少年成長 今日: 0 | 主題: 16053

積分: 5646

醒目開學勳章 2011精緻種植勳章

1^#

發表於 11-6-1 22:32 |只看該作者 |倒序瀏覽 |打印

我有個8歲既女,一向佢都好易發脾氣,對別人有羨慕,如同學成績好或做到一樣好叻既野,佢都會覺得好羨慕人,好想自己係咁,因為我知佢對自己沒有自信,所以知佢有咁既心態,就同佢傾,等佢知道自己都可以,就算真係唔得,媽媽都可以陪佢一齊去試,一齊去做,唔需要因為一做不到,就不開心或發脾氣,怎至睇低自己係唔得,因為冇人一次就成功,佢唔喜歡聽,覺得我好煩!每次佢遇到有困難時,佢都先發脾氣,怎至去大喊大叫,不斷講點解點解,我見到佢咁,我個心真係好痛,佢覺得我對佢既說話無論係語氣好都係煩既說話,但我見佢咁,我就真係忍不住去提醒她,去安慰她,直到近日佢越來越嚴重地抗拒我提佢,氹佢,我就覺得好有疑問,究竟佢係咪唔喜歡我呀?我係咪不應該去提佢既事,我覺得好矛盾,我唔想對佢安慰反而令佢討厭我,依家無論佢對學業懶左,成績不斷跌緊,我又唔敢出聲,因為出左聲佢就係用d好唔想聽既樣子對我,我覺得佢好唔尊重我!佢生活上有困難,我想幫佢,佢又係用不理不睬態度對我,好難受!我對佢講佢唔喜歡聽,我用簡單既文字去寫俾佢知我既感受,佢都唔睇,究竟我可以點做,可唔可以有人教下我呀???我想左好多方法,硬軟都試過,佢都係咁....我真係好唔開心呀!

0 0 0

私人傳訊

annatse45

積分: 3986

畀面勳章

2^#

發表於 11-6-1 23:59 |只看該作者

你同亞女由細到大o既關係係點架??
平時會唔會成日同你傾計 or 心事架??
咁你近來屋企有無發生過d咩事呀??
例如你有無同你老公鬧咬呀??

點評

dudu19812002 但當佢做錯野或功課做錯,同佢溫習,我一提佢就不喜歡發表於 11-6-2 03:01

dudu19812002 我同阿女一向感情不錯發表於 11-6-2 03:00

dudu19812002 就好唔喜歡,我同我老公一向都好好,咩事都冇~ 發表於 11-6-2 02:59

私人傳訊

estw

積分: 5977

3^#

發表於 11-6-2 00:43 |只看該作者

有冇試過同學校老師傾吓, 了解吓佢平時係學校表現係點, 對老師及同學態度同對亞媽係未一樣定唔同. 一定要搵出原因對症下藥先可以幫到個小朋友,有時老師係里方面可以同家長合作幫助學生心理發展.

點評

dudu19812002 不過,阿女係學校好少好似係家中咁,佢有時脾氣大到細佬妹都驚左發表於 11-6-2 03:03

dudu19812002 學校既老師都有同我講阿女脾氣大,但都改左好多發表於 11-6-2 03:02

『然而我告訴你們，就是所羅門極榮華的時候，他所穿戴的，還不如這花一朵呢！』
馬太福音六章29節

私人傳訊

積分: 5646

醒目開學勳章 2011精緻種植勳章

4^#

發表於 11-6-2 03:09 |只看該作者

我有想過唔再提佢功課上及溫習架,係咪佢唔喜歡我同佢講學校既野,但佢成績一路咁差,我又好驚佢因為留班或成績差而不開心,因為之前佢又試過因咁而不開心!但佢又提唔起勁去爭取,我有時想佢好多野都唔覺得有重要性!你地既小朋友會唔會好似佢咁,試過因做得好,得到我獎俾佢既禮物仔,貼紙同印台,但都提唔起勁去再爭取架???

