個.....
點解... 男人可以咁..........
私人傳訊

maymay.choi


大宅

積分: 1422


18#
發表於 11-5-18 19:06 |只看該作者
好大可能真系有第三者,佢媽只系值口~~~~
anyway~~~,你要堅強起來,哭哭啼啼同死唔放手只會令佢更生厭.明白你的痛苦,而家你最好把所有精神放bb身上,時間可以沖淡一切,再回頭時你會感覺好無胃.
先分居一段時間先訣定囉,主動權系你手,咪逼得自己甘死!
佢肯比錢嘛?無論如何要佢比錢,bb生活上有個保障.
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見