食左飯一家3口去游夜晚水,我同阿仔落中池玩...我行左落去就有3,4個18歲既靚仔0係我隔離,距離3,4隻手位,真實對話:
A: 今晚都冇女可以望下~好失望!
B: 係囉!全部阿姨呀!好絕望囉!
A: 都唔係丫~你睇你後面!做人都唔洗咁絕望既~(我當時係望住佢)
B: 個樣OK喎!
根住佢對住同我HI喎
~阿仔掛住幫枝槍入水,佢好全神地玩水槍,冇叫過我...所以佢地冇留意我隔離有個小朋友玩緊,kakakakaka我當時真係笑左出來!
我話..hi!跟住我叫阿仔同哥哥佢地say hi!阿仔話:哥哥hi呀!我玩緊玩水槍呀,我係咁笑囉~~~
我估佢地一望就明白啦!我心諗:我都係阿姨來架!
跟住佢地就游走左...我好多謝佢間接讚我後生囉!
做左人阿媽好耐都冇比人撩咯~好有青春少艾個種feel,好想唱句:大眾踩單車郊野上...啦啦啦啦!
我同老公講番呢個情況,佢話:你唔叫佢潛落水望下你,我估佢地仲絕望添呀!你個肚南咁勁~~~
淨望樣就嗒得杯落既,但望埋身材就..hahahaha佢一路游走一路笑~
死八公!真係好想殺死佢!!!
曾經有一個可以讓我好好咁訓0既晚上，但係我冇珍惜到!到左起身勁眼訓0既時候先至後悔莫及，塵世間最痛苦莫過於此。 如果個天可以俾機會我番轉頭既話， 我會同周公講我愛佢，如果係都要0係玩bk0既時間上加一個期限，我希望係48小時。
發表於 
返回列表