私人傳訊

annatse45

積分: 3986

畀面勳章

5^#

發表於 11-6-2 13:09 |只看該作者

你個女都8歲,都算大個,有D嘢可以互動咁傾下計...
不如試下咁LA...搵日大家都輕鬆D,你帶佢出去食下嘢,然後搵個地方坐低傾下計,你話比佢聽,你只係想關心佢,問下佢有無辦法幫到佢,佢鐘意你點做....要慢慢傾架!!!你比多d時間佢講下,睇下佢個心諗緊咩囉...
希望朋友式o既傾計可以令佢覺得受尊重!可以同你講出真心話!!!
加油呀...

私人傳訊

積分: 5646

醒目開學勳章 2011精緻種植勳章

6^#

發表於 11-6-2 14:13 |只看該作者

呢個方法我都試過,我有想過係因為佢有細佬妹,覺得我對佢冇咁愛,所以我好多時搵我媽媽幫手去照顧細佬妹,而我就盡力去參加佢想我同佢一齊做既事,有時佢心情好,我都會好似你咁講同佢傾,解釋俾佢知我係愛護及關心佢,但當一講其他事情,佢就已經企硬唔喜歡聽,又唔理我!所以我都唔知我咩時候就可以同佢傾到!尊重佢我一向都有,而佢亦都知,但佢相反唔會咁對番別人!好多謝你對我打氣,我都會盡力,今天本身阿女有圍棋班,但我都冇俾佢返,我都唔知我咁做,行到呢步對不對!但我覺得我對佢愛護,反而得到佢不理會我,我同佢講如果媽媽好似你咁唔理你,咁佢會點,佢覺得冇所謂!呢句說話真係令我好傷心,所以我都想係咪應該俾佢知冇人理,冇人幫既時候真係會點!但由噚晚至今朝上車,佢都仍然係冇想過佢不尊重我,所以我地都係一直冇說話....我表面係咁對佢,但心內好難過好難受,究竟我係咪要好似平時咁當冇事發生,定係真係要繼續唔理佢,等佢知道佢唔理我,唔尊重我,我都係難過好呢?我又好驚佢好似平時咁,一D都唔會去想下自己有冇做錯野!我真係好矛盾,我放左係心好耐,搵唔到人傾!請原諒我咁長篇大論~

私人傳訊

heidys

子爵府

積分: 12952

母親節2025勳章 2025勳章蛇年勳章虎到金來勳章 HiPP勳章(1) 好媽媽勳章

7^#

發表於 11-6-2 14:37 |只看該作者

"無所謂" 一定係D 氣話. 小朋友都會要面o既.
你有無問過你個女想你以咩方式同佢溝通?
以我作為人女的經驗, 我都唔LIKE我媽淨係識提我咩咩咩唔好, 又或者在我唔想做功課的時候叫我做功課. 我會覺得我識安排架啦. 比起批評, 我更希望佢比到有建設性的建議. 唔係只會覺得佢煩囉.

我B仔10月4日出世. 3.78KG
18MTH 15KG,84.5CM
13MTH 13KG,82.5CM
10MTH 12.42KG(連衫)
6MTH 10.08KG,72.5CM
5MTH 9.8KG(連衫)
4MTH 8.73KG,68CM
3.5MTH 8.98KG(連衫)
3MTH 8.4KG(連衫)
2MTH 6.9KG,61.5CM
1MTH 5.2KG

私人傳訊

annatse45

積分: 3986

畀面勳章

8^#

發表於 11-6-2 15:14 |只看該作者

或者搵學校D社工幫下手得唔得呀??
會唔會係佢學業上發生左D咩唔開心O既事呀???
會唔會有同學仔蝦佢呀,令佢好無自信呀???
樣樣都試下囉...唔好灰心呀!!

私人傳訊

積分: 5646

醒目開學勳章 2011精緻種植勳章

9^#

發表於 11-6-2 15:40 |只看該作者

我亦試過問佢想我點去同佢講野,但佢都係答我唔到!我都明每個人唔喜歡身邊既人時時提,因為就算有關心去提,人地係聽就聽左,唔聽你再提就變得好煩~
我都知我個女要面子,就係因為咁我有解釋俾佢知媽媽明白你想去玩或睇電視,其實我都好想你有得玩,因為你笑既時候媽媽就好開心,但每次你去左玩或睇左電視先,你都冇再想起有功課未做或有書本要溫,怎至生活上應要既沖涼及睡覺都可以唔去做,咁媽媽就會出聲去提你,但你係有應我係,過後又忘記,咁好自然媽媽會再提你,所以媽媽希望你回家休息左之後,係先做好功課,有默書測驗就提早溫,咁你就唔需要前一晚黎溫到又喊!佢當時都已經唔多聽,因為我阿女係要做左佢想做既野先,其他都已經唔重要...所以我無論用咩語氣同佢講,佢都係已經扮左個唔喜歡既姿態出黎!

