少年成長

收藏本版
發帖
返回列表
跳至頁

首頁
1

尾頁
   0
DwarfMaMa


大宅

積分: 1512


1#
發表於 11-5-16 10:45 |只看該作者
囡囡０７年８月出世，現在已經３歲８個月。
現在，我亦懷孕中，妹妹將於１１年７月出世。

起初知道有妹妹的時候，大家都很興奮，大囡的言語上都像極度渴望妹妹的來臨，因佢知道妹妹會同佢玩。

當我的肚子愈來愈大時，大囡亦開始愈來愈癡身。
今年４月開始，她更變得不能離開我半步，所有class都出不到，在門外不停哭，說很想念媽媽。

復活假期後，情況更差，上星期，返幼稚園入班房後，當我離開時，她便會哭。

上星期，我跟她班主任亦討論過，她說她可能只想要多一點注意，雖然口裡說喜歡妹妹，但心底也可能會有點不安。

今早返幼稚園，更差更差，她攬住我對腳唔效添！！！
（開學大囡係無喊過咖！！！）

請問，大家有無類似的情況？
亦想請教大家，我要點樣做，才可以幫到大囡？

謝謝大家！
私人傳訊

芒


大宅

積分: 3610


2#
發表於 11-5-16 12:51 |只看該作者
有冇同大囡傾過? 平時有冇用公仔傾計? 睇下佢係咪真係想攞你注意定個心唔C服? 平時有冇話細B就黎黎喇, 你要點點點咁?

其實我大囡5AGES, 細既都係11月出世, 大囡一向都話鐘意細妹, 但近來都開始有D頑皮野出現, 我都有留意自己既說話, 有冇間接令佢唔鐘意或HARD FEELING, 亦會提醒DADDY小心講野.. 玩既時候, 會叫佢摸下我個肚, 問下BB想唔想一齊玩 (其實即係我同佢玩), 等佢知道BB都好鐘意家姐, 我唔知咁樣有冇用, 只係想佢知道, 我兩個都咁鐘意!
私人傳訊

do2


別墅

積分: 767


3#
發表於 11-5-16 16:00 |只看該作者
我囡囡2歲半,到我6~7個月時係成日喊,話佢小小野佢都喊餐飽,咁我緊係發火啦,唔理佢,跟住99就出聲話我,你話佢都冇用
到我而家8~9個月佢就冇野啦,變返完本咁,仲有成日傾計,話bb出世你要照顧佢架,我囡囡都明架,我囡囡同表弟玩(表弟細佢一年,但表弟係野蠻人,打人加推人,爭野玩,我女女都會讓佢),由細到大我都有教佢~~冇bb時都有教佢要讓人,要大方,一齊分享
完來我99話細路仔係咁,bb出左世之後就冇事,變返完本咁
姑9 ,2歲幾時 大伯係肚個度 姑9成日喊,我99都發晒脾氣鬧姑9做乜成日喊姐,好煩呀
跟住佢又聽老人家話細路仔係知道bb就黎出世先會咁架,一係痴身,一係喊,依d叫呷醋同小氣~~
私人傳訊

DwarfMaMa


大宅

積分: 1512


4#
發表於 11-5-16 23:14 |只看該作者
芒 發表於 11-5-16 12:51
有冇同大囡傾過? 平時有冇用公仔傾計? 睇下佢係咪真係想攞你注意定個心唔C服? 平時有冇話細B就黎黎喇, 你要 ...

有呀, 我有同大囡講過, 亦日日都會扮細妹同佢傾計。

至於有無話妹妹要出黎, 你要點點點, 咁我係有比定心理準備佢, 要請佢一齊幫我手照顧妹妹，因為妹妹一出黎，係咩都唔識，只係ｂｂ一個，要我地慢慢教，佢先會識，所以要大囡幫忙一切教妹妹。


我大囡同你大囡都係一樣呀, 日日走黎同個肚講嘢, 同個肚講完嘢, 就會問我：『妹妹講咩呀?』（其實係問我！）又會問，妹妹要唔要同佢一齊玩。（咁即係要我同佢玩）

我都有話妹妹好鐘意家姐，其實，我每次問佢，你鐘唔鐘意妹妹出黎同你玩咖？佢都話好鐘意，仲好想知佢究竟係咩樣，話好心急，想妹妹快啲出黎。

私人傳訊

DwarfMaMa


大宅

積分: 1512


5#
發表於 11-5-16 23:22 |只看該作者
do2 發表於 11-5-16 16:00
我囡囡2歲半,到我6~7個月時係成日喊,話佢小小野佢都喊餐飽,咁我緊係發火啦,唔理佢,跟住99就出聲話我,你話佢 ...

係呀係呀，早一排，around６個月頭果陣，佢勁易喊呀．我都老公都唔知佢發生咩事，小小事就喊一餐。

家陣７個月，佢就突然變得勁癡身。


我而家３０週，希望阿囡快啲變番原本咁樣啦，唉，睇見佢日日喊得咁淒涼，真係睇到個心都UP晒。
私人傳訊

do2


別墅

積分: 767


6#
發表於 11-5-16 23:37 |只看該作者
DwarfMaMa 發表於 11-5-16 23:22
係呀係呀，早一排，around６個月頭果陣，佢勁易喊呀．我都老公都唔知佢發生咩事，小小事就喊一餐。家陣 ...

