香港18區媽媽會 今日: 0 | 主題: 156933

積分: 3919

1^#

發表於 11-7-4 10:25 |只看該作者 |倒序瀏覽 |打印

上個星期六參觀了漢華小學開放日，主要內容有觀課、副校長講解、學生才藝表演及參觀學校。

參觀完後，我同老公都幾鍾意呢間學校：
1. 主要以普通話同英語教學，小朋友可自少打好語文跟基。
2. 教學以全人資優模式教學，小朋友坐位安排都是四人一小組，課堂很多活動都是要大家合作及溝通完成，同埋每項活動每個小朋友都分配不同岡位，有自己的責任要完成，唔會有個別被忽略
3.一生一才藝，於課堂時間內要學一才藝活動，當天有學生表演了拉丁舞、二胡、中樂樂器。我認同小朋友學習其他才藝，自信亦可由此建立。
4. 學校設施齊全

但個人亦擔心升中問題，始終佢的中學部只是band2，校風亦麻麻地。當然他們的中學生暫時都是外校生，因為小學部今年只是第五年，只有5年級生，未有升中成績參考。

想請問有沒有家長的小朋友讀這間學校，可多作分享？
另外，本想去聽港大同學會的簡介會，但幾場地爆滿，有沒有家長聽後可作分享呢？

0 0 0

私人傳訊

積分: 3919

2^#

發表於 11-7-4 10:29 |只看該作者

另外，亦聽聞這小學三年間換了三個校長，行政上有冇有問題呢？

私人傳訊

積分: 217850

畀面勳章好媽媽勳章醒目開學勳章 2011精緻種植勳章環保接龍勳章大廚勳章王國長老 BK猜猜猜慶中秋 BK Milk勳章

3^#

發表於 11-7-4 14:45 |只看該作者

港大同學會, 報唔到名都可以WALKIN, 不過就要去課室睇現場直播了, 如果你想去, 唔好錯過機會, 黎緊星期六上下午都有場
唔駛擔心FULL, 因為24個課室都可以安排現場直播

私人傳訊

積分: 3919

4^#

發表於 11-7-4 16:28 |只看該作者

回覆 Charlotte_mom 的帖子

Charlotte_mom,

謝謝你，原來可以walk-in的，實在太好了。因為兩間都為直資，很想比較他們的分別。

另外，在教育版那邊看到你的子女也是港同的學生，想請問你當初有沒有考慮過漢華？如有，是什麼原因驅使你最終選港同呢？

其次，我看到很多討論，都是說港同的學生較活潑，如我的仔仔較文靜，不知是否適合學習氣氛呢？

私人傳訊

積分: 217850

畀面勳章好媽媽勳章醒目開學勳章 2011精緻種植勳章環保接龍勳章大廚勳章王國長老 BK猜猜猜慶中秋 BK Milk勳章

5^#

發表於 11-7-4 17:16 |只看該作者

我女果時申請港同, 都未有漢華(可能我果時未識啦), 所以無考慮LOR
到我仔, 我係去左2年漢華簡介會, 亦有認真唸過入申請(帶埋去架), 不過最後(衰D唸), 始終港同有家姐讀緊, 係首選, 如果漢華收左咪又要俾多一筆留位費? 都係睇定D先(因為漢華一般黎講可以睇定D再考慮)
所以最後就不了了之

漢華俾我感覺唔錯的(唔係都唔會去2年啦), 不過當年我問過校長對跟唔上既小朋友有咩支援, 佢答我"我地個個禮拜都有社工", 由於我仔有ADHD, 呢方面我承認要求比較高(入錯學校好大件事架嘛), 而港同O係包容方面俾到我好大信心, (港同係日日有社工, 黎緊會加多一個女社工TIM, 而且我知佢有好多支援小組, 有語言治療有教育心理學家有安排社交小組自理小組親子寫字小組, 高年班有中英數補底, 對一個媽媽黎講"永不放棄"呢個承諾好緊要), 所以港同收左我就唔再考慮其他了