曾經有次測驗回來,佢對我講同學笑佢低分,佢好唔開心,咁我就對佢講,只要你有盡力去溫書,成績都係有努力去爭取架MA!只係同學仔唔知你背後做左幾多野,如果佢地知,我相信佢地唔會咁笑你架!但係你唔好因為同學笑而去唔努力,咁相反你就會攞更低分而攪到自己都唔開心架喇~當時佢都好唔開心,唔知係咪我咁講幫唔到佢,之後佢又自己行埋左一邊,我再問佢,佢又覺得我煩...

佢亦試過平時做唔到野時,就立即放棄,之後收埋!我以前試過去問佢,但佢依家覺得我講咩都唔啱聽之後,我都唔知有再去盡力去教佢,想方法去幫佢企返起身,但佢都唔喜歡我咁,又係厭我煩,咁究竟係咪我對佢太多事呢?定係我唔識做佢心目中既媽媽呢?

點評

samanthapy 唉，成績呢段，背後既意思咪又係你要再努力先可以拿高分。發表於 11-6-2 15:50

私人傳訊

samanthapy

積分: 1598

10^#

發表於 11-6-2 15:46 |只看該作者

回覆 dudu19812002 的帖子

樓主，睇完你既回覆，原因好明顯，你個女唔信你，覺得連你都睇唔起佢。
至於問題出係邊度，小朋友了解一件事唔係用對眼用對耳，而係用個心。所以你講再多既說話都無用。

其實你好緊張佢既成績，但你又扮到好似好唔care咁，佢感覺到你迫緊佢，你個女知道你有期望，佢又做唔到，可以點呢？咪發脾氣，惡人先告狀。

大多數小朋友既問題，問題都係出自父母身上。你成日表面上好care佢，但心入面又會有擔心，要講果d你唔講(真心說話)，但就會講好多講左好多次既道理。

小朋友上面，一定有父母既性格特質。好好檢視自己，你先會搵到答案。

點評

mrschan69 絕對同意,因為我見到好多父母都係有d咁嘅問題發表於 11-8-19 19:56

mrschan69 絕對同意,因為我見到好多父母都係有d咁嘅問題發表於 11-8-19 19:40

親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作.

私人傳訊

積分: 5646

醒目開學勳章 2011精緻種植勳章

11^#

發表於 11-6-2 15:55 |只看該作者

我好想知我係邊度有睇唔起佢,你可以指出來嗎?我依家好多問號係個心入面,我自問真的不CARE佢既成績,如果我要CARE佢係唔會理佢咁多其他既野,只要佢讀書就得喇!我無需要向佢唔開心俾人笑成績低時去氹佢開心,冇需要係佢平時遇到有任何困難時扶佢起身!我覺得你既回應大多我會檢討,但你絕對不可以話我扮CARE佢,每個家長對小朋友都有期望,我自己都有,但絕不是不佢讀書做博士,而係想佢學懂明白事情既重要,學懂尊重佢身邊既每個人!而且,我唔檢討自己,就更不會上來問意見!

點評

samanthapy 我唔係話扮，係表面，真正既care係無目的，無條件既發表於 11-6-2 15:57

私人傳訊

samanthapy

積分: 1598

12^#

發表於 11-6-2 15:55 |只看該作者

回覆 dudu19812002 的帖子

再講多少少，你自己都唔接受個女咁樣，又點可以期待佢接受自己呢？
低分，唔主動做野，中途而廢，你都覺得自己個女唔好。

低分咪低分囉，有問題嗎？

唔主動做野，咁佢係唔中意喎？

中途而廢，佢試左唔中意咪放棄囉？

(以上說話只針對樓主個女既case，其他人唔好自己對號入座，否則做左d港童出來與我無關)

