香港18區媽媽會 今日: 1 | 主題: 156944

積分: 7937

1^#

發表於 11-5-21 10:43 |只看該作者 |倒序瀏覽 |打印

其實2間我自己都好鍾意.

新一代

上午班. 近屋企.
覺得佢既課程好似比激活深. 我自己比較喜歡.
同埋見佢有幾多課外活動 & 自費興趣班, eg. cambridge, 我唔駛煩自己出去再搵.
但我覺得環境麻麻, 我覺得好細
&好舊, 入到去好似好暗咁,
我唔知我仔舒唔舒服, 但我自己就唔多舒服囉

激活

下午班. 唔近屋企. 但有校車直接黎到屋企樓下.
感覺課程比較淺. 活動教學多. 我個人比較重視英文 & 普通話,
特別係普通話,因為我本身自己唔叻, 唯有靠學校train.
而且冇課外活動 & 自費興趣班, 我覺得好頭痕, 因為要自己係坊間都搵黎讀, 又唔知邊d好
但我好鍾意學校環境, 因為真係好大好新又好夠光, 感覺好舒服
而且又有間激活小學直上

如果係你地, 你地會點揀???

0 0 0

私人傳訊

積分: 690

2^#

發表於 11-5-21 11:24 |只看該作者

完全明白你既煩惱, 不如我嘗試簡單地將你既考慮分類吧 :

1) 地點問題
2) 課程問題
3) 環境問題

每間幼稚園都會有本身的優點跟缺點, 嘗試問問自己到底那一個問題對你來說是最重要,排一排個順序, 希望你會比較容易點找到答案吧, 我跟你一樣也是"加州VS 激活", 但最後我選了加州, 因為對我來說, 課程比地點跟環境來得比較重要 (當然每個媽媽也會有不同選擇).

希望幫到你啦

私人傳訊

積分: 7937

3^#

發表於 11-5-21 11:28 |只看該作者

回覆 lcyk0215 的帖子

哎................................

多謝你回覆呀...........................

我會揀 (1) 課程 (2)學校環境 (3)地點

係咪你都覺得激活較淺, 所以最後都放棄選擇???

私人傳訊

積分: 690

4^#

發表於 11-5-21 11:37 |只看該作者

其實我覺得激活都不算是課程淺, 只係相比起加州, 我更加鍾意加州既課程同教學方法

私人傳訊

積分: 7937

5^#

發表於 11-5-21 11:41 |只看該作者

回覆 lcyk0215 的帖子

可唔可以問埋點解你會揀 sunkids 唔揀新一代?? 我覺得佢2間都好似差唔多.

但我唔揀sunkids 既原因, 因為佢好似 k2 定k3開始一家要讀全日制, so 我唔係太想.

可唔可以 share 埋你對新一代既comment??

哎... 我真係好苦惱!!!

私人傳訊

積分: 690

6^#

發表於 11-5-21 11:47 |只看該作者

如果你真的覺得新一代的課程是你比較鍾意既, 咁吾駛煩惱啦... 環境方面, 我想你也不用太擔心, 因為我好像尚未聽過有小朋友(讀幼稚園的)會跟父母說覺得間學校好細&好舊, 可況我見到很多新一代家長也沒有此問題, 我自己也是剛剛才過了個"選擇學校煩惱期"

, 所以絕對明白你現在的心情, 希望你也可以盡快決定到, 不用再煩惱吧

私人傳訊

積分: 690

7^#

發表於 11-5-21 12:25 |只看該作者

我參觀完2間學校後的個人感受:

新一代 : 我深信佢地能夠提供一個好好既英文及普通話基礎, 因為我認識有3個朋友的仔女也是就讀新一代, 對她們來說, 雖然學費貴, 但非常值得, 所以新一代曾經係我既首選. 但在參觀時, 不知道她是否MISS啦, 佢無同我好深入咁講佢地既教學模式同平時上課既過程, 只是強調
佢地會有NATIVE TEACHER 同一個普通話老師帶一班, 好像佢地無特別一套教學方法. (就讀新一代的媽媽希望你地吾好吾開心, 我只是講出我當下的感覺)

加州: 如同新一代, 佢地提供到好好既語言(英普)基礎, 參觀時, 老師很強調同我地講佢地係用SFA 呢一套, 其實我對SFA 也不是很清楚係咩黎, 不過, 老師話佢地會將學生分2人一組, 每天會研究主題, 每一組最後會在課室上跟大家SHARING 佢地對呢個主題既意見(老師話. 有D K1 已經可以用簡單英文跟大家SHARING TIM), 我好BUY 呢個POINT, 雖然可能有D 幼稚園都係咁, 不過我諗如果佢係咁強調既話, 即係佢地都一定係主打呢個教學模式啦, 我希望我既小朋友可以從中訓練到不容易怯場, 勇於發表意見, 有自己的思想模式, 現在不是很流行甚麼口才訓練班嗎, 我相信加州此類既教學, 都可以訓練一下口才, 不像我細個咁, 老師一叫出去講野就口啞啞!!

吾好意思, 可能太長氣了, 只屬自己個人意見, 不喜勿插哦!!