私人傳訊

y.ng

男爵府

積分: 5110

好媽媽勳章畀面勳章

6^#

發表於 11-7-4 20:46 |只看該作者

但我5 like 副校講解,佢講野太快,咬字不清,沒有校長威嚴及風範.
好似好趕時間,及講比自己聽.
(個人感受)

私人傳訊

puffy0305

男爵府

積分: 5829

醒目開學勳章畀面勳章

7^#

發表於 11-7-4 21:13 |只看該作者

本帖最後由 puffy0305 於 11-7-4 23:14 編輯

我有親友既小朋友讀左1年...2年班下學期就轉左校...連埋佢有幾個小朋友轉校

私人傳訊

積分: 3919

8^#

發表於 11-7-5 09:19 |只看該作者

回覆 puffy0305 的帖子

請問知唔知道點解小朋友轉校呀？
係唔係今年轉呢？

私人傳訊

積分: 217850

畀面勳章好媽媽勳章醒目開學勳章 2011精緻種植勳章環保接龍勳章大廚勳章王國長老 BK猜猜猜慶中秋 BK Milk勳章

9^#

發表於 11-7-5 10:14 |只看該作者

有無去過教育王國, 不如花少少時間去睇下:
http://www.edu-kingdom.com/custompage/edu/school_list.php

私人傳訊

積分: 3919

10^#

發表於 11-7-5 11:36 |只看該作者

回覆 Charlotte_mom 的帖子

我呢排已經不斷地搵資料，但有關漢華的實在不多，所以如果大家有朋友讀過的，可否分享一下。

私人傳訊

積分: 3919

11^#

發表於 11-7-5 11:39 |只看該作者

尤其今日公佈升中，見到啲家長真係好慘好徬徨，所以對一條龍的直資更有興趣。

私人傳訊

puffy0305

男爵府

積分: 5829

醒目開學勳章畀面勳章

12^#

發表於 11-7-5 12:13 |只看該作者

主要係因為換左校長...
當初佢地揀呢間學校係因為貪佢地係活動教學, 小功課,
後黎讀左冇幾耐就換左校長, 新校長主張傳統教學, 功課/測驗大増~

同埋, 你要接受到呢間係左派學校...平時老師係用數目字去代表D指令,
例如, 1 係安靜, 2 係起立

的確呢間學校係用普通話教中文, 但問題係, 老師淨係會教讀同聽..所以小朋友係唔識D字/詞語既意思... 家長要用更多時間去教小朋友...

所以咪索性轉返去D傳統/出名D既私校...

呢D純粹係我親友轉校既原因...

私人傳訊

積分: 3919

13^#

發表於 11-7-5 16:00 |只看該作者

Puffy, 謝謝你的消息，我會好好再了解下現時情況如何。

Charlotte,想請問你當年考港同時，是否要一併交自製的profile呢？
小朋友是否需要於幼稚園階段，便參加不同的課外活動以增加入學機會呢？

私人傳訊

積分: 217850

畀面勳章好媽媽勳章醒目開學勳章 2011精緻種植勳章環保接龍勳章大廚勳章王國長老 BK猜猜猜慶中秋 BK Milk勳章

14^#

發表於 11-7-5 17:41 |只看該作者

豬Bmama 發表於 11-7-5 16:00
Puffy, 謝謝你的消息，我會好好再了解下現時情況如何。

Charlotte,想請問你當年考港同時，是否要一併交自 ...

我有交, 而家嚴左, 只收6張紙(你可以再CHECK清楚)
不過港同都幾出名睇面試表現, 無CERT無所謂, 讀村校無所謂, 但INTERVIEW表現有絕對影響 (我識有D入左港同既小朋友, 申請時都無交PORTFOLIO)

私人傳訊

Carol88Chan

積分: 4803

15^#

發表於 11-7-6 11:00 |只看該作者

我仔仔是讀漢華的，9月升小三，我不認同 puffy 所說，老師教中文時只教說和聽，而沒有教字的意思，因為由我仔仔小一下學期開始，學校引入一套為"高效識字"的教材，書內教小朋友字的組合，字的意思，在生活上聯想不同有關的詞語，引導小朋友去認識不同的詞語。