你係要接受佢既情況，無論係好同差，都要接受。你要先接受佢，先會令佢接受自己。

當佢接受到自己時，佢會慢慢搵到自己既動機同目標，佢就會識得自己去努力。而家佢同你都用左太多力係唔正確既地方上面。

點評

dudu19812002 我有接受佢,但唔係你講咁易佢就會接受自己! 發表於 11-6-2 17:14

dudu19812002 我個女就係接受唔到自己呀!我諗緊方法教佢接受呀!!!你明唔明呀?? 發表於 11-6-2 17:12

親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作.

私人傳訊

samanthapy

積分: 1598

13^#

發表於 11-6-2 16:07 |只看該作者

回覆 dudu19812002 的帖子

係你女女心入面，唔接受 = 睇唔起佢，因為佢自信心唔夠，唔叻就無人會接受同睇得起佢。
你要做既唔係tum佢開心或者扶起佢，係幫佢加強佢自己既力量，靠佢自己企番起身。

即係我上面講既，教佢點樣接受自己，樣樣野都可以處之泰然。

但係唔易，因為首先係要父母學識點樣接受自己。

親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作.

私人傳訊

mincat2715

積分: 1936

BK Milk勳章

14^#

發表於 11-6-2 16:57 |只看該作者

你有冇試過同佢溫習？會唔會佢覺得現時溫書既方式好有壓力，令佢提唔起勁繼續溫？或者你可以試下諗用咩方法可以令佢更加易入腦，例如個 D 咩記憶法，將 D 文字轉化係畫像再篇個故事咁。雖然我未試過，不過一試無防呀，可能佢會覺得幾有趣而開始對溫習有返幹勁呢

點評

dudu19812002 如果有其他途徑可以俾佢提起對事情既信心,相信佢會好好多~ 發表於 11-6-2 17:59

dudu19812002 佢提唔起勁唔止係溫習,係當佢一有困難時就會收埋,佢係學校都係咁~ 發表於 11-6-2 17:54

私人傳訊

heidys

子爵府

積分: 12952

母親節2025勳章 2025勳章蛇年勳章虎到金來勳章 HiPP勳章(1) 好媽媽勳章

15^#

發表於 11-6-2 17:00 |只看該作者

回覆 dudu19812002 的帖子

以下又真係略為覺得"chum"氣左D.

只要你有盡力去溫書,成績都係有努力去爭取架MA!只係同學仔唔知你背後做左幾多野,如果佢地知,我相信佢地唔會咁笑你架!但係你唔好因為同學笑而去唔努力,咁相反你就會攞更低分而攪到自己都唔開心架喇~

比我會講 :
只要你有盡力去溫書,成績都係有努力去爭取架MA! 有努力過, 對得住自己就得, 唔駛理人點睇. 媽咪支持你喎! 唔好唔開心啦~ 比媽咪攬下~

點評

estw 好正面又積極的方式, 能夠建立更加親蜜的親子關係, 值得學習! 發表於 11-6-3 01:28

dudu19812002 我下次會試下學你咁講,咁希望佢會接受,多謝你~ 發表於 11-6-2 17:36

私人傳訊

mincat2715

積分: 1936

BK Milk勳章

16^#

發表於 11-6-2 17:01 |只看該作者

又或者做D 事令你個女增強返自信先，例如佢打羽毛球叻，就幫佢朝呢方面發展，等佢重拾自信後先再調較學業╴咁樣得唔得呢？

點評

dudu19812002 俾佢去參加到活動,希望佢知道自己唔係樣樣都唔掂~ 發表於 11-6-2 17:42

dudu19812002 有呀!佢好喜歡捉棋,近日佢想參加劍擊,我就比佢試下,我最慶幸佢都好動~ 發表於 11-6-2 17:41

私人傳訊

積分: 5646

醒目開學勳章 2011精緻種植勳章

17^#

發表於 11-6-2 17:11 |只看該作者

咁相信你誤會左我係成績嗰段既說話,我可以答你背後既意思並不是你所想,我對佢咁講係唔想佢因為好多外內既說話批評佢,可能人地唔知背後佢做左幾野,但只要自己知就OK!我係俾佢咁既意思~~

你可以講低分就係低分,但我個女就係因為咁而接受唔到自己,難道我由佢唔開心嗎?我冇試過因為佢讀書成績唔好而對佢講佢唔努力,因為我對佢係睇佢做事有冇盡力,就算唔係學業上,平時任何既事情上我都想佢要學習盡力去做!結果係點都唔緊要~所以就算佢試過不合格,我都冇鬧過佢半句!只要盡力就OK!

