少年成長今日: 3|主題: 15971

收藏本版

發帖

返回列表

跳至頁

查看: 703 | 回覆: 1

怎樣與2歲人仔相處 [複製鏈接]

laplap2

大宅

積分: 4868

1^#

發表於 11-6-8 15:24 |只看該作者 |倒序瀏覽 |打印

阿囡啱啱2歲人仔, 若是你叫她做, 她吾想做的事, 她就會好有自己主見, 唔做就唔做, 點氹都無用. 好似叫她唔好掉嘢, 她要掉, 叫她食粥, 又唔食, 罵她一句就發脾氣, 出街叫她自己行, 又唔行, 仲要跖在地上不動. 有時自己都勞氣, 但我不斷同自己講, 她現在是進入TROUBLE TWO 的年紀. 我同她計較, 發脾氣的無用, 但點做先可以令她自發性地聽話啲呢?

0 0 0

私人傳訊

yankaka

子爵府

積分: 12620

2^#

發表於 11-6-9 23:24 |只看該作者

鼓勵同讚係一個唔錯ge方法, 因為有D小朋友係愈鬧愈唔做GE!
掉嘢方面, 睇佢掉咩啦, 如果破壞性唔大GE, 等佢掉完, 你可以問吓佢原因, 兩歲應該簡單表達到, 跟住你再解釋佢聽有D咩係唔掉得, 會爛GE, 因為掉嘢落地對佢地嚟講係一個學習過程, 佢地唔知咩係地心吸力, 唔知掉一樣嘢落地會點, 所以佢地係喺到做緊實驗!
食粥方面, 係咪佢已經餓透先比佢食, 有D小朋友係咁, 除非佢全日一粒米一滴水都冇落過肚, 否則你要比佢知道, 用餐時候就係要一齊食嘢, 嗰時唔食, 錯過咗就冇其他嘢再食, 咁佢就慢慢會明!
喺街跖地就真係要馬上教, 我都喺到教過其他媽媽一個方法, 你試吓佢扭ge時候, 先抱起佢去一個靠牆的地方, 等佢冇得走開, 然後蹲下同佢eye level, 雙手捉住佢隻肩, 用嚴厲的語氣告訴他, 剛才這樣做是不對, 出街自己行有咩好處你可以話佢知, 吸引吓佢! 你同佢eye level講道理小朋友通常都會聽, 因為你鬧佢時通常都係由上望下, 其實小朋友係唔知你對佢作出抗議架, 所以佢咪唔覺得需要聽你說話囉!
係長氣咗d, 希望幫到你啦!