嬰兒醫護 今日: 0 | 主題: 79149

積分: 844

1^#

發表於 11-7-14 15:07 |只看該作者 |倒序瀏覽 |打印

bb只有半個月大,
但現在晚晚要扭抱, 通常時間是由零晨起一直吵鬧至天光
試過晚上食完夜奶後將他抱回bb床睡眠, 但他一發覺無人抱, 便會大哭fing手dump腳

前兩日便是: 0000-0030飲奶, 0030-0230 放回bb床上便一直大哭, 0230-0300飲奶, 0300-0445大哭, 0445-0515飲奶, 0515-0615大哭(之後我因為通宵無訓在0615忍唔住訓著左....佢究竟哭到幾點我已經唔知道)

昨天便是: 0000-0030飲奶, 0030-0230放回bb床上一直大哭, 0230-0300飲奶, 0300-0500大哭, 到5am佢打嗝, 我將佢放返bb床由得他打嗝, 過了十多分鐘後他便睡著了.

各位sister, 因為我自己一個湊bb, 老公又要返工, 而家bb晚晚扭抱, 但日頭卻訓到點整極都唔醒(飲奶時間除外). 由佢出世到而家, 晚晚唔夠訓只係訓得幾個鐘, 我真係好辛苦好想喊. 請問你地有無方法可以幫到我呀?

0 0 0

私人傳訊

juicypig

珍珠宮

積分: 30278

環保接龍勳章 hashtag影視迷勳章

2^#

發表於 11-7-14 16:03 |只看該作者

唉,,,過咗頭三個月會好好多架喇, 我都試過係咁,真係好難頂

夜深人靜唔理佢由佢喊又怕嘈住人, 真係人都癲,,,唯有試吓下晏唔好比佢瞓咁多啦, 有D人又話其實BB有肚風,肚仔痛喎, 我都唔知, 捱過咗嗰段時間好開心, 但諗番起都好難忘好疲累

一個人之所以快樂,不是因為她擁有得多, 而是因為她計較得少

私人傳訊

estherchan0723

積分: 1910

3^#

發表於 11-7-14 16:23 |只看該作者

睇見你咁講, 我都諗番起我個囡頭一個半月時都係咁, 都好驚呀......

無乜方法架咋, 盡量日間時比佢多d見下太陽伯伯, 夜晚時環境黑一點, 等佢慢慢識得分日夜....佢係你個肚入面個時每日夜架嘛, 依家就係要等佢慢慢適應囉

過咗一個左右, 就會好d架勒.....比心機呀~~

私人傳訊

積分: 844

4^#

發表於 11-7-14 17:01 |只看該作者

好辛苦呀, 真係湊到想喊
我已經盡量下晏整醒佢, 但佢通常都訓得好林, 點整都唔醒. 佢又試過由下晏起至零晨眼仔碌碌咁周圍望, 一到零晨擺去bb床訓就發晒顛咁喊, 喊到成個喪晒, 連把聲都沙埋, 一直至6am!! 佢果日係連續十二小時以上無訓過!

d書都話bb每日起碼訓16-20小時, 佢好似日日都唔駛訓咁, 我又好怕bb再咁落去會唔夠訓影響發育

bb都係出左世半個月, 我而家已經湊到差不多連個肚藍都無乜. 邊有人生完半個月就已經收身得七七八八丫!!

私人傳訊

likesjess

積分: 2805

畀面勳章

5^#

發表於 11-7-14 17:25 |只看該作者

初期果3個月係辛苦D架！加油！我仔仔到而家差唔多6個月夜晚訓唔著時都仍然要抱著訓呀！

私人傳訊

juicypig

珍珠宮

積分: 30278

環保接龍勳章 hashtag影視迷勳章

6^#

發表於 11-7-14 17:33 |只看該作者

開頭真係好惡夢架

一個人之所以快樂,不是因為她擁有得多, 而是因為她計較得少

私人傳訊

JoannaBB

積分: 765

7^#

發表於 11-7-14 21:28 |只看該作者

回覆:(求救) bb晚晚要扭抱唔肯訓

我個b同你一樣瞓得好少，你試吓夜晚果餐俾佢食飽d，之後暗佢瞓再用包巾包實佢等佢有安全感

私人傳訊

積分: 844

8^#

發表於 11-7-14 22:16 |只看該作者

re: joannabb
之前bb響醫院時都係飲完奶就用毛巾包實放響車仔訓教, 果時佢係好乖唔會亂喊. 不過返左屋企之後我地就由得佢訓bb床, 無用毛巾包實.
若用毛巾包實bb, 呢個方法係適用初生至幾大的bb?

私人傳訊

carol1030

男爵府

積分: 6989

9^#

發表於 11-7-15 03:37 |只看該作者

首先你晤好亂,俾返多D心機佢,留意佢真正需要,你阿B食人奶定奶粉?如果食奶粉可以俾多少少佢食,同埋一定夠3個鐘先開奶,瞓覺前用個熱水袋整暖床仔,夜晚瞓覺開少少聲,電視或且收音機嚟訓,令環境無咁靜,佢訓咗就無咁易驚醒,訓之前,掃清D風,有風個肚晤舒服又會喊，日頭趁機會同佢玩多D,晤俾佢咁好瞓,同埋夜晚定一個時間瞓覺,得返電視哩D聲俾佢瞓,夜晚唔好同佢傾計玩,慢慢佢會習慣喇,你都要響佢訓咗你就休息,BB好快就會望住你笑,你就覺得值得了,加油!經驗之談