唔主動就一定等於唔中意,咁你呢個我又唔多同意,你都講我個女係冇自信,呢點我都知架!就係因為冇自信,凡事都變左好易放棄,咁就更加覺得冇樣野係成功囉!自信心就會更低!

中途放棄就等於不中意,你講對左一半,但學習既過程必然有機會遇上失敗,咁係咪因為咁就放棄,就連本身喜歡都因接受不到批評或挫折而去變成不喜歡嗎?

如果由小到大去咁樣面對挫折,困難,而佢已經搵唔到方法幫自己,作為父母都睇住佢咁而去鼓勵佢唔好做!!

我沒有接受不了,我開呢個主題唔係講我唔接受阿女,而係想問大家有冇方法要教我點去同阿女溝通,因為我試過好多方法去鼓勵佢,佢都係衝不出自己,如果你是為小朋友好既父母,你會睇住自己小朋友困死自己嗎?

處之泰然,我都好想,所以我就係想阿女學懂面對困難,但我個女經過好多事喇~就係咁佢既自信好易打沉!!

私人傳訊

積分: 5646

醒目開學勳章 2011精緻種植勳章

18^#

發表於 11-6-2 17:28 |只看該作者

回覆 annatse45 的帖子

我個女都好多時搵社工傾,不過唔係唔開心先去搵!佢每次係學校唔開心,都會返黎講俾我知,試過因為佢做糾察俾同學係講佢,佢返黎喊同我講唔做,因為同學話佢煩,管住哂,所以唔開心,想放棄!咁我就同佢講,老師都係因為你有能力才派你去做,同學仔唔合作其實好正常,就像我叫你唔好玩,要聽話一樣,你都唔喜歡啦!!不過,你唔需要因為咁就咁快放棄既,做好老師叫你做既野,再做多一段時間先決定做定唔做!如果到時俾左時間自己都唔得既,咁同老師講再唔遲,起碼有盡力去做左先MA!!咁當時阿女都係好唔開心架,但佢起碼會再去試多段時間...咁我呢次真係覺得阿女好叻呀!!我都之後有再問佢..佢就已經冇問題喇~我個女對學校好喜歡,對學校好有歸屬感!只係近排開始佢對自己既信心冇再咁易鼓勵到喇~~~我其實好擔心佢!!因為我個女一對自己執著起來,佢就試過收埋自己,用原子筆畫花自己隻手!我好擔心佢,我搵唔到方法去幫佢面對事情,而佢又唔聽我講,到佢有日真係頂唔順,會做錯事....

私人傳訊

jenniecatcat

水晶宮

積分: 56409

19^#

發表於 11-6-2 20:18 |只看該作者

引用:回覆+annatse45+的帖子我個女都好多時搵

原帖由 dudu19812002 於 11-06-02 發表
回覆 annatse45 的帖子

我個女都好多時搵社工傾,不過唔係唔開心先去搵!佢每次係學校唔開心,都會返黎講俾我 ...

試下揾一樣野係你同佢都唔識既，一齊去學，一齊去做。當你地一齊學既時候有困難，俾佢睇到你點同佢一齊解決，一齊互相鼓勵。例如去玩爬石呀，難啦卦，我相信你一定唔可以一次上到，又可能佢會容易過你。咁可以俾佢睇到你唔放棄，佢可以鼓勵你，佢爬到又有成功感，又快有成效。

試下，希望幫到你。

點評

dudu19812002 呢個都係好提議,我本身係諗住就佢去學圍棋,依家你提醒左,我去搵下先!THKS 發表於 11-6-2 21:06

我的最愛: 老公, 仔仔, 同來緊既女女, 老豆

私人傳訊

estw