例如課文教相反詞，老師會叫同學做家課，將有關相反既詞語寫在一本叫"詞語銀行"的薄內，有時會叫同學寫有關大自然的詞語，有時又會寫人物性格的詞語等等，所以其實他們都可以學到很多詞語，當然有時回家都要幫一幫助他，但大部份他們都會在課堂上和同學一齊討論，一齊思考而完成，功課量其實唔算多，每日大約3-5樣功課，有部份在校內已完成，如果坐定定做，個半小時多數可完成，一年級就每學期會有二評估，二年級開始就會有一測,一評及一考試。

而換校長的問題，事實真是有同學轉了校，我仔果班都有三個同學轉了校，聽說我仔小一時的副校長因家裏出了事，要照顧家人，所以離職，而現在的副校長，她以前是在傳統的學校教，所以較注重學生成績，不過經過一年的觀察，我覺得學校既大方向是沒有變，可能在成績上副校會較著緊，所以在上學期的測驗成績不好的學生，學校會按排下課後補課，幫學生補底，我個仔都要上英文補課，經過老師的幫助，下學期成績已進步很多。

我自己就覺得，漢華都幾適合我個仔讀，因為我個仔比較怕羞，上堂不敢發問及回答問題，而漢華就是要他們每個人都要參與，所以迫住他也要去做，我見他今年已有進步，可以在專題研習上，站在各家長面前，介絡自己和組員的作品。

而有關中學，我自己到現在都很迷網，我都是在等待小學部的同學升中後的情況再作打算。

私人傳訊

積分: 3919

16^#

發表於 11-7-6 13:42 |只看該作者

Charlotte_mom,

再次謝謝回覆，待我可先作預備。

Carol88Chan,
太好了，有家長可以分享實際情況。

事實上，我的仔仔是很慢熱及被動的，但在這學習模式下，他能參與不同事項，不致會於課堂中變成隱影人，這是我所期望的。

記得分享會中，副校長提出我們的年代老師只會記得最好及最差的學生，中游的學生讀咗成個學期，老師都唔認得，這正正是我深切的體會。記得中一那年，讀咗幾個月，班主任有次喺走廊見到我，竟然好驚訝話原來我係佢個班的學生，當時我心裏亦好驚訝原來班主任唔認得自己。

但第一次期考成績出嚟後，我考上全班第一名，自此班主任就對我另眼相看。所以當副校咁講時，我都很認同。每個小朋友都應該被重視及參與課堂，那才會提升學習興趣，增加投入感。

另外，我想問下你的仔仔經過兩年訓練，是否普通話及英語大致都識聽識講呢？

私人傳訊

積分: 3919

17^#

發表於 11-7-6 13:49 |只看該作者

另外，我打咗電話比港同，確認咗後備資格，今個星期六會去聽有關簡介會。

漢華口碑有人說好，有人說不。
而港同一直都口碑好好，但素聞學生多是活潑的一群，怕只怕仔仔較被動，在一班同學中未能投入其中，變成孤單的一個。

所以我會聽講座後，再揀選那一間較合適仔仔。

私人傳訊

積分: 217850

畀面勳章好媽媽勳章醒目開學勳章 2011精緻種植勳章環保接龍勳章大廚勳章王國長老 BK猜猜猜慶中秋 BK Milk勳章

18^#

發表於 11-7-6 14:10 |只看該作者

我仔唔係一個特別出色既小朋友(佢係聰明, 可以學野好快, 但受專注力影響, 表現會較弱), 幼稚園時, 老師話佢小組討論時投入唔到, 又唔認真, 可以講得上"9唔搭8"
讀左一年活動教學既學校, 上星期拎成績表, 老師讚佢而家好主動發言, 小組討論亦學識投入同認真, 我讚同carol88chan講, 日子有功, 成日都要present, 老師又肯俾機會每一個學生, 小朋友就會習以為常, 呢d得著比學業成績進唔進步更重要

私人傳訊

Carol88Chan