私人傳訊

積分: 7937

8^#

發表於 11-5-21 12:35 |只看該作者

回覆 lcyk0215 的帖子

傻啦... 我點會嫌你長氣, 我真係好多謝你就真. 你咁肯同我分享.

我問我老公, 次次都話你話事啦, 你話事啦, 我冇意見, 你覺得邊間好就讀邊間啦.

我又冇朋友俾到意見我, 因為我d朋友唔係住呢頭, 而且又冇小朋友.

我想搵人傾都搵唔到. 我地可以做個朋友嗎???

其實我呢一刻個心都會偏向新一代多d, 但我真係好驚自己選擇錯誤.

我係鍾意佢既課程, 同埋又多興趣班, 又近屋企, 又係am class

但佢既環境唔知點解真係令我卻步

我又好鍾意激活既地方&環境, 不過問心我對佢既了解唔係太多

好似因為鍾意佢地地方&環境而去讀又唔係好理智,

但我又真係未讀過, 又唔知佢既課程點, 咁又好似對佢好唔公平

如果佢既課程可以好似新一代咁, 地方又大又光猛, 真係好吸引,

但未入去真係唔知!! 同埋呢1, 2年好似冇咩mami comment 激活, 但舊post既 comment 都唔錯.

但新一代呢幾年就有好多幾好既 comments...

哎........ 我諗到頭爆!!!!

私人傳訊

積分: 690

9^#

發表於 11-5-21 12:49 |只看該作者

本帖最後由 lcyk0215 於 11-5-21 12:51 編輯

做朋友仔就梗係好啦. 等我一陣PM 我個TEL比你先, 得閒可以吹吹水..

其實可吾可以咁睇, 佢地2間都係好好既幼稚園, 你其實選邊間都無損失既, 而家就睇你自己心情啦, 偏向邊間就邊間啦!

補充下先: 單憑你以下講既優點, 我看你其實自己都心中有數吧!!!

"我係鍾意佢既課程, 同埋又多興趣班, 又近屋企, 又係am class"

私人傳訊

積分: 7937

10^#

發表於 11-5-21 12:56 |只看該作者

回覆 lcyk0215 的帖子

但我又同自己講, 始終一日未讀過激活, 一日都唔可以話佢冇新一代咁好
同埋我真係好鍾意激佢間學校既環境 & 地方, 特別係佢套校服, 真係好型 keke....

頭爆頭爆!!

私人傳訊

積分: 690

11^#

發表於 11-5-21 12:59 |只看該作者

本帖最後由 lcyk0215 於 11-5-21 12:59 編輯

絕對明白, 如果真係未決定到既, 就吾好決定住LOL. 反正仲有時間你諗, ENJOY YOUR WEEKEND 啦...

私人傳訊

積分: 7937

12^#

發表於 11-5-21 13:00 |只看該作者

回覆 lcyk0215 的帖子

因為新一代下星期3交大訂啦.... 所以我得返幾日時間諗!!!

私人傳訊

VirginiaHo

複式洋房

積分: 402

13^#

發表於 11-5-21 17:21 |只看該作者

HI MTK_MAMI, 睇到你嘅Worry, 令我想起舊年幫仔仔揀幼稚園嘅情境. 舊年3-5份幫仔仔揀pre-nursery, 加洲及新代都收咗我仔仔, 2間學校我都鐘意. 新一代: 比較traditional -跟香港嘅模式, sunkids: 用美國教育方式SFA, 其實2間都好, 學英文唔錯. 小一選擇方面: 新一代: 不同嘅小一, 但全部在屯門區最好 (每年會公佈小一派位RESULTS, 有D同學會升讀市區BAND 1小一) SUNKIDS: 90%升讀玄圓

最後考慮到老人家接送放學問題, 最後揀新一代. 仔仔去年9月開始讀N班, 今年9月讀K1, 仔仔各方面發展都好好. 如果你想知多D新一代資料, 你可PM我. 其實我都係新手MAMI, 結婚托B時先由九龍搬去屯門, 方便老爺奶奶照顧BB, 我都係週圍問人及上FORUM 做 RESEARCH. 我好明白你心情, 慢慢來LA.

私人傳訊

積分: 7937

14^#

發表於 11-5-21 19:02 |只看該作者

回覆 VirginiaHo 的帖子

yes.. virginia...我記得你呀.... 之前我同你傾過電話架...你好好人架...你同我傾左好耐..... 個時同你傾, 係問你interview既野, 你俾左好多意見呀............ 從心好多謝你呀...不過我唔見左你電話啦....... 你可唔可以再pm你既tel. no.俾我????

我小朋友今年都係讀k1呀...唔知會唔會同你小朋友同班呢??? 我依家小朋友都返緊新一代既學前寶寶班...

我今日再睇返d舊post, 見到話成日轉老師, 令到3班變2班,係咪真架??? so far, 你俾幾多分俾新一代?

我真係有好多野再想問你呀.... 我想係星期3交大訂前可以再同你傾傾, 可以嘛????

十萬個thanks

私人傳訊

cadencetse