最緊要度過依段時期,都唔好打佢呀,第時bb出世大既真係會小氣架,仲要日日同囡囡講要錫bb,你做家姐啦,你要喂佢食飯,食奶架,不過你自己都要食晒飯先得架~~要幫我照顧bb架,我日日同佢傾幾次~~仲有話,媽媽都好錫你架,順便叫佢錫埋bb,我又會盡量俾d佢鍾意食既野佢食,小朋友好簡單,一係玩同食 咁就乜都唔記得~~
加油呀,好快過~不過我生完bb出黎,又唔知囡囡會點>.<又係一個煩惱,未生前真係講就易
不過而家囡囡都好跟我,我一鎖埋門,開門開遲d佢都喊架,都唔知煩定開心好
而家怕既就係我生完bb出黎,唔係大囡小氣,而係bb小氣成日喊=_=
私人傳訊

DwarfMaMa


大宅

積分: 1512


7#
發表於 11-5-17 23:49 |只看該作者
do2 發表於 11-5-16 23:37
最緊要度過依段時期,都唔好打佢呀,第時bb出世大既真係會小氣架,仲要日日同囡囡講要錫bb,你做家姐啦,你要 ...

我同老公都有共識, 盡量唔打小朋友, 希望講得服佢地.
所以我地都無打大囡, 但就比佢搞到情緒好低落.

希望快啲雨過天青啦.

琴日, 班主任話, 如果今日返學唔喊, 就會送個毛公仔比大囡,
今日, 阿女真係唔喊, 但個樣當然都係排住個"好掛住你呀"嗰個樣, 我一送佢入課室就立刻轉身走喇, 唔想佢見多我幾眼喊出黎呀.
所以, 今日阿女話好開心, 當如果聽日再扭媽咪計, 老師就會收番個毛公仔咁話.
我問佢, 咁你聽日會唔會喊/扭計, 佢好似好堅定咁話唔會. 希望一切順利啦.

私人傳訊

DwarfMaMa


大宅

積分: 1512


8#
發表於 11-5-18 10:40 |只看該作者
DwarfMaMa 發表於 11-5-17 23:49
我同老公都有共識, 盡量唔打小朋友, 希望講得服佢地.
所以我地都無打大囡, 但就比佢搞到情緒好低落.

老師果然勁, 今日阿女入課室前, 都眼紅紅, 點知一見到班主任, 立刻笑住同我say goodbye

點解啲小朋友咁聽老師話嘅呢?!
我講到口都爛, 佢都係勁喊!
但老師一出手就攪掂, 真係唔怪得之啲人話幾多錢都係要帶小朋友出出面比人教!!!
私人傳訊

singyumama


大宅

積分: 3600


9#
發表於 11-5-18 13:08 |只看該作者
我嗰陣成日同大仔講媽媽一定會愛佢多D，因為我已經愛咗佢兩年幾，但妹妹只有幾個月，有數得計，佢好明白。而且我日日洗佢腦，不停話有幾鍾意佢，就妹妹留俾爸爸錫，一家四口一人主力錫一人，好公平。我也會告訴他我更愛他的另一原因是他不只是我的乖仔，仲係妹妹既好哥哥，多左一樣乖野一定要錫多D啦！而且我也不會用BB在我肚裏作為拒絕他要求的理由，生後也事事以他為先一段長時間，現在一切已經很好了。

點評

DwarfMaMa  我開頭都唔敢抱咖, 但過左4個月之後我就敢抱; 家陣我會叫佢企高(喺梳化度), 就下媽媽, 我話媽媽隻手唔夠力, 等我抱一陣, 攬一陣(但我無行來行去囉).  發表於 11-5-19 00:06
jenniecatcat  不會用BB   
   
   
   
   
   
在我肚裏作為拒絕他要求的理由&gt;&gt;&gt; O, 我錯左, 我成日都話妹妹係度, 唔抱得佢tim....咁你係咪大住肚都照抱佢呀? 好累呀...   發表於 11-5-18 14:39
私人傳訊

do2


別墅

積分: 767


10#
發表於 11-5-18 13:40 |只看該作者
DwarfMaMa 發表於 11-5-17 23:49
我同老公都有共識, 盡量唔打小朋友, 希望講得服佢地.
所以我地都無打大囡, 但就比佢搞到情緒好低落.

老師都好好呀,同你有其識,又配合你
渡過依段階段就會好了~~~
唔好情緒低落啦,有bb要開心d啊
我個大女喊,通常我都搵d新奇既野俾佢,令到佢唔痴身
可能d新野大人覺得冇聊,但佢可能會覺得特別
不過始終你囡囡4歲,我囡囡2歲幾,睇野既事物唔一樣><
所以我都俾唔到咁多意見><
私人傳訊

芒


大宅

積分: 3610


11#
發表於 11-5-19 13:27 |只看該作者
頭3個月我都冇抱架, 唔敢..不過一過咗, 有時訓醒或好想HUG下佢時, 我會主動抱佢落地(由床到地, 或出廳), 有時會俾個BIG HUG佢, 我都唔想因細而拒絕佢一D野, SO都盡量做返冇事咁, 唯有自己小心D!

呀囡都好鐘意我抱佢同HUG佢, 希望佢明白啦! 不過我囡都5AGES, 基本上我都冇抱佢好耐..哈哈
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見