私人傳訊

applefok

男爵府

積分: 5008

10^#

發表於 11-7-15 04:30 |只看該作者

回覆:(求救) bb晚晚要扭抱唔肯訓

我個囡由出世開始晚晚唔肯訓，我就由每晚12：30一路抱住佢一路喺個廳到行嚟行去（因一停落嚟佢就會喊），直至到凌晨5：30，每晚都係咁，去到阿囡兩個月零9日大，嗰晚佢突然間一覺訓天光，直到佢而家13個月~~其實好多BB都會係咁，老人家叫依種情況做＂喊百囉＂，無原因架，我嗰時都係得自己一個凑，係會辛苦d，咪為有跟阿囡既訓覺時間，佢訓我又訓，過左就好好多架喇！你要加油呀！

私人傳訊

dkballoonfay

積分: 4224

11^#

發表於 11-7-15 05:23 |只看該作者

我仔頭2個幾月食人奶, 係同我地同床, 其實係唔好,因為好危險
但我差唔多係每晚都係用個乳頭去TUM佢訓, 佢邊啜邊訓, 啜累左就會訓著, 先可以抽返個身, 自己打平....一個鐘後,又醒左,又在啜過
到左3個月,好返少少,到9點就開始要佢訓, 又係用乳頭比佢啜,訓林左就抱佢落BB床, 都可以連續訓到2 3 個鐘既
由7個月先開始訓練佢自己訓,因為之後無比人奶,用奶粉, 食完就抱住佢行成半粒鐘,邊行邊唱歌, 佢又肥C大隻, 真係手都斷...仲要又係晚晚行身3 4 次....後來我把心一橫(因為懷緊第二胎,知道長此不可行), 一到8點吃奶, 掃風,擦牙, 講故事, 8.30放落床(佢仲清醒), 用左2星期, 晚晚喊足3-5個鐘, 零晨醒左又再喊1-2個鐘, 唔理佢, 只係隔一陣入去同佢講下野,叫佢訓,等佢知唔係無人理佢....
而家...一天光哂(9個月)..8.30講完故事放落床,布時會叫2聲,但多數唔會,唔夠5分鐘就訓著左, 一直到第早6 7 點起身飲奶,飲完再訓多1-2小時

所以,最緊要夠狠心...

Tim is my big boy and Max is my little boy. tiMax are my favorite boys!

私人傳訊

dkballoonfay

積分: 4224

12^#

發表於 11-7-15 05:26 |只看該作者

唔記得講, 就算老公頂唔順要抱起佢, 都叫唔好, 佢習慣抱返就又要重新訓練
我就係我老公係成日心軟,先搞個仔成日要人抱住行先肯訓!
後來我同我老公講, 你放工就你抱佢訓者,佢訓晏教一日2次, 都係我抱, 我抱唔起, 佢先投降, 而家先大家有教好訓

Tim is my big boy and Max is my little boy. tiMax are my favorite boys!

私人傳訊

PugBan

積分: 3600

好媽媽勳章

13^#

發表於 11-7-15 10:06 |只看該作者

回覆 mechwts 的帖子

嗰陣我隻b都係咁, 日頭訓床無問題, 但係一飲完最尾嗰餐奶就黎料......

跟住我就以後入bedroom關門餵 (之前喺廳餵), 餵完抱佢一陣, 放佢落床直接訓, 又work喎......

其實, 餵奶最好喺定一個比較quite架地方, 由其bb越來越大會心野, 要佢知喺room食完先可以出廳玩....

如果, 係肚風, 試下同佢按肚仔, clockwise 喎, 我都有用雞蛋同bb按肚仔

私人傳訊

積分: 844

14^#

發表於 11-7-16 23:50 |只看該作者

多謝咁多位既經驗~
尋日下午帶bb去健康院覆診, 護士聽完我講既情況, 佢話有機會係bb有肚風, 所以先喊得咁緊要~
之前bb都係扭抱, 但最近兩三日又好似點抱佢都喊~所以聽完護士講, 我先醒起有可能係肚風令bb唔舒服, 所以狂喊
不過護士都同我講, 呢個情況就只有捱, 無方法解決, 只有等bb大過d個情況先會慢慢好轉~

咁我返到屋企就諗~如果真係肚風令bb唔舒服, 令佢個肚仔keep住暖d, 可能會舒緩到佢唔舒服既感覺(因為我肚痛既時候, 我自己都會包住個肚等自己舒服d)
咁到左尋晚十二點幾, 佢大喊既時候, 我就抱bb去我張床, 用張大毛毯包住佢個肚~點知過左十分鐘之後, 佢真係唔再喊仲訓著左, 一直訓到4點. 到飲完4點奶之後, 佢又再大喊, 我再用同一方法, 佢今次就訓到天光~

捱左兩三個星期, 我終於有教好訓~好開心呀

不過都多謝晒咁多位, 如果下次呢招唔再work既時候, 我就會轉用大家教既招數去令bb訓教~

私人傳訊

laichi328

積分: 3757

畀面勳章 BK Milk勳章

15^#

發表於 11-7-17 20:19 |只看該作者

有肚COOL係尊比BB用架...係賣BB仔衫既地方有得賣...好平..可以掉落洗衣機洗~~~
之前我阿B又係成日半夜喊...我就比阿B COOL住黎瞓...再用個枕頭仔LONG住佢對腳黎(因發覺佢一放屁就會好辛苦..對腳自己用力踢起)...好WORK架...幾日後試下唔用佢都無再喊啦....

以家阿B個半月大...01:30食完最後個次奶奶同佢玩15MINS...佢講下野笑下就由佢自己瞓著...一覺瞓到天光

07:00 OR 08:00先至自己醒左係床EE OR OR講野...我先比佢嘈醒起身啦食奶粉啦!!!

所以要不時留意下自己個B既生活習慣...再自己試下唔同既方法...
一定會搵到可以令阿B舒服既辨法...到時大家都有好日子過呢~~~加油呀!!!

私人傳訊